浪人日本料理 (Closed)

朋友介紹呢間日本料理，唔食真係超級抵呀，今日食咗個三文魚飯配一罐氣水都係60蚊落樓，好抵呀！餐廳呢位置好多，就算book唔到位， Walk in都好快。依家外賣好似仲有8折。今日食嗰個三文魚飯，三文魚好新鮮，份量好足夠！灣仔嘅日本菜，好少又平質素又高真系好少，好多時都要過$100，依間真系放lunch好推介！

近排疫情好轉, 大食妹於是放晏時間同同事出街食飯見附近嘅浪人日本料理午市套餐好似幾抵, 就同同事去試一試浪人嘅舖位好大, 坐落都幾舒服<炙燒三文魚刺身丼>大食妹唔食刺身, 所以嗌咗份炙燒三文魚魚生刺身丼壽司米飯味道偏酸, 口感黏黏地但又唔會太軟爛, 係大食妹鍾意嘅口感但炙燒三文魚就唔合格啦, 雖然三文魚有四大塊, 但係與其話係炙燒不如話係白灼, 三文魚外圍係熟嘅, 而裏面係全生嘅, 完全無火炙後三文魚油脂爆發嘅情況而配菜就有甜玉子同清脆嘅青瓜, 雖然幾唔錯, 但都彌補唔到火炙三文魚帶黎嘅失落感<角切刺身丼>同事就食左份角切刺身丼, 食完話魚生新鮮度一般, 但連汽水只要50蚊, 大食妹就覺得make sense

灣仔區食午餐真係好難搵位，咁啱呢間只係等兩張枱，而且價錢好優惠，有抗疫價😂😂😂六十八蚊包野飲！灣仔來講算係咁啦。今次叫咗個燒三文魚丼，有買舊我都覺得ok ar而且味道唔錯🤣🤣餅睇落好少，但依落都夠飽肚👍🏻

6月係我生日月，遇上疫情暫緩，限聚令也放寬，嚟開銅鑼灣就過嚟試吓呢間非大字牌嘅放題啦。上網已經知道呢度比平時嘅放題坐得舒服闊落，雖然係父親節前夕但照樣可以安排到4人卡位比我同老公坐，非常讚，員工有禮，收碟快。刺身，壽司，燒物，前菜，湯品，水果，甜品，酒類，飲品係自助餐形式嘅，刺身方面除咗北寄貝又un又無味之外，其餘樣樣野對辦，推介帆立貝同甜蝦。坐到中段發現有海膽壽司，而且唔孤寒架。而燒物係即場燒，同場食客都鍾情羊架，但我覺得燒得太熟了，燒菠蘿，海蝦燒得唔錯，但海蝦係雪蝦肉質有點霉，另外，天婦羅係即炸，好味。魚頭面豉湯好油，無鮮味仲有d腥味，唔推薦。甜品同樣麻麻，焦糖燉蛋叫做好d，同埋無雪糕食嘅。生日月份9折優惠，每位$358， 雖然比中環碗x平，但食物質素略有不及囉，完！

經常漏單，等了半小時一樣食物都沒送上來。但食物質素唔錯，海鮮刺身都算新。但部分食嘢好少再補給，咁大間鋪連蕎麥面都可以話唔補冇哂，燒扇貝同樣的！！但員工都好有禮貌可以接受。

今晚約了朋友，本想去酒店食自助餐，貪佢可以時間長啲可以慢慢吹水在沒有預約情程下去到，竟然因疫情問題暫時関閉於于立即上網找附近餐廳，找到了浪人日式放題位置不是很大衆化比方，樓層在二樓。今日不算多人，無法，等我振興經濟吧！門口有消毒搓手液地方比較寬闊，原來是不限時放題，哈，誤打誤撞，正！魚生或者炸物是即叫即整。有沙律吧、湯數、飲品啤酒汽水，甜品和水果可以自取魚生種類不算多，大約有七.八種…三文魚.油甘魚.帶子.蝦等等魚生很新鮮，三文魚腩很肥美，咬落有淡淡嘅魚油甘香，帶子也非常甜侍應姐姐拿了一鐵牌過來，上面寫了今日的推介，我點了海鹽蝦.羊架羊架很軟熟，不帶騷味，燒得剛剛好。海鹽蝦很大隻，極度爽甜芝士焗生蠔，香香的芝士拌著軟熟的生蠔，外香內軟，回味無窮。一邊喝酒，一邊談天説地，在此渡過愉快的晚餐.總括來說.食物超贊，價錢以放題不算便宜，不過不限時間，各取所需

倒數嗰晚同朋友嚟咗呢間浪人食放題.呢度嘅座位 都幾闊落,而且呢度嘅特點呢係由六點半食到十點,所以唔會食得好趕. 呢度嘅壽司同刺身都係師傅即刻整嘅,雖然刺身嘅種類唔係特別多,但係每種刺身嘅新鮮程度都好高,而佢個壽司嗰度呢就會唔同時間會有d唔同,刺身同壽司嘅質素呢度比出面嘅放題質素呢都高一節.其他熟食呀炸物呀都做得唔錯而我朋友就好鍾意個羊架,做得好好食好多汁而且又唔騷.3百幾呢個價錢同服務質素食物質素相比係抵既!

不知幾多年無食過放題， 此終人大左應該要對自己負責任， 吃得精緻；份量是其次。 今晚因為朋友請食飯， 有兩個OPTIONS比我， 一: 燒肉 ；二； 放題老實說兩個選舉我都無興趣。 奈何選擇只有兩個， 我點都唔食污煙障氣既燒肉， 為有就範食放題。 朋友帶我來到駱克道  七點來到已經幾多客人食緊野， 但場面不會太混亂。 一貫不花巧的妝潢，枱與枱間排得密麻麻， 有點迫夾。 除了炸物、熟食以外，大部份較食物，例如剌身、壽司、燒牛肉 、沙律、湯、飲品等就要自取。 反而我喜歡自取方式，可以睇岩先拎， 避免浪費食物。 我先到外面選了刺身和壽司， 刺身有三文魚、吞拿魚、北寄貝、油甘魚、希靈魚、 帆立貝等， 選擇不小。我小試了 油甘魚和 帆立貝， 兩款刺身也新鮮、有彈性， 唔錯。 壽司同樣選擇多，但有興趣的不多， 選了火灸三文魚、卷物和甜蛋等，唔會包到死實實，一口一件，比預期味道好。  清酒任飲對好多人來說是福音。  清清地但喝到魚鮮味， 一點腥味都無。 在自選餐牌上剔出炸物、燒物、天婦羅等。炸物上枱時是熱辣辣的， 但炸粉大厚， 不推薦。 燒三文魚頭，夠香、多肉、有肉汁。  蕃薯餅，外脆內軟， 好味。

食物質素好好啊，壽司size細細件可以一啖一舊，其中鵝肝壽司同海膽軍艦真係好正😋熱食方面種類多，而且上菜速度快💨最值得一讚既係服務非常貼心，尤其係🧔🏻刺身師傅既態度，當晚排隊拎刺身時發生小插曲但師傅依然保持禮貌。🤙🏿除左汽水類別多，酒類飲品方面清酒有凍熱可以選擇，味道偏甜而且可以無限添飲。🍶我地一行七人被安排既座位好闊棠，唔會似一般放題店坐得甘逼。總括黎講，食物質素、服務同價錢成正比，必定會有下次幫襯😋🤙🏿P.S 唔好意思啲相映得好肉酸😂 (不是打手)

星期五lunch跟同事黎呢間食日本野，原來都好多人訂左位，我地12:30pm到好彩仲有少量位for walk in。餐廳空間感大，環境舒服感覺係一間有點西式既日本餐廳。聽講呢度出名放題，但其實佢既午市套餐都算抵食三色刺身丼($118)套餐仲包左湯&飲品，碗湯偏咸，而且唔太日式。三色刺身分別係三文魚、帆立貝&甜蝦。三文魚算肥美同新鮮帆立貝太細粒了，甜蝦一般般。至於d飯口感幾煙韌，帶點醋味。最後飲左杯熱檸蜜，蜜糖係另上，可以自行調教甜度！整體黎講，呢個價錢既刺身丼不過不失吧仲有其他壽司set同便當，大家可以試下

早前想試浪人，但原來中環分店裝修緊，去到摸門釘之後就食其他。今次突登去灣仔泥浪人搵食😆左起：油甘魚、鯛魚、帆立貝油甘魚極有甘香😍而且厚切，口感很好，讚！鯛魚有啲爽口，有魚味帆立貝一開二切，將佢地二合為一就可以食到原粒帆立貝🤣鮮甜有口感🤣清酒煮蜆蜆唔會有腥味，亦唔係好細隻，但略嫌清酒味淡，唔突出，可用多啲清酒調味。芝麻雞翼好味！必點款式外皮香脆，加上微辣嘅醬汁同芝麻更加香口惹味😋各式燒物，左起：燒羊架：唔係全熟，熟成度控制得好好！而且肉質唔會好鞋！必點雞腿串：肉質亦都唔會鞋蝦：鮮味，肉質唔霉左：秋葵天婦羅  右：海蝦天婦羅脆漿唔會整到好厚，又唔油膩而且蝦size大隻啖啖肉。炸物整得唔錯😋左：黃金帶子 　右：煙肉芝士焗生蠔帶子同蠔鋪滿芝士，有啲掩蓋左帆立貝同蠔嘅原味。日式炸豆腐豆腐嫩滑。不過面頭啲木魚竟然會好硬，而且痴埋一舊。Crème brûlée面頭焦糖好硬又苦😣幸好布甸香滑，唔會好似石膏咁硬😂不過整體泥講浪人嘅食物的確比起坊間一般放題高質，而且無限時。環境又唔嘈，可以同三五知己閒聊慢慢食😋------------------------------晚市放題HK$328 (星期日至四)

最近越黎越多半自助式嘅放題，可以減少左漏單等野食等到炆陣嘅機會🤣今次黎到浪人，雖然佢係無限時可以食足4小時，但未夠鐘門口已經大排長龍，好在一早訂左位可以安排係靠窗嘅卡位坐。整個餐廳環境好舒服，唔會好逼，拎野食嘅位置都鬆動。食物種類多，半自助形式嘅有最受歡迎嘅串燒、壽司同刺身，另一邊就有一品料理、煙三文魚、沙律同冷麵等。一開始當然係排隊拎串燒、刺身同壽司啦。可以即場望住師傅燒同手握壽司，別有一番風味。屋企人拎左串燒大蝦、雞肉卷同燒羊架食，整體新鮮唔會有雪藏味，特別羊架encore左3輪，肉質好軟嫩又無蘇味。刺身方面，選擇唔算多，好似酒店自助餐嘅刺身櫃咁，有帶子、三文魚、油甘魚等都好鮮甜，而壽司我就極力推薦哩個鵝肝壽司，十分香濃同creamy，壽司size不大，女士們都可以多試幾款。到炸物方面，全部上檯時都熱辣辣，唔會炸得過老，推薦紫薯栗餅，好有蕃薯味👍🏻唯有炸魷魚圈就乾身左啲，有啲硬。燒物方面質素中上，燒三文魚鮫好出色，啲肉好滑好juicy👍🏻甜品種類都好多，即叫即製嘅有焦糖燉蛋同雜果pancake，另外凍櫃都有好多蛋糕選擇。我就試左望落已經好吸引嘅水信玄餅，培茶蛋卷同蕨餅，賣相好靚又唔

今日端午節，當然係和家人一起晚餐，過往都是中式選擇，更多時間係在家煮⋯⋯今日就唔同啦！可以游說家中皇太后，輕輕鬆鬆休息下，然後出街食飯做節！於是，上網睇下資料，就選定呢間「浪人」試下，現在一街大x喜，都要找其他食下！入到嚟的格局都幾舒服，被安排坐在卡位，皇太后可以望住街景食飯，都唔錯！刺身都幾新鮮，最欣賞有三文魚腩，師傅都會願意按我的意願切俾我，正呀！帶子、蝦都幾新鮮⋯⋯另外，由於皇太后唔太喜歡生的食物，所以呢度的熟食就可以滿足都佢，樣樣都好精緻，味道又唔錯，仲帶一櫃的甜品，相當滿意！

浪人日式放題依間浪人面積很大，座位好闊，餐廳提供的食物款式很多，而且都好有質素。同一般嘅放題，呢度放題好像自助餐一樣，自行出去拎刺身壽司甜品等，不用紙尤其係刺身，切得好快，好新鮮。刺身三文魚，凡立貝，北寄貝等。壽司有海膽壽司，但係要鬥快搶。壽司都好多種類，特別係海膽伴拖羅，入口即溶。火炙壽司推介有海鰻同左口魚，口感柔軟串燒羊架，燒菠蘿，燒蝦都有。清酒煮蜆。甜品方面有即叫即整的焦糖燉蛋非常吸引。仲有勁多蛋糕，玄餅等。飲品方面有冷/熱清酒、梅酒及啤酒，烏龍茶,菊花茶,竹蔗茅根,罐裝汽水等。

話說係IG連續一段時間都看見不同的post推薦這間放題，某天跟朋友不知吃什麼，突然想起，就看看這間還可否訂位，一打開就顯示了唯一8點半可預約，便立即按下。位置非常鄰近地鐵站，方便的。上到餐廳枱面之間很闊落，岀入自如。一坐下我就打開點餐薄，看看有無吃，以放題來說款式偏少，採取半自助式：例如這些都是自取的。分別有：羊架，牛扒，帶子，日式叉燒燒得剛剛好，雖然取的時間已涼了，但口感不差。基本上餐單的食品都點了，款式真的偏少。但食物吃得岀是即整岀來的，不是加熱成的。上：奶油忌廉汁菠菜 下：蟹肉蟹子炒飯（份量很滿！注意）個人食法，將菠菜剩下的忌廉汁配合炒飯一起吃，帶岀香濃的菠菜味道，幾夾的。甜品！推薦吃伯爵茶卷蛋總合：味道同還境不錯的，但款式再多點選擇就好了。