河畔冰室

Open Now

Now Closed

懶得煮，咪買外賣囉，見新開張，但又有咁多人等緊外賣，咪試吓囉，第一次試，梗係叫啲大路嘢，估唔到，夠火候：河畔小炒皇，老人家話有大排檔嘅味道，西蘭花魚柳，魚夠滑，好健康，京都豬扒，軟身唔會咬崩牙，夠味。落單過程順暢，話係即叫即炒，等候時間都合理，冇見到有混亂情況出現，等外賣時候，見到好多人叫嗰個「黃金脆炸蝦球」，和「尖椒爆炒回鍋肉」，係屋企自己懶得煮嘅餸，諗住下次要試吓，如果真係咁正，就可以懶多幾日唔煮喇，叫外賣啦😆

年初六去沙田河畔附近拜年，聽朋友講呢間冰室嘅炒牛河同小菜品質用料唔錯今次我就去試下早餐，早餐最鐘意食沙嗲牛肉面嘅我喺眾多早餐款式之下被引誘試左香辣雞柳米粉、吞拿魚沙律牛角酥，一般冰室都冇嘅款式，當然要試下！果然有驚喜，吞拿魚沙律牛角酥好好味，即磨咖啡豆味好香，奶茶味夠香滑！同埸好多客人都食英式早餐，可惜我已經好飽問左侍應拿左餐牌睇，下午茶有即叫即炒嘅「河畔招牌炒米粉」「乾炒西冷炒牛河」下次會再嚟試再讚下侍應都好親切禮貌