西川風味餐廳

Open Now

Now Closed

尋晚成12點幾同朋友打完牌，大家又肚餓剛剛經過毓華里見到西川雞煲火鍋店未收工，咁就入去坐低即刻同嗰呀姐講一隻招牌雞煲，然後嗰呀姐話叫两個風味小食，食住先！咁我地叫咗個麻辣東風螺和豬肚來配啤酒一流然後主菜到個雞煲真係非常野味，大啖雞肉大啖啤酒爽！我地又叫咗d手切安格斯肥牛手打墨丸邪惡豬大腸韮菜餃步隊鍋不可少的午餐肉再加個雜錦菜籃就完美！呢到真係個好的聚脚點又收得夜，又坐得自在吹水一流下次打完牌一定再嚟！

我地成班Friends都好鐘意食四川野。星期日5個人10點後黎到慈雲山呢間餐廳食飯。因為其中一個Friend，唔係太食得辣，所以我地嗌左個小辣雞煲(一隻)，加一個特辣大鯇魚水煮魚煲。雞煲：個味OK好食，但太多汁同太稀，d雞唔係好掛到d汁。另外雞既份量合理。大鯇魚水煮魚煲：我地嗌左特辣，唔知係我地太食得辣定佢真係唔係好辣，我地個個都覺得佢唔算太辣。不過佢個煲d料都幾足料，有豬紅，芽菜，綠海帶、酸菜，好豐富，魚既份量都合理。食完魚同雞之後，我地加湯落個雞煲度打邊爐。佢有部份火煱料可以嗌半份，岩曬少人食又可以食多ｄ唔同既火煱料。因為我地係5個人，我地大部料都嗌一份。一份既份量都幾大份，夠曬5個人食。我地嗌左炸魚皮、炸響鈴、韭菜餃、雲吞、美國桶蠔、墨魚滑、萵筍、白蘿白同出前一丁。火煱料大致上質素都唔錯。但美國桶蠔HK$138六隻，但味道一般，無咩蠔味。另外，墨魚滑都唔夠爽滑，可能打得唔夠耐。我食星期日晚，餐廳Keep住都有人黎食宵夜，整體都幾好食都幾抵食。P.S.: 我個晚食有生力啤酒10點後$16一支，好抵呀，不過我地飲左3支之後佢就無曬LU!!!!!

簡單叫左幾味駛名香辣雞煲 bb辣 半隻雞 汁香甜 雞啖啖肉皮蛋 冇起花 正常味道機切肥牛 有肉味 ok墨丸半份 爽口好味 不過記得淥耐小小油麥菜 一路食 一路有人訂位 同 叫外賣 真係好生意飽到飛起 晚餐都唔駛食呢餐 Tea + dinner 係未應該叫 teaner

小妹的第一篇食評最近一年愛上食辣，到處尋找食四川菜的餐廳，竟然在屋企附近找到你！因為當日好夜才肚餓，醒起附近好像有間食雞煲火鍋的餐廳，一直想試一試。來到餐廳門口，看見餐牌上有水煮魚立即決定要吃它！平常不太愛吃魚的我，只會吃水煮魚，這裡有鯇魚和生魚選擇。由於我怕食骨的關係，選擇了生魚，還可以自己挑選大小，貪心的我要了最大條的($268)。還點了小食辣酒煮花螺和一些火鍋配料:牛脊肉(細)，大花甲，還有不可缺少的寬薯粉！先來了花螺，意想不到竟然是用咖哩來調味！個汁超好味！但美中不足的是花螺應該浸太耐，雖然很入味，但肉質太淋了，沒有了花螺的爽口。PS.超想打包個汁！然後主角水煮生魚來了！即劏即煮的好大盤呀:家人很吃得辣，第一次試就要了中辣。裡面有很多配菜，芽菜、青瓜、豬紅、滿滿的辣椒，魚頭魚尾全部係齊到(因為之前吃的餐廳裡面都只有魚片)。立即貪吃夾了一舊入口，魚皮非常爽口，完全無骨！強烈推介由於太貪吃所以一張相都無影到😜但吃到後段因為一直煮所以魚肉變得乾身，建議不用叫火鍋配料，單吃一條大魚加個薯粉已非常足夠。又一次眼闊肚窄，最後用了兩個外賣盒打包回家！至於牛肉就覺得一般，無乜牛味沒有特別，大花

慈雲山這個地區一直是住在屯門的我很少涉及的地方。但因為朋友介紹過西川總店的水煮魚好味道，夠新鮮之餘價錢合理。所以今日約左男人一齊去食水煮 魚。之前食過一次可能星期五闗係，所以一定要訂位先有得食到。而今次係星期六晚9點，不用訂位已經可以入座，好多人都係食雞煲，但因為這幾天不停吃肉 的關係，最後都是選擇水煮魚。但因為要煮大約20分鐘所以叫了一個小食蒜泥白肉先。蒜泥白肉：蒜泥好大粒，一D都吾似蒜泥。白肉太厚身和肥膏太多，沒有晶瑩的感覺。吸吾到辣的味道入內，有少許失望。水煮魚：待應說只有最後一條生魚。而價錢係＄178...叫了中辣，大約20分鐘後上桌，厚厚的辣油係度，但食落去比心目中冇咁辣。魚肉不是很 多，但配料 激多。芽菜太多，反而豬紅今次比較少。魚肉切得好薄，好入味但好易爛。最後我地係食完仲有一半配料係個煲度。男人因為鐘意食牛肉的原因，我地都見到有不同的牛肉同大細選擇，最後我地叫左個＄168牛肉黎食。黎到粉紅色同肥膏好分明，又新鮮。熟左又吾會硬 仲有牛肉香，好抵讚！其他配料（有一份和半份選擇）：響鈴自家制都好香口又厚，最後半份2個人剛剛好。這個份量剛好2個人食，加一杯大大檸檬茶（＄25）同

天氣開始有秋意，係時候食雞煲補下。叫咗雞煲（小辣）其實小辣已經好辣，食到辣但又唔好辣的朋友可以叫bb辣，因為已經夠晒辣了。由於是四川風味，所以就算揀唔辣，結果都係有少少少少少辣味嘅！ 個雞煲有得揀一隻雞同半隻，加上裡面已經好多料，所以人多去食先好味雖然隻雞一路咁滾住，但ｄ雞肉一ｄ都唔「鞋」，仲非常入味除咗雞煲，我地仲叫左碟牛肉，肥瘦參半，色澤粉紅，係雞煲裡面拾一拾就食得，辣辣地好好味另外我地仲叫咗菜、嚮鈴、魚皮、水餃不過掛住食冇影相了

落堂啦！！！！咁夜落堂食咩好？？？不如食雞煲啦！依間雞煲我經常都會食的，次次收工想食雞煲都會去依間，原因？主要係因為佢開到凌晨兩點🙈🙈🙈但依間雞煲真係正！味道剛剛好！而且啲雞件件都差不多大細，又不會有太多骨絲。 加上每件雞都很肥美，令人食到停唔到口！當然有叫其他火鍋配料，令我最深刻既，一定係響玲，原因係因為佢啲響玲係即叫即炸的！因此可見佢地既響玲同其他地方食既，甚至自己買既有少少分別。

陳金:最近都喜歡吃雞煲,表姐介紹來呢間, 即來試試.西川雞煲:點了大辣, 仍然係唔辣, 如果可以更辣就更好(某程度上我同意我能夠食嘅辣唔係一般人頂得順,但真係唔夠辣). 汁很濃, 但偏甜, 四川的怪味唔明顯, 雞的肉質倒是不錯, 滑的,也香.配料:羊肉,比起雞肉, 羊肉就冇咁好, 乾,沒有太多肉味, 對於只喜歡吃羊的我來說失望一點.黃喉, 不太多地方有,唔錯, 很爽很薄的.墨魚丸, 幾爽幾彈, 配雞煲食幾惹味的.位置幾好, 可以泊車, 希望改善少少個味道, 我會再試試.

明明上個月才說新一年吃少了雞煲，這兩個星期之內卻吃了三家雞煲，而這家是三家之中最好吃的。前幾天聽到有人提起在屯門有家好吃的雞煲，印象中在慈雲山也有一家分店，所以就在沒有訂座的情況下膽粗粗的闖去慈雲山。正值晚飯時間，店子門口擠滿了人，阿姐說要等很久很久，又叫我們留電話，可是來到這裡不吃雞煲又沒有其他特別想吃的，還好我們並不是太肚餓，最後也等了一個半小時才有座位，有時真的不得不佩服我們的耐性，竟然花了這麼多時間等一個不知好不好吃的店，如果不好吃真的揪心啊。西川雞煲半隻。我們點了中辣，其實並不太辣，也不麻，因為這不是麻辣雞煲，比較像是香辣雞煲。醬汁很濃稠，帶點甜味，有點像一品雞煲那種。雞件煮得頗入味，雞有點肥，肉質都算嫰滑。一開始吃的時候覺得濃度還可以，不過後來我們添加了兩次湯，那種濃郁的味道依然佷強，其實也可以說是鹹，後來再多加點湯就好了。這個雞煲頗容易入口，適合一些不太能吃辣，又或者初初吃雞煲的人。響鈴。響鈴是即炸的，比平常見到的大件一些，上檯時還能感受到其熱氣。剛才提及到湯底很濃，所以不容易浸過巨型響鈴，而且會有點過鹹，還是建議加湯後再吃。另外，如果喜歡較脆口的朋友應該會很喜歡這個，因

因早去19:00,可以仍有三兩張吉枱,但見已有食客食了很久...先叫個雞煲試一試,湯底好杰,近乎牽汁咁,味道好濃,覺得佢地最有承意係隨煲跟上一樽雞湯,當食到7788,可加進雞湯作湯底,再叫其他喜歡的食物開始打邊爐.啲食材都算新鮮,價錢又大眾化.個人覺得呢處既雞煲,相比起佐敦一帶的出了名雞煲,都不知好幾多.全程三個人,全雞雞煲,牛羊豬及其他火鍋料,再加好多啤酒,都係總數六百埋單...抵!!下次再去就要試另一出名胡椒豬肚包雞做湯底.

見佢有雞煲或豬肚雞，我地就揀左重慶雞煲~好香又有dd辣~開胃~火鍋料方面，個炸腐竹好食，手打蝦丸有誠意，蟹柳似壽司店果種，細仔好鐘意，肥牛靚，估唔到係霜降又唔係機切，見圖。建議試依幾樣料，仲有要記得點紅薯粉。另外有點腸仔、鵝腸、包心丸等等火鍋料，因為肚餓，小食就叫左口水雞、蒜泥白肉、涼拌青瓜，不過無影到相。我地6點去食就唔駛等，得7-8張檯，外面一直有人坐住等位。門口外面可以泊車，總括黎講真係唔錯！