維苑餐廳 (Closed)

我一行6人，order唔同o既食物，大家感受都係覺得貴夾唔抵食，飯後整杯茶，其中4人叫了檸檬茶，係爛檸檬茶至真，擁有幾間分店o既餐廳，有咁o既水準，真係有d失望，但我都有去過荃灣果間，質素都冇呢間咁差，都唔知點解！

佢持住自己間野有D名D野勁搵笨上次DINNER去食焗飯45蚊得1隻CHICKEN WING & 2年冬菇無喇仲要無湯無野飲45蚊真係超搵笨我唔會再去!!!

參考舊約的飲食規條，我與龍自願開始為期一個月的禁食，感受當時以色列人的心情。這個月，我們不可以吃豬、雞、鴨、鵝，以及一切有鱗有翅的魚以外的海鮮；或者反過來說，我們只可以吃牛、羊及正常的魚。　起初以為不難，後來卻發現身邊陷阱重重：燒味、KFC、海鮮店、魚蛋檔...來維苑，只是希望少受誘惑!按捺著對大蝦的嚮往，我點了芝士焗石斑飯，龍點了吉列魚柳拼牛柳(五成熟)。　餐包是預期之中的鬆散不堪，紅湯卻比想像中要好，起碼夠酸夠開胃。芝士焗石斑飯有豐富的白汁，原本味道一般就勝在夠熱，石斑肉質麻麻；反而龍的魚柳是靚肉，拿去吉列炸有點浪費。當晚牛柳的肉質也可以，我們都吃得幾滿足，不過最後的凍奶茶與凍檸茶都不行，味怪怪是茶的問題。　無論如何，以便宜的價錢，可以舒服的吃一頓，都算不錯啦；尤其今次是維苑重新搬位後第一次來，感覺環境都不差~

其實維苑既早餐一直都唔錯架!!$20 已經係一個全餐(凍飲又唔使加錢, 又唔使加一收費)弊就弊在衛生環境唔太好...我坐既卡位隔離有位姐姐除晒鞋將對美腿放埋係梳化"鄧"上面, 而我既"木台"就有d奶茶咖啡漬無抹到。但早餐係有水準, 兼且速度都幾快, 唔使點等。

樓上搬樓下, 地方大左, 裝修確實靚左起碼有好多卡位, 坐得舒服叫左兩個晚餐一個係紐西蘭肉眼, 五成熟一個係帆立貝漢堡扒焗飯先來兩個忌廉湯, 無乜味, 亦唔夠熱跟湯送的餐包仲係凍既添, 我老婆嫌凍無食到主菜亦好一般囉牛扒確實都係五成熟的, 但一般貨仔,$68算係甘啦而個焗飯, OK啦, 帆立貝居然係甜的, 漢堡扒就係M記個款豬柳, 無乜驚喜如果唔介意食物既品質, 都確實係一個傾計的好地方但我都係建議佢地做好本份, 先會多人幫襯

我一星期最少到元朗廣場的維苑食3次以上,但我沒有遇到像其他食家般的情況第一,一進去即有人帶位..而且有笑容和即時遞上menu態度令人滿意第二,一叫即有人黎寫單,寫後會repeat一次.如有送錯餐\會即時幫你更換\'第三,環境舒服,sofa好軟燈光柔和好正!第三我通常叫的是雞脾薯條次次黎既時候都係熱到燙口完全冇食物唔熱既問題

剛去完元朗廣場間維苑, 三個人, 叫左白汁墨魚餅鴨胸焗飯, 洋豬扒飯, 鐵板肉眼扒.先來三個羅宋湯, 其中一碗有烏蠅, 另一碗隻碗有撻黑色野未洗乾淨, 叫侍應埋黎換過哂忌廉湯, 忌廉湯來到, 又稀又咸. 我個白汁墨魚餅鴨胸焗飯D白汁無味無道, 鴨胸太咸, 墨魚餅似街邊d炸帶子, 賣$48, 仲要唔包湯同飲品. 洋豬扒飯, 三塊豬扒有一塊係凍, 賣$53. 係個$58鐵板肉眼扒叫做普普通通食得落.最後, 杯凍奶茶全無茶味, 唔駛問又係請埋d幾千蚊個月既小朋友黎沖, 飲一半, 鬆人.白汁墨魚餅鴨胸焗飯: $48 + $20(轉餐)=$68洋豬扒飯: $53鐵板: $5810%加一服務費= $197 !!!兩舊水, 去酒樓叫三個小菜飲兩支啤酒都唔駛, 最慘我同兩個斯文朋友去, 平時我實發佢爛渣.下次我索性唔出聲唔換湯直接打去食環署叫人黎, 賀下佢新開張都好, 不過有無下次都成問題. 呢間野同椰林閣鬥衰真係有得揮, 各位元朗brother sister, 自己睇路.優點: 裝修靚, 卡位坐得舒服, 侍應禮貌都可以.缺點: 唔衛生, o野難食, 價錢貴.其餘相片請到:http://s114.ph

上面搬下面見佢新開張又六折所以入去試下寫order同傳菜應該係兩堆人所以你叫傳菜既幫你寫order等十世就會有人過來幫你寫叫左兩個自選兩送飯同一個煙三文香草意真係好好彩兩個自選既汁調轉左佢問我介唔介意我話介意, 佢幫我換過這時個寫單既立即走來問我係唔係落錯野仲覆左兩次oder俾我聽唔知係唔係有問責制呢?好啦, 兩個自選換好到個三文魚很不幸, 煙三文變了焗三文我眼前見到的是以三文魚肉做的肉醬意多過之前我落order的那個我叫個人(唔知佢係waiter啦?定係manager啦?)過來睇下我問佢係乜野, 點解同個牌入面既賣相完全唔同佢初時都唔識答, 跟住同我講問下入面先最後上左個有汁既意粉, 另外煙三文魚分開上食左少少意粉, 冇乜味已是我意料之內連調味的香草, 我一粒都找唔到這時我又捉一個人來叫佢找一粒, 唔使多, 一粒就夠既香草俾我睇於是佢入去俾返一杯仔我我差不多要問候他家人的時候見應該上齊東西, 該沒有可以火上加油的事掛那知燶味此起彼落, 原來是他們的鐵板餐我估有入過去的食家都知是什麼味了加上在非吸煙區內的煙味這頓倒是像在受苦似的帶著失望心情去埋單用卡俾, 等呀等我在想, 週圍都冇乜人了

星期四偷懶放佐日病假, 五點幾同男友黎呢度食飯, 食完各自都要出去上堂. 我叫佐個焗釀蟹蓋拼豬扒, 男友叫佐個「大洋洲炒飯」, 當初我聽男友話食呢個飯, 我以為係「大。楊州炒飯」, 睇清楚餐牌原來係寫住「大洋洲炒飯」, 我同男友都講笑話呢碟飯要有袋鼠肉同樹熊肉, 我地都想知究竟呢個係乜東東炒飯, 點知到上菜發現原來咪又係楊州炒飯, 我個人認為仲要係阿伯版楊州炒飯, 因為佢落埋蝦米同類似D炸菜既物體, 感覺上碟飯好娘, 都唔知點解要改個咁既名... 至於我個焗釀蟹蓋拼豬扒, 隻蟹蓋好細呀, 隻蟹好可憐, 咁細隻就比人劏佐... 塊豬扒就細舊到死, 果然係一分錢一分貨...

我點左鐵板西冷, 我話要七成熟, 黎到係全熟, 成塊扒勁鞋朋友點左牛柳, 又係要七成變全熟, 又係鞋拾拾女侍應似機械人, 問你個餐跟咩係唔望你,冇高底音,機械人背書咁"紅湯/白湯" "飯/意粉/薯菜" "餐荼" 怕左佢

糧尾好窮,剛經過此餐廳見hk bank card有9折,look card 唔使比錢食飯兼有9折,於是拿拿林入去,環境昏暗,幾有情調,裝飾都幾好.門口幾個太空卡坐幾特別,可惜的係坐位擠迫兼設有吸煙區,有大陣煙味... 叫左個特種牛柳,(好似係咁叫) 原價110特價68元,以價論貨算係唔錯,牛柳面燒得恰到好處,中層尚有濃濃肉汁.厚身得來又唔鞋口,配菜都好新鮮.抵 另外叫左個猪爬海鮮炒烏冬,好差....烏東唔靚,有d硬.好似鼓油撈麵咁,茶餐廳都好過佢. 服務又唔差,飲完湯同食完麵包唔使叫都好快有人收碟,經理答問題都好有禮貌.

第二次跟男友光顧。環境:燈光幽暗和諧,ok.早上11時45分左右,人流不多,惜"卡位"已滿,跟友人坐梳化位,總有如坐在路中心之感,未見舒適。12點過後,食客益多,環境嘈雜如鬧市。食物:男友點了鐵板自選,小女子點了雞扒鰻魚跟茨菜,惜未有鰻魚,又點焗海鮮飯.味道一般一般,未見特別,吃後無特別印象,只想起有幾口海鮮飯有香口的芝士味,而男友碟邊的配菜非常"痴牙"。餐湯2紅,味濃,喝得到有蒜蓉,未知是否每位食客都喜歡,我男友就不喜歡蒜味。個人喜歡味道偏辣的紅湯,一邊喝一邊掛念公司附近的"那渣"茶餐廳的羅宋湯。餐飲點了+7元的士多啤梨蘆薈,味道很假,且過甜。服務:似乎有幾類服務生,有的不寫order,有的只負責傳菜。找人order要左看右看,來人寫單了,禮貌缺缺,只站著旁邊等落單,未有先招呼一句。order過了,餐包餐湯等良久才奉上。喝罷餐湯,叫了服務生收拾一下,她只叫另一個服務生來收,還要不是立刻叫。傳菜生送上我的海鮮飯,竟說錯了做焗龍利柳飯,讓我以為落錯order。服務真的未見好,鄰桌客人叫代糖,服務生竟送上芥末。我地這邊買單,服務生竟跑往鄰桌收錢,真是"亂咁黎",這裡的服務好似"盲頭烏蠅亂咁

前幾日同家人黎呢度食下午茶，比我第一個感覺係環境好正~好適合情侶黎呢度依野…因為感覺真係好浪漫^^另外，食物質素亦都唔錯，食得出係用新鮮既材料黎做，味道亦好好，廚師好用心機黎整…唔單止好味，而且賣相亦好好，但杯凍檸水我就嫌太甜，下次一定會叫佢少甜…服務亦都唔錯，一去到就有人主動帶位，而且仲會問埋食唔食煙，上檯時亦會問埋邊樣係邊位，一流!!!!anyway~好食、好睇、好低啦~總之就係十個手指公推介呀>.<

同family去睇出會, 之後去左呢度食lunch, 等左一陣就有位啦....choice都有好多下, 個價都ok喎, 最平$25都有一個set lunch啦, 個白湯雖然有點稀但係好多料, 又有蝦仔,蟹柳,薯仔,魚柳, 好鬼豐富, 個餐包熱辣辣, 好軟熟好正~~主菜叫左個咖哩牛扒飯, 個咖哩唔香又唔辣, 牛扒有點overcook....姐姐的肉醬意粉係行貨之作, 不過不失, 反而老豆的柱侯牛腩大碗飯就喜出望外喎, 牛腩好腍而且個汁好香, 雖然無咩柱侯味, 但都令人好開胃喎~~~大碗飯的portion又真係好大....service ok, 地方都坐得舒服, 價錢合理, good~~

以前o係依度食過ｎ次飯，感覺味道環境皆普通；如果要食似乎同類型o既椰林閣會好d，所以後來少左去~ 不過而家佢裝修完，靚左好多咁，於是上星期同個uncle去食dinner~　因為環境好左，多左人等位，我o地冇卡位坐，有少少窄...食物選擇多左d，不過價錢都mark up哂~ 我要左個廚師推介o既木瓜大蝦煙三文魚沙律套餐，而家要$78 lu~ 　餐湯先上，仍然唔得，餐飽就改良左好食左~ 主菜上檯，果然係廚師推介，個樣好靚；但味道就普通過普通...最後餐飲凍奶茶都係麻麻o地囉...　始終味道冇乜改善，再裝修再靚我都唔會重o黎lu~