彩虹甜品屋 (Moved) New Location

我有次想去幫襯rainbow 買一碗"紅綠豆兩溝", 他們收的價錢是$18/碗, 嘩...去搶咩...單拼$10/碗, 雙拼$18/碗...差不多收兩碗價錢???? 唔通佢俾兩碗的份量我??? 一個飯碗份量, d料成本值幾多錢呀??? 人地甜品屋雙併最多加$2, 甜品水準同佢地一樣, 但只收$12/碗雙拼, 份量相同。所以我決定唔會幫襯rainbow,做一個精明消費者,唔好因多人幫襯同埋佢個名而去盲目幫襯。有時我諗..做生意的人,都要拿個良心出來諗下, 你個產品價目表同你個產品配套來衡量一下,係咪值得定呢個價錢！！

成日都會同朋友去呢到食宵夜佢地通常都叫椰皇O個個食..而我自己就鍾意食彩虹"有豐富囉, 有生果,有涼粉, 有黑米,有黑珍珠..ETC加椰奶係好食d的但係......... O個到太嘈囉...

食完紅豆冰,再行去搵甜品食.搵到呢間彩虹甜品屋,門面都幾光鮮同埋地方都好清潔.服務態度都好有禮.見到椰子頭的甜品好得意喎,咁就要左一個試試.佢個名叫"愛心椰皇",入面有3粒雪米,原來咬落先知個外皮係好好味的厲枝味.再咬落去就係雪糕,超好吃. 椰子頭入面仲有幾粒好可愛的粉紅色心形椰果,不過呢幾粒就冇味的,如果有埋厲枝味就完美了.食埋椰子肉,又香又軟好滿足呀!!$30一個我覺得值得呀.因為樣樣都好得意,食得好過癮.

食完日本野, 又係時候食個糖水潤下..因為要食夠$40儲印花, 所以我同bf叫左3種野:我要左\"熱蛋花馬蹄露加豆腐花\" ($18)-之前都食過呢度既馬蹄露, 唔錯, 唔會太甜又清潤, 仲有d爽爽地既馬蹄片, nice~ 豆腐花今次好suprise!! 係非常之咁滑一滑!!比外面d乜記物記更好~ 必食.bf叫左\"熱蘆薈紫米露\"($20)-加左椰汁更香,水準之作~再後加: 桂花大菜糕($12)-呢個一般啦.有桂花香, 但我唔太鐘意口感偏硬,都係一般既桂花糕會啱我d.

食完飯凍都死, 食碗熱糖水潤下先~bf叫左個椰皇湯圓, staff話要等15分鐘, 因為燉緊, ok啦~woo, 一上枱, 椰香撲鼻,湯係椰皇水加椰汁,有5粒湯圓, 味道可以自己攔, 有花生, 芝麻, 杏沙同紫晴(紫米皮+奶皇餡), 幾特別.每隻都唔錯, 最好係佢d皮都幾滑, 又薄, d餡都好香呀!!!!$35 一個好似都幾貴, 但咁食又幾正, 畢埋d椰肉食, 仲正,因為佢燉林左好香, d肉又滑又軟...

去完客家好棧食咗 d 肥膩嘢 ~ 都係時候試下呢間分店喇！黑糖雪糕。sauce 係用黑糖糖漿！再有黑珍珠…雪糕可自算！店員指，有薄荷朱古力同豆腐揀。只可揀一種~我揀咗豆腐！喺咁甜的黑糖糖漿襯托下，ok la ~ 我揀豆腐清清哋的選擇係對的。廿三食個咁的雪糕？？？喺我的價值觀嚟講係唔值的。( 滿記食個招牌榴槤班戟都係咁上下價錢咋喎！)第一：榴槤話晒係唔會擺得耐食到貨式係咪”當造”係咪新鮮先,第二：黑糖超巿買一包都唔係好貴( 我成日拎嚟煲糖水), 難道今次d 黑糖係organic？第三：我出面買批發黑珍珠煩在都係要一次過買夠五磅啫！但事實唔算好貴,第四：我唔見得d 雪糕會係自己整此甜品唯一可取：有創意的食法對比喺大埔冇咩甜品店的情況下，依然晚晚人頭湧湧！但對我嚟講, 出開去咁我會去食滿記同石磨坊, 但個人評價中, 佢水準好似連滿記的一半都冇喎！唯有向好方面諗：終會有一天長大成熟時…啩！？

最近d甜品價格又加咗呀>_<，我自己都知道，因為我係上水彩虹甜品屋既擁躉，食物味道，服務態度上水果間就幾好，真係值得一贊！所以我都會搭車專程黎上水食不過真係好味ｄ嗯嗎，希望佢加咗價後能保持手水準喇！我自己既推介：合桃糊：幾香滑

星期六我同朋友食完飯就想食糖水，係上水無乜好食糖水，有人提意彩虹。好彩七點幾去到詐，到八點時都唔知有幾多人呀！！我叫左楊枝金露（$20）朋友一叫了小氣啫“李”（$10)（可樂味）朋友二叫了芉頭糖水（$15)朋友二叫了雜果豆腐花（$20)味道OK，不過價錢就比較貴了又比較細，如果這一個價錢仲可以有更好的地方，好似松記就又平又大碗啦！滿記雖然比較貴但係就好好味！！

星期六同我班舊同學食完飯，就嚟咗彩虹甜品屋食甜品同糖水，係門口已經招呼我哋，跟著有人問我哋幾位。好彩我哋唔駛自己搵位啫，因為逢星期六真係好難搵位，真係好喇，值得讚係啲服務態度，仲有啲服務員嘅如此親切。我哋叫咗三個愛心甜品，三個彩虹，兩個糖不甩，兩個黑糖雪糕。｜愛心甜品｜－入面Ｄ心形啫喱好好味又煙"un"再配埋雪米糍一流，Ｄ味道唔錯Ｄ味道真係好夾！｜黑糖雪糕｜－黑真珠好有口感，最鍾意就係食果Ｄ黑糖｜新彩虹｜－唔錯｜彩虹｜－幾好，Ｄ生果都夠凍同新鮮！｜糖不甩｜－湯圓皮好煙"un"再點埋Ｄ花生碎，真係冇得頂！同埋我想讚下整甜品果個人，出嚟賣相唔錯，味道幾好，睇到佢真係好用心製作！

１５／９／２００６　　｛大埔〕彩虹、｛上水｝彩虹我都去食過喇，但係我總覺食品賣相、食品創意、待應服務、食品味道。各種因素反映之下都係上水店真係好好多。但我自己都會比較鍾意去上水間彩虹食。上水果間Ｄ待應會先問我哋幾位，之後又幫我哋搵埋位。服務態度真係認真唔錯，待應都好ｎｉｃｅ咁問我哋要啲咩食。食物既賣相，上水店都比大埔店好好多噃，服務態度上水店Ｄ待應ｎｉｃｅ啲。雖然兩間都係彩虹甜品屋，但我自己都係比較鍾意上水彩虹甜品屋，所以我放假都會約埋Ｄ朋友嚟呢度食，因為上水果間甜品味道好味Ｄ。

歸位了，又要降一降溫。與同行者分享了「愛心甜品」：愛心甜品有三粒「妃子笑」- 荔枝味...雪米糍（維記o個隻）、心形既蒟蒻、用笑口椰王上等；最得我心的，是以為是普通椰汁西米露base 既時候，「廬山真面」係「軟硬兼施」既珍珠兩食- 軟滑既小西米混脆卜卜既水晶珠（玻璃珠），登時醒一醒神。咁既笑口椰王，再加上個combination 咁有heart，唔俾笑口好似唔係好o岩tone o咼

打完冷, 再來食番碗甜品!聽聞此店好耐, 但一直未有機會試. 踫巧今次在隔壁食飯, 當然要幫襯一下!友人的楊枝甘露: 淡淡的, 好似每種味都差d咁, 唔討好友人的鮮果涼粉: 只要d生果唔係唔新鮮, 都唔會唔好食的我的愛心甜品: 個名真係叫"愛心甜品", 以原個椰皇上檯, 外加一個好好笑的笑面. 內有椰汁糖水, 煙硬西米(無錯, 係"煙硬", d西米係軟硬兩溝的), 同3粒雪糕糯米慈. 糖水同西米都無咩特別, 但我地都覺得d雪糕糯米慈應係自家製, 皮薄帶點荔枝味, 全檯最好的算它了!! 總括來講, 一般啦, 若再行過經開的話或者會再食.

有些食肆很難做到面面俱圓,彩虹就是這種了.首先,我並不推薦在這裡點傳統糖水(即綠豆,紅豆合桃糊那些),我個人認為火車天橋走鬼檔比較好(當然是時間問題);反而以鮮果為主的凍食甜品是容易處理,最低限度不會難食(我未試過食到變壞),這裡的凍食甜品配搭乃大路野,唔會有太多花巧,喜歡這種的不會抗拒;想吃傳統的就搭錯線;愛花巧的請去找fine dine.個人推薦:1.凍吃水果類推介:翠香(蜜瓜,大粒茜米,加上有驚喜的椰汁凍粒)2.熱吃:紫晴湯丸(薑糖水,紫米皮奶皇芯糖丸)不推薦:1.豆花2.合桃糊會員有九折總體來說是上水區的好選擇

食完飯之後黎o左彩虹甜品屋食糖水,只因又累又熱,想搵個地方坐下～我叫左碗凍紅豆沙碗～紅豆沙唔太甜,食落去仲起沙,加埋有咬口,環境都唔錯,間野都幾乾淨～不過都有Ｄ美中不足就係服務希望可以改善吧！

傳統糖水味道同水準又真係確實差既！價錢又真係貴字行頭（但係如果有水準都無冇咩問題"弊在冇水準呢"）！大部份Ｄ甜品都差左好多！宜家我Ｄ朋友都唔會再去咯！～服務差+環境差+味道差+唔抵食（唔知點解會冇既）+唔衛生！總括來講都真係差差.....呀！！！！！現在是一間冇心做甜品甜品店！！！