環亞機場貴賓室

Open Now

Now Closed

搭凌晨機最好當然要去plaza premium lounge 食d野休息下😆 今次都唔例外✈️✈️香港機場其實Gate 1 & 40都有 plaza premium lounge 我地次次都會去 Gate 40個個 因為比較少人 今次見Gate 1人唔多就入左去 點知感覺仲好 座位比較舒服 食物種類比較多 食番碗魚蛋河先上機啦🤩😆 魚蛋河個湯真係幾好飲 魚蛋又夠彈牙 仲有好多甜品同小食🤤 沙律比40號閘既lounge豐富 同埋不停refill👍🏻👍🏻

以前入lounge可能係身分既象徵(?)但依家愈黎愈多信用卡入得lounge就唔同講法喇🤣朝早8點幾去到lounge門口已經有條人龍等左10分鐘左右就入得我諗10個人入黎10個都係食魚蛋粉😂😂味道又唔係話好impressive但清清地 湯底幾好飲魚蛋魚片夠彈牙 河粉幼身但夠滑完全解釋到佢點解咁多fans🤣食完碗粉唔夠飽再拎左舊蕃薯同薯餅填肚味道就不值一提架喇🤣🤣但叫做食飽飽上機囉😋😋😋

因為去旅行關係，已我又有the club白金會員，可以用Plaza Premium。雖然我仲未去國泰個邊個貴賓室（今次坐商務，故事一匹布咁長）。Plaza Premium 勝在少人，自然質素就好啲。叫咗個韓國牛肉飯醫肚，配埋個聖誕甜品同香檳。之後就去咗梳化度嘆住茶食住甜品等上機。（唔係好想郁，但未用國泰貴賓室）

Came fo breakfast before boarding, with certain type of credit card u can access for free. Coffee is pretty good! It’s a self service buffet style, they do all the regular coffee. I had a latte, it’s the bitter kind, quite nice. Food is not really good, the ho fun is ok, u get to choose fish balls or beef balls. Honestly, not a fan of the food. I would come back again if I want a coffee before boarding coz it’s free.

前排喺美國運通申請咗一張國泰航空信用卡 呢張信用卡嘅優惠就係可以 無限次入 去環亞貴賓候機室 係去搭飛機之前有一個舒適嘅體驗而今次就係我第一次入去貴賓候機室 入到去就感覺上覺得環境就係共享空間咁 舒適嘅梳化舒適嘅凳旁邊仲有好多嘅插頭畀你充電 拎食物就係依自助餐嘅形式, 你出去攞完嘢食就返返去自己嘅位置進食 食物嘅選擇就唔係好多但係全部都係 有返咁上下水準例如炒蛋炒蛋最考驗廚師嘅功力 呢度嘅炒蛋 真係幾高質幾好食 喺第一輪嘅時候 我就拎咗一碗魚蛋粉 同埋幾個甜品 魚蛋粉使講喺香港食一定係有香港嘅味道係唔錯嘅 甜品都幾高質 唔會太甜 都絕對唔住之後 我就食咗腸粉燒賣 同埋嗌咗炒蛋 成個感覺就好似食咗兩個早餐咁 成個感覺好滿足為我嘅旅程增添動力 所以我都係幾推介去 食番一碗魚蛋粉 先去開始你嘅旅程

當你遇上長途機，你就會覺得申請一張可以入lounge 的信用卡係好重要。依家有好多張卡都可以入lounge, 門檻都唔算太高，有興趣自己search...😬可能因為甘都有好多人入lounge. 不過大家都好快就走，所以都算易有位。食物都有好多選擇，水準都ok.離開香港前食碗魚蛋粉...香港點心.記住一下香港美食，當然都有d沙律，甜品，不用飲品任君選擇BTW, 依間近gate 1 環亞，隔離就係Reply. 可以用black card 換埋本雜誌.😁🗞

每次去搭飛機都一定會嚟呢度食個早餐先！點解？因為用信用卡可以入貴賓室囉！不過呢度越來越多人了！好似咩人都入得咁、次次都要排隊。今次我飛加拿大🇨🇦、坐成10幾個鐘頭機、所以點都會食飽啲！仲要攞埋生果上機食之前因為我好早機，唔知係咪咁嘅原因我覺得好少嘢食，但係今次，多咗好多類型，除咗沙律，河粉一定唔少得啦！呢個係來呢度別食的原因！佢個河粉落足料，其實應該話我自己落咗料，我鍾意多芫荽多葱。不過好可惜，呢度冇支裝水拎，我記得之前有的。

因為有銀聯鑽石卡，所以出發前一個月就預先上網登記左免費去呢個貴賓室。去到門口reception，需要出示確認電郵，同埋要錄一錄張卡。當日都有唔少人，入到去都差唔多full晒枱。好彩最後俾我地搵到個窗邊位坐，但係座位就有啲窄。食物種類唔算好多，可能因為早餐嘅關係，食物比較簡單。有炒蛋、茄汁豆、腸仔、沙律吧、牛角包、魚肉燒賣、炒粉絲、粥、腸粉、魚蛋魚片頭河粉米粉。小食就有果仁、粟米脆片、小曲奇。飲品就有罐裝檸檬茶、道地罐裝茶、支裝水。最好食嘅係魚蛋魚片頭，幾想爽口。如果免費的話，算係喺機場食嘢嘅唔錯選擇，但係如果要比正價幾百蚊的話就唔值得喇。

上星期中秋前夕飛一轉新加坡🇸🇬，登機前覺得有點肚餓，所以用左指定既信用卡💳可免口入機場lounge 一次！排左5分鐘左右到我啦！之後簽完名就可以入到lounge 啦！可能是中秋節前夕，所以特別多人搭飛機！人山人海咁，要等左一陣先有位，裡面都幾好，有d 獨立位置可以比d 單獨旅客有私人既空間，又可以差埋電，唔錯！之後我就出左去拎碗呢度最出名既魚蛋湯河！D魚蛋都幾咁爽口彈牙，配埋河粉味道一流！😋😋又可以自己任意加蔥粒同乾蒜！仲有salad bar 同甜品區！仲有個栗米湯都值得推薦！😍！另一邊就仲有飲料區，有熱飲☕️或茶同紙包飲品，鐘意飲酒既朋友仲有生啤同黑啤比客人選擇！之後食得飽飽就好滿足咁準備好去登機啦！🛫🛫

備註：出示合資格的信用卡及當日或翌日登機證即可免費享用，否則收費每位HK$580 大家有無試過上機前可以享用一頓豐富自助餐及舒服地休息下？位於香港國際機場的Plaza Premium Lounge 絕對是一個好選擇。我今天介紹這間機場貴賓室是2018年新開的Plaza Premium Lounge，與舊有的一間只隔一個舖位，相對下比舊的光猛及更多空間。這間貴賓室就位於出境安檢櫃檯後，即一號客運大樓離港層近1號閘口，位置方便，設有舒適的座椅、淋浴間、自助餐區、無線上網及電視頻道。其實香港國際機場還有另一個Plaza Premium Lounge West (在一號客運大樓離港層近40號閘口) ，但需要走上一段路，如你的登機閘口接近40號的話，也可考慮使用這一間的服務。 顧客只需於進入貴賓室時出示特選銀行的有效信用卡及當日或翌日登機證，就可在起程前於貴賓室中放鬆身心，享用環亞機場貴賓室的一系列服務及設施，包括舒適的休息環境、多種美食及飲品選擇、熱水淋浴設施、本地及國際報章雜誌。我持有的是香港發出的American Express Cathay Pacific Elite Credit C

經常出差關係，手持一張Priority Pass，全球的機場幾乎都可以享用貴賓室的服務，其實這都不過是雞肋，因為貴賓室不過是為我提供一餐飽飯而已。香港地少人多，空間細小。貴賓室當然也不例外，進貴賓室是要排隊的，不過也好Priority Pass的隊伍是比信用卡的短很多，哈哈！裡面空間不大，但總會找到位置坐，不至於要站著吃。除了一列長臺，還有數人座位，還設有單人自閉座，哈哈！食物選擇還好，除了香港特色的維他奶，還有汽水等，另外還有點心，例如魚蓉燒賣、羅漢齋包、腸粉等。另外還有炒飯，西式的有螺絲粉、沙律、藜麥飯等，甜品有甘筍蛋糕等，重點是有魚片魚蛋河粉，選擇不少呢！我最喜歡魚片魚蛋河粉，有兩顆白魚蛋和兩片魚片，魚蛋彈牙，味道不俗，所以一連吃了兩大碗呢！▪️因為香港機場的航班很多，相信使用貴賓室的人也極多。如果空間再寬敞一點，相信更好！

旺季多人出遊，早上機，所以入咗閘之後即刻搵貴賓室打算去食個早餐。點知發現貴賓室已經大排長龍，今時今日擁有貴賓卡嘅人實在太多啦，無論係信用卡優惠或者等等嘅途徑都好容易得到呢一張貴賓卡，所以用嘅人越來越多，世界各地既貴賓室就越迫啦。我入到去，空間都幾大，至少有好多好舒服嘅梳化坐。除咗有基本嘅樽裝飲品，都有啲好大路嘅沙律、飯、麵等選擇。有麵包有藜麥沙律，車厘茄等。最出名莫過於魚片河，湯底好清甜。河粉好爽身。簡簡單單一碗早餐，再上機，正！

去了環亞很多年了今年成日要出trip不過自從多左信用卡可以入去環亞 及多了香港人知道之後每次入去都好多人 由其是早上至中午出發今次去到先找個位置坐低去拎個魚蛋粉食再食幾塊曲奇餅 好喜歡吃這裡的曲奇餅很酥化 而且有果汁飲在出發前 輕輕鬆鬆食個小早餐再登機 為旅程增添美好的開始

平時飛親都係凌晨機，通常都係食個m記就走得。今次同家人出發，又撞著delay，又係搭廉航，終於有機會去lounge食飽飽上機。其實成日睇報導都話lounge都易爆，多人排，今次我地有充裕時間俾我地慢慢享受。確實係多人嘅，條龍都好似無短過，不過通常入左黎食一轉就走，好流水式嘅。佢有一格格獨立位，亦有一啲二人至四人嘅枱，基本上等一等都有位。自助形式，大家都好守規矩，排隊拎。算係多嘢揀，有飯有麵有熱食小點，飲品選擇都多，有罐裝，汽水機，果汁，咖啡都有。有魚蛋魚片頭河，都幾正。沙律都建議可以食，真係幾好味。包類都幾好，甜品麻麻。坐咗幾個鐘，都幾舒服。

第一次一嘗，去咗Gate 1果個，因為第一次閘口5xx,唯有快閃，去到大概6個人排隊，接待分兩個人做，算快手，速去攞傳說既河粉的確好味，可惜既係無樽裝水。好在快閃了，細飛機C..x KA原來無餐，送我一包餅一支水。而執枱，fill飲品既姐姐的確面口一般，估計係人流太誇張吧。