犀牛廚房 (Under Renovation)

難得平日放假，緊係衝去犀牛食個早餐先，因為星期六日真係好多人，自己一個就無謂去迫。十一點半入到餐廳，好彩仲有得叫早餐！。通粉餐($74)我每次都只係食呢個餐，唔知全名叫乜野，同伙記講通粉餐佢地就會明。我覺得呢個通粉好好味，份量剛剛好，如果用個細啲嘅碗裝就更加好。另一碟野份量都好多，次次都食唔晒！個多士焗得好好味，啲菇又好多，腸又煎得脆，食到好滋味！轉煎蛋的話就要另外兩蚊。加廿蚊就可以轉手調咖啡，我次次都轉泡沫咖啡，好味，又可以儲印仔，買四送一。記得跟餐只係唔可以轉冷萃。拎到張單先知原來已經加價，埋單74蚊，不過是但啦，間唔中是一次，而且西灣河呢頭冇乜呢類餐廳，而且犀牛算好坐，自己一個食都可以坐四人檯。大家黎食要帶現金，因為夠200蚊先可以碌卡，少過200蚊碌卡就要比加一。

🧭獨特體驗：西灣河平民美食，有戶外位，可以放狗，幾舒服🍳食物質素：西灣河要行街的話好多地方都好好行，食野的地方都多。呢一間的採光係幾好，不過因為戶外位係吸煙區，要睇下自己受唔受到。我上次去果時隔離枱係咁吸煙都好辛苦🍴推薦搭配：炸雞超好食🪑環境座位：以餐廳黎講我覺得算係偏大。都坐得幾舒服，影相都幾好睇。不過因為對住馬路，所以空氣唔算好，扣分。🚗交通：西灣河站B站行3分鐘💰人頭費：130左右

支持社企食肆「工作」關係今日行經 西灣河 有D餓，發現文娛中心隔鄰開了一家 café 格局的 Rhino Kitchen 犀牛廚房,一幅大圖犀牛圖吸引咗入去,知道是一間社企就更加支持！港島東區有「新地方」hea實在是個喜訊，一查之下原來開咗3年幾了！餐廳環境舒適，加上店外牆壁的塗鴉，散發出一陣陣的藝術氣息。由於下午茶時間，就叫了個鴨肶窩夫，啖啖鴨肶肉配上檸檬汁，份外惹味，加上熱辣辣窩夫，令人回味無窮！是日特飲今日係荔枝茶，清清地！炎炎夏日消暑至正！犀牛廚房西灣河聖十字徑2號

和朋友一起早餐，餐廳環境很舒服，餐牌選擇很多，上菜速度適中，份量很好很足夠，美式咖啡只是在早餐set補少少價錢，拉花很美，咖啡味道亦很好，服務亦不錯，整體很好，值得推薦。

叫左個Pancake,一上台賣相已經好差食開pancake既人都知道如果一上台又薄又淺黃色 都唔方好食即管試下啦可能係佢自家製切落去果下又覺得會好伏完全唔係solid咁，切落去個pancake切口已經開始碎算啦話唔定有奇怪一食落去個味本身已經好難食有陣好奇怪膠膠地既味見到個底有一塊煎到啡色 終於唔係黃色食落口 係好乾架！我真係崩潰去超市買粉自己煎都好食過佢之後我放棄左喇唔食喇我諗今次係我第一次啲食野難食到要寫食評Omg唔會再去

今天放假，中午有空帶小朋友去西灣河游泳池玩，游完水之後我同小朋友去食下午茶☕️地鐵站旁就是這間犀牛廚房叫了份鴨髀窩夫🧇，和芝士薯條🍟食物也幾好味😋小朋友食窩夫後也覺得10分好味有機會會再來😊

難得星期日放假 想食返個西式早餐因為可以慢慢嘆😆所以就簡左呢間cafe😋西灣河茶餐廳很多但cafe不多 呢間cafe值得一試而且食物質素不錯💁🏽‍♀️Easy Breakfast - 份量岩哂我呢啲胃仔細既女仔💁🏽‍♀️Light Rhino Breakfast - 呢個餐有蕃茄濃湯通粉再加埋多士炒蛋香草腸茄汁豆炒磨菇 $45好夠飽又抵食👍🏻

這家餐廳的食物整體來說是相當不錯的，但是價格稍微有些偏高，而且份量偏小，對於女生來說可能不太足夠。因此，我建議男士可以先到附近的燒味店吃一個快的，再來這家餐廳和女朋友共進下午茶。這樣可以讓你們的飢餓感得到更好的滿足，並且可以更好地享受這家餐廳提供的美食。卡邦尼和鴨意粉是值得推薦的美食，服務方面也還不錯，只是有些態度奇怪。如果你不喜歡紫薯牛奶和紅茶，最好避免點這些飲品。Dirty也是一款不錯的選擇，也不妨一試。總體來說，這家餐廳是值得一試，特別是如果你正在尋找一家可以消磨時間的下午茶店。

基本上入東區過咗太古城 大部分都係民居 餐廳都係做街坊生意🍴所以普遍都係茶餐廳 茶樓等等食肆 比較少西式野食呢間犀牛餐廳簡直係漆黑中嘅螢火蟲🦏係返工附近唯一嘅一間好西餐廳🥹最推介係（排名不分先後）😋茄湯通粉早餐 $45雖然唔係All day breakfast🍳 除咗個湯粉本身 其他配料有齊炒滑蛋🥚 香草炒蘑菇（呢個真係好推介） 香腸兩條 同埋茄汁豆🥫而個通粉嘅湯底本身亦都好jeng 係偏酸嘅蕃茄濃湯味🍅連埋個價錢 真係覺得超抵食🙏🏼😋鴨髀意粉🍝本身做鴨髀嘅西餐廳就唔多 通常都係專做法式或者高檔小小嘅餐廳先有得食呢到嘅鴨髀意粉絕對可以話係最多人order嘅嘢食鴨髀既無怪膻味 肉質又滑嫩個意粉係蒜油底 加小小嘅乾辣椒絲啲辣椒絲吊曬個味出嚟 超級夾 😋下午茶嘅窩夫🧇有得揀配香蕉🍌 炸雞🍗 or 鴨髀😂我有試過叫炸雞 唔係咁夾🥀都係焦糖香蕉最好食個窩夫即叫即整 配埋球雪糕 熱量Party😙😙🔥題外話 呢個餐廳係協青社期下大方向係希望幫到有需要嘅年輕人但係啲野食真係一啲都唔馬虎 仲要Keep到QC 每次食都差唔多味道值得大家支持下🍻

【東區】【犀牛廚房】上次要同朋友食生日飯，不過準備不足之下，要去到夜少少先有枱。好彩朋友本身都係夜鬼，晏啲食都冇所謂，咁就玉成咗之前食燒肉嗰餐，詳情就參考返 1am0832 嗰篇。不過食之前都要搵個地方坐吓等張枱，就搵到呢間。我飲杯 $40 嘅「髒髒咖啡」，佢寫就係凍鮮奶加 Double Ristretto，係任由 espresso 弄髒純白嘅鮮奶咁話，飲落去，喂好好飲喎！爭啲即場買多杯呀！朋友飲 $46 嘅「單品冷萃咖啡」，佢本身幾中意 Cold Brew，佢覺得 okay。而佢仲食咗件 $42 嘅「檸檬芝士蛋糕」，佢最特別之處係喺本身 American Cheesecake 餅底上面插上一片以 18 小時風乾嘅檸檬片嚟點綴吓件事。我有食一啖試吓，都幾好。咁樣兩杯嘢飲加件 cake 就 $141，唔緊要，我畀。食完呢次冇耐之後又有機會過嚟呢邊食嘢，我就建議食吓呢度啲正餐，咁我又可以寫吓嘢吖嘛。而家我身邊嘅人大多數都好就我，去邊都冇所謂，咁就再入去坐低咗。我同朋友 share 食，主菜、甜品、飲品各兩樣就啱啱好啦。主菜食咗 $95 嘅「油封鴨髀香蒜橄欖油意大利麵」，初初都有擔心成件事會

位於西灣河嘅犀牛廚房，燈光十分之好環境亦都好闊落，坐得好舒服。👍👍下午茶有好多選擇，例如全日早餐同waffle餐等等。同朋友叫咗個全日早餐🍳、waffle拼鴨髀同一份薯條。🍟叫左份Smoked Salmon and Avocado份量適中，都幾開胃。三文魚都切得幾好，牛油果夠健康，所以成份都好健康。💪🏻而Waffle拼鴨腿，鴨髀係用法式慢煮油配蜂蜜，非常之好味。再加埋杏仁、百里香。簡直係五味俱全。薯條亦都非常之脆、成件事嘅感覺係好chill好relax

下午茶時間，今日到西灣河嘅犀牛廚房，我哋去到嘅時候人唔多，餐廳環境舒適，食物質素可以，服務一般。點左炸雞腿🍗窩夫，朱古力心太軟雪糕跟餐點左杯英式檸檬茶，點錯晒，味道一言難盡😅英式紅茶淡，雖然叫左少冰，但是都係令到茶味更淡。朱古力心太軟，暖暖的朱古力蛋糕包住流心朱古力，軟糯而又唔會太甜，配上麥維他餅碎，有軟又脆，加埋雪糕，冰火二重奏。炸雞腿炸得好香脆，唔會覺得油膩，雞肉唔會梅，窩夫🧇外脆內軟，亦唔會太甜膩。

行完山落到去西灣河，朋友介紹 話附近有間社企餐廳，就不如試下餐廳外牆有塗鴉，充滿文藝氣息。裡面闊落，木枱木椅，加上有綠色植物裝飾，坐得幾舒服🌿下午茶時段，自家鬆脆窩夫，南部炸雞鎚 $58見到Manu好吸引，炸雞槌較圖片細隻，但配上酸忌廉，紅椒粉，香葉，保持外脆內軟，熱騰騰， 味道可口。窩夫做得夠挺身，已加了蜜糖，甜度剛好Matcha Latte $19 （原價$38 下午茶半價）香濃，啖啖回甘 黑松露雜菌長通粉 $58朋友略嫌比較多汁同濃味，如果鐘意吃味濃的人，相信會喜歡。Cappuccino $20 （原價$40下午茶半價）拉花好靚，朋友滿意有機會會再來

週末簡簡單單嘅Brunch ☕️☕️☕️犀牛英倫早餐 $118炒蛋、蘑菇、香腸、煙肉、車厘番茄、茄汁豆、薯餅、麥麵包，十分豐富牛油香蒜烤春雞配粗薯 $98烤雞、粗薯條、烤粟米、烤茄瓜食物質素中規中矩，餐廳座位都算舒適，為這區又增添一個用膳選擇。

𝔸𝕗𝕥𝕖𝕣𝕟𝕠𝕠𝕟 𝕥𝕖𝕒 🥧Pleasantly surprised to find a little cafe at Hong Kong East, pretty spacious indoors and also with some outdoor seats if you wanna have a streetview 👍 Came here on a weekday for their afternoon tea, and there was quite a big selection of salad, pasta and even waffles! 𝙎𝙤𝙪𝙩𝙝𝙚𝙧𝙣 𝙁𝙧𝙞𝙚𝙙 𝘾𝙝𝙞𝙘𝙠𝙚𝙣 𝙬𝙞𝙩𝙝 𝙃𝙤𝙢𝙚𝙢𝙖𝙙𝙚 𝙒𝙖𝙛𝙛𝙡𝙚 🧇 One of my top picks - chicken drumstick and homemade waffle - who could resist that? Waffle was fresh to made, crispy and yummy 😋 Best combo with paprika spiced chicken