Rainbow Cafe (Closed)

長洲近碼頭的一間小店，星期日下午四點食到六點，另外都只有兩三台人。兩個店員，要自己出去點餐俾錢先，跟住佢地慢慢泡製。呢杯green tea latte，好濃抹茶味，但略有種抹茶粉味。呢杯黃金牛奶，係牛奶加薑黃粉同肉桂粉，都幾好味，特別啲，好少見～ 飲完想訓覺～呢個甜品D8, 個三文治係芝士蘋果肉桂，另外有啲蘋果同肉桂粉，同蜂蜜。有心思，味道有驚喜。韓式三文治，略嫌乾左少少，但煙肉芝士同蛋都好味～另外個餐包埋生果粒～

夏日炎炎去長洲，無理由剩係陽光與海灘既！朋友就帶我去左呢間小小cafe享受下夏日午餐！中午暴曬到不得了，緊係要搵個涼快舒適既地方休息下！入到黎都覺得幾舒服架！雖然係小店，但飲品食品款式都唔少，算係咁啦！朋友叫左個All day breakfast， 十幾款野食入面係可以俾你揀5款既，雖然食材普通啲，但出黎效果都ok, 望落去都清新既！蕃茄個樣整得幾有心機！整體唔會話難食，叫做不過不失啦！我就叫左個香辣墨西哥雞卷, 推薦推薦～辣辣地既雞，配上清新既青椒蔬菜配料味道都幾夾，個皮唔林仲帶少少脆軟感，表面乾爽，起碼渣上手唔會黐笠笠食到成手汁咁先啦！仲有三款配菜你揀，揀左蘋果果仁沙律，清清腸胃幾好😎朋友叫左杯什果賓治，入面有啲真水果架！我就叫左杯柚子梳打，簡單又清新！整體黎講都算唔錯啦！環境舒適！食品都唔錯！

尼間係今日去長洲既主打：文青餐廳。話說在數年前同男朋友黎過尼間餐廳食all day breakfast.當時的我仲抱住個人形甘大既bear bear熊影相，好懷念！記憶猶新。所以今日要再黎食多次。我地11:45到左長洲，靠我既記憶搵番間餐廳，搵極都搵唔到。諗住放棄的時候，突然比我再搵番尼間餐廳，入到去仲見到我之前見到個隻人形熊bear bear. 原來尼間rainbow cafe係12.先開門。唔怪得我搵極都搵唔到啦。事不宜遲，入番正題。今日必食All day breakfast.佢既all day breakfast 多款選擇，雖然係普通菜式，但本小姐食的是感覺，食的是記憶。所以特別好食！All day breakfast 可以任選5款食物，我就叫左漢堡排、芝士蕃茄、煙肉、蒜蓉包、牛奶炒蛋。全部都有水準。特別要一提：煙肉一d都唔硬身,仲有肉汁。整得唔錯。全個餐加埋杯drink都係$88 不設加一我地仲叫左西班牙雞卷加配菜（$50），好好味。雞卷入面既材料都絕不馬虎。有切絲既雞肉，菜瓜。味道非常juicy好味。環境坐得又舒適。推薦！！

After buying the Sanrio Lucky Buns at another shop, went to this cafe for a rest as the sun was scorching hot. The cafe as you can see has a strong bear theme to it.They have a special dessert menu with a cute bear dango and latte and I ordered it immediatelyI expected the green dango to have a stronger tea flavor but it didn't. However, adding the red bean paste or kinako to the dango made it a pretty good chewy dessert. Of course the cute bear dango in the middle and the latte with cocoa powde

長洲其實越開越多特色餐廳同鋪頭..而rainbow cafe已經開左一段時間..餐廳感覺好悠閒..好舒服..有postcard賣..係比客人買左之後可以寫postcard寄返屋企或者比朋友..去到冇乜人..可能因為星期六 好有旅行既感覺呀!!今日試左double espresso $33..3份1個紙杯抵唔抵見仁見智..甜品方面..其實之前都試過..一般..冇咩特別..感覺亦係家庭式自家制甜品..hea少少..

以前食過呢間，當時野食都係ok的，今日行過就諗住回味下。點了一個窩夫雪糕加兩杯野飲。兩塊窩夫係完全凍冰冰的，變左成舊死實實既麵粉，一加上個窩夫麵粉係 “瓦”色的，可能係麵粉唔靚既關係，完全冇麵粉味，絕對只值零分，完全唔值45蚊，我認為水平只與一般街邊低水準夾餅冇異。至於兩杯飲品分別係台灣菊花及青檸梳打，台灣菊花沒有味道，同水冇咩分別，而青檸梳打就冇咩特別，價錢偏貴。經過呢次中伏後，相信以後不會再次光顧。

Service was slow even when the cafe wasn't full.  Service with no smile.  Waited very long for Chocolate Lava Cake and Apple Crumble .  Both tasted OK, but the inside of Apple Crumble was not fully cooked. 

位於海旁一間小小cafe, 只有幾張枱，出面可以一面望住個海景一面嘆杯咖啡，悠閒咁渡過一個週末，最好少啲人去啦。因為同閨蜜去傾密計，所以撰坐入面，入面掛住一啲長洲舊照，同一啲客人寫上postcard既留言，真係適合兩三個傾下計，或想獨自嘆咖啡思索人生既好去處。今次仲特別整左依個圖案係我地，非常可愛，又有長洲特色

一家三口到長洲慢行，到埗後吃過大魚蛋，又到久違了的張保仔洞走了一轉。"Mi mi more more"轉眼間已接近黃昏，臨行前就到了碼頭附近的cafe坐一會歇一歇....走進來，出奇地沒點甚麼咖啡紅茶，入來儘叫的都是小吃甜食....窩夫即叫即烘外脆內綿具蛋香，再加上舖天蓋地的糖霜以及朱古力醬，這樣再難吃當然亦有個譜吧....當然少不了的還有身旁的那一小撮忌亷，這可是太太及小友的大愛，光只吃這就已讓二人大點其頭....我個人更愛的是這個chicken fajitas，大大卷餡內塞滿了炒香了的軟淰雞肉、青椒及洋蔥，實在是越𡁻越香口；至於伴碟，以黑醋醃漬過的小切粒蕃茄，入口甜酸有度，越食越開胃....就這樣，食下又傾下，很悠閒地又過了一日....

記得當日興致勃勃咁去長洲，行下街，點知落雨，好掃興呀！好彩，見到有間幾特別既cafe就入左去避雨我地嗌左all day breakfast,入面既食物就自己選擇既。我就要左栗米、炒蛋、漢堡排、waffle同生果對面既食肉獸就叫左腸仔蒜蓉包薯角同漢堡排。食物方面，不過不失，熱食上碟時都仲熱既，味道普通正常，生果新鮮，蘋果無氧化。值得加分既係餐廳環境好悠閒，入到黎好似渡假一樣。一旦坐低，就唔想走，慢慢咁、靜靜咁就好輕鬆咁過左半日，係一個放鬆既好地方

想人少少所以㨂左星期五入長洲，一到步放低左d行李後就出去揾食，上網見呢到正評都可以話係最多就試下la...網上既圖係有雙熊係門口，但去到隻熊係係入面的。間店其實幾細，坐滿其實幾迫，同埋唔關門既關係，一有車經過就好嘈，呢樣係最差既地方。講下間店，一入去牆上有名信片售賣，亦有紙仔俾客人寫野然後掛起板上，怖置都幾靚同有心思。唔太肚餓關係，兩個人叫左個all day breakfast同兩杯野飲。all day breakfast 個賣相就唔係幾靚，無肉，薯角都脆脆地味道唔錯，粟米同蛋味道都正常，但塊面包就好似唔係咁新，麻麻，整體都不錯的，而且價錢適中，跟餐的奶茶很淡，完全無茶味，不好飲，另外叫的柚子梳打都唔錯，但柚子不多，但要三十幾蚊。整體環境食物其實一般，但奈何長洲cafe既選擇不多。

長洲好似暫時都係得呢間cafe黎過幾次，都冇失望，幾好今次叫咗個All day breakfast80蚊自選五款+飲品咁就揀咗蒜蓉包，好香脆，咬落口脆卜卜，而且好夠牛油同蒜蓉味，好好味👍👍牛奶炒蛋，炒得好滑，加埋少少香草，增加不少蛋香漢堡扒就無特別，都煎得好香口泡夫也很好，個皮雖然淋咗d，但好有牛油酥香，略嫌唔夠忌廉粟米碎蛋沙律都ok，醬料同材料配搭剛好，好清新青擰梳打，唔會太甜，亦有青擰鮮香味，加埋梳打，超解渴整體係good😋

我們在長洲散步時發現一間cafe ，剛好行得累就進去了，想不到有意外驚喜。入面佈置得很精緻，長腿熊店長還好頹廢地坐著迎賓🐻熊：隨~便~坐。。latte (8分) - 本身我對咖啡的苦澀味有點抗拒，但這杯拉花精美，飲落入口香滑，裡面咖啡的味道同牛奶味很balance， 而呢兩種味都能分別刺激我的味蕾。回程到中環時，咖啡的微酸和濃郁的香味仍然停留在我舌頭上，令人回味無窮。連白熊都想飲！apple crumble (10分) - 一個小圓形形狀上枱，分量適中，咬落脆卜卜，入面充滿一塊塊切細的青蘋果，店員焗到它熱辣辣， 味道偏甜，配合雲呢拿雪糕，一凍一熱突襲舌頭，很合我口味。充滿蘋果粒！

難得嚟到長洲，特登要嚟rainbow cafe！平時成日都聽到呢到有間幾別緻嘅咖啡店，就plan咗一定要嚟一次喇。今次去係閒日，鋪頭無咩人。成間鋪感覺好田園，用咗淺色嘅木系用品，簡單舒服。鋪頭有好多公仔，最吸目就係呢隻咁大嘅熊仔喇！真係好想攬實佢，好可愛因為食咗好多街邊小食，都5餓，我只係叫咗一杯latte，坐下欣賞下鋪頭嘅擺設，好休閒呢！呢杯咖啡好有驚喜，本身念住呢度咁着重外在擺設，驚咖啡失色，見拉花亦普普通通。點知一飲，奶味濃而滑，咖啡味亦香而不酸。奶和咖啡嘅比例恰到好處。最重要係咖啡熱度好足，5會5夠熱得微溫，為整杯咖啡大大加分！而且大大杯，價錢亦平，好抵飲！鋪頭其實仲有好多不同嘅美食，下一次要試試呢

年初七人日、决定去離島走走行個大運。去到碼頭不知去邊個島好、一於點指兵兵、終於配合船期選定了長洲。長洲已二十年沒有踏足、有否改變呢？充滿着期待！船程一小時終於抵達長洲、一点都無變、依舊渡假屋處處、單車聲此起彼落、海鮮檔呀、小食檔呀。。。非常熱鬧。唯一感覺多了咖啡店、每間各有特色。此情此境下、好有渡假感覺。黄昏時段找了間咖啡店享受下、有室內還有室外、今日天氣和暖帶少少微風、坐室外最好不過、直望可見船隻海景、前面是人來人往的街道、左右隔籬小攤檔的叫賣聲、非常有趣。Cappuccino奶味過重蓋過咖啡香Fresh Apple Pie with Ice-Cream酥皮好薄好鬆脆、蘋果片甜度適中、配合雪糕確一流Apple &　Cheese Honey Toast好新鮮配搭、簡簡單單的一片多士、夾數片蘋果、芝士片、再醮點蜜糖、口感清新、好味。回家都要自家製試下。吃過下午茶帶點能量向張保仔洞出發了。