PizzaExpress (百合苑商場)

Open Now

Now Closed

湊完仔仔返學，就約左媽咪group 朋友食早餐，難得metime，我哋去左 Pizza Express 食精緻早餐，紅磡分店是落地玻璃的，有自然光射入餐廳內，感覺很舒服，座位寬敞，環境寧靜，傾計一流。傳統意式早餐特別喜歡吃自家製麵包，似薄餅與法包結合，很煙韌有口感，再沾上焗肉丸的醬汁，微微辣及酸酸的，更加美味，肉丸也多汁有咬口，套餐還有火腿、 蕃茄、雜錦蘑菇、 雞蛋及火箭菜，非常豐富。蕃茄湯海鮮螺絲粉蕃茄湯底香濃，再配上蜆肉同鮮蝦，味道很夾，甜甜酸酸又不失鮮味，螺絲粉軟硬適中 ，份量也多，也非常美味。餐飲叫了美式咖啡及泡沫咖啡，每杯咖啡配上一件曲奇，咖啡真的很香濃，連平時不好飲咖啡的朋友，也說喜歡喝。食物美味，服務很好，環境也舒服，相信會很多機會再來享受我的 metime。

新年前與朋友有約，吃個Pizza當團年。餐廳有塊大大的落地玻璃，感覺窗明几淨。落座後發現，新年限定Pizza已然推出，還取了如意/團圓的意頭名字，算是為這個平淡的新年增添點氣氛吧。不用多想我們就選擇了這個如意二人套餐來試試。頭盤：軟心芝士帕爾馬火腿烤蜜桃拼盤。火腿軟身，色澤粉嫩，擺成玫瑰花形狀，樣子誘人。與微苦的火箭菜、多汁的蜜桃和流心的芝士，伴著一起吃，口感豐富。主菜之一：牛肝菌西班牙腸薄餅。點餐時被“牛肝菌”三個字吸引了目光，一時沒留意，原來這個Pizza也有好多帕爾馬火腿，好吧，好東西就多吃點，看來他們家最近是主推帕爾馬火腿了。西班牙腸鹹香突出，牛肝菌的特殊幽香，再加上黑醋汁的點睛，味道豐富。主菜之二：意式燉海鮮湯。青口、蝦、墨魚仔、元貝仔，份量充足；湯底濃郁，喝是不夠的，但用來沾麵包就非常好。飲品：荔枝特飲&西柚特飲。荔枝清甜，西柚酸爽，梳打底很是解氣。總的來說，食物味道很好，用料也沒手軟，最後要打包離開。另外員工服務周到，時時留意客人的用餐情況而幫我們換碟，看到我們步向門口準備離開時還貼心詢問我們用餐情況並幫我們開門，值得讚賞。

今晚點了個$525 的新年家庭套餐（4-5人份）同屋企人開心Share。 可以自選餐牌中4款薄餅/主菜，另有一份青菜沙律，蒜蓉包及焗麵包球。份量都幾足。薄餅選了新年限定菜式中的10吋牛肝菌西班牙腸薄餅。餐廳十分細心，怕外賣影響口感，所以將parma ham, 火箭菜及黑醋醬分開，到食個陣先放上pizza 上。牛肝菌濃郁的香氣，西班牙腸及parma ham 的咸香，跟三款不同的芝士十分配合，而火箭菜及黑醋可減低油膩感。牛肝菌雞肉螺絲粉亦是新年限定，軟硬度適中的螺絲粉配上牛肝菌，雞肉，車里茄，菠菜，芝士及蒜蓉油，味道配合得不錯。肉醬寬條麵就略厭肉醬少了一點，所以味道都啖了一點。但麵質口感卻不錯。烤雞配蝴蝶粉，半份的烤雞燒得不錯，肉質仍然嫩滑，咬落有肉汁，不會太乾，味道有少少辣更惹味。三大塊蒜蓉包配上Mozzarella同Parmesan cheese。青菜沙律焗麵包球配上朱古力榛子醬，小朋友至愛。最後還點了一份蜜糖芥末雞翼($83)，芥未另上，蜜糖雞翼本身已夠入味，厚肉嫩滑，不錯。溫馨提示: 是次外賣落單後需要等45分鍾，所以大家要食就盡早落單。要讚的是，今晚很多人叫外賣，眼見侍應及廚房都

今日一個人到黃埔pizza express lunch，第一次到這間分店感覺很大，而且大落地玻璃非常開揚！可以望到人來人往的街道。原來午市點一個主菜便送沙律/湯及飲品。我點了北京烤鴨pizza、green salad及凍檬茶。Peking duck pizza是我的最愛，惹味醬汁配上烤鴨肉、香蔥、黑胡椒、chilly，味道非常好，口感豐富！green salad清新好味，感覺相當健康！店舖座位舒適，店員服務態度好

叫左個午市2人套餐，嗌左北京填鴨pizza，之前係銅鑼灣分店食過，覺得好好好食，意外地match，推薦其他朋友去食，都話好食。咁岩放工得閒就想話再去食，正好黃埔有分店，結果超級失望，個意粉好普通，而個pizza簡直失敗，又凍又韌，都唔知擺左幾多個鐘，同銅鑼灣分店比簡直係天同地，唔同分店真係差咁多？連pizza都係凍食？最好食竟然係加點個雞翼，食落似乎只有雞翼係即整，好似成個套餐都係整定擺到凍曬都會照拎俾客食，讚。大家唔想食凍pizza就唔好去尼間分店啦

有同事生日，收工同佢慶生，但因限聚令，去餐廳要分開食，所以決定買外賣去佢屋企食，她住在黃埔，附近有間Pizza Express,提供傳統意式美食。好啱壽星同事胃口。落單後好快就包裝妥當等待客人領取。海鮮pizza：海鮮pizza即叫即做，餡料豐富，口感一流, 有蜆肉、蝦肉、橄欖、靑口、魷魚... 等等 .加$18升級至更大更香脆的14吋羅馬餅底。意式焗肉丸：配以香辣蕃茄牛肉醬及白汁，最後灑上番茜伴以香草包，味道濃郁。烤雞配蝴蝶粉配蘑菇汁：烤雞用香草醃製後烤至金黃色，皮脆肉嫩好入味，就連雞胸肉都非常的軟嫩、多汁。蝴蝶粉配蘑菇汁和菠菜，最後加上鮮忌廉巴馬臣芝士、蕃茜及迷迭香。口感creamy。蕃茄海鮮意粉：香辣番茄醬配上蝦肉、蜆肉、八爪魚、小元貝及車厘茄，味道濃郁。

批薩快遞一行三人黃埔搵食漫遊，遊近住酒店有間批薩快遞，入座晚餐叫個二人餐349，做生日你都叫咗個二人套餐， 意大利麵碳酸鹽 ，兩杯檸檬冰茶，燒烤蘑菇肉丸肉醬68，綠色蘋果檸檬水38 ，呢個係升級嘅20 ，頭盤係另外叫咗個海鮮pizza猗加25，兩個黑松露冰淇淋50 仲有個choco lava餅，松露ice cream 呢個dinner 都幾好味。講道薄餅，一定係食薄薄薄脆餅先至好食，厚薄餅容乜易飽呀，頂住個肚，你都食唔到嘢，呢一間我值得一讚㗎，真係薄得呢個餅心都係脆嘅， 真係值得係下次再嚟，叫返呢個薄薄薄嘅薄餐 ，海鮮夾埋鮮味可口都唔使講個味道都好正合口味。 好啦我又講下個燒烤蘑菇肉丸，真係抵食㗎 ，即係加少少錢 ，就叫到一個而且有八粒，我哋三個人，一係一個人食少一粒 ，當然唔會啦我，哋一個分開一粒，兩個都係食少啲啲啫，真係好味㗎，幾乎想外買一份咁濟呀 ，所以呢個係新出咗餐點真係值得推介重有重點講松露雪糕，有機會唔試點得，外面未見過，一試難忘，好似女朋友咁。試下喇。

今天不用上班，駕車外出遊玩，在紅磡吃晚餐。餐廳內部環境舒適，清潔衛生，座位寛敞，店員服務親切。晚上有點清涼，先喝熱飲品，蜜糖檸檬薑熱飲38元，甜酸中帶點薑味，暖胃好飲。海鮮沙律73元，蝦肉彈牙，煙三文魚帶點咸味，柚子開胃，車厘茄、青瓜和青菜均新鮮，酸忌廉有助提升味道層次。焗蘑菇83元，蘑菇釀入羅勒香草醬、原粒橄欖及馬蘇里拉芝士，味道層次豐富，配以醃甜椒、火箭菜及巴馬臣芝士碎，賣相美觀。意式焗肉丸68元，豬肉丸惹味，配以香辣蕃茄牛肉醬，與香草包一起吃，十分滋味。羽衣甘藍蘑菇松露薄餅158元，薄餅外圍香脆，中央部份吸收了松露油，口感特別，蘑菇大粒爽口，羽衣甘藍香口。意大利芝士蛋糕38元，軟滑，甜度適中。總結：環境適舒，食物美味。

海鮮薄餅賣相一流，餅底脆，味道亦保持一貫水準，而且價錢亦不貴，只係$163蚊。地方靜靜地，係一個傾計嘅好地方。而我特別喜歡烤焗雞亦，d雞亦加咗蜜糖感覺沒咁熱氣，伴菜仲有幾粒番茄仔，同d雞亦好夾，推!

兩家人搵地方食飯，有小朋友同行，食pizza意粉就一定皆大歡喜，男仕們仲可以啤一啤，女仕們雞啄唔斷有排傾。這餐廳主要有兩個套餐，二人餐及四人餐，人多點選四人餐全部份量是二人餐的double，抵食。今次發現有啤酒pizza餐及啤酒意大利雲吞餐，兩位爸爸笑逐顏開。大家可能猜不到，這餐廳最受歡迎是芝士麵包球，一上枱大家都爭住吃，沾咸牛油 最美味。前菜點了兩個鮮茄醬肉丸，這個也很受歡迎呢。四人餐可以揀四個主菜，點了三個pasta及一個pizza。鮮茄海鮮意粉~卡邦尼意粉~ 白汁忌廉扭扭粉~夏威夷pizza~香香甜甜，賣相雖不及另一個，但因為菠蘿的關係，味道很吸引。意大利朋友告知：意大利正宗薄餅是不會加菠蘿的，相信這個是夏威夷或東南亞特色。另一個pizza是跟啤酒套餐指定款式的，也不錯呢。點了幾杯跟餐飲品，凍檸檬茶是無限添飲，小朋友當然會揀選果汁(加$)，最後我自己點了一杯熱咖啡醒醒神，因為今晚回家仲有公司嘢要做。爸爸媽媽們食完飯繼續傾偈，小朋友按有點不耐煩，點了幾個甜品滿足他們對雪糕的需要。

今日母親節所以我用網上外賣平台 預先一早order 定7:00~7:30送，到左七點我睇番個app,佢就不停將個送達時間推遲到8:45分，我係8點嗰陣追問過間餐廳，就話仲未整好，要多十五至二十分鐘，最後要9點先見到出左車，半個鐘到d 野送到黎，全部凍哂，冇一樣野係熱，我真心想同大家講，如果要食一係堂食，絕對唔好外賣，你會覺得自己你食緊🤮因為真係好難食，very bad experience,真係一個難忘既母親節

又到中午放飯的時候，同事建議去Pizza Express食個lunch ，始終都是中午時間，所以餐廳都較多人，最後約等了一陣就可以入座。餐廳都特定有個set lunch 餐單，不過都有個promotion, 惠顧任何主菜即享免費頭盤+飲品，頭盤可選擇焗麵包球或青菜沙律，而飲品可以選擇果汁、茶、汽水或杯裝紅、白餐酒。我與她各選擇一款主菜，我選擇了Parma ham來食pizza $168,而她選擇了黑松露小元貝扁意粉$143，不過我地決定分享大家的主菜。先來杯飲品杯餐茶先，我選擇了杯Cappuccino, 泡沫太過輕盈，不過我都體諒因為出於全自動咖啡機，而咖啡的質素就晤太差，咖啡味算是濃郁，與牛奶的味道都好平衡，總會有片餅乾仔附上。頭盤也好有效率端上來，我們各選擇一款，青菜沙律都好新鮮，有清爽的青瓜片、香甜的車厘茄及火箭菜，再有些法式沙律汁佐食，感覺都好清新。另一款頭盤是焗麵包球，意外地它真是好熱辣辣，麵包質感都好鬆軟，再塗上香滑細膩的牛油，真是美味。主菜大約等了15至20分鐘都端上來了 ，Parma ham pizza方面我選擇了10吋大的傳統餅底，巴馬火腿都夠鹹香，再有軟芝士及par

$160既意粉都唔包野飲，再加埋叫cappuccino 要$2xx 咁貴👎🏻👎🏻👎🏻👎🏻👎🏻spaghetti份量正常，呀媽話好食，桌面無辣椒仔汁，要問佢拎先有。桌面既調味料有既係潮州辣油，好奇怪，同意粉pizza唔夾，好似去左茶記食粉麵咁。咁貴既焗雞翼得個5隻👎🏻👎🏻👎🏻不過幾香，無點過個汁唔知好唔好味。chicken wings太油膩........🙄Pizza無叫見其他人叫左但無食哂就走左，無咩信心。坐得算舒服環境算可以，不過太嘈，下午3點咁多人咁嘈吵。

自己一向都喜歡去Pizza Express食野, 由其係喜歡海港城分店, 一來食物質素有保證, 氣氛及環境都一流, 而最主要係, 就算好多人等位都唔需要等太耐就可以入坐, 所以係我嘅首選. 依家, Pizza Express 居然係自己住嘅地方開分店, 當知道一刻實在太開心啦, 因為擔心新開張會多人食嘅關係. 我上咗佢嘅訂檯web 預先訂檯, 以防萬一, 去到當日嘅早上仲收到SMS嘅confirmation. 我地一家準時到達餐廳, 但係店長話冇我嘅booking???!! 我即時show 俾佢睇今早嘅confirmation, 對方話system應該有問題. 不過仍然可以安排到檯俾我地, 咁我唯有叫對方好好檢查一下. 今晚叫咗兩份pizza(Quattro Formaggi & Fiorentina), 一份Baked Dough Ball 同埋一份Fusilli ai Funghi, 同埋叫佢咗一杯Caramel Butter Popcorn Milkshake. 好彩食物保持水準, 我覺得杯Milkshake 幾好飲添. 到最後同店長再傾番訂位嘅問題, 對方應承會跟進, 亦透