羅馬餐廳

Open Now

Now Closed

原本看到店名，以為是一間西餐廳，但原來是港式茶餐廳，準備前往海窩行山前便在這裡午餐。基本上所有選擇跟一般茶餐廳分別不大，味道也一般，實在沒有什麼特別。不過當天這裡的坐位比較其他食店多，不用等，算是一個優點吧?

今日難得老豆老母入黎梅窩探我，一家人去搵個地方食飯。老人家要坐得舒適，食得合心，咁就要選羅馬喇。反正係最近先開始真正落手寫下食評，當然唔少得寫呢度。因為我已經食左15年!講下歷史，其實我都唔知羅馬有幾年歷史，只知道當年這家餐廳是有樂隊live band的!現在的當家是第二代。人品好，野食無論味道及價錢都公道；所以好多區內的人都經常光顧。好像今晚都一樣爆場。今天是平日來的！晚飯套餐:豆豉蒸域仔滑蛋抄蝦仁菜膽上湯雞以上套餐包(中/西)餐湯，白飯，餐飲$42。(凍飲+$2)每道菜都非常好味，蝦仁其實係中蝦，大隻又爽。雞好大碟，皮又滑，肉又多。域仔有3條，有魚春魚子好肥美。好好食唔在講，仲好底食！埋單3個人$130食到飽飽又滿意，仲可以用百達通找數，好到無可再好！

24/4(六) 7pm大佛行後,遊走到梅窩,那長途車如以往一樣"致命",九曲十三彎的山路,不反胃才怪!踱步於梅窩的銀礦灣海灘,海風迎面而來,帶點凜冽,還是溜到室內啖些暖胃之物.不欲坐出吃西北風的大排檔,到了此茶記,點了菜遠炒斑片$42及菜膽雞$42.餐湯:一中一西--蓮藕湯及羅宋湯;兩者皆不含味精;羅宋湯更含大量椰菜及洋蔥,味道濃郁!菜遠炒斑片--難得地此菜式於套餐列內出現;菜心跟斑片比例為七比三,斑片的庸俗鮮度乃預期之內,肉地厚厚而肉質也是嫩口,經已收貨了!菜心亦嫩綠爽甜.菜膽雞--雞肉緊緻嫩滑,唯雞味略欠,中心位未全熟透,需略為翻熱一下,以大量菜心伴碟,終可吃回這星期所需蔬菜的份量!食味,份量及價錢湊成一頓對味的水準小菜晚餐!

久未有戶外活動，趁周日天氣不錯，便約好幾位朋友到大嶼山遠足。下午四時許來到梅窩的終點站，當然要找個地方歇歇腳，順道補充一下體力吧。梅窩的平價下午茶選擇不算太多，最後在碼頭附近找個有冷氣的茶餐廳落腳。小店以羅馬為名，但實為一般茶餐廳格局，賣的食品也是港式中西茶餐。是日雖然是假日，但這裡還有特價下午茶可選，而且款式還不少，最後小弟點了個「1+1 套餐」，粉麵配小食，再加餐飲也不過是 $24。 炸雞髀：雞髀即叫即生炸，外皮炸得非常香脆，不會油亮亮，內裡的肉汁亦能全數保留。而且不像有些店鋪把預先做好的鹵水雞髀翻炸，味道及口感皆一流，值得推介。 沙爹牛肉湯生麵：沙爹牛肉麵用上中式生麵，牛肉尚算嫩滑，麵條也煮得軟硬適中，略嫌沙爹味不夠濃郁哩。 凍檸樂：行山後小弟最愛喝凍檸樂，經過整日勞動，喝下暑氣頓時全消。這裡的餐飲凍飲要加 $2，但轉凍檸樂也只需加 $3，划算吧。湯麵、雞髀，加再上凍檸樂也不需三十元，以遊客區的茶餐廳來說算是便宜，而且質素也不比大集團遜色。最特別之處是小小茶餐廳可用八達通付款，非常方便。如有機會到梅窩閒遊，不妨一試。

星期日去銀礦灣游水，游完水當然要搵野食。見到羅馬餐廳幾吸引又幾抵食，於是就入去試試。四十幾蚊一個餐，哥哥仔點的什扒餐份量十足，還有多士送，又有凍飲，味道還不錯，真的好驚喜呢!而我點的焗海鮮飯都不算差，餸好多，但超級芝士人略嫌不夠芝士味，而且不太夠味，比什扒差少少啦。總括來說，這是一間不錯的餐廳。要中式有中式，要西式有西式，如果有帶狗狗仲可以坐出面同狗狗一齊食…值得推介!

梅窩兩日一夜, 總不能餐餐都碼頭的M記 游水前來羅馬餐廳食個 TEA, 茶餐廳有 3 部電視, 播女排中 $23 下午茶餐自由拼; 雪菜米拼雞批, 加多$7 雪糕紅豆冰, 解渴消消暑 總括而言茶餐廳水準鄰座三名外藉婦女, 她們一邊傾一邊食咖喱飯, 飲奶茶, 見她們都幾自在八達通結帳, 正!!!

一行十幾人入梅窩玩到步當然要搵野食先去玩啦見呢間餐廳個名好意大利埋去睇睇MENU先原來同深水步食開既茶餐廳冇分別莫非老細姓羅叫馬?坐低叫左個白汁雞皇飯凍OT唔夠5MINS已經送到一眼望落份量足同深水步茶餐廳有得揮食落白汁亦夠味飯唔算硬係雞絲少左D而杯凍OT就好似淡左少少我諗呢間茶餐廳有如深水步既茶餐廳一樣係唔少街坊既聚腳點算係老店一間掛?值得一試

冒住3號風球同大雨系梅窩踩單車兜左幾圈~~晚餐至下午茶時段想食餐便便地~~醫一醫肚仔...都好似得佢揀得落~~

復活節第一日入左梅窩, 原本中午已經到, 但由於早餐太飽, 所以未開始食lunch, 但都先周圍行下, 睇定等陣食乜............其實梅窩可以話係冇野食, 得個冬菇亭好似有多幾間選擇, 市中心周圍都係得d茶餐廳, 一眼見到呢間羅馬餐廳, 仲以為食羅馬菜, 但原來都係普通茶餐廳, 不過好多人食, 但到我地點零兩點左右, 見間間茶餐廳都full哂, 係呢間大把位, 開頭都幾驚架, 呢d時間都仲有咁多位, 但冇計, 心口掛個勇字, 入去試............原來好得wor~~一入到去就有人招呼我地坐卡位, 跟住我地叫左個干牛河&涼瓜班腩飯........... 中湯 : 唔記得乜野湯, 不過有d沙參肉竹豬骨, 味道唔錯, 好足料, 唔似加味精 干牛河 : 好大碟, 而且好多牛肉, 唔似其他茶餐廳得果幾塊, 佢起碼超過10塊以上, 味道ok, 不過都係好油, 可能係干牛河特色 涼瓜班腩飯 : 得幾片薄薄涼瓜, 加班腩5舊, 個獻好杰, 唔夠汁, 不過d魚唔腥 凍奶茶 : 唔夠茶味, 似係捷榮沖出黎果隻 熱杏霜 : 唔係好夠濃餐廳門面尚算乾淨, 最驚喜係連茶餐廳都有得用八達通...

前日同朋友行山, 16:30到左梅窩, 當然要食埋下午茶至走! 兜左一個圈, 價錢間間差唔多, 見呢間有得坐室外幾好feel(其實室內好多位), 就係度食啦!自己叫左 义燒米粉+炸鷄肶+紅豆冰($26):>义燒米粉: 份量唔多, 味道普通;>炸鷄肶: 好脆! 又好味過kfc個d; 大大隻肶, 不過塊皮後面好明顯少左一截肉(被老細偷左?), 好在偷左肉都夠飽;>紅豆冰: 好味過大家樂, d豆唔會太"難", 又唔太甜; 當日唔太熱又有風, 坐室外好舒服, $26蚊有咁既質素, 仲想點?!

小菜套餐椒絲通菜炒肉片呢個幾好椒鹽雞翼好瘦好細隻,味道還可以蒸魚都ok椒鹽肉排太乾硬,柴皮好鞋咕嚕肉,粉太厚,肉太細粒蝦仁炒蛋,蝦細蛋炒得老斑腩豆腐煲,斑腩只見炸粉,豆腐無味餐湯:紅湯好味,白湯唔好叫啦星洲炒米,無色,甜又唔辣楊洲炒飯炒得幾靚wo~

好耐之前食過呢間野嘅焗飯，合格！早兩個禮拜我牛一，BOOK左銀礦灣酒店渡假，CHECKOUT後臨上船前無聊走左黎搵Ｄ野食下，睇見有炸雞髀沙律，２５蚊都合理，叫左一個食，味道不過不失啦，起碼都叫做即炸丫，唔要求太高喇！個炸雞髀絕對係普通茶餐廳水準，「尾針」同「帶假洛」會醃得好味過佢。港式薯仔紅蘿蔔沙律，勝在夠凍，可惜在冇加Ｄ罐頭雜果，似乎慳皮左Ｄ喎！

14/11 晚上到羅馬餐廳晚餐叫左鹽焗雞, 雜扒鐵板餐同埋炒蜆鹽焗雞--- 雞的份量好多, 肉質幾好, 唔"鞋", 有雞味, 食得過雜扒鐵板一般, 也值得一試炒蜆--- 好正, 份量多過廟街好多, 而且得兩隻未"開口", 個汁好正

搭船返中環前去左呢間餐廳食LUNCH好在唔係好多人,都有卡位坐我叫左個蝦醬炒飯($30)+珍珠奶茶(+$5)個炒飯好大碟,蝦醬味都幾夠,味道適中唔會太咸~蝦仁好似少左D..得5隻..而杯珠奶就麻麻,奶茶好淡;不過D珍珠就甜甜地,煙煙UNUN(珍珠好難唔好食卦..)男友叫左鹽焗雞飯($30)+凍奶茶(+$2)個飯真係真係好香(可能有D雞油,係就係肥D...對唔住都要食兩啖 )D雞全部都係脾位,好滑,仲有十多條白菜仔(我都食左一半~~)杯奶茶尚算OK,略微多左D奶~不過我知男友鐘意多D奶~兩個SET都有送湯..但係個湯(羅宋湯)真係唔多得..似淡味雜菜湯多D..SET既款多到唔知食咩好,下次再到梅窩都會再食呢間,最多咪叫白湯囉~~~皆因價錢OK,環境OK舒適,仲有電視睇,梅窩有一間咁既餐廳,仲想點??

因為又做小作仔入左十幾日大嶼山,每日三餐又係街食,每三餐就中一餐黑店,唔通真係咁黑,咁就由大澳殺出梅窩博一博啦,茫茫人海見到個大招牌"羅馬餐廳"....死就死啦,入左去叫左個晚餐,前菜小食,餐湯,一碟飯,加埋凍飲...個白湯一般,小食係炸春卷,碟飯係炸魚柳飯,又幾好味,我同其他三個同事都係一樣清晒成碟飯,好滿足地都係三十六蚊出門口....以離島餐廳黎講...都叫做低....,入左大嶼山咁多日,都係哩間最似樣跟手第二日俾阿sir查身份證時吹下水果陣,我就問點解大嶼山咁多黑店,阿sir話係呀,好多都又貴又唔好,係得哩間最似樣,原來阿sir都同我地諗法一樣,羅馬都係首選.