RBTea (Closed)

曾幾何時仙跡岩同仙蹤林係兩大叮噹馬頭嘅台式飲品店，放學嘅時候，都會約埋三五知己去打躉，叫杯嘢飲，吹吓水，之後先返去食晚飯。諗返起都覺得自己嗰時好浪費人生😂今日打完波好肚餓，經過左兩間嘢都好多人排隊，諗住放棄嘅時候，就比我望到呢間RBTea，即係仙蹤林，咁就入咗去試下！咁我order咗個炸魚柳脆香鬆餅同鮮檸柑桔茶。首先講下個鬆餅，唔脆嘅，有d實，仲好粉嘅感覺，唔得！炒蛋好有蛋味但唔滑，蕃茄同茄汁豆都正常，至於個炸魚，一嘢就食得出係雪藏嘢，現成嘅，冇驚喜！到個薯角，都係唔脆，應該係炸嘅油唔夠熱。個鮮檸柑桔茶，見到好多柑桔，好飲呀！個環境又坐得舒服，雖然嘢食一般，但$120嚟講都可以嘅～

星期六下午銅鑼灣區周圍都係人，想搵間Cafe 坐下都幾難，經過銅鑼灣廣場見到有間 Cafe唔使等位，即入到去掃一掃安心出行，先知道原來係仙踪林，真係N年冇幫襯過，以為佢全線執晒。環境都幾舒服，唔會好迫，如果坐到窗口位更好，銅鑼灣區個下午茶都算低食，平均都係60-70蚊，加10蚊轉水果茶。我地叫左兩份餐：1.抹茶班戟 2.野菌簿脆都覺得幾好食，班戟唔太甜，而且有三塊分量剛好，簿脆有好多芝士好香好好味。店員服務態度不過不失。整體上覺得幾好喎，冇之前寫評寫得咁差，可以再試。

今次我係lunch嘅時間去食咁佢有分lunch Menu同埋all day Menu咁我就揀咗all day Menu入邊嘅炸魚柳窩夫餐飲熱檸檬紅茶作為一個窩夫熱愛姐當然第一時間要食窩夫啦其實呢個窩夫唔係熱辣辣但係佢依然係好趣側邊仲簡直脆到好似餅乾咁加埋個糖漿真係一啖食一啖停唔到咀跟住就係要食炸魚柳粉漿都唔會太厚有酥脆既感覺☺️但係食唔到魚味😔蛋係厚身，唔係滑蛋入面係全熟但係佢係一種蛋包飯嗰種蛋嘅感覺👍🏻👍🏻建議同埋茄汁豆既汁一齊食😍茄汁豆就應該係罐頭嗰隻😂中間係一兜水果蘆薈，甜甜地我都唔知佢算係乜嘢杯檸檬紅茶都幾好飲佢唔係一般嘅熱檸茶佢有一種香草嘅味道而且茶味好濃雖然呢一個all day breakfast 價錢唔係平+1之後都要$109但係我覺得每一樣野都係我會食嘅,咁就已經係值

RB Tea 係我每日番工時必經既地方，lunch時間不想行太遠就去左銅鑼灣一期商場試試呢間餐廳店員安排左靠窗卡位比我地，好好陽光，特別寫意午餐set 選擇都係大路既意粉同燴飯，仲可以升級加購部分飲品香草忌廉煙三文魚意粉呢個意粉既醬汁好creamy香濃，仲加左小小黑椒粒係面，撈埋一齊會令成個意粉更提味而且擺盤有心思，煙三文魚整得好靚，捲成做朵花擺喺中間，西蘭花煮得岩岩好,，唔會過淋🤭香濃忌廉蜆意粉相比之下，同樣都係用忌廉底整既蜆意粉食落無咩味道而且蜆肉比較瘦，無乜口感奇怪既係，愈食愈淡味 lol兩杯餐飲，不過不失 以呢個價錢黎講係cwb會有更多選擇，如地點就腳，可以一戰既~

今日我放假約咗我朋友喺銅鑼灣食lunch，因為我朋友喺銅鑼灣返工，佢就推薦join食呢間餐廳。佢覺得都幾抵食，我哋每人叫咗一個餐包一杯嘢飲。餐廳嘅環境比較舒服，亦都好闊落，光線充足，靠近窗邊嘅位置，可以望到銅鑼灣嘅街景香草忌廉煙三文魚意粉🍝呢個意粉很好食，香草溫和忌廉意粉特別香口野未 三文魚好有口感，唔會太咸，味道佳。賣相亦都十分之吸引，配合西蘭花更加開胃。香濃忌廉蜆意粉🍝我覺得好難食 ，蜆肉亦都唔係特別好食。呢個忌廉意粉對比起忌廉三文魚意粉，簡直被比下去，我朋友竟然唔想食，可想言之佢嘅味道真係唔係好吸引。總括而言，呢間餐廳抵食，但係食物嘅質素有待提升。

最近堂食限聚兩人一桌，所以都比較多叫外賣。話說有天很想鋸扒，所以就叫了一個外賣，就是紐西蘭黑安格斯西冷，令我萬分期待。😋我點的「紐西蘭黑安格斯西冷」，是配洋蔥汁及薯菜。不過吃了一陣子就發覺有點中伏，不知是餐具問題還是什麼，塊扒真的切不開，又或者真的要切很久才行。之後我試圖直接用牙咬塊扒，發現真的是塊扒問題，因為咬不開。🤦🏻‍♀️比較好的是薯條，配上茄汁是正常味道。其他蔬菜的味道，都比較貼近原材料，好健康！🤦🏻‍♀️整體來說，$14X要吃一個𠝹不開的西冷扒餐，確是有點失望。🥺

這間食店雖然格局很新，裝修都很新。但其實佢係有返一段日子嘅台式餐飲店來的。我都係最近才知道佢哋係新風格嘅「仙蹤林」今日突然去開這附近，所以就想懷緬一下。這個陪伴我青年時代嘅台式茶室。現在還可以東山再起嗎？門面很開陽。落地玻璃出面其實可以清晰看到里面嘅環境。里面通常都係二至四人卡位。有下午茶供應，但價格編貴。不過都試一次啦。如果真心伏嘅都係一次㗎姐今次點咗一個雞翼餐這個雞翼餐都唔算平。不過都抵食過譚仔。但那些虾片其實就唔太好食。如果唔太肚餓。食這個餐都算滿足。但其實這個餐已經算下午茶之中比較抵食。這間餐廳我應該唔會再試。因為真係唔平。西餐和台灣菜都唔需要選擇佢。加錢可以轉珍珠奶茶。我最後都有加錢轉。因為想懷緬一下細時的味道。飲完後發覺這個奶茶都係值得加錢。因為都算高質。不過老實講要食台灣菜。去春水堂會更值得。

環境寬敞舒適，裝修寫意有盆栽和掛畫～還有兩張千秋沙發椅。提供口罩紙袋和搓手液，另外收取+1服務費#多重小食拼盤 #小食拼盤 $108全部都幾好吃，熱氣之選～豬肉腸偏鹹，雞翼惹味😋不辣。煎餃子脆卜卜～炸蝦天婦羅炸粉較多，蝦肉較少。#紐西蘭黑安格斯西冷 #西冷 #安格斯西冷 #牛排 #🥩 $149 配沙律、意粉、飲品等選了黑椒汁，牛扒叫了五成熟（只有五成和七成選擇）。沒什麼牛味道，肉質粗糙和偏硬😣不好吃。沙律的醬以健康醋代替，檸檬綠茶清清地幾好～意粉清淡服務質素：8/10環境舒適度：9/10ᶘ ᵒᴥᵒᶅ個人口味評分：6/10

Ordered a pork cutlet waffle sandwich and I promise, the picture looks a lot bigger. The waffle was pretty good and a little on the sweet side while the pork cutlet was indeed crispy, it was pretty thin and so it’s less meat and more fried batter. Also ordered a cup of coffee while was big, was pretty dilute and it’s really quantity over quantity

來過銅鑼灣這餐廳和他太子的分店好幾次，百吃不厭. 餐廳裝修優雅舒服，通常有韆鞦凳 ，好得意又有特色。餐廳會提供口罩套，夠曬乾淨，又有籃放袋 ，細心又窩心。每次必吃三文魚窩夫，有沙律，非常健康，食物好味，由於三文魚略咸，跟沙律同吃味道剛剛好。鬆餅好味，食完一份剛剛夠飽，對女士來說，份量剛剛好。欣賞他們的熱檸水，是調製過的，跟其他餐廳的熱檸水，截然不同，一般的熱檸水是一杯水加幾片檸檬，而他們的熱檸水會令你愛上，嘗過之後一定想返尋味。另外叫了沙律配蘑菇飛碟三文治，也是絕配，味道剛剛好，不會太鹹，而且配上雞蛋和茄汁焗豆，非常滿足的一餐，會再光顧。

今日在銅鑼灣行街，SHOPPING，行到內街先見到有個兔仔LOGO的招牌。有點似金百利的兔仔。上到去見到他們的裝修都幾靚，當問到女服務員先知，真的是從金百利搬來的，好記得金百利門口的大樹，雖然現在沒有了，但環境都比以前舒服得多。因今晚約左朋友食飯，所以只係點了他們的下午茶餐，個意粉很好味，賣相都好靚。芝士粉就唔係太夠了，可能是我比較喜歡多芝士啦。。。。餐飲牛奶咖啡，很滑呀，又夠熱但價錢就偏貴了，整體環境，服務，食物質素都比在金百利時更好。

午市無乜人，唔洗等位直入求其點set lunch 認真大失所望咖啡係凍又乾同個main 融合唔至肉丸意粉又係好分開既感覺，有d似快餐店那種但呢度賣$80 ，貴快餐店一倍⋯⋯希望快d改善下🙏🏻

疫情下好少出街食，見呢間野好似幾好坐，點知比佢呃咗入去！裝修同侍應都唔錯，但食物質素就真係不知所謂！點咗個蕃茄肉丸意粉，就算唔係正宗意大利餐廳，一般賣相似蕃茄肉丸意粉，都從來冇諗過肉丸質感潮州牛丸或豬肉丸！唔係個蕃茄醬，我仲以為自己係文輝呀！個買手做緊乜?!杯熱珍珠奶茶，茶味唔夠，啲珍珠淋到老人院冇牙婆都覺得冇咬口，比個壺裝但一啲都唔熱，隻杯又出奇地細！

This is a really bad restaurant, the soup is in a small cup half full , tricked customer on the price of the food on set menu, customer have to top up for all the food. The owner is very cheap, the chicken is half size. Hope others doesn’t fall into the trap and try it

今日自己一個人晚餐 就去咗銅鑼灣廣場一期呢間垃圾 坐低咗最少20分鐘 完全沒有人理會 今時今日仲有呢啲餐廳 真係餐飲業的悲哀 可能佢哋生意唔憂做 可以完全莫視我一個人坐喺度 我可能去錯咗一間要自己服務自己嘅餐廳 最後我自行離開 以後都唔會再幫襯你呢間垃圾 做咗open rice會員多年 第一次寫食評 仲要係差差差評