伯伯加奴 PPG (Closed)

已經試勻所有味道啦…以我記得所寫…最衰呢度無得補寫啦…薄荷碎巧克力d碎巧克力：我的最愛雲呢拿曲奇：我的次愛…正芒果熱情果：香清香芒果味道檸檬雪果：酸酸地，幾開胃草莓味：酸得來好好味紅豆綠茶：我愛綠茶哦…正香蕉菠蘿味：香蕉味不夠，菠蘿味搭救芒果雪果：清香芒果…夏日之選雲尼拿：普通開心果：好受歡迎的，但我唔鐘意呢隻味咖啡味、朱古力味、棒子果仁：麻麻，味道略嫌不夠濃另有朱古力條，可選擇加草莓醬、熱情果果醬或朱古力醬<<好d脆筒都夠脆也夠蛋味. $28蚊雙球係貴左d, 但真係好好食呀!每次經過時都被它的waffle cone香味吸引住…真的好香架呢度d cake都試過…但還是覺得吃雪糕較好吧~~每間分店的味道也不同…這裡已吃到膩了哦~~如可引進其他分店的味道，有齊晒多好呢~!好味又較健康嘛…所以認為價錢合理

今日放工本來去做FACESO呀! 但係放到工時已經過個Booking時間, 所以都唔係好想去呀, 最後揾左同事陪我去睇鞋......不過都係咩都無買到......之後我地就去左樂園醫肚.....因為新舊樂園爭成十蚊, 我地都寧可行遠多少少.......嘩.....十五蚊碗都可以好飽呀......勁抵食!!!!之後平時食好少的同事, 居然話去食雪糕.....嘩......佢話食得落我一定陪佢去食......最後我地去左伯伯加奴, 因為用恒生信用咭加1蚊cash dollar 可以送多一個球呀!......所以我地咪飽到行唔到....伯伯加奴d窩夫筒出晒名正, 勁新鮮又大個!佢地d雪果好多味....

想揾間有位坐低食雪糕o既呢間幾好, 又唔似Haagan Daz 咁, 坐低食唔駛收加一今次兩個人食左一個 (唔幾得左exact名叫咩)但係雖然等左幾耐, 但係好精緻, 每個雪糕球上下有一塊酥皮, 上面再有CREAM+水果有八種唔同味O既雪糕一次過食晒, 不過每件都好少如果食甜品係為左過下甜引, 唔係飽肚, 呢個值得試下~

家人送給我的生日蛋糕, 當然好食, hehe...個名好似係芒果chocolate cake, 個feel有d似拿破崙, 但中間的又好似唔似酥餅, 似朱古力餅乾多d, 因較硬, 但我仍覺美味! 有種實在的滿足!

２００８／５／１小食看戲之前心郁郁，用了$28+1 cash dollar買了杯雙球雪糕窩夫食。雪糕選了鮮芒果雪果，不甜還帶些酸，初初吃落那陣芒果味就有點假，跟住都接受到，以及之前也試過的咖啡味；而窩夫筒甜了點。地方很細，位子與位子之間都較貼，我們坐在窩夫機附近的位子，斷斷續續聞到出爐的窩夫香…付款時就要決定好雪糕味道，方便另一位店員立即製作，付完錢立即有製成品。令我也急促起來，破壞了那份悠閒感呢﹗

試左燉蛋同心太軟, 雖然賣相唔錯, 但原來自己整得好過佢... 燉蛋用高身布甸模好d, 燒完焦糖成兜暖晒, 變左個面太多糖, 甜. 雪糕擺係面, 溶左細半, 分開上好d. 開心果雪糕幾好, 不過細球. 心太軟凍既? 有朱古力漿出喎, 奇. 好似食緊聖誕布甸, 一pat麵粉漿.. 個set又冇跟雪糕, 好漏.... 我只食過strawberry forever, 似樣d.服務就幾好... 希望有改善啦

地獄周（二之五）步入第二周，早上一杯麥皮就捱到下午三時，完成後急不及待到旺角與男友會合，他提議我平日沒機會吃的pappagalo tea set，也好。餐單上的各款甜品都很吸引，最終選了栗子拿破龠配雪糕。counter的小妹不知是對餐單不太熟悉還是聽不到我說什麼，要問旁邊的senior才懂入單。稍等一下食物便上場了，看見時實在禁不住失望。拿破龠只是在兩塊酥皮夾著一堆栗子蓉，沒有千層可言。酥皮也不酥，只是一塊牛油餅。雪糕球明顯地小（我聽到侍應說：筆細球ｄ），難道跟餐就這麼細？坐得也不舒服，最後只吃了少許便走了。回頭看蛋糕櫃，$20一件的Napolean Cake似乎還比較好吃，tea set還是不試為妙。

We try strawberry and cookies cream~ very delicious and both ice-cream balls are large!So happy^^~ my friend and I share one ice-cream as we already feel full after lunch. Good news ~We can now buy one single pappagallo ice-cream cone ($28) with one additional ice-cream ball using Heng Sang bank credit card $1 cash dollar.

在此再祝阿沛生日快樂！這是友人特登去買的蛋糕，選了意大利咖啡蛋糕。蛋糕外型都幾靚，有頗多白朱古力在上面，側面則有黑朱古力碎。分了一件來吃，咖啡味不太特出，感覺不算特別好吃。不過，以生日蛋糕來說，也做到了本份！

同老公4點幾就去左旺角行街街..心血來潮突然想食雪糕..所以揀左PAPPAGALLO..有得坐，感覺更顯得舒適寫意。一人叫唔同既野..「心心相印」..件餅是暖的，好像跟雪糕有點兒不配合..食落去一冷一熱，好怪..另一個是「冰凍黑松露」..本人覺得超級好味囉...XDD*好鐘意超冰凍既感覺..正!!__愛上了__雪糕，就是「嘆世界」的最好甜點，令人真係心曠神怡..好正..

被新裝潢，店子又大了的伯伯加奴吸引了，又看到可以堂食，於是點了一份cake set。只是沒有cheese cake可選，最多只有軟芝士餅，最後只有選了這個芒果野莓軟芝士餅，飲品選了熱巧克力咖啡，總共$30。芒果野莓軟芝士餅︰一心想吃的是美式芝士餅，可是只有這個代替品，自然是有些失望了。不喜歡中間夾著的啫喱，十分不相配。其餘味道都平均，餅身有淡淡的芒果味，面層鋪上了藍莓醬，酸酸甜甜的。熱巧克力咖啡︰不太好喝，所以喝了也沒甚印象。其實這店也有一些甜點，如拿破崙配雪糕等，都很吸引。加上環境潔淨，又有座位可歇腳，服務態度友善，相信我很快會再來的﹗p.s 地址已轉往朗豪坊地庫2層B2-01鋪，煩請編輯更正﹗

抽獎抽中~薄荷碎巧克力d碎巧克力非常之少, 得幾粒...=.="雪糕本身唔夠滑~唔好食~

本來在Lime@T5已經吃到好飽，不過不吃甜品總有點不滿足。　晚餐後去朗豪城行街，順便就到Pappagallo，因為近期恆生有cash dollars promotion，便買了兩杯gelato試試水準如何。　才$8 cash dollars的gelato，想不到會如此巨大，一杯份量簡直有Haagen Dazs雙球大小!原價才$20，如果好味實在極抵，不過味道真是麻麻地：意大利朱古力味還好，不甜至少有濃郁的朱古力味；草莓味就真是不香不甜不鮮，只得一個酸字。　而且份量大不一定是好事，是晚因為吃得太多，回家後肚瀉了兩次，第二天才好返。吃東西，真的要適可而止。

是日以雪糕coupon買了一個cone 和兩個scoop,才$26, good~ 要了rum raisin 和cherry delight,前者每一粒raisin 充滿了rum 酒香,像極以前在澳洲吃的, 在香港除hagendaz以外,它的rum raisin 是最好味的! cherry delight 便相形見拙,雖然滑但texture 不足, 多一點cherry 較好;而脆cone 真的好crispy, 比de dolce 的好十倍~coupon 還剩三張, 有排食啊。

這種店鋪給人的感覺總是貴價貨，有點吃質不吃量的感覺。今天也是有coupon 底下才會來到這裡。所謂的夢味，其實即是coffee 味雪糕，雪糕本身味道也不俗，大大的雪糕球加上朱古力醬吃起來十分香口。不過脆筒只屬一般貨，如能再脆筒底放些朱古力便更佳了。就像甜筒般。