紅蜻蜓 (Closed)

好耐無食呢間了!!! 入到去見到以前係樓上 cafe poxxxa 做開既叔叔, 唔知佢係 mei 比人炒左呢?? 佢好好人咖!!!呢個係超級無敵大雜扒!!   因為以女仔泥講係無可能食哂!! 除左件牛 un 左小小之外, 其他都好好味!!有雞扒, 牛扒, 豬扒, 香脂腸, 火腿, 仲要加隻太陽旦.....死未!!!! 加埋餐湯同 bread....食死左.食左佢地好多年, keep 到水準啦!!! d 人忙得泥又有禮貌, 仲會問你d嘢好唔好食.  呢d就叫 service 啦.

晚巿6點，唔駛等位，直入。餐牌選擇好似椰林閣。都係D扒餐同咖哩呀!海南雞飯等。晩餐包餐湯，餐包同熱飲，扒餐$60,可選飯，意粉或薯菜。餐湯無咩味，紅湯似洗菜水，白湯係生粉水。選了紐西蘭肉眼扒同美式雜扒，肉眼扒"林"到好似山竹牛肉咁，唔好食，美式雜扒有火腿，牛扒，豬扒，雞扒同一條廚師腸。一樣係唔好食，意粉太"林"。如果只為果腹去麥記或吉野家好過!這樣的質素，仲要加一。

叫左個焗芝士野菌飯，跟凍奶茶。焗芝士野菌飯 呢就好多白汁，有少量芝士，其實我expect佢有多d芝士架，始終個餐個名講到明芝士，我覺得唔夠囉d菇都係得幾條ga ja...但個飯就都ok ge，係有d硬度ge飯，我幾鍾意，而且好偶爾地會有少少蛋碎凍奶茶就算罷啦夠甜就夠甜但問題係除左甜就冇咩奶茶味之後夜晚又黎食個$60 ge扒餐跟薯菜我只係食左薯菜呢度ge薯菜係薯角黎，我喜歡！因為同dd菜痴埋所以會濕濕地，但個邊位都脆脆地ge幾好食ge

連續兩天都在大埔食早餐，以往的我只會往大埔廣場看，現在就因為要向一田方向行去搭車而不是大埔中心的巴士總站，我的路上就有另外的餐飲選擇。是日就選擇了來這一家叫紅蜻蜓的茶餐廳。畢竟，大埔中心 (現稱大埔超級城)，定位比大埔中心的其他商場高檔一點，說是以茶餐廳形式來經營的餐廳，其環境也是比較好的，舒適一點的，不會像大埔廣場、昌運、翠屏、海寶的餐廳那麼的隨隨便便。不過，只是環境好，食的東西還是大同小異。還是雞扒加五香肉丁是我的早上至愛，雞扒，沒有期望會是什麼好食，所以我並沒有覺得難食，餐廳也為了方便大家，把雞扒切成細件，雞本身已經沒味，切了更沒趣。然而，湯底也是沒什麼味的，靠的只是五香肉丁的紅汁，紅紅的，辛辣的，也算可以。普通的一個小早餐，不算差，但沒什麼能令我說喜歡的地方。

今日去左紅蜻蜓生日飯 睇好食咩後, 叫侍應落單 個個呀姐叫我地等等, 如是者重複左幾次!! 足足等左5分鐘有多! 佢地嚴重人手不足, 成大間餐廳 我眼見得3-4個呀姐! 我同男朋友都係叫同一個餐, 一個要意粉, 一個要飯點知兩塊牛扖個size差勁遠!! 於是我問個侍應姐姐 點解一塊大一塊細? 佢居然毫無悔意話: 廚房d牛扖係有大有細架啦! 原本諗住問佢有冇得換, 點知佢已經急急腳走人 我知係有大有細, 但係差咁遠, 仲要係d咁既服務態度 唔洗食都受飽氣!

約了友人C係大埔打波 6:30完場 選定試下紅蜻蜓晚飯一入去有人招呼帶位 比低menu 水也跟隨送來 都好OK點了焗鮮茄豬扒飯 味道OK 豬扒夠大件但UN了點星洲炒米 好足料又大碟 味及格 米粉略為太碎濕濕 附有餐湯及餐飲 湯點了一紅一白 紅湯太稀 白湯磨菇忌廉湯 好飲凍奶茶 茶澀但味都OK 凍咖啡 帶酸味收加一後 共$96 晚餐來算合理一試後 比較附近同類型既食店Polanka 椰林閣 星泰真味 此處較勝一籌努力..後會有期既

兩點同老公去樓下紅蜻蜓食下午茶，叫咗焗芝士肉醬意粉及干抄牛河。意粉到咗後，我叫她們給我Tabasco 因為我喜歡意粉加入小小辣味！佢地話下午茶是唔會供應的。當時真係O曬嘴。咁差的事境然會在香港發生。以後都唔會再去。差差差！！！咁情況下，食物己唔再好食，因巳太生氣啦！

我係第一次食呢間野既...估唔到第一次印象就咁差話說我果日去大埔行下街..見到呢間餐廳望落應該ok就入去食啦入去坐低後侍應俾左幾杯水我地...但我要求想要一杯熱水第一次叫冇人理..第二次叫都未有人理..到第三次再叫有個女侍應應我叫我等等左好耐仲未黎我再叫啦..又係第三次應我果個女人..佢話:"小姐，你等陣啦..我要找錢俾人..我已經停左應你啦"(咩態度)之後杯"熱水"終於到左..但一摸落去係凍架囉=='搞咁耐結果又係俾杯凍水我><跟住落order叫左一碟星洲炒米、雪菜肉絲炆米同一客吉列豬扒沙律兩碟米粉一碟好辣一碟好鹹=.=個沙律叫ok啦............到餐飲我未飲過一杯咁難飲既熱檸檬茶..我對呢樣野一向唔高要求..但我飲左兩啖就冇再飲最後埋單我問個侍應收唔收卡..佢一路行一路勁悔氣話:"唔收呀"俾完錢即閃!!我未食過一間D侍應態度差到咁既餐廳..D野又唔係好食喎=='下次再去大埔一定唔會再食呢間野!!!!!!!!!!

其實幾乎冇去紅蜻蜓食過咁濟..只係試過1次...好似都成4年前Orz果陣對呢間野冇咩感覺...唔係好食..但又未至於難食到食唔落所以今次朋友話去呢間食...我都冇咩異議但今次試完之後...我應該唔會再黎食的了(如無意外我嗌忌廉湯+白菌雞皇飯忌廉湯同平時飲開d味唔同.....好奇怪...怪到我唔識形容=.=|||汗。至於個白菌雞皇飯係....冇味架！！！！！！點解會咁架！？？？開罐金寶湯倒落去當白汁都有味喇！！！結果當然係食唔晒喇！！淡貿貿真係食唔落...而且係咁...我不如係屋企食白飯好過！？？另外朋友叫的餐....都是不太好吃的好像說是太酸啊！！結果我地4個人去食....3個餐都係難食同樣價錢....或者去幫襯椰X閤都會好少少既...

很難食!很難食!我叫的是大蝦拼雞扒意粉! 所謂的大蝦是"霉"的..... 一咬下去是沒有肉... 只有流質的形態!! 勁差!意粉太"淋"..... 沒口感..雞扒好一般...蒜蓉汁沒有蒜蓉味..白湯的味道都是怪怪的..... 太咸!成個餐53蚊仲要加一.... 真係差到爆!最搞笑是我們在埋單時同個waiter講你們的食物質素需要改善..他竟說"係咁架"!之後我地話你地d蝦好有問題... 好霉.. 根本唔食得入口...佢竟然話"如果下次再係咁要早d出聲.. 我地可以換個另一樣野比你架!"我心想"你們咁既食物我真係以後都唔會再黎囉!"(因為太難食了... 所以相都唔想影)

是日跟朋友行街行到8時多, 就打算在附近醫肚,突然想西餐, 所以來了這裡,我係第一次試吃哩, 而家睇返食評先發覺咁多人話服務差,不過可能我果日比較幸運,經理跟待應們的服務態度我都好滿意, 他們都好有禮貌, 收野又快, 放底野都會叫睇熱...因為跟朋友點左鐵板黑椒牛柳炒意粉, 意粉我地改左炒面= 好味! D 面好脆! HKD 39鐵板馬來西亞串燒(一打, 有雞, 牛, 豬) HKD 60 好鐘意佢另外上的沙O爹汁! D 汁好味, D 串燒我覺得還可以,不過因為係鐵板上唔怕咁快凍, 唔駛急住食.以呢個價錢我覺得幾好, 因為佢連埋餐湯冋餐飲, 食到我地好飽都仲未食晒D 野.

晚上與友人駕車去大埔，想找找西餐廳，又想近停車場。第一次去，印象不錯，雖然侍應們都好急步，但整體都好有禮貌。坐定定後點了兩客晚餐：鴨胸伴牛柳，大蝦併雞扒。鴨胸皮脆肉軟，牛柳點菜時說五成熟，到上碟時剛剛好。大蝦略為不太大，但合理，雞扒兩大塊，切開時還有肉汁。會再去的。

呢間紅蜻蜓, 本人只覺得下午茶先好黎, 因為中午同晚餐都係唔好食, 加上又貴!講真, 呢間只有經理服務好, 其他員工簡直冇糧出咁, 冇笑容!今日同女友黎到呢度食下午茶, 叫左:焗茄汁魚柳意粉+凍奶茶雞扒湯米線+凍檸茶先講焗茄汁魚柳意粉, 都OK唔錯!!值得一試!!意粉啖啖都好足茄汁味!!而呢度既雞扒都OK, 起碼有味先!凍奶茶好一般, 奶茶愛好者一定彈先!凍檸茶都係一般!!所以....只有下午茶先好黎!!

呢間野裝潢前d人都已經唔太好服務,裝潢後,更差勁,加價縮水,d 人好似冇糧出咁,黑口黑面,叫都冇反應架!!我地叫左個西冷扒配意粉同一個焗芝士肉醬意粉西冷扒配意粉落單時已經叫左7成熟,但來嘅時候已經有9成熟,口感好似湯榨咁, d意粉碎哂同超淋,,一堆咁,好核突!,味道都一般,還可以接受焗芝士肉醬意粉:有幾片廚師腸,真特別,味道完全唔夾,同埋個肉醬味道一般食緊飯嘅時候,竟然聽到隔離台同經理嘅投訴:-個經理仲講明將貨就價囉.....真係搞笑,其實我地都覺得d質素越來越參差,,件扒已經細左,連個味道口感都差埋,聽完個經理咁講埋,擺明趕客啫,以後都唔敢再去呢間食野.

今晚一家人原本唸住去食元氣,,點知勁多人,後來唸唸下,紅蜻蜓裝潢後都未去過喎,不如睇下有冇位啦,一去到就唔洗等,有得入去喇,,,加左價....唔緊要啦,加果少少....叫野食啦,,,唸住之前個德國豬手都幾好,唸住再叫來食啦...$$53(同西冷一樣價錢),唔緊要啦,咁大件,,,點知來到嘅時候,發現個size同塊豬排冇分別,得1/3塊!!!!完全同之前嘅差天共地....都唔係一隻手咁嘅,,,咁叫個經理過來啦,,,原來佢係費柴來嘅,問佢呢塊咩來架,我叫豬手喎,得果一塊仔嘅????跟住佢就話,係啊,豬手啊....."嘩!!我地之前來食係一隻咁架喎,,,依加得一塊仔嘅??" 係啊,之前係一隻架,,,依加d野貴左啊,咪將貨就價囉" 真係得架喇,佢竟然可以咁答!!咁我地又問佢喇,你貴左都唔緊要啦,仲要唔係原隻嘅???" 咁佢竟然話: 餐牌都冇寫明係一隻架喎!!!! 咁即係捉字蚤啫???佢話咁又唔好咁講...咁我咪話囉,,,五十幾蚊食一塊仔野,咁我不如食個西冷扒,,,跟住佢仲可以話d豬貴左牛啊!!!我地冇哂野講!!! 全場嘅人都聽到....咁得啦,即係叫我地唔好再去食啦!!!!!另外,d西冷牛