Red MR (MPM文華商場)

Open Now

Now Closed

元旦睇完叱吒頒獎典禮之後就忍唔住第日就衝咗去唱K，而身為 @mcheung1201 賦二代嘅我就梗係揀有得盡情地唱賦賦嘅Red MR @redmrhk ，順便試吓佢哋新推出嘅二人套餐。二人節日套餐$568前菜由香煮鵝肝多士、日本海膽流心忌廉薯餅、脆炸春卷、香辣海蜇同雞肉串燒組成嘅豐富前菜拼盤，當中以忌廉薯餅同雞肉串燒味道最為出色，配搭海蜇一齊食非常之開胃。主菜選擇咗香草蜜糖烤美國春卷伴蒜香橄欖油意大利粉、原隻炸軟殼蟹配野菌炒飯2款做今次主食，當中原隻軟殼蟹最令人難忘，外層鬆脆而內裡啖啖肉，仲有蟹膏襯托拎口感更豐富，烤春雞味道亦都幾出色，帶有香甜蜜糖味，肉質嫩滑多汁。甜品甜品係港式格仔餅配搭雞蛋仔嘅地道組合，加上士多啤梨同朱古力醬做襯托，食落口感鬆脆，味道香甜。飲品揀咗厚芋泥奶茶、芋泥抹茶牛乳2款以芋泥為主嘅飲品，質感香滑，而芋泥有少少似沙冰咁增強整體口感。❣️❣️除節日套餐外，仲有得玩「最紅搶錢機」遊戲。有機會得到$500coupon及累計最高分有$10000現金獎。

就到聖誕最啱同朋友去Red MR唱K🎤依家聖誕期間仲有二人節日套餐可以一邊唱K一邊食聖誕大餐，好扺食，成個套餐仲要好多選擇好豐富！🤩頭盤小食都有成四款可選，主食伴碟再到甜品，食到我哋勁滿足🤰 除咗二人節日套餐，仲有季節限定嘅飲品都好值得試下✨️佢個自家濃厚芋泥系列都好正，清清地嘅茶底，配埋面頭雪白嘅奶蓋，好夾🩷 聖誕期間除節日套餐外， 另外仲可以玩埋「最紅搶錢機」遊戲。有機會得到$500coupon同累計最高分有$10000現金獎。🤩快啲約埋朋友去Red MR過聖誕啦😄._.

今日難得放假同老公唱k輕鬆下, 仲有一星期左右就到聖誕，red mr 都推出左個Christmas set for 2 $568～包埋唱k都唔錯體驗！先點兩杯飲品奶蓋厚芋泥奶茶 芋泥食到顆粒感，奶蓋好綿密濃稠奶蓋鴨屎香茶 鴨屎香味飲到，同奶蓋都夾，挺特別Beginning all to share 巴馬火腿蜜瓜 4件 蜜瓜都幾juicy清甜，火腿唔太咸香煎鵝肝多士 2件鵝肝大過多士面積，食落都正常！海膽流心忌廉薯餅 3件北海道脆炸芝士薯波 4件 主菜： 香草烤羊架 （香草燒汁 ）肉質唔乾無羶～伴黑松露薯條 炸得好好味香草蜜糖烤美國春雞 半隻香蒜燒汁 伴蒜香橄欖油意大利粉香辣蒜蓉烤生蠔 2隻黑松露野菌炒飯 黑松露功香日本蘋果肉桂瑞士卷 +$48蘋果味好香甜，肉桂就唔多食得出

這個星期成日落雨同打風，最好就係去卡拉OK！ 今日去左Red MR 旺角店，大家拎住個menu 好似好多野都想食😂😂 同埋d 菜式名好搞笑。我地點左新出既 「渣男串串貢」、「有底線的酸辣米線」、仲有每次必食既炸雞桶，呢度一向食物質素幾好的，都有信心保證👏🏻🤪最鐘意red MR 有好多韓國同日文歌，同班癲既朋友又唱又跳，次次玩完都無晒聲😂😂

因為疫症，幾年無去過K. 印象中，RedMr係唔錯，個地下唔會痴笠笠，嘢食見得下人，又多新女仔歌唱。上禮拜去完，以上一切都不再。仲附送小小強一隻，唱唱下枱面邊緣有嘢郁，真係嚇到呢😫，友人立即拎食完野嘅碟冚住佢，但係唔知點解佢又走到返出嚟🤯。經過一輪混亂後，友人終於用紙巾搞掂咗，乜mood都冇唒。$200三個鐘加上嚟嘅時候興致勃勃，小小強喺第一個小時內出現，處理完結果係冇即時離開，不過全程處於備戰狀態😅係咪因為我哋食完嘢，有食物味道引咗佢出嚟？當時唔記得影相。喺呢度講返，係想嗰啲好怕小強嘅人有個心理準備先，唔好拎住咗支咪尖叫。其實係我好彩定已經係經常事？

After the COVID, I finally had the opportunity to go for a karaoke session for the first time. It was such a refreshing experience.KTV for lunch with my colleagues, and the overall experience was really good. The food was delicious, and the ambiance was comfortable.One of Lunch set was the Soft Shell Crab Black Truffle Pasta. The pasta was cooked perfectly, and the combination of the tender soft shell crab andthe aromatic black truffle was delightful. It was a tasty dish that left a lasting impr

唔識形容唔知來貨發生咩事定減成本 未食過咁難食嘅魷魚鬚浪費我一舊水 呢碟嘢就算FREE俾我都覺得浪費我唔明咁簡單嘅炸物可以如此難食 嬲到我寫評佢唔係自己裹粉 係直接來貨再炸？求直接唔賣炸完硬到石頭咁

.唱K食乜好？@redmrhk （旺角）.唱K🎤嘅時代係疫起過後 終於都叫做返嚟啦.. 係時候感受下青春回憶🤣..今次係假日去Red Mr 因為我哋係5pm前去 大概2pm 雖然係假期 但價錢都好合理..$178 per head只要你消費額滿$178 就ok同以前N字頭嘅消費方式唔係好一樣..簡單嚟講就係食飯 送K嘅概念我覺得感覺cp高d🤣.食物種類都唔算少.. 重點係價錢你會唔覺得因為係K房所以mark up得唔合理.. 咁價錢ok..又有K.. 食物質素even唔係太好 我都會接受..🤣實際如何呢？.👉韓式石鍋雞肉炒飯👉奶油草莓沙冰👉鰻魚玉子燒👉青檸氣泡水我覺得 全部都係合理範圍好過我預期🤣..尤其嗰玉子燒 鰻魚又真係大大塊足料...網上食評就唔算多 因為我諗大家都係主力唱K為主但如果真係需要卡路里資訊希望呢到幫到你‼️之前都有出過Cosmo（銅鑼灣Red Mr）嘅menu..如果大家有興趣 可以睇返之前嘅po.希望幫到大家回到青春年華之餘還能好好的控制diet🤣🤣阿門.#香港美食 #港式餐廳 #卡路里 #飲食記錄 #飲食控制 #營養 #健身 #健康飲食 #無添加 #減脂 #增肌減

今日中午黎到呢間red mr唱k lunch，$89加一唱2個半鐘。11點半入去，坐低唔夠十分鐘就趨我地叫飯，拎住個menu要人即刻叫，睇都冇時間睇，就求其叫左碗豆乳拉麵，同埋黑松露意粉。本身諗住幾抵，因為有餐湯、飯/麵同包一杯飲品，以為伏極有限。啲野食上到黎，賣相正常，仲專登影左張相。點知個豆乳拉麵一食就覺得味道好奇怪，口感唔似拉麵，亦都唔似公仔麵，入口有種粉粉地既感覺，食完第一啖就唔想食，只係敢食啲配料。餐湯同埋松露意粉都好正常，起碼食得落口。下次red mr最好食定少少嘢先，放返個重點去唱K度。

好耐冇唱K啦🎤自從Covid開始就冇做K- lunch印象中唱K包嘅午餐都幾難食🫢但係因為K-lunch抵過歡樂時段，所以都俾次機會試試估唔到依家幾多選擇，日式、馬來西亞、墨西哥、西式菜都有不過因為我哋晏落單，所以好多都售罄▶️ 馬來西亞湯蝦濃湯拉麵 ($109)賣相幾靚仔，比得上外面馬來西亞餐廳，只係加咗日式元素，多咗兩件卷蛋同埋用咗拉麵而唔係油麵湯底呈深橙色，一開始以為係喇沙湯，點知食落唔辣，反而有蝦嘅鮮甜味，濃郁得來唔鹹，偏杰身所以好掛麵👍🏻拉麵麵質唔錯🍜夠煙靭彈牙，唔係啲索晒湯林啤啤嗰種，個人覺得有少少似幼身上海麵添蛋卷索入湯底，咬落好多汁，少少甜甜地又香蛋味🥚兩隻連殼嘅蝦新鮮，煮到連個殼都可以食埋😆咬落脆脆地兩粒迷你檳城白魚蛋正正常常最後都有少少健康嘅菠菜🥬▶️ 蕃茄羅宋湯入邊有洋蔥、青椒、蕃茄應該煮入咗薯仔，所以個湯比較杰身，同外面嘅羅宋湯唔同可能因為凍咗，覺得唔係好好飲▶️ 凍檸茶-整體食物比預期中好，同出邊餐廳差唔多，而且依家啲變化大咗，連素食都有而且Red MR係多新歌過Neway，有MC同Mirror成員啲歌🫶🏻成個唱K體驗唔錯，係服務差少少😅係咁催我哋落單，之後勁快就入

同朋友無咩特別節目就會去唱歌，今日去左旺角店，貪佢夠就腳，唱完行幾步路就可以搭MTR🤭🤭 上到去見到    receptionist 好鬼忙，但是有禮貌的。入到房，9秒9 㨂晒d 歌先，跟住手機點餐，都幾方面，唔使下下打電話出去😂 點左個馬來西亞蝦濃湯拉麵，之前都有食過豬骨濃湯拉麵，好好味的，所以對呢度既拉都都有信心。今次個拉麵湯底蝦味濃郁，兩隻蝦都幾大隻，最緊要食完唔口渴，無味精，呢個對我是很重要‼️ 唱完埋單時，店員提我會員逢星期一、二有九折，yeah !  下次要㨂番呢d 時間再來！ 雖然店員唔係好熱情，但可以接受的😬

星期六夜晚10:30上去walkin，限時2小時，但目測都仲有房，入房時我朋友不太清楚叫野食如何收費，問個帶房職員，佢一句不耐煩話「不如你等我講」，勁無禮貌。差不多1個半鐘後，職員入嚟話未叫夠額，我哋就點多幾樣野食，其間佢又係用不耐煩既態度，「我點知叫左幾多 我唔識計呀」，真係差到離譜。之後野食黎哂，我哋野食同飲品都未食未飲，有個著西裝既職員就跑入黎9秒9執走我哋全枱既野，話岀面有人等位，個時只係超左5分鐘，我哋岀到去都仍然見到仲有房同無人等位。。。完全不能接受，呢間分店冇下次！

💭好耐無去唱k ，聽人講red mr d 野食幾好食，就去試下個k dinner 啦～ 🌸 K－dinner （249/ppl）包一杯野飲＋一個野食🌼英式炸魚薯條 （＋HKD 10）🌟🌟🌟個炸魚薯條都炸到熱辣辣，第一口食系驚艷既，不過可能一炸起就放落張紅色紙度，張紅色紙甩色甩左落d 炸魚度🙁不過整體上係一份香口好味既炸魚薯條黎😎🌼香煎帶子甘筍汁忌廉意大利粉 （＋HKD 20）🌟🌟🌟不過不失的意粉，但係味道都很濃郁既，帶子煎得都幾香！🍵唱k 當然主要係唱歌，都唔會話預期食物質素好，所以ne

日式照燒汁雞扒伴醬油炒飯Teriyaki Chicken $112Chop, Egg FriedRice with Soy Sauce好味指數 4/5 🍭🍭🍭🍭{想不到唱K都有幾好味既飯食 炒飯炒得好香 粒粒分明 配料和醬油既比例剛好 雞扒肉厚 脂肪不多 不會太乾 肉質實身爽口｝

上星期家人生日一起到位於旺角的紅人派對慶祝，本來以為唱k的地方食物質素應該也不怎樣，但是圖片中點的這款黑松露炒飯卻讓我意外，淡淡的黑松露香味配搭火候恰到好處的炒飯，雖然說可能比不上高級餐廳，但絕對有茶餐廳的水準，第二張圖片中的飲品是凍朱古力，朱古力上還有一些cream，岩曬我呢個甜食愛好者🥰另外還點了不少食物，但是顧著唱k忘記影相了，總括來說是次Red MR之旅實在是讓我大吃一驚。p.s.落單後再唱k比較好，因為食物的等候時間較長🤓