PizzaExpress (One Island South)

Open Now

Now Closed

第一次來到黃竹坑衣間分店, PIZZA EXPRESS D野食一向都有水準, 無意中發現黃竹坑有分店,剛剛就係地鐵站下面,真係好方便><,今次想食甜品就叫左Tiramisu, 來到都幾靚囝, 分量剛剛好.吳會太多太膩!今次又第一次叫凍檸檬茶, 比起其他野飲貴,原來係有得無限添飲, 啱哂來吹水食飯既人呀!

Pizza Express最近Happy Hour買一送一! 當然要同三五知己齊齊Happy 啦!黎到又點會只係似野咁簡單..當然要食野!今日我地order左好多野呀....香蕉榛子醬朱古力奶昔Oreo曲奇奶昔海鮮沙拉北京烤鴨薄餅煙三文魚意大利火腿拼盤前菜兩杯奶昔都好大杯!好重奶香味!同埋好creamy,好似食雪糕咁!甜度適中!最岩女士飲!海鮮沙拉做開胃菜,食完立即打開個胃, 煙三文魚意大利火腿拼盤前菜又係好正!不過一定要薄餅夾下煙三文魚or火腿!要一齊食先好食!到我地最期待食既北京烤鴨薄餅見到隻辣椒仔已經覺得熱熱地!佢既味道可以同pizza好夾!意想不到中式食物跟意大利食物係可以咁夾!

今日工作需要去咗黃竹坑原諒小弟嘅無知本身以為黃竹坑剩係得海洋公園原來都有商業大廈😂😂我而家會諗住要搭返車出去先至有嘢食好彩行過見到有Pizza不過可能人手唔夠入到去等咗一陣間要等前面嗰個嗌完外賣先至可以安排入座一行三人叫咗個Pizza一個意粉一個螺絲粉share好耐冇食過初頭以為會有set lunch點知而家遇到係所有主菜都跟前菜再同一杯嘢飲可惜特飲嗰啲唔簡得好似價錢都唔可以要當正價 所以飲番凍檸茶算係好食嘅不過略嫌人手不足

原來而家Pizza Express 有早餐食！Rise and Shine ☀️ 早餐食Pizza真係第一次😃 食完超級飽，lunch都唔使食😋➡️早餐薄餅Breakfast Pizza 🍕 （$78) 去Pizza Express 好似唔食番個pizza 唔得😂 早餐薄餅睇餐牌時都覺得好吸引！上到枱，果然IG-able 📷非常多料，有磨菇、蕃茄、煙肉、意大利腸、兩款芝士同雞蛋，每一啖都好豐富。餅底係軟綿綿，似麵包。➡️蕃茄湯海鮮螺絲粉Seafood Fusili Soup ($58)番茄湯底濃郁，唔似茶餐廳「稀lum lum」食得出真材實料用好多蕃茄熬製出嚟。蝦肉同蜆肉雖然係frozen 食物，不過冇雪味，蝦肉仲有啲彈牙。➡️蕃茄湯肉丸蝴蝶粉Meatball Farfalle Soup Pasta ($58)我相信所有蕃茄湯都係出自同一煲，一樣味道，一樣好好味。我個仔竟然係飲晒所有湯，我真係好surprise! (平時呢個小朋友係唔鍾意飲湯嘅😅）蝴蝶粉好可愛，小朋友食得好開心😊

Previously had always booked through another app. but for some reasons that didn't work, tried my luck on Openrice and got through very quickly (turned out there were some promotions too).We were quickly served to our tables together with kids' chairs and menu - staff were friendly and we especially loved it when they interacted with our toddlers to make things easier for us. The food quality is always consistent and wasn't very highly priced. This is a very convenient alternative when we were s

一向都超愛吃這間，這次來試一下新菜單飲品不會太甜，酸酸的超清新～最愛這麵包球，脆脆軟軟的，個人比較愛加上牛油，超級香～另外一個是香草醬喔～青椒和洋蔥超甜，芝士酸酸咸咸的，濃濃的奶味很香～料給超多番茄酸酸的很清爽，肉的咸度剛剛好，雖然是pizza但吃下去一點負擔感都沒有意粉硬度剛剛好，不會太鹹，加上芝士超級香～沙甸魚連骨頭都可以吃～這雪糕簡直好吃到爆，是手工雲呢拿雪糕喔～不會太甜，非常絲滑，蛋捲脆脆的牛油味很濃

Pizza Express 嘅pizza 有時好好食，有時又麻麻地，係咪個主廚唔同咗呢？🤔呢次個Seafood Pizza 🐙批底硬咗啲，toppings 又放得唔平均，連切都切得邊大邊細🙈反而蟹肉白酒汁意粉比較好味。意粉煙靭，白酒汁似Aglio E Olio帶出少少蟹肉嘅鮮甜。頭盤嘅Tomato 🍅Avocado 🥑 Dip 普普通通，我先生話下次唔會再order 😅負責我哋張枱嘅係一個中年香港叔叔，佢超級有禮貌，比起其他菲律賓員工態度好十倍！👏🏻

今日同朋友去海洋公園玩，天氣超好，入去玩之前，去附近嘅Pizza Express都食個靚早餐，食飽飽之後就出發可以玩喇！之前都冇諗過Pizza Express有早餐食，仲要都好多選擇！我同朋友就叫咗呢一個傳統意式早餐，同埋意式焗蛋，一齊Share! 冰凍嘅咖啡奶泡非常豐富🥰Pizza express個包不嬲都好正！配埋中間個肉丸同汁，夾埋一齊食出奇地好味，可能係個包又熱辣辣又鬆軟，加分！呢款已澀谷旦令我好驚喜，裏面有好多材料有蛋有蕃茄蘑菇有議息煙肉同埋香草，味道非常豐富，兼營養豐富😂如果日日都食呢啲咁舊唔豐富嘅早餐每一日都充滿力量🤣Btw, 佢哋啲食物質素好好，啲食物同Menu上嘅圖片係一模一樣咁靚，唔係好多餐廳做到！

一向都好鐘意食西式野既我...今日早上忽然好想食意式早餐...近近地又高級既pizza express 係屋企附近...就買左兩份美味早餐同屋企人食...入到黎就有個幾型仔既職員招呼,細心介紹mean裡既早餐...仲提議話佢覺得幾好食既早餐!之後我就揀左兩份健康又美味既早餐Italian Green Breakfasts 義式素食早餐$88我好鐘意佢個醬,點意式麵包就岩曬!南瓜,沙律,配菜都好鮮味,成個餐都好Fresh!Breakfast Pizza 早餐薄餅 $787吋既薄餅,薄餅上有意式既腸,煙肉,磨菇,蕃茄,芝士!多種配料,但唔覺太濃味!早餐食就岩曬..好滿足...再加埋兩杯飲品!我覺得自己好似番左去義大利食早餐咁..超開心

今日年係有一姑大日子 🎂生辰之日🎂為左同佢慶祝 我地齊人去左食Brunch先 🥗 .開餐喇喂～🎉介紹返先 又抵食 又有氣氛❤️❤️ 今次介紹嘅係一間西式咖啡餐廳！應該好多人都食過既 PizzaExpress ～今次我地食左個4人set （hkd768 ）再加左一份北京烤鴨薄餅（hkd153）🍕 唔洗我講 大家都知 PizzaExpress 餅底一慣係薄底 今次加左呢個烤鴨 好有中意cross over 感覺😂😂 烤鴨幾juice 香口又夠脆🤣🤣今餐飯俾佢做左主角.Set 入面 前菜包括有香辣之吻 個醬汁爆好味❤️❤️ 個包就麻麻地 略有焦味，仲有個芝士沾醬 個包球暖暖地沾埋啲芝士醬 仲有拉絲添。 一流！.主菜入邊嘅蘑菇會意大利飯。味道啱啱好 好彩個意大利飯都煮得啱啱好 唔太軟、唔太硬 啱晒香港人口味👍🏻👍🏻個松露薄餅略為有點鹹 松露味唔夠突出 評分為一般🤔.甜品有呢個滋味布朗尼 有啲失望 😞 個布朗尼有點焦 令口感有啲苦☠️ 仲有另外一個甜品橘子麵包球 係同前菜嘅麵包球係一樣嘅 中間嘅芝士醬換左N字頭嘅朱古榛子醬🌰 ·👣 PizzaExpress (黃竹坑) . 黃竹坑香葉道2號 One Is

疫情之下晚市堂食仍然被禁至年初六，諗起又要煮真係有啲煩厭。路經黃竹坑Pizza Express見到有新春套餐可以外賣，靈機一閃索性買外賣返屋企當團年飯算了。雖然呢間分店唔係鬧市中，但平時都不乏客人幫襯，禁堂食之下，同樣不停有order叫外賣，侍應忙過不停，外賣員也絡繹不絕。新春套餐有不同組合選擇，二至三人、四至五人，多至二十幾人也有。我們選了二至三人組合（包括一個自選薄餅、一個主菜、青菜沙律和焗麵包仔配朱古力榛子醬），另外我們還加了兩款單點回家慢慢嘆。我們自選了牛肝菌西班牙腸薄餅，為咗薄餅更香軟、更有滿足嘅感覺，我哋升級咗雙倍粉糰嘅餅底。第一次食有牛肝菌配料嘅薄餅，又幾有新鮮感，菌味好出。西班牙腸焗到脆脆地、鹹鹹地。其他配料還有鹹香味重嘅帕爾馬火腿、火箭菜、白汁和幾款不同嘅芝士，另外仲配有黒醋醬，這醋醬可令薄餅不至太膩。為了避免薄餅包裝後配料壓到變形，餐廳將帕爾馬芝士、火箭菜和黑醋醬分開裝盒，待客人回家後才放回餅面，這樣做法可見到餐廳嘅細心安排，比讚👍。主菜選了意式燉海鮮湯。曾經懷疑點解湯都可以做主菜，原來湯中嘅海鮮很豐富，有帶子、青口、大蝦、八爪魚仔... 還有黃車厘茄、洋蔥、羅勒等

臨近新年，沒有晚市堂食下，只能和親人午餐聚一聚，今次選了去食pizza首先是牛肝菌西班牙腸pizza，只看材料的話，此種配搭已是相當的新鮮，薄餅是採用薄餅底，牛肝菌經過烤焗後有淡淡的菌香，再加上西班牙腸的香口及咬口，兩者出奇地搭，效果十分出色。然後點的是著名的烤雞翼，不得不說原以為烤雞翼是一套相當普通平凡的餐點，但這間店卻做得令人喜出望外，烤雞翼的雞肉有種淡淡醃料香氣，甜甜的味道中又帶點香辛味，再加上外皮烤得帶點焦脆，再加上雞油在烤的過程中被逼出，視覺效果及味覺又有相當的享受。另加上飲品加一等，人均消費百多元，我認為是物超所值。

因為慶生book 左ocean park marriott hotel個package包早only其他餐自己搞掂本來諗住嗌外賣點知原來行9分鐘就黎到呢度就用openrice嗌外賣50%off既優惠$64就有一個新豬肉pizza外賣佢另外有盒將火箭菜另上跟住再嗌左多個蒜蓉包攞到返去啲野只係暖暖地味道ok尤其個火箭菜係好好味新豬肉放係pizza度都幾match同平時有啲肉丸肉粒既感覺一樣個pizza有少少韌個包返到去已經唔熱，暖都唔算好暖仲韌過個pizza不過就唔關pizza express事既係我地外賣完隔左半粒鐘先開餐*呢個故事教訓我地外賣pizza要盡快食*雖然啲野好韌咬到牙鉸都甩埋但係影出黎好靚

响黃竹坑 Staycation 之後搵地方醫肚仔，誤打誤撞入咗去 pizza express 唸住食過 early dinner 。好耐之前去 pizza express 都冇乜令我留下深刻印象，不過經過今晚之後一切都改觀了。黃竹坑店面積超寬敞，樓底又高，open kitchen 加全壁畫，感覺集casual和潮的意大利餐廳，店員九成是外藉人士，幾 friendly。 男友對佢個wine list 好有興趣，原來wine 價仲好抵飲添，同我哋上星期食嗰間米之蓮比較，平一半，酒水果然係最賺錢。先來一人一杯白酒、香檳嘆下先。Riesling from Mosel Germany $68 /glass酒身清澈，再聞一下，透出清新果香，口感清爽，甜中帶微酸，順喉淨飲都好舒服，這杯德國白酒大約是一級甜度，好香又易飲。另一杯香檳 Prosecco from La Moscheta Italy $58/glass 先欣賞氣泡向上升的美態，果味更突出，雖然味道較白酒略酸，但同樣清新，層次感亦豐富一點。我哋為咁靚既洒 pairing 左以下食物。焗蘑菇$83一咬落去feel 到好juicy , 因為蘑菇

未曾發瘟前，這店好像不開早餐的。不過自從發瘟後，又有限聚令，又不得開晚市，這店就開了早餐。我被門口的餐牌吸引了進去。什麽全日早餐、三文治、熱香餅都比較平凡。今天是第二次在這餐廳吃早餐。因爲第一次吃得很滿意，所以再來。兩次都是吃意大利蛋餅配拿鐵咖啡。意大利蛋餅是放在烤箱裏面完成的，熱辣辣，裏面有大蘑菇和烟肉，吃完了，非常滿足。麵包非常好吃。伴隨咖啡奉上還有一塊甜甜的曲奇，讓早餐豐富完滿。下次再來黃竹坑，我還是會再來吃早餐的。這個意大利蛋餅在其他店好像不常有。其實自己在家模仿做一個也不是太難。外出用膳，也可以給自己提供一些宅煮的靈感。