沙龍餐廳 (Closed)

細個常跟媽咪到吉之島逛，每次逛完必定到沙龍?廳！媽咪每次都會點餐牌內較貴的「日式牛肉火鍋」，而我則點「日式豬扒」（吉列豬扒）。現在，則點「韓式石鍋燒雜錦飯」$58，價格合理，用料足，「色、香、味」算水準穩定之作，可謂交足貨。若果麵鼓醬可以再辣一點就更好，這兒的石頭鍋飯比別家多飯焦，每次我都吃得好滿足！現在，下午茶餐賣$38，有1份飛碟三文治、1小份焗海鮮飯、少左生菜沙律、和1杯餐茶。份量很足，味道OK，好抵！這兒的食品水準比別家店子穩定，這些年來，我都會keep 住每年在這店吃3至4次，每次都滿意。近日造訪，覺得餐桌和沙發都很污穢，油油膩膩的，很不自在。都咁多年，應該裝修一下，但勢必加價，到時…

以往也有去過這間餐廳位於太古的分店但大多數都是品嚐他們的晚餐品嚐他們下午茶都是首次感覺不錯特別是吞拿魚粟米三文治下次有機會一定會再試

推介焗豬扒飯.石頭飯.印尼炒飯.Club Sandwiches同埋焗釀蟹蓋.門口永遠都勁多人等位. 個焗豬扒飯汁同Cheese 都多到滿瀉. 我地次次都捧住個肚走人..

好多年前已經開始有幫襯, 一年都會去幾次(事關好少去樂富). 我鍾意呢間餐廳比較有日本餐廳feel, 唔似其他所謂日本餐廳但其實已經係香港化o左o既日本餐廳. 如果叫吉列朱扒, 佢會比o的芝麻你自己磨, 幾有趣. 晚餐六七十蚊(記憶中) 左右, 水準穩定, 選擇都多.

再次光顧，叫了凱撒沙拉，全部都是菜，凱撒沙拉汁不合心水，後悔叫了此食品，應該早就估到是這樣。蒙式燒烤牛肉幾好味，用肥牛，醬汁甜甜酸酸，也有很多伴菜。迷你雪糕新地，最普通的三色：朱古力，雲呢拿和士多啤利，再加半隻香蕉和朱古力蛋糕。不過我覺得幾奇怪，兩個人坐五六人檯；出面很多人排隊。如果可以搭檯，就唔駛等咁耐啦。

以前都幾鍾意來這裏，味道同服務也不差，而且這一帶甚少這類的Cafe。自從裝修過後，開始放棄來這裏了。環境方面，這裏較以前光猛，感覺比以前好。不過不知是否轉了廚師，這裏食物的味道真的差了，我最喜歡的咖啡芭菲，當中的咖啡o者喱淡了不少....最敗北的是服務。以前的侍應已再看不到，有的只是後生非常的小男孩和小女孩，他們實在需要培訓一下服務態度！

因吉之島裝修，呢間餐廳亦裝修。Set Lunch 幾好，餐廳日本老闆落場招呼。湯鍋套餐很大份，有飯又有烏冬。可惜沒有非吸煙區！而且落了單後，要等很耐才有得吃。

同幾個朋友星期五晚去食晚飯，想不到去吉之島食飯都要排隊，排了兩三個字到，入去坐底唔太差，日式西餐ok 啦，不過貴o左d 囉！最過癮係找完數佢會送兩張coupon 俾您下次幫襯，點鬼知隔離檯家人唔要送o左俾我，連我地自己檯共有四張，全部我袋哂，不過全部都掉哂！