R66 旋轉餐廳 (Closed)

遲來的食評.我於10月14日同埋爸爸,媽媽三人一同食LUNCH BUFFET, 因之前已睇食評,已預咗不要太大期望食物真是一般, 冇乜特別, 不過冇期望, 所以冇失望.哈哈!!環境真是一流,360度維港景,冇得彈..爸爸睇到唔捨得走tim.服務都唔錯,我媽媽嗌coffee時個侍應生仲問驚唔驚夜晚訓唔著.我唸喺到食lunch就幾好嘅,晚餐就冇咁抵囉!我爸爸媽媽嗰日食得好開心,我遲D都會再同佢地嚟食LUNCH

來這裡都只是為了那個360 度轉. 早知食物不好吃, 但沒料到是如此難吃!海鮮是霉的, 牛扒是韌的, 炒飯是淋而無味的. 一言難盡. 不能盡錄每種菜式如何失敗. 總之對食物有要求的話便要預定會失望.賓賓二人band 整晚不是在唱生辰快樂便是唱六, 七十年代的英文老金曲. 什麼Yesterday Once More, Casablanca 之類的. 真令人有在沿地轉圈的感覺.最氣憤是那支只可說是倘算OK 的紅酒他們要charge $500. 好過去搶.不過這360 度香港景色又唯它獨有, 沒辦法... OK 只是賞給景色的.

昨天補祝男友生日, 特選此間餐\廳食, 因為風景真的美, 氣氛都夠浪漫, 有live band唱歌. 不過張枱就比較黑, 如果他們在枱上放蠟燭會更好. 最怪就是洗手間啦, 要男女share用, 比較唔慣...<br />至於食物壽司刺身一般, 海鮮唔夠新鮮, 主菜的選擇真的比較少, 而甜品款式雖然多, 不過味道真的不好.<br />最後我覺得最好味的只有莧菜忌廉湯, 忌廉薯仔, 朱古力噴泉的士多啤梨, 忌廉沙冰而已.<br />雖然食物方面比較一般般, 但是如果想同情人浪漫一番, 都可以嘗試一下, 不過一次就好啦, 唔好多...

朋友來港，所以上去睇個hong kong night scenery但係好失望，except satified個view其它野都令我好失望！我都未食過甘少choice gei buffet而且都幾難食arD waiter gei attitude都『好』到嚇死人真係十叫九ng應！佢真係ng使旨意叫我俾錢再上去食~

小小的朋友成年，要大事慶祝! 其實原本想去Felix，不過怕食量驚人的壽星不夠飽，結果改來R66，一樣有無敵靚景。　一行四人來到62/F的R66，環境是不錯，不過不覺得有轉? 原來餐廳旋轉速度很慢，轉一圈要整整66分鐘；這也是餐廳名由來。朋友叫了紅酒，在飽覽港島夜景之時品酒，感覺真的幾好! 　食物方面，餐廳免費送一碗帶子魚翅湯不錯，其他都一般：冷盤有沙律、刺身、壽司，其中刺身切得極厚，水準參差，其他ok。熱盤主打的荷蘭汁焗帆立貝味淡而極油，其他也不太好。甜品種類不少，但我最愛的Tiramisu及麵包布甸都令我失望，最好是生果及朱古力噴泉。　這頓自助餐食得不會太飽，還可以留肚給半島的蛋糕（見下一食評）；當然，最緊要是壽星仔開心。生日快樂!

間唔中去R66食lunch. 因為灣仔金鐘一大帶想坐好少少食lunch,都過百蚊。但係R66的express lunch, 有湯-主菜-自助甜品+餐飲都係幾十蚊，加上個靚景，去邊度搵。主菜一般都件頭幾大，男士都好夠食。自助甜品的選擇都幾多，有麵包布甸，做得幾好，不太油，有牛油香味，內有軟蛋布甸，又有雲哩拿汁。很正宗。蛋糕都唔錯，由其係new york cheese cake, 好味。

我岩岩食完呢間R66，一返來我就已經忍唔住要上來俾d評語。坦白講，我真係好後悔，平時搵地方食野，都會上來做下research，今次做漏左，就注成大錯。不論食物定係服務都好差，我真係好想打個電郵俾胡應湘，佢咁樣做間餐廳，真係有損香港形象。1. 如果你用佢個生日優惠，你一定要有心理準備，好似俾差人查身證咁，個分別係差人可能識講唔該，佢既待應係唔識。2. 你經常都會聽到佢既部長跟待應討論工作安排、放假既工作安排，完全寓工作於娛樂，仲要係大大聲咁講，你可想而知氣氛會係點。3. 我第一次去餐廳男廁同女廁會係埋同一格，真係一個好既旅遊景點‧‧唉。4. 食物方面，因為之前既朋友都俾左好多好中肯既意見，所以我唔重複，只不過想提出，佢地既食物質素真係keep得幾好，無論第一分鐘整好出來，又或者一個鐘頭後，食物既味道都keep到一樣，完全唔似果種食物本身既味道，你試過食魚生，食完即刻想吐既感覺嘛？唔打咁多，如果都係唔信我地既評論，請即管去試下啦。

其實此有很多優勢，可惜某些裝修較為舊！一般的食物都好好，不過真是奇怪，唯獨生蠔欠奉！甜品的種類也較少！能夠居高臨下觀賞維港風景，實在是人生一樂也！

21日另一半生日所以希望令佢有個難忘既一晚，一個禮拜前就book定窗口位，去到比我想像中好，個景好靚氣氛好浪漫，食物方面都好滿意，熟食好多選擇生食都好新鮮，服務方面就更加要讚，因為我有特別要求但佢地都盡量滿足我，實在太好啦....一定會再去。

9月9 日男友生日同佢黎食dinner buffet, 入到去只感覺好殘舊.我地無window seat 坐, 不過唔緊要, 坐sofa位, 都幾舒服.食物方面, 第一次食over$300既buffet無生蠔!! 唔掂!魚生檔亦唔係有師傅係度即場切, 感覺唔新鮮咁.只係食左d三文魚, 熟食都無咩食過.因為一d都唔吸引.連我咁鐘意食dessert既人, 都無被佢既dessert吸引.最好既....可能係西瓜.當日男友生日半價, 兩個人$570埋單.咁既價錢, 不如上山頂, 又有view d 野又好食!呢度, 一次就夠了.

食評話到個景咁正,噚日老婆放假,同佢食Lunch撐檯腳,响62樓食Buffet,環境一個字"正",食物款式好一般,都有三文魚刺身你食,選擇種類都好多,咁正View心情都靚哂,老婆勁Happy,就算食碗公仔麵都開心,埋單$220,超值

今天是一個特別的日子，和男友到這兒食lunch。要差不多一個星期前才能訂到window seat。因為我們都不餓，所以選擇了express lunch，有soup+main course+自助甜品+餐飲。main course要了鴨胸和羊膝，我覺得兩個都不好食，只食了一口就給男友了>"<好在有自助甜品，選擇都幾多，味道也算可以。咖啡和檸茶都不好喝。總的來說，有靚景就食得好開心。

上個星期去食因為Lunch有個特快午餐即係有個主菜, 湯、甜品任食$63.. 加埋一都係$70就算全Lunch 自助餐都係$98... 加完一$108都幾好味喎...唔似坊間說的景靚難食! 麵包布丁、蛋撻都幾多選擇主菜的牛扒略硬食得飽飽才離開。而且個景一流...日頭睇得好清楚!!值得一講d服務好好!!

尋日去咗食dinner buffet, 之前都上過嚟睇吓啲評語, 話啲嘢食唔係太好, 勝在嗰view正...於是我就同我男朋友嚟試吓...(而且係我男朋友生日..有半價嗎)...點知真係好似啲網友話食物真係一般...不過唔緊要啦..有嗰景搭救...我諗我下次都會再嚟嘅

今晚同女友在R66 慶祝生日，景色、情調及服務都一流，但食物質素以300多元的自助餐計，實在差強人意。炸蝦餅﹕唔夠熱帶子﹕有沙軟殼蟹﹕唔脆...太"林"生蚝﹕欠奉(咁貴既自助餐竟然冇)凍奶茶﹕冇茶味甜品﹕味道唔掂........ 冇下次。