紅樹林餐廳 (Closed)

佢係平, 我去過好幾次, 次次既service都係差, 但冇計, 都唔知葵芳重有d咩好食, 又有吸煙區, 去la 不過係有一次, 極為不滿我同朋友去, 坐底, 我見住有位waitress拎走上手人客既水(兩杯)沒倒掉就放在檯上(另一邊放了另一些水杯)等左好耐都冇水比我, 我就叫佢比兩杯水我等了很久, 很久才有兩杯水在我面前出現但我覺得很怪, 為什麼水位不一樣?給我朋友的那一杯, 很明顯少了很多那時我想起, 上手客人的水(也是一高一低)我就看看杯邊是否清潔?我看到的是杯邊有唇印....那很明顯是有人用過了我即時叫人換走佢而她很"e"惑地反問我有唇印? 我指著杯上唇印的位置, 她才相信(難道我會屈你咩?)拎走那兩杯後, 等了沒多久, 才出現新淨的水

友人在附近工作, 帶我來食午餐. 又話有d特價早午晚餐, 但d宣傳紙上都無列明時段. 想order 時又話要12:30前才可以叫特價午餐. 終於我地叫2個set lunch, 我要左個salad友人就叫雞扒意粉, 份量都幾大.食物都係差不多, 只覺得佢地應該標明咩時段才可以叫佢地既特價早午晚餐比較好d.

早排去食西冷，件牛排OK 幾嫩，好食過排王

o個度環境裝修得唔錯, 算有情調...點知一入去, 就嚇死你..服務差到~ 嘔!!d waiters 成日o係你附近大大聲講粗口!!(眼都突埋, 大排檔d 叔叔都好'品'd 啦!)又成日掛住玩唔理d客!!!!落order 時又差又亂!其實佢地同老闆係咪有仇呢?咁倒米o既?唔知佢地個老闆知唔知架呢?個老闆太多$ 洗唔哂?Sorry, 谷氣到..食物係點已經唔重要..因為請都唔會再去!

我去過你地間工司幾次,不過我覺得你地d服務好差,d 野食都好唔得~我第一次去,你荃錦個到,咁我叫個扒餐,咁正常係出面叫個扒餐都會有埋鐵板,咁你地呢到要+5蚊先有,我又唔知,個待應又唔同我講,又好似好趕時間收工咁,我覺得好唔開心,點解而家d人咁無耐性!!之後我去過葵涌個間,咁去既時候都10點到啦~咁去到叫野食,咁佢地黍左個湯之後無耐就要叫我地叫野飲,話水吧收工~咁都無野,佢之後黍左兩個飯都係凍既,咁我叫佢攞其中一個去正番熱啦,當我同d朋友食緊野既時候,我好唔like d待應坐係我地附近食野,講野又大聲好嘈,一到11點30到就同我到講佢地收工,要我地走~都唔係問題,佢d語氣好似趕我地走咁,好唔好~

尋晚同個同事去食飯,個經理ge態度差到嘔....佢落單果時講野勁快, 但係又唔係對住你講wor...都唔知佢問邊個, 跟住我話唔係啊, 佢就勁寸咁講, 我同緊你講野啊....個態度真係勁寸同勁冇禮貌, 完全唔似係做生意ga...我以後都唔會再去...

我曾經同friend去食tea咁我地同個waitress講話要拉麵la點知個waitress話冇晒拉麵咁我地就同佢講話等陣再落order之後我地同另一個waitress order拉麵佢照落wo究竟係咪之前個waitress講大話呢?不得而知但係個拉麵真係好難食lo好"林"湯底好一般出面D拉麵不知好食過佢幾多倍~!!!!!!總之大家千祈唔好食O個度D拉麵服務方面麻麻地未至於惡言相向但係就唔多睬你咁LO

一入已無人理,張檯布唔見乾淨,叫佢換,反問我點懈要換,真谷氣,服務零分,味道一般, 侍應同經理冇理人,埋單侍應大聲叫,好嘈,唔會再去了!!!!

去過兩次. 第一次晚餐, 朋友俾佢裝修扼話想試. 第二次係我自己一個人行街, 見tea set $20 (另加一) 可以接受, 又多座位, 咪入去囉.1) 服務零分, 侍應同經理對眼同耳唔知去邊, 叫order 同埋單都冇人理, 佢亦唔會周圍望食客有乜需要.2) 衛生一般, 張檯布唔見乾淨.3) 晚餐(連湯+面包+餐飲) 大部份$50多元. 湯好難飲, 面包係衛星包, 又凍又難食. 主菜可跟飯/意, 薯菜, 沙律. 我女仔全部叫魚(三文或龍俐) 條魚薄到嘔! 味道一般, 可以食得落口.4) 下午茶(包餐飲) 一律$20 (另加一). 分量ok, 我個次食海鮮炒飯. 飯炒得好油. 好多茶餐廳/ Fairwood, Cafe de Carol 好食過佢.總結: 唔會再去了.

一入去巳經覺得唔多掂, 無人理, 自己搵位自己坐, 坐低左陣都係無人理, 叫人比水同餐牌我, 先叫我轉位, 個位仲未得, 要等, 執完好似無執咁, 台布污糟, 乜都無, 又等左陣, 頂唔順叫佢比水同餐牌我, 之後叫左個螺絲粉, 過左15 MIN 黎左個ICE LEMON TEA, 又等左15 MIN, 都未黎, 叫佢快0的, 因我趕時間, 又過左5MIN 我又再吹多次, 我巳經開始發火, 個WAITER 話等陣再過黎, 又過左5MIN都無人理我, 火都黎埋, 0的WAITER 又係咁收左右台0的野, 比0個0的客小完又小, 人地都未食完, 前後收人地兩三次野.最後都係等得唔耐煩走人, TOTAL 由我入去到走人要45 MIN, 仲要收我杯野飲錢, $15.以後都一定唔會再黎依間垃圾食野

dinner 得好少野揀,畀門面裝修呃左,連menu都冇一本~ 冇乜服務可言,野食好咸,佢唔improve應該好快執~um..葵芳真係冇咩好味/特別ge餐廳~

前幾天同朋友o黎食飯,d 食物和服務都唔錯。個忌廉湯比想像中好飲,唔似出其他餐廳希溜溜,d牛扒煎到剛剛好,唯一美中不足就係冷氣太強！

今晚和一位老朋友到紅樹林晚飯, 去到環境不錯, menu款式則不夠多.我點了一個羊排+黑椒汁配沙律, 賣相很好, 但食落冇羊味, 重好'蘇'服務也不算好, 叫賣單等左好耐, 重要找錯錢.........勝在環境好, 大大份~*

最初看到餐廳既裝潢, 都以為質素可以有保證, 可惜與估計的, 真是天上地下的分別. 食物還可以但服務質素卻連一般茶餐廳都不如. 評為"垃圾級"已經算高啦.1. 衛生差: 托盤一盤幾用, 用黎執枱外, 更用黎擺餐具(擺位用).2. 貞子手: D 仕應雖然有制服, 不過著得唔整齊不特止, 而且佢地會突然間係你左邊or 右邊申出隻貞子手黎上餐and 收碟.3. 出菜慢: 我同朋友各自點一個餐, 我食完後, 我朋友個份仍未見影.4. 垃圾級經理: 多次追問下, 個不知所謂經理, 只係同我地講焗爛咗隻碟, 所以要再焗過(我朋友個個餐), 說話間完全沒有歉意, 一句道歉說話欠奉. 之後只係幫我個餐落埋餐茶(仲有下聞), 正所謂上樑不正下樑歪.5. 遲來的奶茶: 最不知所謂係我叫個杯凍奶茶, 到我朋友個個餐用完之後都未到不特止, 個仕應幫我朋友落餐飲, 我已經即時同佢講, 我之前叫個杯凍奶茶(垃圾級經理落單) 都未到, 不過佢完全當我透明, 之後我朋友杯餐飲黎到, 不過我既凍奶茶就冇到, 我自問已經好克制, 黎到呢一刻, 真係咩野火都黎埋, 最後我要咗佢地office既電話, 諗住complain佢

尋日同朋友一齊去呢間野食lunch, 一點幾都有咁多位唔駛等, 以為係星期日會冇咁旺啦, 殊不知原來係呢間野一早就俾人唱衰晒.....唔怪之得會冇乜人幫襯...我們一行三人一坐低要叫好耐至有人黎落單, 點完食物隔左一陣就黎餐湯同埋餐包, 餐包我冇食呀, 見佢都唔慌好味, 我飲忌廉湯都冇乜特別, 只係唔夠熱! 之後就食物送上檯, 我點了咖喱雞飯, d飯凍既, 咖喱汁都ok, 但係d雞就斬得好大舊, 咬落好"孩"又有陣雪味, 最離譜就係連雞腳同埋雞頸都俾埋我, 完全唔掂!我朋友就點了黑椒牛仔柳配薯菜, d牛仔柳d根好肥, 好難至切得開, 佢話唔好味, 至於另一朋友就點了魚柳配薯菜, 佢就沒乜評語, 但總括來講我們一致認為都唔會再幫襯第二次啦....