Pom's Diner (Closed)

內裡環境氣氛好，樓底很高，就算多人都不會太嘈。我點了一份All day Set 價錢算平宜-澳洲S 級牛扒配薯仔+田園沙律，有餐湯和熱飲，雜菜湯似罐頭都唔緊要，但係好鹹，熱飲唔夠熱，我未開始飲個湯，牛扒已經在枱上，會不會太快呢？牛扒在沙律上面，熱沙律？牛扒3成熟，剛好，但又係好鹹，薯仔又係好鹹。。。係咪我個口太淡？定係我平時食得太清呢？。。。鹹到一個點 同埋只收現金 免收加一，唔收卡都係唔係咁方便吧。。。我諗我唔會再去～或者我會叫佢少鹽。。。

天氣凍凍地好想食返一個意大利粉不過我唔想求求期期識個普通嘅茄汁或者白汁燴意粉好好彩比我喺油麻地搵到呢間樓上鋪見到佢哋主打嘅西餐睇過Menu賣相都已經好似好好食所以即管就上去試一試叫咗佢哋其中一個意大利粉餐加＄28就已經有湯同餐包不過見隔離枱個沙律咁新鮮所以就加多咗個田園沙律呢款沙律都用上好多款唔同嘅沙律菜除咗羅馬生菜紫椰菜翡翠苗有火箭菜同埋車厘茄每一款沙律菜都好新鮮而且再淋上了酸酸甜甜的沙律汁令到個人好開胃就算係天氣咁凍嘅底下都已經胃口好返晒食完個冷盤耍生菜就去到一碗熱辣辣的羅宋湯係冬天裏最好就係飲羅宋湯因為酸酸甜甜再加上少少微辣就更加會引起個人暖笠笠同跟加好胃口飲完湯就到我今晚嘅主菜就係香辣大蝦墨汁麵最鍾意就係食一啲特別口味嘅意大利麵尤其呢款墨汁墨魚麵有一種好難形容嘅特別鮮味因為佢本身唔係死實實的鹹香而係食落口有一種回味的海鮮味滲入咗喺每一條面上面而且主角大蝦啖啖肉彈牙爽口再配埋斑馬臣芝士碎令到成個意大利粉濃香之剩重食得出淡淡的海鮮甜味

約左女朋友平安夜吃飯，因為一味經典的Beef Wellington，選擇了pom's diner，地點就在佐敦白加士街。 先試著黑松露泡泡野菌忌廉湯，好大一份哦，黑松露味道濃，泡泡很特别，湯稀稠適中可口，飲晒仲想要。 跟住就是主菜啦，英國威靈頓牛柳據說是為紀念在滑鐵盧戰役中，擊敗拿破崙的威靈頓公爵而得名。精緻菜式，製作威靈頓牛柳工序多、時間長，而且要用最頂級牛柳，一般重要節日才能吃到。 酥皮香味扑鼻脆脆，澳洲牛柳焗至七成熟誘人粉紅色，肉汁豐富又軟又滑。火侯控制得好，酥皮除了牛油香以外還有一點甜味，配合得好，是這裡必吃的。讓我們想起了Gordon Ramsey的招牌菜。最後「咖啡或茶」的選擇，咖啡及菜我的都試試／當中熱奶茶就是最好的選擇，幼滑甚有茶香，咖啡是即磨的。

冬至晚飯時間閒逛，偶然發現POMS DINER推出了聖誕套餐，三個主菜可以揀，芝士焗龍蝦是我的最愛。芝士味道濃郁，還透出波士頓龍蝦的質感和鮮味，美美的感覺，再配上紅菜頭意大利飯，好健康的享受。還有套餐送的藍莓芝士蛋糕，質素很高，大大的滿足的一次。