紅豆烘焙 (華美大廈)

Open Now

Now Closed

聽朋友介紹過佢哋嘅法式布丁麵包好食~~但我見到雪櫃呢兩粒大大粒圓碌碌嘅<<芒果糯米糍>>($13)又好想試🙃早知唔轉軚，糯米糍口感正嘅! 不過芒果味好假🤨入面啲芒果肉又酸!我爭啲諗住買兩盒返屋企，大家唔使爭~~試一啖真係夠晒👌🏻

📍HONG KONG 📍#紅豆烘焙#法式布甸麵包之前無食過布甸包嘅我，點知第一次食係因為比櫥窗勁多味揀吸引左🤣呢間包係一定一定要整熱！個包會勁脆，有奶油脆豬嘅面但入面又好軟熟🥹個布甸真係勁香滑，奶味比較重，唔太甜🫣雖然整熱食餡會比凍甜少少，但入面個心會有流心感覺，成件事重滑左。#朱古力布甸麵包我覺得就好似細個沖朱奶咁嘅味🤣🤣整熱左好似重流心過其他🫢不過就明顯會比較甜。✨其實我個人最中意無影相嘅伯爵茶味☕️佢唔甜重真係好香茶味，我覺得同個脆包特別夾。 唔洗排隊都會食黎食下🫢

有人就話始祖嘉多娜嘅出品好食啲 又啲人又話同呢間都相當有人氣嘅紅豆烘焙差唔多 即刻試試佢🆚.📌法式布甸包 $15➡️嘉多娜室溫同凍食: 法包好煙韌有咬口 有啲似軟身嘅bagel🥯唔係平時硬實嘅口感🥖中間嘅布甸比較流質 好軟滑Creamy 似醬多過布甸🤫上次食係新地筒嘅味 今次就唔同左🍦真係似番crème brûlée 🍮個奶香味幾濃郁 蛋味就比較淡🥛都係建議焗爐翻熱 外面會變到脆脆地 不過咬落都係軟身嘅🤣但個布甸餡就會變左一pat醬～➡️紅豆烘焙一拎上手暖笠笠 賣相冇嘉多娜咁靚 包身有啲皺皮 布甸都冇咁光滑 但係摸落好硬淨 係我鍾意嘅法包口感🥰原本充滿期待 但對比之下 真係有啲比下去🙍🏻個包係好硬脆 但佢鹹鹹地 同好乾身 比較似茶餐廳脆豬包🙈內餡嘅布甸偏實 唔夠軟滑 焗熱左會好少少🤏🏻味道唔就似淡味啲嘅奶黃餡 真係得個甜字🫣唯一優勝嘅位係 佢keep住都有推出新口味~同埋唔洗排隊🤫不過可能係今日呢間分店失準 見啲食評好似冇咁差😫唔知關唔關事佢哋開咗新分店 廚師過檔去咗嗰邊👀

《不負責任食評—紅豆烘焙》評分：🌕🌕🌕總評：價錢正常唔太貴內餡都算豐富但要小心挑選口味🥶原味食落正正常常 奶味比雞蛋味更突出布甸質地都算滑 但又唔會好流質🍮麵包體會比較有口感（可能隔左夜 少硬）榴槤朱古力味好難食🤮面頭嗰浸朱古力薄到唔會食到佢存在榴槤布甸好臭石油味 好刺鼻🤧一咬似飲緊石油多過食緊榴槤（利申 本身唔中意食榴槤）男友就話冇講到咁誇張 大家自行定奪🥹因為佢都幾平好似10幾蚊個如果之後經過見到有楊枝甘露可能會買來試吓🤔但係如果排隊或者特登出去買就免了

呢排包布甸包周圍都有得賣🥱 今次就特等去比較出名嘅紅豆烘培試試🤭 唔駛排隊就就買到!!!!-🍮🍞 原味布甸包 $15我嗰日去到得紫薯味同原味🥲 但原來有其他味eg 朱古力/ 榴槤/ 楊枝甘露等 要撞啱時間去先有🥹 -超大個😂 個法包好脆+ 唔會太厚👍🏽👍🏽 個布甸唔會太甜 蛋味好重 超滑而且仲有流心🥰 不過個人覺得無特別大驚喜 試一次就夠🧐 下次試吓其他味😗

呢幾排網上成日彈咗好多廣告關於布甸麵包，之後我就上網搜尋布甸麵包發現位於旺角市中心都有得買就去試吓啦！！！今次買咗一個布甸麵包同埋一個puff布甸麵包買咗一個朱古力味Puff 都係買咗朱古力味首先講吓布甸麵包，今次去到下晝大約四點左右都仲有10幾個，不過佢好似限量供應售完即止，呢一個朱古力味味道超級濃郁，麵包好好食，唔會好似咬毛巾咁樣！Puff都好好食好鬆脆味道冇布甸麵包咁濃郁puff相比之下反而有少少失色布甸麵包$15@1Puff就$20@1不過佢嘅布甸麵包仲有幾隻味下次都可以試吓應該都唔會失望味道: ⭐️⭐️⭐️⭐️⭐️服務: ⭐️⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: 沒有堂食不適用🚗: 附近好少泊車位

咦！紅豆開左新分店😆就係旺中同TOP過條馬路新開張做緊全場8折折完法式布丁麵包只係$12（原價$15）小編預正剛剛出爐又唔使排隊🤓🧡即買即食 暖暖地 法包夠脆 布丁流心 唔算太甜🙌🏻唔錯 📍紅豆烘焙 📌🆕西洋菜南街146號地下📌旺角上海街520A-522號華美大廈地下A2-A3號舖📌佐敦寶靈街12號地舖📌石硤尾白田邨白田商場LG樓305號舖#法式布甸麵包 #紅豆烘焙 #旺角 #佐敦 #石硤尾 #布丁麵包 #香港美食 #香港好去處 #香港打卡 #食咗先講 #食好西 #foodiesinternationalpiecollab #hkfoodie #hkfoodlovers #hkbread #breadlover #麵包控

旺角風摩一時、日賣過千的布丁麵包，今日排長龍終於買到！一睇賣相已經係超吸引！稍微係屋企焗番熱黎地已經係不得了，蛋漿入口即溶，令到麵包份外吸引。布甸麵包，價錢唔係特別貴，CP值超高！

呢度除咗有布甸包之外 近期仲出咗好多款牛角包🥐就試吓雞蛋布甸牛角包🍮佢就係布甸包嘅變奏版🤣不過將個法包變咗做牛角包😆牛角包食落好酥脆 入面嘅布甸會流心好軟滑💕夾埋一齊食 個口感都唔錯🤘🏻

位於朗豪坊附近的＜紅豆烘焙＞每日3點新鮮出爐法式布丁麵包$15朱古力布丁麵包$18內裡餡料滑溜creamy如果麵包再外脆內軟些會更好除了麵包布丁外還有其他烘焙選擇如心太軟、蛋撻、泡芙等全部價錢都十分親民值得一試

朗豪坊個頭有間幾出名既烘焙店，成日都好多人，好就好在佢有大量供應，要等都唔洗等好耐，最緊要係幾時去都得，地點又幾方便。近期大熱既布甸麵包佢都有出唔同味，特別既係有原味，朱古力果同紫薯味。但更吸引我既就係脆皮布甸流心泡芙，本身佢都有脆皮泡芙，但加左啲布甸包既醬落去就升華哂，仲有小小熱，暖暖地食啲醬更出色。或者雪落雪櫃凍食都得，諗都諗到好正，但就未試過。但都有改善既地方，就係價錢太貴，一粒要成$20蚊，索價進取

又係潮流末端🤣終於試到布甸包，呢間唔洗排隊( ´▽` )ﾉ見到即刻買個黎試下布甸包嘅質感✨原味布甸包第一次食當然試原味！個布甸勁滑，肥米唔係即買即食，所以返到屋企有焗返熱佢🤤變左外脆內軟！一咬啲布甸流出黎#紅豆烘焙 📍 旺角上海街520A-522號華美大廈地下A2-A3號舖

前段時間真係好流行呢個法式布丁麵包.對於冇耐性嘅我真係唔會排隊.經過旺角見到唔使排隊又有好多.買咗幾個返屋企同屋企人一齊食-法式布丁麵包-麻薯撻個麵包係軟身.個布丁好滑好香蛋味.但係就咁食個口感好淋.上網睇其他人食用氣炸鍋返熱.所以我加熱左2分鐘.效果係完全唔同更加好食外脆內軟！不得不讚但個麻薯撻就一般.入邊嘅麻薯成嚿喺中間好硬.個撻嘅餡就好似布丁咁香蛋味.但麻薯唔得！總結：有其他好出名嘅舖頭要排一個鐘先買到.我就唔會試啦.但係呢間$15/個咁大個.仲要唔使排隊.可以一試！因為第一次食所以買咗原味下次試吓其他味！

今日我家姐去左呢間紅豆買布丁包，佢見人排隊就跟住排，佢唔知條隊係只係買布丁包，佢落完布丁包order又想買牛角包，佢就繼續同個呀姐講，點知個呀姐就叫佢行開，我家姐想問佢其他包要點買，o個到d呀姐又唔解釋咩事，問多幾句都唔想答咁樣🙄人地第一次買點知你有咩規矩

嚟到紅豆烘焙 當然就係要食佢哋嘅布甸包🥰除咗原味之外 仲有焦糖燉蛋🍮同朱古力味🍫包身焗熱之後 外脆內煙韌～焦糖燉蛋都幾軟滑 面頭仲有層焦糖脆脆😎朱古力味幾濃 仲好流心