飯意主題餐廳 (Closed)

好耐都無食過蛋包飯，要整一個好食既蛋包飯都唔易，見呢間餐廳貼左紙有得食，門面又幾好樣，食下啦。 叫了漢堡扒蛋包飯加配沙律，個餐都好快到，先食個漢堡扒，牛肉鬆散無咩牛味，口感偏硬，幾重雪藏味，調味唔太得掂，唔好食! 飯都係味道差左D，白鞋鞋，唔夠軟熟，而蛋又唔嫩滑，冇咩蛋汁，白汁滿口味精，失敗之作! 凍OT 茶味差又太澀，成杯都好淡茂茂，又係一個失敗作! 每一樣都整得冇水準，真心令人失望，不過或者其他野都可以一試既

個人認為個爆將鰻魚飯最為高質。我自己比較鐘意食依一間野既依個餐。老實講佢既鰻魚唔算好多，但係佢切開蛋奄列果一下其實好吸引，另到啲食客既胃口都好啲。但唯一唔太好既就係杯野飲太假，我叫左杯珍珠奶茶，但味道就差咁啲，少左啲茶味，太甜

飯是這家飯意主題餐廳的招牌。尤其是芝士鐵板系列，招牌芝士飯更是首選除了飯，我們兩個女生還點了小食拼盤和飲料。中午人不多，餐廳也不是很大，店員非常麻利，上菜速度很快

平時一得閒都黎呢到食，除左貪佢唔似一般茶餐廳，坐位唔算好舒適，但無一種好似趕住趕住走咁，環境上好似無咁品流復雜咁。所以星期六放半日或有時午餐都黎呢到。今次食下午茶， 佢嘅下午茶由A至F款 每個款有5，6個選擇，仲要午餐都繼續可以叫，即係選擇好多，不過始終下午茶平少少，所以都選擇左佢。蕃薯湯米粉，加炸蝦，仲要送一堆沙津，個沙律係最愛嘅類型，無薯仔更正啦！平時叫開凍柚子紅茶，但今次因為唔飲得凍嘢，所以我叫左熱0水。呢個下午茶先卅頭，抵。另外仲有熱狗餐仲正，大家可以去試下。

試食餐廳：飯意主題餐廳（深水埗元州街146號華興大樓地舖）美味指數：$62吉列豬扒．濃湯芝士鍋（4/10）、$49煙三文魚有殼蜆香草忌廉汁意大利粉（5/10）-小女子已計劃往嘉頓山看夜景良久，終於在星期六與男友仔同往，市區景緻盡收眼底，隨後便尋覓特色晚餐。-我們二人都被餐廳的芝士鍋吸引，慕名而來，點了吉列豬扒．濃湯芝士鍋。上桌時，吉列豬扒、脆薯格放在鐵網上，下層則是濃湯芝士鍋、手作麵、餃子，以保持兩者的口感。-然而，芝士鍋賣相吸引，但味道欠奉。湯底不只芝士味輕，還因下了三椒、菠菜烹煮，菜味遠蓋芝士味，很失望！吉列豬扒味道普通，肉質偏實偏乾，且因芝士湯稀而淡味，點下豬扒都不帶芝士味。手作麵則呈扁狀，頗為黏韌。-另外，我們也點了煙三文魚有殼蜆香草忌廉汁意大利粉，想是此等意粉很少烹煮失敗。意粉掛滿忌廉汁而不膩，拌有香草、黑椒、芝士粉，味道突出。蜆肉頗多，煙三文魚都被一般餐廳多，但味道過鹹，個人偏好較為滑身的煙三文魚。

呢間餐廳平時都有食開架啦，朋友開聲想食，幾大都奉陪到底，小貼士係：最好多啲人一齊去試多幾款，因為每碟份量都幾大，得一、兩個人嘅話，唔試得幾多款。我哋四個人，首先揀咗個招牌二人套餐，細食嘅話，其實都足夠三個人食。我哋揀咗原條BBQ豬肋骨，同埋招牌芝士熔岩蛋漿飯，另外在加多咗個卡邦尼意粉，同埋雞髀扒芝士鍋。鍾意食芝士嘅一定要食個熔岩蛋漿飯，成碗芝士同蛋倒落個鐵板炒飯度，仲有人幫你撈埋，冇得輸而BBQ豬肋骨，份量都好大，要食晒嘅話其實都唔容易，略嫌個燒烤汁咸咗啲，但都好抵食，一定要揀仲有意粉，一定要轉手作意粉，比烏冬幼少少嘅意粉，做到掛湯嘅效果而跟餐嘅酥皮忌廉湯，即叫即焗，大大碗，真係好扺芝士鍋都有得揀要飯定意粉，個人應為都係配意粉好啲嘅，不過呢個就膩D啦，唔係芝士控嘅話，未必岩口味唯一失望嘅係杯珍珠奶茶，奶茶似港式，唔係好夠奶，勉強喇食咗咁多野，埋單都係＄400左右，算好抵架啦，唔知食咩好嘅話呢個都係唔錯嘅選擇

飯意主題餐廳Rice Love地點：深水埗元州街146號華興大樓地舖G/F, Wa Hing Building, 146-150 Un Chau Street, Sham Shui Po，電話: 23611611(1) 卡邦尼蜆肉意粉；(2) 焗蜜汁豬手飯；(3) 凍薄荷朱古力；(4) 熱； (5) 熱奶茶。共二人享用本餐，合共八十元。食物的色香味如何：首先，焗蜜汁豬手飯有改變的餘地:Œ 焗飯只宜配芝士、葡汁或白汁，若然配蜜汁，便失去焗飯的香濃美味； 加上它沒有炒底，所以亦不能做出香濃美味；Ž 而且沒有蜜汁味道；x 當天焗飯足足花了半小時，比起提供同類食物的餐廳慢。其餘的食物比較沒有多大挑剔的地方，卡邦尼蜆肉意粉很香白汁味，有多塊蜆肉和火腿；凍薄荷朱古力香濃口味，兼且夠冷。環境：新派的裝修，加上牆壁設有花卉，有清新的感覺。服 務：普通。衛生：可以。抵食：價錢普通，和親友聚會可以選擇。整體來說，比起同區的黃金餐廳 (https://www.openrice.com/zh/hongkong/review/%E6%B7%B1%E6%B0%B4%E5%9F%97-%E9%BB%83%E9%8

老公之前同朋友食過，覺得幾好帶我嚟試，佢叫咗個牛扒蛋包飯餐，我就叫咗個芝士湯鍋雞扒飯，老公嗰個好快嚟咗，侍應都好快放咗碟芝士配料俾我個飯，但等了又等，我個飯唔見咗～見老公食咗一半，無奈下催一催我個飯，侍應問返我嗰個係咩飯，答咗再等一陣都冇，再問，回覆話好快有，終於嚟咗碟我冇叫嘅嘢嚟！嗰吓我堅火了！捱咗咁耐肚餓，老公都差不多食完，居然仲嚟錯嘢？！我同侍應講：我唔係要呢個，你直接同我取消咗佢啦！隔咗一陣，個阿姐走嚟同我講等多一分鐘就有，我已經唔想再食，講多次唔要，取消咗佢！對方話唔好意思，幫我取消，點知2-3分鐘，另一侍應再捧返個餐過嚟！我想食時追極都冇，而家我唔想要就想硬塞俾我？然後錢照收？生意唔係咁做！真係令我好反感！所以堅持取消！呢間嘢真係完全無視食客講乜嘢，完全亂嚟！隔離搭枱叫個鐵板飯，講咗3次話蒜蓉汁另上，都堅持落咗個飯度！而且兩間店都有個通病，就係通風系統極差，賣得鐵板餐同石鍋餐，又唔搞好通風，一味淨識開大冷氣吹到人哋頭都痛埋，仲要未食完已經全身油煙味！呢間我冇正式食過，但回想旺角店嘅質素同呢間店嘅服務，已經夠我永久black list 飯意！

昨晚去旺角搵野食去間日式西餐廳，見餐牌都幾多選擇又唔洗等位，就入去試下。我想食鰻魚好耐啦，見價錢都幾平又大大件，就點左《鰻魚蛋包飯》同人氣小食《原條BBQ豬肋骨》，因為聞到隔離枱陣陣芝士炒飯香 😋店員又推介《咖哩芝士鐵板飯》我就試下先! 先黎杯青蘋果薄荷荔枝綠茶同柚子檸檬紅茶，解下渴先。好快就上左鰻魚蛋包飯，好大大大條鰻魚呀呀～我的最愛😘滑滑的蛋包飯入面加左藜麥，好健康👍🏻估唔到個鐵板飯都有驚喜，菠蘿上面仲有好多粒帶子同蟹子😮另外會跟一碗芝士碎，自己鍾意落幾多都得🧀😋芝士控的我唔覺意落左三分二🙊唔好話俾人知誠意推介，大家不妨試下呢間飯意的《咖哩芝士鐵板飯》👍🏻👍🏻👍🏻佢仲有其他配菜選擇：煙三文魚，吉列大蝦

出去深水埗睇野，順便又去返哩間食，因為哩間野食都真係幾平同埋有啲菜式唔錯先來蛋包飯蛋包飯真係唔錯~ 個蛋幾滑 唔乾跟埋汁食唔錯，最重要係好抵食因為好鐘意食意粉，所以叫左個海鮮意粉哩個意粉我有啲失望，賣相唔錯，但係味覺好似單調左啲，怎至係無乜味~意粉偏淋身，海鮮配料有啲碎同埋無咩味，所以有時唔知自己食緊咩，最後加左好多黑胡椒，不過都係改變唔到本身無乜味既問題如果再選擇 我唔會再嗌哩個野飲叫左個薄荷朱古力，幾濃幾好味不過整體黎講哩個價錢算係咁，蛋包飯係唔錯既，不過意粉真係要諗諗

位於深水埗元州街嘅飯意主題餐廳 主打係食西式意粉鐵板飯同埋蛋包飯沙律等等嘅！下午茶時間 人唔係好多 但係多數係六人枱 兩個人食就要搭枱喇 今次就試下呢度嘅下午茶 我叫咗個卡邦尼蜆肉意粉 熱檸茶 $34意粉有啲肥大次係overcook有啲似港式茶餐廳嘅意粉 意粉汁味道較淡 無乜忌廉味而且唔夠鹹 淨係得一兩塊煙肉完全唔夠過癮 不過就有新鮮嘅蜆仔大約七至八隻值得加分 都幾鮮甜 最後我問侍應攞咗芝士粉係卡夫牌的 仼落唔嬲 咁先夠味！ 分量唔大 真係下午茶size朋友就叫左個蔥燒牛肉迷你鐵板飯 凍檸茶$28鐵板炸炸聲上枱好吸引 上面好多粟米 下面燒汁不斷滾起 望真啲唔見牛肉喎 撩開個飯 原來係飯下面畀塊板啲煎緊 用匙羹撈勻啲飯同汁仲有牛肉 好香噴噴 好吸引 食落好香燒汁味 又唔會太鹹 仲有少少飯焦 好香口 以下午茶價錢同食物質素黎講Cp值算幾高 推廌！

要幫男朋友去深水埗買D野，順便嘆埋個下午茶先走人雖然呢間餐廳出名在芝士鐵板飯，但晏就時間食，又好似怪怪的最後叫左蕃茄濃湯意粉配雞翼湯比較淡，蕃茄味只屬淡淡意粉雖然滑溜，但味道比較DRY雞翼有四隻，都算良心小店煎炸得香脆，都好入味又無雪藏味，是OK的

看過多遍食評均表示這內大件夾抵食，起初不太相信，這晚是週六約8時來到，約有6人排隊，10分鐘已經安排入座了。店員態度挺好的，坐位也算可以，叫了二人餐，坦白説認真大件夾抵食，重要唔使加一。最推介是BB 燒筋骨。這是我人生第一遍 openrice 食評 。

深水埗區餐廳何其多，今次呢間的確令我倆感到驚喜！店內坐位算多，我地6點幾入坐，到大約7點幾已經滿晒坐！兩個人既晚餐，我地叫左以下食物：⚜️燒原條BBQ豬肋排骨$70👉🏻正👍🏻大份！肉味濃夠juicy！一d都唔韌！加埋佢個酸酸甜甜既BBQ醬一流！⚜️燒菠蘿牛漢堡配烤餅$56👉🏻漢堡上疊上芝士+菠蘿，新鮮配搭，食落口都幾夾！成碟既靈魂在於微辣而帶有少少甜既咖哩醬配上熱烘烘既烤餅！無得頂！⚜️招牌芝士熔岩蛋漿飯$52👉🏻呢個價錢係出面好難食到呢道菜，加上佢芝士超多！每一口都有芝士拉絲！落足本！（蛋漿同芝士會先上檯，鐵板飯到左之後店員會幫你撈勻）(+$20 蒜蓉包+沙律+特式飲品)⚜️椰汁紫米冰(跟餐飲品)⚜️紅棗杞子紅茶$19👉🏻唔會太甜，杞子好多，紅茶味濃！———————————全個晚餐埋單只係$217😍✌🏻呢個價錢食到一個咁有質素既晚餐，我地兩個都十分滿意！

如果口痕突然想食芝士，又想平平地就試到芝士鍋、熔岩蛋漿飯或者蛋包飯等等呢間位於深水埗大受歡迎既平民飯堂一定岩你胃口餐廳食物有質素而且用料足-----吉列豬扒 濃湯芝士鍋配辛辣麵($58)用上石鍋上台的芝士鍋，湯味濃郁，還有一杯小芝士比你續D續D 將芝士加入熱湯到真係十分邪惡的一鍋芝士湯麵，辛辣麵吸收晒芝士湯精華，麵條有咬口，很滋味加上脆脆炸薯角，都夠脆，但吉列豬扒就炸得少少硬身，就比較失色 餐廳食物相當多選擇，整體質素十分抵食！