必勝客

Open Now

Now Closed

👫難得媽媽👩🏻放假，👱🏽‍♂️就同左👩🏻去食Pizza，當提前慶祝聖誕節🎄 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#黃金熔岩批2人套餐 <$296>Golden Lava Pizza Set▫️餐飲2杯▫️周打蜆肉湯個湯得幾粒蜆肉，仲有陣好強烈嘅蔬菜味，但👱🏽‍♂️食唔出係咩菜，陣味有啲怪，大家都係叫番雞湯嚟飲啦😂▫️肉丸配拿破崙醬汁肉丸有8粒，有勁多拿破崙汁，好膩😕 口感唔算彈牙，又無乜咬口，質素一般般🤷🏻‍♀️▫️拿破崙雞肉煙肉意粉個意粉一樣勁多拿破崙汁，肉就唔算多，汁嘅味道比較濃，好酸，似蕃茄汁多啲，但多左少少嘅辣味，其他都係不過不失，份量嚟講兩個人食啱啱好💁🏻‍♀️▫️拿破崙黃金烤嫩雞（普通批）Pizza外型好靚，好似朵花咁🌸 至於個批，外圍全部都係芝士，中間就係肉同菜🌝 開頭👱🏽‍♂️係咬左肉之後再咬芝士，覺得唔太好食，但之後摺埋個批一次過咬到肉同芝士，即刻好食勁多😍 因為就咁食肉太濃味，就咁食芝士又太膩，一齊食就啱啱好啦🙈.雖然咁樣食係好味左，但其實無乜驚喜同

今晚一行5人，去pizza hut食新的至尊批，順便一家人聚下。以前覺得黃埔pizza hut係甘多間pizza hut分店最能保持水準的。但唔知係咪近呢一兩年，少左人手，質素每況愈下。這碟是用金會員優惠券送的，但腸好似就甘烚熟好普通，無咩特別。屋企人話雞捧好咸蝴蝶蝦算係今晚整得唔錯的小食，真係食到蝦肉，唔係成舊都係粉做。Pizza好似焗得唔夠時間，就拎出來，成個pizza仲好軟林林，唔夠乾身。這個醬有d苦。沙律菜算新鮮，算唔錯。

中秋節Dinner 🍴好耐無食Pizza Hut啦 !決定同家人中秋節去PIZZA HUT食晚飯：最近又出左扭扭新批.🍕🥗🌮，所以都想試下：「點之扭扭批—蜜汁肉丸」！👉🏻🍕個pizza 邊每舊都有雙色芝士🧀，口感比平時食普通批豐富得多，每塊都有， 一點也不馬虎👍🏻👉🏻整體個扭扭批料的配搭比上次「香烤之星」好食，加上另外配有芝士汁，令到個批更加芝味同無咁乾😝😋👉🏻配料都算多，蜜汁肉丸都幾好食，大家對呢個新批都幾滿意‼$196 單點，物有所值，5個人再加其他食物都好飽足，小食多滋味

今日約朋友去黄埔花園行街，想起呢間餐廳嘅會員積分到年尾到期，不如提早用咗佢，費事好似往年咁，年尾趕住用，餐餐食薄餅，食到怕。三個女士，兩個減肥，所以只叫一個套餐，用積分換了一個厚批，一份辣雞翼，已經夠食。套餐有餐湯，主食，咖啡或茶。意大利菜湯菜湯保持一貫高水準，有很多蔬菜，非常健康。菠菜烟肉腸片飯出乎意料的好味道，香滑忌廉汁加上少量芝士，與菠菜很夾，但如果可以改配意粉就更好了。汽水可免費添飲一次。超級夏威夷薄餅烘焙火侯控制得很好，薄餅焗得香脆，菠蘿配上辣肉腸、火腿 雞翼少少辣，好惹味。三個人吃午餐，只需$61，超抵。

叫得Pizza Hat ,就係因為Pizza Hut。平時諗唔到食咩又要夾硬揀餐廳嘅話都會去Pizza Hut食。每次都一定會叫佢個香蒜肉絲意粉，我嘅最愛。香蒜肉絲意粉啲蒜味好香，真係冇改錯名。Pizza就會會叫超級至尊，純粹個人習慣。 Pizza Hut嘅嘢食有保證，不過就唔會令你喜出望外。

好耐無食Pizza Hut，又突然想食Pizza，就去左Pizza Hut食晚餐。本來對Pizza Hut都唔會有什麼期望，因為都知道是什麼味道。意想不到的是，沒有期望之餘居然要失望......我地2個人，嗌左個2人餐，有餐湯野飲，有碟白汁雞皇飯，有碟焗蔬菜，有個pizza，唸住好多野食，點知中晒伏...碟飯居然係凍ge😲焗蔬菜又係凍ge🙄😓。我地叫左餐廳再整熱，點知，都係凍ge。其實，我想吃熱騰騰的飯同熱騰騰的焗蔬菜也應只是基本要求吧......成set2人套餐，得份pizza擺得入口，很失望😓

補回早前食評。先讚呢度service唔錯，侍應有禮亦professional,會推介食物。小食好蝦丸脆口彈牙。pizza bread夠熱，食物夠熱味道就會提升，內裡白汁香濃。而紅白湯則一般吧。食物中上。

原來學生餐比正常價錢平好多50蚊以下已經有找完全係物超所值叫咗個pizza盡量唔算大但係夠飽加十幾蚊可以由普通批轉芝脆批 值得推介加湯加埋嘢飲每人都唔超過50蚊.

pizza hut食學生餐最扺🤓前一日突然好有意欲食pizza🙈🙈今次嗌左2個學生餐$42mini pizza+$14轉芝脆pie+$8特飲+$6湯& 蒜蓉包至尊批 有少少黑椒味辣肉腸好味😳但菠蘿同個pizza幾夾😙但我都係鍾情於夏威夷風情😏特別係佢嘅千島醬😤 其他地方係食唔到佢呢隻味🙈🙈上面有少少嘅海鮮🤗係章魚仔泥嫁😆芝脆批入面d芝士應該係水牛芝士🧀雖然拉唔到絲，但食唔到膩既感覺🧀特飲方面（2杯都嗌左少甜）藍莓青檸好清新🍹七彩啫喱🍨個雲呢拿雪糕好滑好香 🐽不過啫喱既魚膠粉落多左😣🍮🍮🍮雖然佢話20mins後到但10mins唔洗就食得😆😆服務都唔錯

今時今日廿蚊想食得自在，根本無咩選擇。星期日經過必勝客想食個tea,見到個餐牌第一樣食物就係$20 - 大蝦薯蓉加蒜蓉包，滿以為要比錢另加飲品，怎知下單時問侍應要否連飲品，居然包野飲吾試吾得啦！1. 飲品除了咖啡茶及汽水，還有其他三款。我選了熱情柚子潤一潤(即柚子茶），飲品上枱很快，甜度適中2. 至於大蝦薯蓉可能由於要焗，上碟時間比較長，差不多20分鐘大蝦較爽，味道就比較淡。而薯蓉內有點煙肉，令到整份薯蓉有好香煙肉香味，咸味適中熱辣辣上枱非常美味。3. 至於蒜蓉包必勝客就一直持水準。總共有三片，每片包都塗滿蒜蓉，上枱時仍時熱的，令到蒜蓉入口好香好好食加埋一都係廿二蚊，可以堂食慢慢歎，仲可以要求d咩！

暑假尾帶兒子去紅磡美國冒險樂園，途中經過必勝客，正好肚餓，進去試下。兒子想吃批薩，點了個薄批超級至尊，再點個肉醬焗意粉，等咗十五分鐘薄批先上，分咗六小塊，餅底很薄，上面鋪滿餡料，腊肉，雞肉，洋蔥，青椒，咬一口可以拉出好長芝士。 兒子大口大口吃，不一會兒四塊入肚，此時意粉也上了，上面滿滿的肉酱，熱辣辣，意面彈牙，唔錯，兒子吃了大半。這餐總體味道唔錯，但兩人只吃了七分飽，量再多點就更好了

今日下午突然又想食炸雞，結果就去咗附近Pizza hut果到食，叫咗個炸雞同沙律。 凱撒沙律：沙律菜新鮮加埋少少咸嘅煙肉乾好好味，但佢個麵包條好硬身，食咗一啖就無食。 炸雞薯條：薯條熱辣辣，外脆內軟加埋茄汁一齊食真係無得輸。而炸雞佢應該去哂啲骨嚟炸，令到食果陣好方便，而佢炸得唔太油亦保持到炸雞內嘅肉汁，好味道。

呢個煙三文魚意式蕃茄包作為一個下午茶黎講真係唔錯,首先入面塊三文魚就夠晒厚, 而且亦都有好多蕃茄,另外個麵包亦都烘得非常之脆, 好好食至於D薯條亦都同普通M記個D唔同, 入面真係有幾多薯仔同夠脆夠熱

今次去咗食 Pizza Hut，正價食都幾貴，所以揀咗下午茶時間去食，$55一個茶餐唔太抵食。下午茶餐有一個千層麵，另外仲可以揀一個湯或一杯熱飲。今次食咗個肉醬千層麵同意式風味Pizza。肉醬千層麵有好多肉醬同白汁，十分香濃。加上有薯蓉伴碟，令成個千層麵更特別。不過美中不足係覺得肉醬比較咸啲。意式風味Pizza 係細批，不過食咗個千層麵都夠食。Pizza 有菠蘿，雞肉，芝士...味道唔錯，油份唔算太多，食完唔會覺得滯。

今日難得假期就自己出左去周圍行下咁，跟住行下行下見有啲肚餓就開始搵野食，無幾耐就見到呢間必勝客，由於只係得我自己一個，唔會食到太多野加上好耐無食過必勝客，所以就叫左個海鮮寬條面黎搵番啲回憶，但係點知今次嘅回憶有點唔愉快囉。個面一上黎feel到佢夠熱，仲以為係正野，點知食落口好咸，而配料唔多，只有好少嘅海鮮粒同埋三、兩片蟹柳，真係差左啲喎。。。