必勝客

Open Now

Now Closed

其實都已經唔係第一次叫Pizza Hut外賣了，但係呢一次真係極度失望，可以見到餐廳員工真係Hea住咁做。返到屋企一打開個外賣盒薯條和蝴蝶蝦已經四散，跟住見到點解個薯條可以炸到咁白，咬左一啖，又凍又硬又難食，發生咩事。根本就好似過咗浸油就算，完全係唔熟透，連我一個唔識煮飯嘅人都識得睇食物色水，一個做廚房嘅員工點解可以咁求其？蝴蝶蝦勉強可以接受但係無酥脆可言。仲有個肉醬意粉，真係不知所謂，根本就好似冇焗過一樣，意粉上面加啲醬就出餐，兩個根本就完全分開 冇融合同焗過嘅痕跡，重點係啲醬多到每一啖都係超咸，ok無下次！

【116】用家自費分享！Walk In 唔使等，九成滿。7️⃣0️⃣CP值，2023/10/13/五/13:32，平日午餐時間，一人埋單(連加一)$94.60。店在商場內近扶手電梯，好易揾，空間大，坐得舒服，感覺乾淨，招呼友善，QR code落單，應該漏單，pizza好耐先到，催單後好快到，pizza好好味。8️⃣0️⃣午餐D夏威夷風光厚批$56，好脆好好味。6️⃣0️⃣跟餐忌廉雞湯，正常。5️⃣0️⃣跟餐忌亷，正常常。6️⃣0️⃣辣味雞翼2隻$12，好味嘅但係BB size。6️⃣0️⃣凱撒沙律米份$18，正常。

嗰日去咗行街，到咗夜晚夠鐘食晚餐，突然間想食pizza，所以就決定去食下Pizza Hut，因為好耐冇食。Pizza Hut夜晚會提供晚餐套餐，幾個人一齊食都幾抵食，食物質素同埋份量都唔錯。嗰日我哋叫咗個扭扭芝士批，可以喺側邊扭啲芝士出嚟，好得意又好香口，意粉都好好食。

Pizza hut 沙律吧，堂食加$48（晚市先有）食材種類唔係話好多，但選擇都唔少，沙律菜、車厘茄、粟米粒、菠蘿肉、桃肉、啫喱糖。雞肉開始以為會好乾好柴，但食落都ok ，雖然算唔上好幼嫩。煙肉碎就好乾。麵包粒都好香脆，但好似唔係好好放。沙律菜剪細左，難d放碗邊擴大面積。個底要夠穩固，先慢慢疊上去，中間要加d沙律醬可以加強食物間黏附令個沙律更結實。又可以砌積木咁玩下又可以食，幾值得加去食。不過就好似唔覺職員會refill 入面d野，order前最好睇一睇有冇想食既野先。

之前寫過一篇中午食Pizza Hut, 覺得已經不復當年勇。短期內都唔會再番去食。點知佢cross over Spy Family. 門口貼滿Ania 同奇美拉長官，咁無計啦，又再黎。預計佢唔會比約兒整得難食，但又唔會比黃昏做得好。 🍖 意大利人唔會食嘅夏威夷pizza,加埋芝心批，今次真係比上次造得濕潤而且冇咁油。咁好緊要呀，太油膩就算普通批既size一樣喺食唔倒咁多塊。加上菠蘿，就會有清新嘅口感(sorry Italian). 🍖香蒜肉絲意粉， 喺經典既食物，每條麵條均勻咁樣佈滿左香蒜，同樣道理，個麵底冇落太多油，清清爽爽咁。 ✨️總括黎講今次同上次感覺差好遠。今次正路好多。但問題就係呢度。連鎖食店，用相同標準，但係出來結果大相徑庭。管理層有需要多啲留意。

店外無人等位，店內有少少吉位，奇怪在.....二個人要坐二人枱，隔離唔夠一呎就係五人枱。問題係安排我和朋友坐2人枱，後面1客人就坐4人卡位，為何有這樣的安排？？？趕客？大細超？熟客特別優惠？

每逢星期六，小朋友一定要揀自己喜歡嘅食物，Pizza Hut真係不二之選，午市又有套餐，有湯有飲品！最鍾意叫一份pizza，一份粉麵飯！兩個人食，pizza有4件，剛剛好😋😋今次就order咗夏威夷風光迷你必勝批同吞拿魚配肉腸長通粉！開胃又好食！有個小提示：記得download埋個app，可以遙距攞飛，去到就剛剛好，唔駛等！賣單加一先$167.2👏🏻👏🏻👏🏻👏🏻小朋友開心，大人又飽又滿足！

小朋友想去呢度食，呢度環境都坐得幾舒服既!叫咗個精選二人套餐。都夠飽，我鍾意飲佢個忌廉雞湯。沙律入面脆脆既麵包都好食小朋友都好鍾意。另外+20幾蚊可以叫個芝心帶子邊。個意粉就普通d!味道淡少少。千島海鮮pizza好食😋

今日突然想食pizza，首選一定係Pizza Hut。試咗佢哋新出蜜糖五味芝士批，上邊有五種芝士，分別係藍芝士、車打芝士、巴馬臣芝士、Cream Cheese、Mozzarella。另外仲有啲蕃茄仔。醬汁加上左蜜糖，中和左芝士嘅漏，又唔會太甜。

Pizza Hut 推出限時優惠，所有必勝批半價，仲有得加配小食，所以搵日晚餐就食下佢🙋🏻‍♀️❣️千島海鮮芝心大批 $116.5批都算多材料，但略嫌千島醬落得有啲多，太酸，加$19有芝心批，但明顯份量係少好多，而且拎到番屋企只係10分鐘路程，但Pizza已經係微暖狀態，搞到個芝心批邊硬晒🤦🏻‍♀️，做唔到軟軟流心芝士嘅效果❣️酥脆蝴蝶蝦 +$48有8大隻，粉漿同蝦肉比例係一半一半，味道唔差，可惜都係同一問題，整起應該有一段時間，蝦身有倒汗水，變得腍身同埋只係微暖咋🥲👅好味度：7.5（10分滿分）個pizza加埋小食就$164.5，係咪好平就見仁見智，味道中規中矩，間唔中食一次都Ok 嘅🤣

意粉唔夠調味！好差！人手又唔夠，雖然佢唔使排隊，但係食物質素真係一般喎。。。叫咗兩個意粉都係唔夠調味，份量比正常偏小，仲要等咗好耐。。。已中伏，下次非必要都唔會再嚟！

Good value lunch set that comes with a soup, a main course and a drink, the waffle was extra which my son dropped it on the floor after 2 bites 🥲mini pizza - although the portion was small, it packs with a strong truffle scent that captures my heart right awaypenne - it was a bit too al dante, wish it was more ‘cooked’mushroom soup - average soup but my son loves creamy soup so that’s a pluswaffle - can’t really comment on this as my son dropped it on the floor before i had a chance to try it

叫左个龍蝦汁海鮮飯，圖片有青口，服務員話今日無青口，無青口我無所謂，以為會多幾隻蝦，並沒有，都算了。D飯結成一舊凍飯真係讓人無語！百幾蚊食尼D？少廢話差評，服務員傻傻地，成個野口同學咁，懶的同佢廢話。味道評分一定要二百字我係尼度直接寫二個星

我諗我有成幾年都冇嚟過必勝客呢!今日係年三十晚好多餐廳都關了門.所以迫於無奈去吃一個意粉餐因為疫情的關係.沒有下午茶餐,我入去的時候已經是4點多,還有兩個鐘就嚴禁堂食了點了一個最簡單的香蒜肉碎意粉，再加多一杯凍咖啡，連加一竟然食了一百多元先講講味道，$67一個香蒜肉碎意粉，感覺有些貴，🤫貸不價實🤫🤫味精超多食完後個多個鐘，還感覺味精在口中，而且配料也極少，這個完全不抵食及不好吃咖啡☕☕是那一種即沖的咖啡，很一般很一般🤨🤨再講，這邊的服務員態度甚差，問他東西的時候答得很不耐煩，而且還在收銀的地方唱起歌來😆這一個而且是經理級的人，感覺他們很不專業，收得呢個價錢，咁嘅質素，真係唔會有下次🥵🥵🥵🥵🥵

今日我香港為食妹好想食pizza🍕，order咗個3-4人餐嘆一嘆la😋😋Pizza就梗係揀我最鍾意食嘅😋意式風情la。仲叫左😋焗肉醬意粉😋菠菜蘑菇長通粉😋意式雞皇焗飯。當然仲有家人鍾意嘅原味雞翼、忌廉雞湯。話明係為食妹，梗係我食得最多啦hahaha。對我呢個芝士🧀控黎講，又點可以唔揀芝心批呢？加埋餡料雞肉、火腿、蘑菇、菠蘿⋯⋯千島醬⋯⋯一啖一啖咬落去，嘩😄真係好滿足呀🥰另外，我最鍾意食菠菜蘑菇長通粉，味道恰到好處。原味雞翼雞肉嫩滑，啱晒我哋口味😋仲要like一like 嘅就係⋯食物送到黎仲係熱辣辣㗎。如果10分滿分呢，我就比8分你啦。🥰🥰