富豪餅店

Open Now

Now Closed

哇嘩！就係今日，我腳㩒風一吓，行咗入呢間食肆。估唔到，一入去就即刻被嗰啲色彩繽紛嘅甜點吸引住咗雙眼👀！Tim大廚嘅手藝真係一流，每件蛋糕都似藝術品。紫色玫瑰蛋糕，吸引到我即刻想一試，富豪酒店真係有眼光攞佢黎搞嘢。Red Rose一口咬落去，個流心紅苺醬飛流直下，那個醇厚但又唔太甜嘅芝士蛋糕真係正！下次食buffet，揀甜品我第一件必定係佢！Mango Black Sesame Butterfly，芒果同黑芝麻嘅組合真係出奇地夾，一啖咬落去，啖啖都係夏天嘅清爽。再講吓Death by Chocolate，我嘅個人至愛啦！個朱古力mousse外面噴嘅銀粉，賣相勁閃，內裏嘅朱古力濃郁到令人心都㨂埋啲。一啖落，簡直係覺得自己都變成了朱古力皇后😍。食蛋糕，又要美，又要好食，Regal Patisserie真係做到咗。下次見到Tim，定要揾佢攞個食譜，搞落自家廚房試吓！兄弟姊妹們，推介你地都試下啊！🍰🤤

我們這個住宿計劃真真正正是放鬆之旅，所以飲食亦在房間In Room Dining，而我倆也是第一次嘗試所以挺有新鮮感呢！首先我們決定到步後就先享受富豪餅店 Regal Patisserie的精美蛋和飲品。熱奶茶和凍檸檬茶是我們不變的選擇，像我們的婚姻一樣永恆不變是否太浪漫了吧！我們選了黑森林蛋糕和芒果拿破崙，賣相已經令我滿有好感味道也相當不錯呢！黑森林蛋糕朱古力味香濃，內裡有不少櫻桃緩和了甜度吃下更見美味。芒果拿破崙則有甜美的芒果粒，酥皮層吃下香脆蜜味滿有驚喜呢！

本人係麗豪餅店常客，23/4訂左一個單張上既栗子蛋糕1/5取(上年同日都係這款)，到晚上食就發現完全不同，老人家相當不高興😤，整個啡色像米田共💩既生日蛋糕，幾粒淋磁磁不新鮮既栗子相當掃興，我身為新抱負責訂，當然有口難言，有小小委屈😢，(因為係親戚攞，所以取時無為意)。仲有個生日牌，係加錢的，寫個快字分明寫錯都不作更換。甘我當晚wtp 負責同事投訴，翌日負責經理當初只係不好意思，話改左款喎，同反映公司...，我當然不接受🤔，因為係錯漏百出，1蛋糕 違反商品說明條例 2 內裡亦完全不同，3 生日牌甘簡單都有問題，最終同意送返一個跟單張既栗子蛋糕8/5食(當預祝母親節)，當然退錢係仲好😜

朋友女婿生日，被指派買個栗子蛋糕，諗住買個酒店出品夠大方實無死 🤣🤣 但真係撞咗板 🙈餅店網頁有得睇無得駛，係無得落單架，如果要訂蛋糕係要打電話去架，佢又唔駛比訂喎，只係攞蛋糕時比錢就得，仲有 8 折添 🤭🤭疫情關係餅店對街出入口無開，只可繞過酒店大堂入去，餅店哥哥仔好有禮貌，但佢應該唔熟悉收銀機，攪咗好耐先收到錢 😅😅蛋糕做型一般無乜驚喜，味道仲有點過甜，朋友已經話要打佢入冷宮，下次揾第二間 😐😐

慶祝屋企人大生日🎊，點都要買兩個蛋糕🎂🎂賀一賀佢。本身對蛋糕黎講都無乜要求，但今時今日既局勢，唔係間間都買得落手，大型連鎖店，好似🙊心，東🙊堂就不了！第一次訂酒店既蛋糕，打電話同walkin去訂有8折，我用埋其他優惠仲送多一件西餅🍰（都價值40元）。如果有得上網訂就更理想，話説我訂果日打足一日電話都唔通，打埋去酒店大堂問電話都幫我唔到，搞到我要親身去訂！蛋糕有好多款選擇，折完都係二百二十左右，聽講拿破崙係依度最出名，最後決定要鮮芒拿破崙🥭同草莓脆脆🍓。拿破崙真係好得，酥皮鬆化，吉士醬夠滑，芒果厚切之餘仲好甜，減輕左罪惡既感覺。另外草莓脆脆入面係海綿蛋糕，一層濃濃既忌廉芝士🧀夾住草莓果凍，幾重口感，唔錯！順帶一提，加生日牌唔洗另收費，要寫字就加20蚊！除左訂既過程有d唔方便之外，蛋糕係比我預期中滿意，包裝精美，酒店既質素，但只係連鎖餅店既價錢！👍🏻

沙田富豪酒店原來係呢區已經33年📅但小編一直都無試過呢間餅店熱愛工作既小編有幸係假日做返工野 咁就有機會試下😭.士多啤梨拿破崙 Tea set🍓第一眼就被佢既外表吸引到食落都好有內涵😋酥皮好鬆化香脆厚厚既吉士無影響到餅層既口感之餘 好幼滑唔會過甜加埋士多啤梨酸酸甜甜食完想再食多件🤤隨餐附既綠茶係Twinnings既茶包 係質素既保證🙃.餅店係舊式既裝潢係酒店既一角 坐位唔算十分舒適勝在人流不多 想靜靜坐下做下野都係不錯既選擇🤓.人均消費：$62推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）

話說27-9-2018 (Thur)晏晝,一行56人o係龍門客棧請公司女高層食生日飯,生日蛋糕又點少得?秘書安排妥當,我o地食完飯後,就可以上生日蛋糕,個蛋糕有4磅重,侍應盡量分到人人有份,所以o黎到都唔大件.呢隻係雲呢拿芒果蛋糕,見到芒果肉,忌廉同蛋糕係一層層相間,芒果肉唔係好甜,帶少少酸;蛋糕鬆軟,就係咁.呢個蛋糕值$953.60.服務:我o地去到,秘書想拎上去龍門客棧,店員話唔使,只要秘書聯絡佢o地,佢o地就會直接拎上o黎,呢樣唔錯.

喺麗豪酒店呢間餅店，預早訂定芒果拿破崙，聽朋友講話每日都好快賣晒，所以早幾日已經打定電話訂蛋糕，佢特別嘅地方係口感非常鬆脆，多芒果清甜，但係我略嫌佢個吉士分量多左少少

近排見富豪餅家網上搞了個網上訂購,仲包埋送貨咁, 就決定玩下, 買左2罐曲奇,唔使成日食藍罐呀嘛估唔到又幾貼心,有埋BUBBLE紙包住,唔包跌爛其實200水就有4種曲奇,都幾抵玩,味道分別為牛油, 雙重巧克力,腰果跟燕麥紅莓曲奇牛油紙也是豪裝,用上一半的薄金雕花設計,氣派非凡雙重巧克力味道非常濃郁,香甜跟苦澀味交雜,即使只是普通牛油曲奇也沒有馬虎,入口鬆化, 牛油一咬便溢出於口,GOOD!腰果跟牛油類近, 但更有咬口燕麥紅莓是最有嚼勁的一種,甜度亦較高,但不會太過, 因為佐以較PLAIN的燕麥,總體來說, 不用出面便有野試,是值得的

There are many chocolate related desserts called Death by chocolate but I have never tried one.We were lucky to try this luxurious death by chocolate cake from Regal patisserie at a gathering.It had a metallic appearance which I thought was whipped chocolate cream but it was hardened thick truffle paste.In the middle there were two thick layers of chocolate ganache.After having a few spoonfuls it got a bit sickly.All I can say is that it was thick and heavy that the chocolate ganache in the midd

昨夜，在友人家用膳，飯後甜品乃富豪餅店的朱古力蛋糕Death by Chocolate。蛋糕以紫色紙盒盛載，高貴且大方。打開一看，嘩！蛋糕造形超級特別，朱古力噴上銀粉塑造凹凸不平的效果，予人陽剛堅硬的超金屬物料之感，再襯以三粒沾有朱古力和金粉的米通作點綴，以及朱古力薄脆片作裝飾，可說至型至Cool至爆了！切開朱古力蛋糕一看，一層薄層朱古力蛋糕，配以一大層香軟淋的軟心朱古力醬，層層相間 。只看，已深知其味無窮！原打算一人一件，後改變初衷，五人共享八份之一件朱古力蛋糕。噴上銀粉部份看似硬實，其實香滑味美，且不太甜膩。蛋糕部份也香軟可口，甜度也適中，相反，朱古力軟心醬頗為甜膩且溜滯，吃一口，已怕怕了。倘若一人要一口氣吃上半個，肯定會甜死了！屆時，真可說是"Death by Chocolate"了。朱古力脆米香脆度可稍稍提升。

我對甜品可說是沒有抵抗能力，尤其是設計精美的甜品今日走到沙田富豪酒店，卒先一試多款米芝蓮大廚Timothy Roberts 製作的多款甜品據說Tim二十多歳就取得米芝蓮廚神的稱號，真是厲害！先看看Tim即席decorate的紫色玫瑰蛋糕，已經十分驚嘆他用噴槍，兩三下工夫就已經裝飾好富豪酒店Corporate Colour的蛋糕滿足了視覺，便是滿足味覺的時候左起：Red Rose, Mango Black Sesame Butterfly, Sicilian PistachioRed Rose 的流心效果做得相當出色，紅苺醬如泉湧出來，中和Cheese Cake的甜度Sicilian Pistachio 開心果mousse cake內裏的啫喱令蛋糕個味道更加豐富，唔會一味只有creamy的nuts 味Citrus Opus有點像彩虹蛋糕，但外表更靚切開後好像打開了首飾箱，色彩繽紛Death by Chocolate試左咁多蛋糕，呢個係我嘅至愛首先外表在朱古力mousse上噴上銀粉，做成metallic的效果，好cool !!然後背面朱古力上的圖案其實是Tim的自畫像！而呢個蛋糕用上72%

白底外賣盒，尚算精美。Mango Napoleon: 芒果滿佈旦糕面層，很吸引。切開時完完全全感受到酥皮的鬆化，刀刀有聲。芒果非常甜美，配合軟綿綿香滑的吉士，真係無法抗拒。酥皮與酥皮之間的空氣感很足，所以令質感極為鬆化，而且酥皮帶有濃厚的牛油香，傻仔敏之心頭好。酥皮間除有吉士外，還有果肉，吉士醬較厚身，沒有令鬆皮變軟，極力推介。兩磅裝$470-

是日，我和甜魔媽媽Yan殺入麗豪酒店的中央餅房，吃甜品去！大家可能會問，究竟你兩條友走去餅房搞咩東東? 參與甜品製作班? 又學人整馬卡龍? 非也，我們只是去試由桂格燕麥跟富豪酒店合作而做的幾款新甜品，看看能否做到健康又美味。廚房/餅房對筆者來說並不陌生，個人其實很喜歡走進廚房的，所以若有些試食局能夠安排廚房tour，甚至可在廚房入面食，我的興趣會更大。如是次，當大家目光專注在司儀那邊，我仍是周圍的望，睇勻餅房每一個角落。廢話都係唔好講咁多，說回今次品嚐的甜點。燕麥在我的眼中是跟早餐劃上了等號，真沒想過桂格燕麥會跟酒店合作，推出一些健康的甜品，令甜魔們抱有一定期望。健康嘢多數唔好食，但這定律也不是永恆，今次大家嚐到的四款甜品，有蛋糕有奶凍，都是健康之餘，賣相又美觀，味道亦不俗，是大人小朋友都很合適的甜點，我想如果Matthew豬在場，應該會食到唔捨得走。四款的甜品，由我逐一介紹吧！先有藍莓芝士蛋糕，濃香的芝士蛋糕之上，配上燕麥方脆，賣相更美觀之餘，亦增添層次和口感。加之，呢款芝士蛋糕是有脆餅底，自然更合我心。法立傑克是英國的傳統甜品，這裡是加入了燕麥的健康版本。個人很喜歡這甜點的結實質感

好開心收到邀請, 去試食4 款Regal Supreme X桂格燕麥 推出嘅以健康主打嘅甜品真係估你唔到平時一定要加奶先入得口嘅燕麥可以同甜品有咁嘅配搭!!!本人一向見到芝士蛋糕就流哂口水 見到呢款燕麥方脆藍莓芝士蛋糕就即刻試食先 XD蛋糕表面舖左薄薄嘅桂格大燕麥, 餅底同夾心層係由桂格燕麥方脆製成。而夾心就係藍莓芝士大多數嘅芝士蛋糕咬口都比較紥實, 芝士味濃郁而燕麥方脆藍莓芝士蛋糕, 以藍莓芝士造嘅夾心口感接近乳酪,比較特別。因為有兩層由桂格燕麥方脆製成夾心, 食落令到成個餅都好豐富, 唔會有食乳酪既感覺。 不過餅底甜左少少。講講個餅有幾健康啦~~桂格大燕麥加上桂格燕麥方脆製成嘅餅底含有豐富膳食纖維及水溶性纖維,可以促進心臟健康,吸啖氣都順D,啱哂我地城市人~黑朱古力條配燕麥餅底。黑朱古力條用左兩種唔同嘅朱古力,好明顯睇到外脆內軟,層次鮮明。黑朱古力條上面係天然全麥,入口同黑朱古力融為一體, 唔會覺得膩口個餅身入口雖然比較乾,但唔會覺得粗糙,可能因為餅底加入左桂格即食燕麥片,所以口感紥實而不粗糙。燕麥法立傑克用更加健康~~~~桂格即食燕麥片，不單含有豐富膳食纖維，仲有水溶性纖維及非水