雙魚座咖啡館

Open Now

Now Closed

係旺角行到攰就諗住揾間餐廳坐低休息下，見呢間個menu都吸引就入咗去叫咗個自家製巴斯克芝士蛋糕，認真美心啲蛋糕可能仲好食過佢😂個蛋糕無乜味，又硬另外再叫咗個蘋果批配雪糕，一上枱就見到個雪糕面頭有一舊舊冰，個蘋果批又係無乜味，呢個價錢出面有更多高性價比嘅選擇咖啡就整整常常，比較普遍cafe淡味唯一可取之處就係餐廳坐得幾舒服，亦都多位俾你擺嘢😂但係2杯咖啡加2個甜品加埋一total差唔多$380，附件有其他更好嘅選擇

今日同朋友去旺角行街、朋友同我講想食啲小食又想食甜品、但係又想飲咖啡、最好就有獨特嘅咖啡烹調！我諗咗好耐、記得近排有個藝人開咗一間咖啡店，應該可以滿足晒我呢個朋友嘅要求！呢間店除咗有主食，仲有好多款唔同嘅小食，甚至係早晨全餐，不過全日供應、呢個都幾難得！泰式去骨海南雞飯套餐拼沙律：是日蘑菇忌廉湯，雞油飯配秘製醬汁！蘑菇忌廉湯絕對推介真係好好飲好足料！再加上海南雞去骨食囉非常方便！煙三文魚全日套餐：蘑菇、煙三文魚、蔬菜沙律、炒嫩蛋，德國香腸，仲有芝士窩夫！入面有個粟米秘製醬汁、點嚟食更加好食！香香甜甜好開胃！［莫札特］咖啡：朋友認為呢一個咖啡質素在高過藍山咖啡、配上獨特冷烹調、成件事更加好飲！芝士煙肉惹菌局焗薯皮拼田園沙律🥗甜品：百利甜酒味巴斯克芝士蛋糕🍰含有酒精成份旺角雙魚座咖啡館旺角通菜街123號號地下

垃圾餐廳，完全唔friendly,唔知係店員問題定咩問題啦，如果餐廳老闆睇到，麻煩睇清楚啲你哋請號其中一個高瘦女店員，我都幾肯定唔係老闆娘，極無禮，態度極惡劣，淨係玩電話，只係問一句都，條問題都未問完，就話唔得，小姐，你聽到我問咩未？第二，完全唔體諒，餐廳連水都要加錢先有，所有野飲至少加$20，大住肚問可唔可以要熱水，答案係唔可以嘅，總之百無，而且野食亦唔平，冇服務但要加一，都算，你條女可唔可以唔好對人咁惡？我大住個肚食到一肚火仲忍唔住喊。覺得好委屈囉。

依間cafe唔錯，裝修好文青feel 坐得舒服👍🏻有酸菜魚食咁盞鬼～好味，酸嘅程度適中🤤有餐湯，同埋酸菜魚好大兜～其實兩個人食都得🤣可以再encore依間😋

旺角雙魚座咖啡館☀️✨美式BBQ手撕豚肉煎蛋漢堡🍔豬肉的香濃口感，搭配上秘制BBQ醬汁，層次豐富。手撕的豚肉與嫩煎的蛋完美結合咸香的薯角配上微微的海鹽味，十分誘人。再配上新鮮的田園沙拉，既增添了口感的多層次感，又讓整個餐品顯得更加健康。芝士焗煙肉什菌焗薯皮伴田園沙拉🥔🥗豐富的煙肉和芝士，口感層次十分豐富。而田園沙拉則為整道菜品增添了一絲清新，使整道菜品在味覺上更加平衡。🍽️🥂鮮奶咖啡☕帶有奶泡拉花藝術。濃郁的咖啡香與鮮奶的絲滑口感完美融合，入口後更是讓人心曠神怡。紅棗、杞子、桂圓、雪耳燉鮮奶🍼🥛具有豐富的營養價值。紅棗和杞子的甜味與桂圓和雪耳的口感完美結合，再配上鮮嫩的牛奶。

搭親小巴去旺角落車必定見到呢間Cafe.平時出去都好趕冇咩時間.今日約咗朋友出黎時間比較鬆動.決定試吓🙌🏻食物方面:⚪️蟲草花杞子黃金雞湯配米粉套餐升級熱鮮奶咖啡入面有7.8件雞肉都多而且好滑唔鞋.湯底好濃郁好鮮甜配米粉好味😋鮮奶咖啡拉花好靚.咖啡好香吾錯！⚪️午餐小食加配鹹蛋黃單骨雞翼雞翼好香口好濃嘅鹹蛋黃味👍🏻⚪️煙三文魚三文治配熱伯爵紅茶麵包係用烤過嘅排包特別香牛油味.配搭煙三文魚蕃茄生菜好健康既下午茶🫖整體方面:餐廳地方唔算好大.但裝修幾令睇得出好用心.我比較肚餓所以叫咗一個午餐朋友叫左下午茶.食物全部即叫即整好新鮮.唔錯!

雙魚座寶寶表示終於可以食呢間上嚟極耐嘅雙魚座咖啡館呀我之前都冇留意到，原來個燈牌唔係一直喺度唔知點解我印象佢一直喺度，真係好吸引我視線-嗰日同老闆咁啱傾到，先至知道原來全部經營嘅老闆都係屬於雙魚座！所以先至會改呢個名-咁其實雖然佢叫咖啡廳但我發現佢有極多位置都係適合喺度做嘢又叉電掣啦 仲會有自私位-以食物方面佢係主打多國菜嗰日就食咗酸菜魚同埋全日嘅all day Breakfast最尾再加個咖啡雪糕-樣樣都超級好味，純粹係酸菜魚有啲辣下一次會再嚟！食得好開心

好久沒有和閨蜜去旺角買衫喇！行完肚餓經過這間餐廳一眼望去很顯眼，全白色裝修很舒服又光猛，食物又多選擇。（唔係）馬來西亞肉骨茶🍖跟 豆卜配 珍珠米飯🍚是日精選沙律🥗熱鮮奶咖啡☕️喜歡這間餐廳有不同國家的菜式，今日我點了馬來西亞招牌菜肉骨茶，套餐跟沙律🥗沙律菜很新鮮爽脆，配搭車厘茄和胡麻醬一起吃特別清新開胃。肉骨茶份量頗多，每一支骨都很大件肉身也很厚，湯底超濃郁美味，喝到是真材實料用了好多藥材來煲，而豆卜吸收晒湯汁非常惹味。還有點了熱鮮奶咖啡☕️，見到這餐廳內有部專業咖啡機，果然咖啡品質一定有保證。泰式無骨海南雞飯🐔配 是日湯、雞油飯 伴 秘製醬是日餐湯🥣自家製巴斯克芝士蛋糕🍰今晚是日餐湯係紫薯忌廉湯🍠，中西合璧的新式餐湯，超甜紫薯煮法用上西式烹調加入忌廉，口感幼滑香甜又美味，而泰式無骨海南雞肉質非常嫩滑鮮甜，皮與肉中間沒有肥膏，啖啖肉超爽呀！最後吃埋甜品，這款自家製巴斯克芝士蛋糕🍰，入口即化很綿滑芝士味很濃郁香甜。

中伏餐廳喺香港食過咁多餐廳好少食得咁愉快一定要話俾大家知下午去到已經發覺餐廳好細客人都係得幾個人諗住都照入去試吓食個午餐首先價錢一啲都唔平午餐L1-L7 $88 仲要加10%加埋杯咖啡再加$25埋單要成$120以上而且味道非常普通份量唔算多而廚房喺左手邊.右邊就係座位當時舖頭冇咩人所以煮嘢食同沖咖啡就聽到好嘈而每食完一樣嘢店員就即刻收走好似趕客咁又企喺隔離望住你食.食得好唔自在態度亦都唔好👎非常唔推介旺角咁多嘢食絕對唔使用咁貴嘅價錢食呢間餐廳又細又貴又唔好食

星期日和老公到旺角雙魚座咖啡館吃晚餐。是日精選沙律有塊煙鴨胸，沙律加了芝麻醬。是日精選餐湯是南瓜湯，挺好喝的。「唔係」馬來西亞肉骨茶跟豆卜配珍珠米飯肉骨茶有很多塊排骨和豆卜，排骨很入味，豆卜吸了肉骨茶，撈飯吃也很好吃。四重芝士薄餅伴蜜糖餅底像餅乾那樣脆，單吃pizza或蘸蜜糖吃也可以，有不同風味。金沙鹹蛋黃單骨雞翼雞翼很香脆，鹹蛋黃沙沙地，很惹味。紅棗、杞子、桂圓、雪耳燉鮮奶鮮奶加了紅棗、杞子、桂圓、雪耳去煮，甜甜地，很養生，不錯。

今次去開旺角搵咗呢間雙魚座咖啡館食lunch，cafe好近地鐵站，地點好方便，店內以白色同木係為主調，好悠閒嘅感覺，而午餐都有多款選擇☺️💛蟲草花杞子「黃金」雞湯 可選配珍珠米飯或米粉 $88呢個雞湯好濃郁，配上米粉，米粉好索湯，鮮甜爽口🐥泰式無骨海南雞配 雞油飯伴秘製汁$68（可轉雞脾+$15）雞肉好嫩滑，啖啖肉，搭配雞油飯同加上秘製汁更加滋味！咸蛋黃蛋單骨雞翼 (跟餐+$28)雞翼炸得香脆，沾滿鹹蛋黃，好惹味又香口！鮮奶咖啡 (跟餐升級+$25)拉花整得幾靚，咖啡順滑又香濃！

黎到旺角行街。唔知食咩好？喺小巴站附近有一間叫雙魚座咖啡室 見外牆有大大隻字 幾有格調 二話不說入咗去！餐廳採用柔和的色彩設計 令人感覺舒服蟲草花 杞子 黃金雞湯伴珍珠米飯配「米粉」黃金雞湯比較清淡 雞髀肉嫩滑仲有啲香草味 是日精選沙律（跟餐免費）有煙三文魚配襯，同埋生菜🥗非常清新微辛韓式牛肋條配手抓餅伴 田園沙律*帶辣*牛肋條炆得好入味！帶點辣辣的醬汁濃厚的再點上手抓餅🫓好好食！手抓餅鹹鹹地煙煙韌韌 好正😊鮮奶咖啡（熱）- 跟餐$25呢度啲拉花好出色 奶味出眾 咖啡味濃厚 正！自家製百利甜酒味巴斯克芝士蛋糕（*含有酒精成份）第一啖甜酒味非常出眾，蛋糕幼滑並不太甜 不錯的！

之前行過旺角見到這間餐廳，比佢法式的白色門面裝修所吸引🤩所以決定同朋友一試 這家 雙魚座咖啡館📍-先點了精選蕃茄湯，充滿蕃茄味，十分開胃🍅-我點左泰式無骨海南雞飯的雞肉彈滑，無骨啖啖肉，再配上秘製醬汁 唔錯😌-美式BBQ手撕豚肉 味道適中，豚肉撕成細絲，既方便入口，如果大份多少少仲好🍔😁-朋友點了熱鮮奶咖啡，拉花賣相一流，岩晒打卡📸-甜品我地點左自家製巴斯克芝士蛋糕🍰芝士味重，甜度適中，正常發揮！ -店內環境舒服，好岩同朋友飯聚！ 但係餐廳冷氣較大‼️下次記得帶多件外套去用膳⚠️

近日發現旺角通菜街新開了一間「雙魚座咖啡館」的咖啡店，店中以白色為主調，配上簡約木系傢俬，配上特色的窗戶設計，與平常的繁華街道，形成強烈嘅對比，甚有氣氛！鮮奶咖啡拉花精緻，口感順滑。金沙咸蛋王單骨雞翼雞翼裡都包裹著金沙咸蛋黃，入口外酥內嫩，香氣扑鼻；咸香十足，啖啖起沙感，非常滋味。韓式五花豚肉石鍋拌飯石鍋拌飯來到時熱燙燙，五花豚肉入味，鮮嫩多汁，再有泡菜、芽菜、特製醬汁混合，更顯香噴噴，味道層次豐富。四重芝士pizza 配蜜糖藝批Pizza來到時已見到香脆質感，再附上蜜糖，可淋上Pizza中，為其添上一絲甜香，真的芝味無窮，啖啖滋味。自家製Baileys巴斯克芝士蛋糕綿密的巴斯克芝士蛋糕與Baileys完美融合，表面微微焦香，口感絲滑，不會太膩。

平時黎到旺中行街我都一定係會去掃街食佢地既小食，但今日入到去人山人海見到都唔想迫😞唯有即刻睇下openrice附近有咩好食，點知俾我揾到呢間係花園街市政大樓附近既Cafe♓️如果唔係特登search其實都真係未必留意到呢個位有間咁高質既Cafe☕️。佢地既價錢好親民，而even係weekend都會有weekend set可以俾我地揀🙆🏻‍♀️另外好多菜式都係佢地自家製，所以都真係呢到先食到既味道👅而咖啡方面店員都好sweet咁推介左佢地既虹吸式咖啡俾我認識，價錢同出面既手沖差唔多，都好值得一試👍🏼。🐒美式BBQ手撕豚肉.煎蛋.漢堡配海鹽薯角伴田園沙律💰$108👉🏻鮮奶咖啡(熱)+$25最後都迷上左食手撕豬肉，因為我覺得佢地個調味好適合我，而今日呢個美式漢堡真係夠晒滿足🈴佢個流心蛋完全係昇華左個burger，令佢更加juicy🍔。🐒泰式無骨海南雞飯配雞油飯伴秘製汁💰$78👉🏻是日餐湯(紫薯湯)+$25👉🏻是日精選沙律本身諗住海南雞飯都唔會可以特別得去邊，但原來一間店舖既用心係真係食得出😍佢地個海南雞汁真係好利害👏一食就知係同街外既無得比，因為呢個醬汁我真係可以食10碟🤣。🐒自家製百利甜酒味巴斯