當下 (翠怡花園) (Closed)

跟家人於翠怡花園附近探完親戚後，發現附近有間居酒屋，價錢頗划算，加上天色已晚，決定先吃完再回家。這次叫得比較多，想不到每樣的份量也很多，最後要捧腹離場。古早蟹籽沙律 - $68中央甘甜的蟹柳絲多得跟沙律菜差不多比例，混著蟹籽帶點爽口感和惹味的沙律醬，整碟帶點冰涼感，好清新。油甘魚 - $88/3切超級厚切，每片也又大又厚。入口有淡淡的甘甜，每口充斥著魚油香氣，好清爽。帆立貝 - $58/4切雪白厚身不在話下，質地好柔嫩，鮮爽帶甜。赤身 - $108/3切脂肪量較少的位置，鮮嫩結實，確實地感受到吞拿魚魚肉的美味。牛油果天婦羅海老卷 - $108/6件每件鋪著一片片細膩的牛油果果肉，包裹著的海老金色外衣好酥脆，蝦肉好鮮甜。板煎芝士牛油帶子 - $78五粒大大粒白嫩可口的帶子，特別是裙邊位，煎得好香脆，橙色的月牙位好柔滑綿糯，夾起有芝士的拉芝效果，牛油多得連底下洋蔥也入味。味噌廣島蠔鍋 - $128出名大隻的廣島蠔有五粒，蠔身飽滿，蠔味濃郁，入口滑溜又Creamy。傳統的味噌湯底好甘甜，還有豆腐、蔬菜和粉絲等等。岩鹽燒羊架 - $128/2件羊架燒得外酥內嫩，充滿羊肉香氣，岩鹽剛巧掩蓋羊羶味

青衣咁近大胃，偏偏好少去嗰度食嘢，皆因放工時間搭去青衣係超多人，不過嗰度都有禾稈冚珍珠嘅餐廳㗎呢間開近民居，就唔好以為啲嘢食係住屋質素睇個軟殼蟹卷都知打得卡又食得開胃，脆香嘅軟殼蟹卷裡面仲有啲牛油果醬𠻹食蟹膏玉子燒就似食出奇蛋咁，好怕裡面冇料到，點知出乎意外啲蟹膏好多好足，夾吓夾吓都係會瀉出嚟日本魷魚勁大條，汁燒出嚟，所以帶點辣味，肉質燒得啱啱好，唔會嚡口，鮮味保持到一個煲仔有成四大舊廣島蠔，隻隻都啖啖肉配上味噌湯底同蔬菜，同海鮮味渾然一體刺身方面，雖然只有每樣三切，但每一塊都大大想塊厚切，鮮味同肉質雙重享受串燒除咗牛，鱔都係必嗌，呢間出色在，鱔厚肉得嚟完全冇骨。一口牛亦燒得剛剛好，肉汁豐富牛味飄然柚子蜜同白蘿蔔嘅crossover，第一次咁食，但原來好夾，inspire到大胃想試吓整柚子蜜沙律

“三文魚刺身”($48/3切)“油甘魚刺身”($88/3切)“帆立貝刺身”($58/4切)“昆布清酒煮蜆”($78)“汁燒原隻日本魷魚”($118)“脆皮風鱔”($78)“免治雞肉棒”($38)“牛油果軟殼蟹卷”($108)“蟹羔玉子燒”($78)“黑松露日本枝豆”($48)“日本岩鹽意大利切餅”($38)Present都有好幾間分店青衣店最近就由西餐轉咗做日式居酒屋提供嘅嘢食種類超級多😍刺身,壽司,卷物,串燒,一品料理,飯/麵等等都有😋今次去到餓餓地一於叫多啲嘢食先🤣刺身叫咗3款,分別係三文魚/油甘魚/帆立貝🥰啲刺身都好厚切又夠鮮甜☺超鍾意食蜆嘅男朋友叫咗碗清酒煮蜆一碗湯入面係超級多蜆🤤啲蜆肉仲大大粒😍個湯飲落去酒味好濃🍶加上昆布同柚子皮調味,喺酒味之中又帶點清新燒物叫咗汁燒原隻魷魚🦑大大隻嘅魷魚切成薄片,一啖一片岩岩好魷魚食落爽彈唔韌,配上微辣嘅燒汁好惹味😍串燒就揀咗平時少食啲嘅脆皮風鱔😝鱔肉燒到外層超香脆,魚味夠鮮唔會腥連一向麻麻地食鱔嘅我都覺得好好食🤤另外仲要咗免治雞肉棒🐔甜甜嘅醬汁加上蛋黃真係冇得輸😝卷物方面要咗牛油果軟殼蟹燒卷🥑軟殼蟹炸到金黃香脆🦀加上蟹籽,牛油果,大量沙律

🇯🇵好耐冇食日本野 去開青衣上堂 黎左呢個新日本餐廳試下🎎餐廳位置唔近青衣地鐵站 但沿海邊行過去都只係十五分鐘內 食飽行番去都好舒服 吹吹海風🇯🇵餐廳好有日式居酒屋感覺 牆身都有日本公仔裝飾 🥦黑松露枝豆黑松露加左一d和風醋 好新鮮嘅配搭 非常開胃🍣刺身組合有三文魚，油甘魚同帆立貝。三文魚同油甘魚都好厚切 好鮮味 完全唔覺得雪左好耐🍣牛油果軟殼蟹卷卷物鋪滿左沙律醬 軟殼蟹炸得超級香脆 咬落去索索聲🍲清酒煮蜆呢個平時去日本餐廳食得多 但咁大隻蜆真係第一次見 好肥美嘅蜆 嗒嗒肉 份量都好多🥚蟹羔玉子燒蟹羔做餡糕比較少見 所以叫咗黎試吓 蛋好滑 頂佈滿左蟹子🦑汁燒原隻日本魷魚真係好大隻 有前手臂咁長 魷魚好淋 完全唔會係擦子膠感覺 醬汁似燒烤汁 夾埋d蔥一齊食就唔會覺得膩 兩個人都可以KO一條🍢脆皮風鱔呢個名真係有改錯 個皮係脆到不得了 但魚肉係好滑 肉質厚實 超好食超高質🤤好想無限encore🍢免治雞肉棒一上菜見到雞肉棒配上一兜蛋漿可以點 個感覺好日本 🤩點左蛋漿嘅雞肉棒更加滑 雞肉棒入面有軟骨 增加口感🍰日本岩鹽意大利切餅呢個千層蛋糕好特別 中間夾左一層蛋糕 tiramusu味 好濕潤

今日lunch同同事一行6個人食，嘢食好鹹，尤其係個飯上面d鹹味粉，鹹到跟本食唔晒，個飯仲要淋咗個唔知咩汁落去，又鹹又水，其實比個白飯仲好。有個同事叫咗個豚角煮，等成個鐘其他人都食飽曬，都味上，問佢係味漏單又唔答，再追問又換人嚟話幫你問吓，最後真係要打卡遲到話cut咗個飯先話等多3分鐘，最後都係要cut單走人，最後個同事要去買杯面翻公司食，真係好慘。總括嚟講，以前食西餐果時係好嘢，依家轉咗日式嘢食後，要去食真係要諗吓先。

同家人在青衣附近搵食，看到Present 由西轉日式有點好奇想試吓看到menu認真製作呀，擺位餐具很精緻，再配玄米茶，好飲到我要問係咩來😅今晚我地三人食都點了8款菜加埋個cake 由於大愛黑松露所以點了黑松露支豆，味道足夠的亦多份量，食到第6道菜都未食完🤭刺身有生文魚、油甘魚、帆立貝 ，很新鮮的，豉油醬汁也好味😋不會過咸牛油果軟殼蟹卷好正，外邊又有魚子的，蟹不會炸到乾身另外有點清酒煮蜆同汁燒魷魚🦑小辣的 但好味😋脆皮風鱔 ，唔洗點鰻魚醬就咁點檸檬汁便可 ，好入味免治雞肉棒配蛋黃 ，很出色呢個做法，咬下去juicy 到點埋個蛋黃食 一流最後來埋個蟹羔玉子燒，佢地用既蛋係超黃又滑，好好食呀最後甜品Tiramisu 都係用心製作👍🏻整體此店質素很高，好少食到尾都係讚的有點喜出望外，值得再去食 因為用心處理👍🏻👍🏻👍🏻

今晚去左青衣探朋友，佢介紹食日式串燒店，位置近翠怡花園，附近都有好多巴士站，例如可以出荃灣、葵芳、藍田、TST and MK, 位置都算方便!我地叫左好多野食，頭盤係黑松露枝豆，非常之香，食落幾惹味，日本清酒🍶煮蜆，超濃酒味，愛酒人士之選👍🏻！試左三款刺身，三文魚腩、油甘魚、帶子，都幾有驚喜！刺身新鮮，唔會雪到好凍，三文魚腩食落仲有豐富既油脂味，帶子鮮甜。脆皮風鱔燒得勁香，外皮香脆內裡又保存到肉汁，肉質咬感極佳，有d彈牙，每條免治雞肉棒配一隻日本生雞蛋，沾左雞蛋汁既雞肉棒原來味道係可以咁夾，仲有少少雞軟骨混合左係雞肉棒，真係好好味，作為下酒菜會係一流，不過聽日要早起身做野，無叫到啤酒!可惜!燒魷魚超大份，燒汁真係好香，完全唔需要另外再沾醬汁，玉子燒配蟹羔真係未試過，估唔到都幾夾，蟹羔有鮮味唔會腥，有係日本食到既味道，幾正!!牛油果軟殼蟹卷好大份，軟殼蟹仲要炸得好夠熱同埋脆，食落其實有d似加洲卷既味道，最後店員仲送左份是日甜品比我地，應該係Tiramisu 蛋糕! 今餐食得好飽同埋坐得好舒服，傾下計都幾relax,! Happy Monday!

呢間野以前西餐嘅時候我食都小小聲前排見佢轉左日本餐就諗住試吓啦(小弟極度鍾情日本）日本餐就最注重禮儀一入到去都冇乜嘢坐低嘅時候果男侍應西下西下咁咁都算，個女侍應總算有啲禮貌一心問吓佢有冇散叫同我講全部一定要食餐我都拗能咗頭如果我要食餐就唔使利食日本嘢啦轉個頭又話有散叫都唔知佢玩乜個侍應話啲生蠔好靚咁味試吓囉然後再嗌多個丼飯然後加埋$98任飲先講生蠔係夠凍嘅但係酸汁太多 好明顯啲喉擺耐阻過當飯嗰炸刺身 仲衰過aeon買 大佬呀你係一間餐廳嚟㗎啲刺身真係好似擺咗好耐都算啦嗰碗麵豉湯好心你就唔好用個蒸蛋碗仲要係用粉開嘅麵豉湯你下我真係睇到o咗咀問過侍應個侍應仲扮晒唔知咁仲同我講唔知邊度邊度嗰間舖有omakase仲介紹我飲清酒大佬話你啲清酒全部都係人哋攞嚟煮嘢食用又或者係攞嚟做House 仲有係咁得閒嘅時間同我講冇串燒啦又冇其他食你開間日本餐仲要話係居酒屋不如你做日本快餐啊問佢有冇啲特別海鮮夜晚都答唔出問佢可唔可以帶啲特別海鮮嚟比佢哋整又話唔得咁你就慳啲都得啦不如早啲執咗佢啦大家真係食日本嘢千其唔好去呢度食根本就係一間垃圾餐廳

今日LUNCH想食日本野，諗諗下有間野可以試下。附近呢間餐廳之前裝修完，原本係做西餐嘅，但近排轉營改咗做日本餐廳。抱住試下嘅心態去試試，入到去裝潢唔似一般日式餐廳，反而都係之前西式餐廳。餐牌選擇都幾多，最後我同朋友各自選左自己想食的定食套餐，本身仲想叫小食，但見隔離台份定食份量都好多,所以怕食唔晒浪費食物就無叫。落單店員都有推介，而且落單同上菜的速度都好快。先嚟嘅係野川牛舌丼定食，當中有三文魚刺身，日式蜂巢豆腐漬，蟹子沙律，茶碗蒸蛋，味噌湯，水果小拼盤，牛舌丼，牛舌都幾厚，口感唔錯，但係啲牛舌脷胎未清理晒同三色椒比較多，有少少影響。再嚟嘅就係角切魚生丼定食，反而這個比較有驚喜，魚生新鮮，口感清新。以午餐嚟講份量OK，質素嚟講算過得去，但感覺上有改善的空間。

日式竟然冇定食，3片刺身138蚊吞拿魚刺身，手指尾大小小，又貴又細，款款野過百蚊，份量細到你唔信，餐廳裡面個牌138，重刻意收埋個1字，老細唔老實，不知所謂，未食過一間咁貴又咁細既刺身，唔好以為黃店一定好！！唔會再去

同先生慶祝生日食個lunch,點知中大伏😣三個人叫左兩個壽司set, 一個魚生set, 三set 都跟茶碗蒸同麵豉湯，未試過茶碗蒸食到吐返出來，最底下的肉腥臭，麵豉湯係超級味精粉沖，兩個都食唔到。魚生唔新鮮的，一陣up味，睇色水已知咩貨色，真係好失望，最簡單蕎麥麵都煮到痴埋一pat pat, 一舊舊，唔係一條條，咁basic 既麵都可以煮到咁😅啲蕎麥麵汁係超濃無溝水既豉油，係豉油😌唔係冷麵汁，傻的嗎？最後加8蚊叫咖啡，酸的，想點？已經唔求好食，全間野無一樣野係正常，救命，想中伏就去幫襯

我是第一次到(當下)這店用餐,一行7人,提早一天慶祝父親節!抱著試試看心情來吃晚餐啊!吖 !竟然有點驚喜喎 !這餐館無論食物嚫品質水準,味道!都非常好!就連壽司師傅同服務員態度都友善!誠懇!講真正我最怕遇著啲態度惡劣嘅服務員!所以值得推荐比大家!希望大家都能享受一個愉快的晚餐!

呢間餐廳原本做西餐，近黎轉營改咗做日本餐，最後被門口大大個牌寫住$98清酒，orion生啤2小時放題吸引咗入去，需要知道嘅係青衣真係無酒吧！開心嘅係唔駛再去青衣城食一式一樣嘅商場餐廳，為翠怡一帶嘅居民提供多種選擇。雖然價錢係中上，同呢度地理位置唔係好match，但食材質素真係相對地高，難得有人用心喺青衣開餐廳，我覺得真係要好好珍惜，下次會黎呢度再試lunch set。雞泡魚乾燒得比較淋身，但咬落去香口又厚肉，餸酒超正！燒牛舌，燒雞軟骨棒必食。另外試咗一個媽媽咸蛋豬肉棒，感覺似食緊燒香咗嘅咸蛋肉餅，幾特別，可以一試！燒油甘魚鮫都好正，外皮燒得脆脆地，魚肉保持嫩滑。野菜炒烏冬嘅調味同炒法都唔錯。芝士年糕都燒得好好，個皮好軟滑。

同父母一家三口去食6:30入座 入面得1-2台客 唔算多人叫左$188海膽炒飯、石鍋、壽司石鍋同壽司15-20分鐘內就上到檯個炒飯就犀利 等左一個鐘先到多水氣到傻 濕笠笠痴笠笠咁完全冇炒飯個啲鑊氣重點係等咁耐 父母都一早食完 齋坐勁無癮咁少人幫襯都等咁耐 就算好食到識飛都冇用啦如果要客人等成個鐘既你餐牌寫到明呀嘛第一次食 轉型之前未食過上網見到咁多好評就諗住試下點知中曬伏 仲要轉型轉到性價比極低唔好食 又貴 又份量少 仲要極少種類真係冇下次做左openrice member咁耐第一次忍唔住比評價

環境OK，坐得舒服， 食物就太一般， 牛扒收費不便宜，質素差， $198一份， 牛扒的厚度和價錢不乎， 肉質不佳。 光顧好幾次， 但牛扒表現一般，火候控制欠缺穩定。 大部份食物都偏鹹， 意粉約佰多元左右，味道還好。 但份量少， 女人食量算少，但後還覺的不飽。餐廳內有甜品， 款式尚算多， 味道好，雖然知道他是外購， 但看得見有用心機選材。如果俾同樣價錢，我寧願行遠少少去青衣城，得到嘅食物質素同環境應該好好多。 起碼牛扒一定比這一間好， 這一間牛扒收費不便宜，質素差， $198一份， 牛扒的厚度和價錢不乎， 肉質不佳。 光顧好幾次， 但牛扒表現一般，火候控制欠缺穩定。服務態度都ok, 和客人有交流， 有禮貌。送餐速度適中。唔會再幫襯