很得輝 (金堂閣)

Open Now

Now Closed

聞說呢間生炸雞髀店喺屯門略有名氣。最近喺大角咀開咗分店，於是今日專登去試吓。店舖位於大角咀鐵樹街19號。前面就有一個公園，買完可以喺呢度食。旁邊都可以泊到車，喺車上面食都好開心。睇得出店主揀店舖嘅時候略有心思。提供多種調味粉可供選擇，包括：-麻辣椒鹽、蜜糖芥末、澳洲BBQ、魔鬼辣粉、馳辣椒粉、死神辣粉、香草辣粉、海苔椒鹽。如果食得辣，有咁多種類嘅辣粉，梗有一款最啱口味。特別問店員如果唔食得辣有冇咩推介，佢的心水係澳洲BBQ，此店獨家發售。生炸雞髀大概要等15分鐘，即叫即炸。記得攞埋手套，方便食用。生炸雞脾🍗$33雞髀炸粉唔口，卜卜脆，好似食緊薯片咁。雞肉嫩滑，多汁，高質。係我食過最好食嘅生炸雞髀。👍🏻👍🏻👍🏻👍🏻👍🏻

💛很得輝·呢間我想食好耐㗎喇 不過佢喺屯門真係有啲遠 近排見原來佢大角咀有分店就終於試咗啦😍😍·皇牌生炸髀$32佢隻雞髀真係超大隻 而且佢係即叫即炸嘅 所以都要等15分鐘到 之後佢係真係超級熱辣辣 個皮脆得黎唔會覺得好油膩😎而且中間嘅雞肉超嫩 咬落去超多肉汁 好正🤤🤤之後佢喺舖頭仲有啲調味粉可以俾你落嘅 我地就加左少少紫菜粉同埋椒鹽粉 不過因為啱啱炸起既時候隻雞髀實在太熱啦 我哋完全攞唔起 所以啲粉落得唔係好均勻🤣·#rbyeat#rby港式#rby💛#rby大角咀 #rby屯門·📍大角咀鐵樹街19號金堂閣地下18號舖📍屯門仁愛堂街46號金滿閣地下C2號舖

睇完Kiki & May介紹就走咗去試嘅超juicy香脆生炸雞髀果然真係超級好食 難得地要比返個高分!!!!經過大角咀係一定一定要去試🤤•🍗王牌炸雞髀 $31 📊8/10目測超過18 cm長 超大隻!塊外皮炸得超級脆 完全冇厚粉嘅感覺而內裏係超級Juicy 仲有少少爆汁嘅感覺💦調味粉落咗 海苔椒鹽 麻辣椒鹽 香草辣粉 3隻都幾好食幾夾!!下一次要試吓佢嘅死神辣粉☄️聽聞辣到飛起如果再即刻配埋一杯廢水就真係不得了Overall 🔥8/10會唔會再去: 食到一半已經想走入去再買多隻🔥

經同事介紹，今天經過大角咀，特意到出名炸髀的屯門本店開到第二間　—　大角咀分店的「很得輝」一試她們招牌炸雞髀。除了炸髀外，還有不少其他食品選擇因為雞髀即叫即炸，所以唔想等的朋友們，可先打電話下單店內備有手套，紙巾等的用品，很細心其實等了約不到１０分鐘已有雞髀可取雞髀沒有傳說中的巨髀ＳＩＺＥ，但不算細隻外層以麪包糠裹上，眼看是金黃色的，但咬下去不是很香脆反之較為可取的是她有不少味粉供客人自行調味以當中最出眾的是其死神辣椒粉及魔鬼辣椒粉，很少地方有提供，對我於我這個愛辣之人也吃得非常過隠，滿足。挑戰十足。至於肉質方面也只算得上不過不失，雞肉嫩滑但不多汁

【📣炸脾專家 - 很得輝】原來很得輝係一間毫不起眼既小店，路過都唔知佢就係鼎鼎大名既炸脾專家🧐呢度可以單點或者叫set，除左雞脾(單點$32)，有好多炸物，例如炸燒賣、炸芝心丸，炸雞軟骨等等。我叫左B餐($48)，B餐有3樣野：1️⃣雞脾1隻/中翼4隻(滷水/生炸/沙薑)2️⃣秘製蘑菇飯/日清麻油湯麵/印尼撈麵3️⃣500ml 是日飲品1杯我既最佳配搭係炸脾、印尼撈麵同凍檸茶😎佢既吉列雞脾用既麵包糠好幼細同炸粉好薄，用膠刀叉都好易切開，一切開d肉汁流晒出黎，咬落肉質鮮嫩，無油膩既感覺🤤不過好熱氣🥵另外，朋友叫左份炸燒賣8粒($22)，加多杯凍檸茶(優惠價$10)。燒賣外脆內軟，除左本身跟碟既泰式辣醬，仲有多款調味粉供大家選擇。呢個大家趁熱食，凍左會有少少韌。呢度睇落大多數人都係買外賣，因為堂食只可以企係度食，不過我試過外賣都保持到堂食咁既水準，繼續係皮脆肉嫩，只係溫度無即食咁熱辣辣🤤總括黎講，值得一去再去，keep住咁去🤤

i hv tried dozen of fried chick legs. this one, i can tell its the world, earth, universe no.1 chicken leg!chicken leg combo = 48$ , 1 leg, 1 mushroom rice and 1 iced tea.leg : hugh adult palm size that enuf to feed me. tiny girl must very full. the crispy skin is very skin. internal is insane juicy and tinder meat. so soft and just right optimum oil temperature can cook this perfect leg. i wont say its a leg. its a art masterpiece. a great combination of perfect control in sauce, size, oil temp

大家都知大角咀好多小店好大競爭，今日突然間想食下午茶，所以落咗樓下買炸脾，呢間知道屯門店好出名，放工行過一直想試但係覺得炸脾好邪惡🤣。價錢都唔貴，所以今日放假都特登落樓下買個炸皮返屋企試吓舖頭仲放咗好多唔同辣到嘅調味粉，有一隻「死神辣」，我朋友好想挑戰，由於要就翻我唔食得辣，佢要自己下次先再嚟啦我哋叫咗B餐，套餐包左一隻炸脾，咗印尼撈麵，要邪惡就邪惡到底！嘢飲叫咗香芋奶綠（走甜）買到返屋企既吉列炸脾仲好香脆，食落無咩油膩感，油温控制得好，肉質鮮嫩夠Juicy但唔算啖啖肉。印尼撈麵偏乾身，但好咸，唔食有野飲會覺得好油膩值得一題炸俾就咁食覺得唔錯，由於佢做得唔咸唔油膩，會令你下次想再去買試吓佢唔同嘅調味粉

即炸雞脾+10多左個小食，叫左薯條等左大約十分鐘🍗炸脾係出色既，超熱，炸漿一啲都唔厚，雞肉炸完都好嫩，仲好有肉汁！薯條就一般，得勁少，可以慳返$10下次。呢到既特點係可以自己加調味粉，都幾多選擇，推薦蜜糖芥末。

出開去奧運站買野，所以順便search吓附近有咩美食，搵到呢間食炸雞脾嘅小店。小店主打雞脾，我叫咗炸雞脾餐配公仔麵，加杯凍檸茶。茶先上，好開心佢比我用自備嘅環保杯裝檸茶，不過杯凍檸茶好麻麻。公仔麵（日清麻油湯麵）個湯好淡好淡，希望佢可以落少d水俾個湯濃返d鹹返d。主菜炸雞脾就唔同啦，新鮮炸起，脆卜卜嘅外皮，喺似係有麵包糠包住炸個隻炸雞脾，入面雞肉有肉汁流出黎，好香好滑，食咗幾啖就試下落d調味料。佢地提供左好多調味粉俾客人落，不過我唔食辣，所以淨係試左紫菜椒鹽粉，即刻有d台式感覺，不過呢科覺得唔加粉已經好好食。呢間店環境比較狹窄而且冇乜位食嘢，可能要預咗企係度食。

聽講呢間係屯門人氣炸髀專門店，但屯門對我黎講太遠了，一直無乜機會去食，宜家係大角咀都開左分店啦！大角咀呢間分店不設座位。另外仲有其他小食及台式飲品。生炸雞髀💰32🔸炸粉夠薄，好幼身麵包糠，食個陣無乜點食到粉漿，炸得脆脆的唔乾身🔸雞髀肉質鬆化，内層鮮嫩多汁，一咬就爆汁🔸即叫即炸，等候需時，熱辣辣好惹味 🔸仲有限定口味選擇，例如BBQ燒烤味、蜜糖芥末、香草辣粉等等🔸沒有油膩感🙂附設膠手套、紙巾、一次性餐具及味粉提供

聽同事講呢間響屯門好出名口痕於是就響公司落樓下買有 #炸雞髀 #滷水雞髀 同 #沙薑雞髀 揀🐓我哋一嗌就嗌咗四隻炸雞髀😂各自灑咗 #麻辣椒鹽 #海苔椒鹽 #蜜糖芥末 同 #澳洲BBQ風味 其實本身炸髀嘅調味都已經幾好食，雞肉都好嫩滑不過重口味嘅我緊係鍾意落勁多粉而其中兩個我哋跟小食#雞軟骨 就灑咗麻辣椒鹽#脆薯角 就灑咗 #死神辣 🌶呢個出事喇，食到個個口水鼻水眼水汗水都出田嚟💦食完個人即刻充滿力量，繼續開工下次試沙薑雞髀先

即叫即炸用左好幼細既面包糠+好薄既炸粉去炸，唔會好似d連鎖店咁，第一啖就成舊粉皮甩出泥。肉嫩多汁應該花左好多功夫係d醃料上面，好香好入味，唔係求其用d鹽就算。多款味粉推介大家，先食一啖，再加味粉係d有肉汁嘅雞肉上面，味粉會同肉汁溶合，可以令隻雞髀推到另一個層次！其他美食據說蘑菇飯都好好食，用左珍珠米煮。下次會試吓沙薑雞髀，因為聽講佢地係用沙薑汁即叫即浸，絕對唔係烚熟再加沙薑醬就算。地區攻略鋪頭離奧運站比較近，附近仲有好多出色既食店，可以一次過試多幾間！

皇牌生炸脾Price：$32📌好出名食炸脾嘅很得輝終於進駐九龍，嚟咗大角咀☺️，唔洗去到屯門咁遠先食到，小妹真係好開心🥳炸脾即叫即整，仲要超大隻🤩塊皮炸得非常脆，仲要好薄，無厚粉嘅感覺👍🏻但係入面啲雞肉仲保持到嫩滑，仲一啲都唔乾，一咬落口好juicy😋😋調味粉方面，小妹落咗麻辣同少少魔鬼辣🙊食落去麻辣味出啲，落少少都好辣，食得辣嘅記住去挑戰！😎最近新開張，各位朋友多多支持啦🤪（可惜當日蘑菇飯賣哂😭）

很德輝終於殺到九龍🤩 以前好想食炸雞脾 就會特登入去屯門食 就算幾遠都好想入去 因為試過一次真係番唔到轉頭一知道很得輝終於係九龍區 作為炸雞脾忠實fans緊係要去朝聖下 位置係大角咀 地點都容易搵 除左雞髀之外 仲有飯 麵 燒賣 飲品等食物本身隻雞髀已經醃左有味 但係鍾意shake shake粉梗係要試下啦 仲要有八款粉可以選擇 今次我就試左蜜糖芥茉粉同海苔椒鹽 仲見到有死神辣同魔鬼辣 好似真係好辣 個人覺得有好多唔同味嘅粉選擇等左10分鐘 即叫即炸生炸大大大雞脾🍗 終於出場雞脾超大隻 當你一咬開 係超級脆 同出面炸雞髀好大分別 炸粉薄得黎好脆 雞髀又唔油膩仲好juicy 咬開好多汁 好幸福😍除左炸雞髀外 仲有滷水和沙礓雞髀選擇 下次試下沙礓雞脾先 見到人食好吸引 雖然要等10分鐘 不過佢地標榜即叫即炸生雞髀 等耐少少都好值得 鍾意食雞髀一定要過黎試下

之前經過鐵樹街見到 即將會開 很得輝已經好期待😋因為公司就喺鐵樹街附近，今日就場lunch time 去會一會炸髀叫咗以下呢個set, $42 就有 生炸雞髀 + 炸燒賣 4粒。嘢飲我喺出邊另外買咗可樂😆13:07 行到去落order, 大約 13:18左右就有得拎啦，熱辣辣炸出嚟，好鬼正，一路行返公司一路聞到香味好貪心地落咗2款味粉：蜜糖芥末 同 海鹽生炸雞髀：新鮮熱辣，雞肉嫩滑亦十分juicy，外皮香脆，一定要食下次試埋個沙薑雞髀先炸燒賣：第一次食炸嘅燒賣，感覺還好，唔會炸得太乾