福盈酒家

Open Now

Now Closed

福盈大家姐真係好巴閉，張枱已有人坐叫人起身坐另一張，之後俾隔離張枱的人轉過去，問佢點解個張枱個個可以咁轉過去，佢口氣好大咁話，我話事，我鍾意俾邊個坐都可以，係唔俾你坐。

放假難得可以去茶樓慢慢嘆個茶，就去左附近一間屋村茶樓，飲個茶食個飽～當中最鐘意就係個金箔流沙奶黃飽，又有賣相，又好味道。而其他點心都十分有水準，而唯一係腸粉上台時已經凍左比較失望。

今日下午去飲茶，我重第一次去這裡飲茶，本來開開心心去，點知，寫好點心紙後，個部長態度好差咁話我寫錯午市那張（當時係下午茶時間）佢即時極無禮貌咁渣巢我張點心紙，我心諗：咩事？洗唔洗咁差態度仲要在客人面前渣巢張點心紙？！！！你唔想人地寫錯可以收埋d午市點心紙，然後我問佢拎下午茶點心紙，佢當聽唔倒行左去！咩服務態度？？佢行得好快去左第二張桌，我就起身好有禮貌咁行去佢身邊話「唔該比張下午茶點心紙我」，佢超級語氣差咁話「你唔見我做緊野咩？等陣啦！」（佢當時在第二張桌寫緊張吸印紙比d客）我心諗「你頭先走左去唔比點心紙我，依家仲要咁的態度」我以後都唔會再黎幫襯呢間咁差的茶樓！我仲會呼籲所有我識的人都唔好黎幫襯，超受氣！做到部長級竟然服務態度咁差，真係好令人失望，我當時已經想即刻走唔食，同埋想叫經理黎投訴呢個部長，但礙於我奶奶話想黎食我比面我99先忍氣吞聲食完先走，真係勁委屈咩事？！放假飲餐茶想開開心心都唔得，一入黎坐底無耐就要受你呢間野d部長的氣，請呢間茶樓的管理層好好檢討一下，否則只會被呢d差劣質素的員工影響茶樓的聲譽。

成家人去飲過下午茶，入座無人問入乜茶，叫人充佢話等陣點知行咗去吹水，難得攞到點心紙劃完叫人黎入單，一手就渣爛你張紙話你劃錯咗呢張唔係下午茶，問佢可唔可以比張下午茶點餐紙佢轉頭就走咗去，追出去問佢可唔可以比張下午茶點餐紙，佢話：「你睇唔到我做緊嘢呀？」當時佢係寫緊隔離枱茶位，但張紙就喺佢衫袋到一抽就有。食物講真，中下水評，但態度真係不得了，貼錢買氣受，我從未寫過食評，又要登記又要認證，但我為咗話比其他人知，所以都要上黎寫。獨市還獨市，今時今日居然仲有呢啲服務態度，真係好失望。唔係有大人有細路喺到，拍枱少佢九年。

難得平日放假，近近地飲下午茶，點知食到一肚火。首先係點心亞姐圈錯單（中點變優點），佢怕麻煩唔想即時改，花左好多口水先肯改正，此其一。嚟左煎蘿蔔糕但係冇醬，點心亞姐話轉頭俾。等左十分鐘，佢送另一籠點心上枱時我提佢，佢話冇醬都食得啦，根住冇理我就走開左。我以為係個別員工態度問題，唯有搵部長，佢都係敷衍我，最後要搵個經理先解決到。前後搞左廿分鐘，只係為左一碟甜醬，真係無奈。咁小嘅事反映到呢間酒樓管理不善，服務態度差。唔會再幫襯。

食團年飯當然要book位啦，book 20:00pm食第二輪要等都正常，但比了兩次枱都坐唔落13人就好笑🤪🤪到20:47pm再打比來話已安排到枱比你們，真係好好好笑🤭🤭🤭你間酒樓安排唔到就唔好接啦😰攪到十幾人，又老人家👵🏼👴🏻小朋友👦🏻👧🏻同街搵地方食團年飯🤬🤬打到來仲要無覺得錯,仲要話我屋企人有12人枱都唔坐，我真係好嬲囉😡😡之後仲要賴booking同事無同我講要等！等都唔係等47mins 呀..😳😳

听附近邻居说过福盈酒家服务态度差到极点，因为今天特别想吃茶点还是去了，果然名不虚传。进门的服务员只顾自己聊天，根本不理客人，让拿菜单还不给。 进到去之后收银台的两个老阿姨的态度真的是让人汗颜， 已经无法用形容词来形容了，就跟谁欠了她一个亿一样，做事怨气特别重，最过分的是，我只是叫了两个茶点自己拿走，还要收加一的费用，我就想问问这种霸王条款怎么投诉？凭什么收加一，你提供了什么服务？菜品也不便宜，一个鲍汁凤爪就是40，总之没有性价比 就餐环境吵到连面对面说话都困难，非常差 绝对不会再来 绝对不会

爸爸生日就去屋企樓下食飯，吾洗自已做飯咁煩呀麻，成十幾個人，有大有細，我地叫咗6個餸，有炸子雞，腰果配菜，拼盤，肉扒等等。去酒樓就岩大家味，大人細路都岩食，炸子雞夠脆，拼盤份量多，小朋友又喜愛食肉扒，因為夠林最後想一提，地方大，岩小朋友郁黎郁去！！！！

這間福盈酒家，環境很舒適，每一角落都有電視，台上的大螢幕更播放電視頻道，感覺已很不錯，餐牌更有部份菜單相片參考，每一度菜看得出很有心思，乳豬拼盤很不錯，價錢公道，生炒骨的盛裝很有心思，小炒王足料好味，海味雜菜煲湯底不錯也足料，見到乳鴿，侍應生推介BB鴿，只是二十多元，只是叫了一隻試試開四件，真的不錯，加四個靚仔(白飯)，四位結賬五百二十元，因味道好，就覺得(值)，下次會再來。

間唔中都會黎飲下茶，但今星期去飲啲野食差左，特別係個雪山叉燒包，以前食明明好好食，熱辣辣而且好鬆軟，但今次得少少暖仲要硬嘅🤦🏻‍♀️仲有佢入面好似冇開冷氣咁，問佢冷氣係咪壞左，上面個風口位一滴風都冇，佢話開左架啦，成日開住度門係咁架啦🙄食到我地出曬汗😓不過佢啲燒腩仔係仲係好味嘅，去到可以試下。希望下次再幫襯嗰陣，啲野食全部熱辣辣，但個冷氣會搞返好啦

爸爸生日飯來了這裡坐得很舒服唔逼店內經理和侍應都很好啊很好服務又常常會幫你換碟細心點了半圍菜加錢換了燒鵝覺得驚喜的是那個壽包裡面有咸蛋黃半隻的其實仲有荷葉飯但忘了拍照

我係福盈食嘅係晚餐，當晚5個人叫左5碟餸。首先係瑞士雞翼配薯條，叫比小朋友食。之後就係芝士焗龍蝦伊麵，啲芝士鹹鹹地又唔太會杰配伊麵幾好食龍蝦剪細左幾易咬開，對芝士控黎講當然都要點埋芝士黎食梅菜蒸菜心幾特別，咁嘅蒸法菜心幾甜，加上蒸得好稔，大人細路都啱食。炸墨魚餅點酸甜汁幾開胃，另外炸起左嘅墨魚餅有啲好似米粉咁嘅幼條係面好得意，口感唔錯但擺耐凍左就冇咁好食。最後係薑葱炒蟹，啲蟹好入味亦好多膏仲好嫩口總括而言，食物品質唔錯值得再去!

服務極差，原因是我訂咗八點一張十二人枱，大約七點酒家致電問我可唔可以即刻過哩，同佢講我訂咗八點，佢話如果你八點先到可能無枱，我問經埋點解要訂枱，經理無回應，去到是是但但比張八人枱，即時同佢講我有十二個大人張枱太細，經理一句無十二人枱，同我講座親密D轉身走咗，同時見到為咗增加顧客流量，不斷追問顧客食物到齊未，到齊就埋咗張單，好有技巧趕客，食物質素同樣極差，食物加入大量味噌，每一樣食物都係微暖，我一定一定唔會推介任何人到《福盈酒家》，呢D係什麼服務質素。垃圾級服務

我吃的是午茶，個人認為處理位子分配很有問題，服務態度差，店內員工互相推卸工作，每次下單都需很長時間，桌子也需要等很久來收拾，對客人十分無禮，食物味道普通，如果真的只為享受美食，隆亨街市的點心店味道更佳，真心不推介，不需要用一小時的等待時間去吃它。

酒樓晚上6點營業，我們是第一批客，亦即時盡快落單。成晚酒樓多位服務員態度惡劣！問心食材味道不差，可惜因是晚經歷絕不會再光顧。1. 我們取票四位同時入座，枱面只有3份餐具，便叫服務員加多一份，但回應是返被投訴我們沒說四位，當然得欠一份，還黑著臉給我碗筷2. 我們叫三個餸，10分鐘左右先來牛柳粒，但之後的灼蝦和蒸魚竟要等咗成粒鐘！其間曾找多位服務員追單一位説：你張枱不是我的，你找其他人其他人只說追緊、追緊⋯之後的男服務員還說蒸魚還要等多10分鐘，問我地要唔要。叫客人等咗成個鐘先問要唔要，是何安排？！結果灼蝦需時40分鐘！蒸魚需時1小時！