皇后冰室

Open Now

Now Closed

Apm側門有個扶手電梯落去對面就見到，位置都非常方便。睇到個餐牌覺得好黐線，幾十蚊個餐仲要包埋嘢飲免加一。下午茶去到五點半，然後佢哋六點先至會閂門，記得千祈唔好夜晚去。叫到最貴個美國費城烤西冷餐都係七十八蚊，肉的口感有嚼勁但不難咀嚼，肉汁超香。 個田螺焗薯蓉撈埋一齊食真係勁香勁滑，食完一粒就忍唔住再食落去。未見過一粒粒西多士，比起平時茶餐廳嘅更大更鬆脆，配埋糖漿同朱古力漿一齊食，味道一流。同朋友點咗咁多嘢都係一百四十幾蚊，優惠到不得了。

我揀咗忌廉汁白菌焗三文魚粒意粉套餐，意粉煮得剛剛好，彈牙有嚼勁。配上濃郁的忌廉汁同香濃的白菌，增添了豐富的口感和風味。三文魚粒焗得恰到好處，每一口都很滿足。另外，我揀咗脆烤香草雞扒伴野菌黑椒汁意粉套餐。雞扒烤得香脆多汁，肉質嫩滑，有淡淡的香草味道。意粉配上黑椒汁，風味豐富。而套餐會包餐湯同飲品，我點咗羅宋湯作為套餐，有蔬菜同肉。我另外仲叫左老香港瑞士雞翼作為小食，鹹鹹甜甜，好食！而甜品叫左招牌自家製芒果布甸，可以額外加奶

因為工作關係經常會經過觀塘工業區最近經過皇后冰室發現下午茶非常抵食今天吃了這幾樣菜式：西多士 🥪切片的麵包沾上蛋液，再煎至金黃酥脆。外層酥脆，內部麵包軟綿，是一個經典的美味選擇。溫泉蛋肉醬意粉 🍝🥚意粉加入滑嫩的溫泉蛋和鮮嫩的肉醬。溫泉蛋的蛋黃破開後，與意粉和肉醬充分混合，味道濃郁🥩薯角 🥔表面酥脆，內部軟熟。搭配各種調味醬，如番茄醬、芥末醬、蛋黃醬等，增添口味這是一個美味的小吃選擇適合作為快餐或下午茶☕️總括而言，性價比高！適合日常過來用餐🫶

觀塘工廈近年新開了不少餐廳，其中多有讓人驚喜的，就如上月開張的「皇后冰室」。餐廳在2樓，工業風裝修，燈光柔和，牆壁上掛有壁畫和別緻裝飾，一派西餐廳的格調。餐牌上的午餐非常吸引，有主菜、餐湯和飲品。主菜可選珍珠米飯/薯菜/意粉。“香煎魚柳伴磨菇忌廉汁”，魚柳肉質鮮嫩幼滑，煎得很香，伴有西蘭花、磨菇等爽口配菜，忌廉汁和意粉也相當合配。“雜錦肉扒配黑椒汁”，大碼份量，一塊大豬扒，一塊大雞扒，一條珍寶腸，並煎得香噴噴，熱度十足。配上珍珠米飯，圓潤分明，口感非常好，加上微辣香口的黑椒汁，特別開胃。餐湯：羅宋湯和忌廉湯。飲品：咖啡或茶這裏的氣氛不錯，套餐款式選擇多，西餐廳質素，茶餐廳價錢，是午膳的好地方。

今次觀塘工廈紅雨下尋寶之旅幾滿意，但同時相當感觸！呢種港式茶仔味道看似平凡，但要喺租金昂貴人才短缺嘅新香港下生存著實困難。而且港人消費模式轉變，喺猛踩本地小店又狂讚內地食肆有多價廉物美嘅市民會唔會諗諗，第日要食到西多奶茶紅豆冰可能愈加困難？不要等到消失了才學會珍惜，其實香港仲有好多好有特色好有價值嘅舖頭仔值得大家幫襯，其實都係貴過返大陸食少少架咋😊肉醬意粉🍝嚟講一定係焗嘅最香口好食：）下午茶份量嚟講都好大碗！新鮮出爐嘅炸魚薯角～ 炸魚粉漿唔厚，但同時又做到食落外皮鬆脆，內裡面嘅魚肉細滑好食！薯角就正常發揮脆卜卜的～係好難得遇見嘅一粒粒西多士粒🥹🥹🥹對比起平時一大塊方包咁炸嘅西多，呢款一粒粒嘅西多係可以炸得更鬆脆！因為佢會有更多邊佔到蛋漿咁炸！配埋佢嘅糖漿同朱古力漿一齊食，味道一流！😋😋😋下午茶餐牌相當經濟實惠！

喺觀塘通常都會晏少少先去食午餐，喺巧明街經過見到價錢好似幾優惠，最平$39就有，所以上咗食，環境都舒適，座位比想像中闊落，本身以為係普通茶餐廳款，但係都有少少工業風，不過可能新開所以暫時人唔算好多，但係出品OK，我叫咗個煙三文魚忌廉汁天使麵$49，仲額外加咗$4 飲個羅宋湯，再包埋杯咖啡，仲要份量好大同午餐一樣！性價比超高，我一個女仔係食唔晒，我覺得如果大家喺觀塘返工真係可以上去一試，下午茶都有15項選擇，的確唔錯！打到最尾先記得仲要免加一😍😍😍同埋佢暫時淨係做午餐同埋下午茶，大家可以夾啱時間上去食。