紅磨坊

Open Now

Now Closed

I heard about this shop quite a while and today bought a ice-mocha finally. My comment is.........disappointed. First of all, not ice enough...all ice melted in 2 mins...Secondly, the coffee tasted too light, I just thought that I was drinking a ice chocolate.....

由佢開張開始幫襯到依家，試過好幾款咖啡，炭燒味道雖然普通，香得來帶點炭味，但今次絶 對想讚下它的- 萬特靈咖啡! 特登行去買杯咖啡，係唔知想試乜之下，老闆話可以試下萬特靈咖啡，味道頗濃，就試下。凍飲都仲好香，咖啡好滑，好想一飲再飲，絶對係好貨色，十分回味! 值得推介!

多謝各位食家寶貴意見，對於本店各種不足之處，定會一一加以改善。多謝各位對我們的哥倫比亞咖啡予以好評。其實我們推出的每一種咖啡均有其獨特之處，哥倫比亞的香味較濃，其他如萬特靈濃而深層；巴西清純；意大利精選可口等，總之，我們不時推出推介咖啡，以較優惠的價錢讓大家嚐嚐不同地方的咖啡風味，只盼把咖啡文化推廣給大眾。在2005 年，除了繼續為大家提供各種咖啡品種外，還有多種飲品和食品推出，我們現正細心挑選，務求做到最好，請大家拭目以待啦！

12月25日前2日太夜瞓,今日路過荃灣,心想飲杯coffee都好wor...so 就在這店買杯cofffee在店員的推薦下,買左杯哥倫比亞coffee,好飲wor,好香好濃,好過Starbucks or Pacific coffee好多!!

每天一早都會來這裡買咖啡，雖然是小小的外賣咖啡店，但咖啡選擇比一些連鎖店更多，有十多款，味道亦更佳，個人最欣賞“哥倫比亞”，味道香而順滑，一般咖啡價錢只是十多元，算是抵飲，而三文治味道亦不錯，值得一試。

小黑咪^^ ,果到d 豆漿$7 ja!! 仲係一支添..我覺得幾好飲, 有豆味..唔似出面果d咁好似糖水..

呢度主打係咖啡, 但因為小妹對咖啡興趣不大, 即使每次都聞到香濃的咖啡香味, 所以都未買過咖啡黎飲, 但買過綠茶蛋糕和芝麻曲奇餅, 綠茶蛋糕不俗, 綠茶味幾濃, 蛋糕也很鬆軟, 只賣$4, 很抵食, 但芝麻曲奇餅就差少少, 因為食唔出有芝麻的香味, 似普通的牛油曲奇餅多d, 呢度都有豆漿賣, 但好似要$12, 都幾貴所以都未買過。

在荃灣工作多年,雖然週圍好多o野食,但要找一杯好咖啡實在不容易,這間小小的外賣店,咖啡種類著實不少,世界各地的咖啡豆都有供應,連藍山咖啡也有外賣,甚至是大型連鎖咖啡店沒有做的都有,真的厲害!!他們磨咖啡自有一種方法,獨特的咖啡味道在荃灣區實在罕見。可惜店子只有外賣,沒有座位,不過在附近寫字樓工作的我也沒有很多時間座下來喝咖啡,每天早上到紅磨坊,買杯即磨咖啡實在非常醒神。本人特別鍾情他們的「極品哥倫比亞」,香味停留在口腔久久不散,喝著的那天人就特別醒神。有次不經意買了包黑芝麻曲奇來襯咖啡,也真叫人驚喜, 原以為沒甚麼特別,卻香脆得很.還有店員都很有善,親切得很,裝修亦整齊耀目,在南豐商場耀眼得很

就係因為呢間小小咖啡店,每朝令到南豐中心瀰漫住一種咖啡香氣!!而呢幾個月內,我都不時有飲呢間既即磨凍咖啡,但味道不太劃一。個人覺得開業初期既即磨咖啡味道最好,好香好濃,飲完之後全個口腔都充滿住咖啡香味,而且每杯只係$15,相比其他咖啡連鎖店,用呢個價錢飲到高質素咖啡,的確係超值!! 但之後幾次發覺個種徘徊不散既咖啡味淡左,問過店員,佢地話係因為轉左咖啡豆,所以味道同之前唔同>_< 不過佢既早餐set係幾抵,一杯凍regular coffee加一份三文治只係二十大洋,三文治好多款式,而且都算係健康,我最鐘意係白汁碎蛋或吞拿魚。紅磨坊不時有特色咖啡介紹,仲有自製豆漿,不過未試過。呢度幾位店員都好好禮貌,一早見幾個靚女靚仔,真係好醒神^o^ 雖然佢地既咖啡同最初有d分別,但我都會繼續幫襯哦。