皇后餅店 (Closed)

去又一城下午荼，Cova太多人，所以去左皇后餅店。店內有10幾張枱，距離同EXP一樣窄，如果隔離位唔生性大聲講野都幾騷擾。今次叫了2人下午茶，我點了伯爵菜，罕有的跟蜜糖而唔係白砂糖蛋糕可以去餅櫃任揀，見到有款漢堡包蛋糕咁得意，於是叫左，一食就知揀錯，因為甜到漏，好似用十包砂糖冲一杯水咁甜另外，叫侍應加熱水佢地又唔多理你咁！結論：蛋糕(漢堡包蛋糕除外)適宜外賣不宜堂食！

今天一行四人去了餅店吃High Tea，氣氛也挺不錯的。我點了一杯Mocha，賣相可以。濃度適中，不太甜也不太澀。價錢適中，只是比兩大連鎖咖啡店昂貴一點兒。以又一城的地域，收$36元一杯熱咖啡也算合乎中道。加上柔和的燈光和舒適的沙發，性價比也算划算的了。座椅多為2人座，所以我們靜待連續兩張空枱才拍住入座。也不是等很久，而上菜也挺快。沒有喧嚷，也沒有背景音樂。如果要brainstorm，簡直一流！美中不足的是還沒開通免費WIFI。如果想查詢什麼的，就靠微弱的P記信號吧！

20幾元一件cake, 皇后餅店都總算是物有所值的~(店員謂cake是每日鮮製先運的, 吃起來都是真的吧...)粟子燕麥 $20配搭不錯的粟子+燕麥, 我蠻喜歡~ 這個不太甜,.. 起碼比COVA那太甜太漏的oat cake好一點, 內層蛋糕尚鬆軟, cream的比例適中, 清清淡淡的, 好味~(但如果粟子味濃味的會更好~)香蕉朱古力 $25香蕉+朱古力, 是choc lovers心中一個經典配搭.這件cake, 都幾夠份量, 好moist, 好濃好濃的朱古力味, 咬開內面夾着一層再一層軟滑的新鮮香蕉茸, 正!!這兩種截然不同的甜點享受, 吃得人辛福又滿足~

叫左一個tea set, 意大利芝士餅超級失望，冇味冇道，cookie凍的又係冇咩味，唯獨榛子咖啡不錯。成舊水一個下午茶絕對唔得money for value! 服務水準亦很差，個個黑口黑面咁，問佢要杯水，比超熱既，碟又唔跟，一放低就瀉哂上桌！

早幾年不愧有幫襯queen's 買cake同cookies, 以前係覺得水準好好......不過我諗我要改觀....星期日出左去festival walk 諗住食tea.....simply 果間太多人排隊, 所以轉去食queen's cafe......點知好後悔......我同friend 叫左一個set for two......咁就梗係叫兩杯野飲....點知個staff 可以問左工次我地叫一個set......話明set for two, 就梗係一個set......之後出去choose cake.....黎到又俾錯cake.....我地叫左tiramisu 同blueberry cheese cake.....真係無食過咁難食既cake lo~~~tiramisu ---> d cream 一d 都唔滑.....美心果d仲好食過佢....食左1/3都無blueberry cheese cake ----> 無cheese 味, 仲超細件hazelnut coffee ----> OKJasimine Green Tea ---> 得一包茶包沖.

甜癮大起，吃完HD整pint雪糕又心思思想食cake，又來了皇后餅店買餅。　堂食環境十分優雅清靜，但更想同老公想快點回家，所以選擇快賣，邊走邊食最慳時；一眾精緻甜品中，Chocolate banana cake件頭最大，價位卻也最抵，才$23件，看來又滿香濃的樣子，就選了它。　蛋糕以小巧純白紙袋盛載，表層是精美拖肥糖醬，牛奶朱古力層頗厚，也滑；緊接其下是頗實淨的朱古力蛋糕與香蕉夾層，蕉味頗濃重，喜歡此味的應會欣賞。後來想起甜食友曾推介Simplylife的朱古力香蕉蛋糕，下次再試!

平日的八點幾鐘，店內空無一人，雖然了解這裡是以外賣蛋糕曲奇為主，但應該不致於一個人也沒有吧！膽生毛的我們，不管太多，直闖入去揀個靚位坐低。晚上亦有茶餐供應，二人Tea Set包兩件蛋糕，迷你酥餅以及飲品，索價$140，另加一。兩款蛋糕分別為藍莓芝士蛋糕和德國芝士餅，前者質感實在，芝士味濃香，藍莓不酸，又有可口的餅底，水準不錯，真不明白為何沒有生意。德國芝士餅同樣是夠硬身，亦有鬆脆的餅底，只嫌芝士味稍為薄弱，不及藍莓芝士蛋糕好。酥餅其實只是小曲奇，偏硬，既不脆口亦欠鬆化，有點失望；另外有烏結糖，我沒有吃，據報亦算幾好。飲品係朱古力咖啡，奶泡幾厚，也香滑，不過朱古力味不足。傾足一句鐘，一個客人也沒進來，很有包場的感覺。

西餅於我而言…喜愛程度只屬一般…但【皇后】哩個”煙囪餅”係例外…只要經過都會心思思…買親都忍吾住要打孖上…o架!餅身o既蛋糕軟熟…煙囪下果層厚厚又幼滑o既鮮奶油至係靈魂所在…加上鬆化餅底…明知食完就心生罪惡感…但就係抵吾住誘惑…一錯再錯!!!...覺得自己好可惡啊!!!嘿嘿嘿!!

同朋友食完晚飯後到此享受甜品我order 了: 德國芝士餅朋友: 芒果黑森林蛋糕 & 黑森林蛋糕我最愛食芝士蛋糕, 只要夠硬身, 餅底夠硬, 重芝士味我就會覺得好食呢度做到唔錯serve 我地個女仔又得意...環境幾靜 (因是晚得我地一枱客), 同朋友傾計吹水幾好~

跟朋友到皇后食TEA SET叫了一個mango cheese cake豈料食左兩淡覺得怪怪地才發現上面已經生晒mould本人立即跟侍應講又要求兩杯水嗷口可是侍應只是收了件餅之後又無再理我地後來我唯有再叫侍應佢就拎左件千層MANGO CAKE給我 跟住我話岩岩食完MANGO出事又食侍應就話千層MANGO CAKE是星期六日才有所以保證新鮮聽完之後真係覺得好驚訝後來我們要求離開但侍應話要等經理俾我地交代咁我地就等多陣啦點知經理黎到態度奇差黑面話咁我幫你地取消張單LOR連道歉都無又話件CAKE已經放左入垃圾桶唔會俾返我地拎去食環度實在太過份

身為一個無甜不歡既人 一口買走三款西餅香蕉朱古力餅, tiramisu and blueberry cheesecake香蕉朱古力餅 -蕉味好香 唔太甜 食完一d都無滯住的感覺 tiramisu -對佢印象唔係好深... 有選押的話唔會揀佢blueberry cheesecake - 質地太實太厚 食少少已經好滯

第一次正裝第一次面試銅鑼灣利蘭中心被一堆名牌店鋪包圍終于看到一家我能消費得起的店好熟悉的Queen’s走出店門才意識到不就是天天都路過的Queen’s嗎？果壳苏三饕餮走四方 餐厅名称 香港皇后餅店 餐厅地址 九龍塘達之路80號又一城 LG2 層27號舖 交通 九龍塘地鐵上蓋就是又一城 餐厅电话 2265 7978 营业时间 星期一至日：11:00-23:00 就餐时间 2008 年 12 月 2 日 20 时第几次用餐 第 1 次 可否刷卡、八达通 使用现金 如何知道该餐厅 每次坐地鐵回宿舍，都要經過這家店，終于有一次忍不住了 用餐目的 嘴饞 菜名 栗子蛋糕 价格 18元 评价 美心那陣子主打栗子點心，12元和15元各有一個。和Harry一起吃自助時，給他買過一個，自己沒吃到。在柜臺前猶豫，黑森林還是栗子——最終選擇了栗子。除了甜沒什么特別，樣子挺好看，一層一層的。 环境如何 有很舒服的座椅，逛街累了可以來小憩。外賣打包的袋子很漂亮。 卫生间如何 沒有衛生間，用又一城的衛生間。特別的是，衛生間里專門有一個寫著：皇后餅店專用。 服务如何 聽的懂普通話，很nice。 餐厅特色 就是一個面包

在九龍塘下午茶，很快就會想到cova，還有其他嗎？queen's konditorei 吧，沒有樓上queen's cafe 的貴氣，反而帶多些relax 的感覺，枱不多，十張不到，寧靜休閒。tea set for 2 有兩件餅，加pastries 還有兩杯飲品。在偌大的餅櫃中選餅是樂趣也是苦差，總有點擔心不好吃﹗要了mango chocolate black forest and double cheese cake，以mango 代替了dark cherry，有點怪....我不太喜歡。double cheese cake 是罪惡之選，兩層不同的cheese cake，上曾是較鬆軟的那種，下層是new york cheese cake 的重口味，嘩，兩種味道居然很夾，很滑之餘也很香﹗pastries，有栗子、草莓和腸仔卷，沒有特別，也不算好吃。飲品方面，我要了hazelnut coffee，作為伴甜點的實在有點over，下次還是選比較淡口味的好了﹗

同朋友入來想飲杯野, 在dan ryan及皇后餅店的門前作決定.最後,我們選擇了皇后餅店. 店內有很多不同cake, 賣相十分吸引,價錢又合理.但原來堂食和外賣的價錢是不同的. 堂食的價錢比外賣的貴十多元最後,我們還是點了iced mocha算了味道有些少淡, 可能是冰粒的關係.雖然如此, 但這裡是一處十分適合傾計的地方.

家中有人生日, 家人買了個芒果蛋糕回來慶祝, 圓圓的外形, 蛋糕面上舖滿芒果, 幾靘下, 但原來內餡只得中間一層忌廉配上少量芒果肉, 其他全是海綿蛋糕, 真是很普通, 仲以為有些慕思或特別餅底或味道添, 而且蛋糕不太軟熟, 沒想像般好, 有些失望.