西貢咖啡餅店

Open Now

Now Closed

有機會同大家一樣，經過舖頭，覺得咁多人排隊一定好好味。於是，我立刻上網尋找相關資料，發現他的菠蘿包同葡撻原來係西貢名物。懷著激動的心情，我內心還慶幸條隊唔算很長。因為菠蘿包同葡撻都已經預先整好，所以雖然前面有10幾人，但係我等咗10分鐘唔到就已經買到左菠蘿包同葡撻。10分興奮，咬落去第一啖之後，就變成10分失望。菠蘿包的水準，連香港傳統的一般麵包舖都不如。更加可惜的是，菠蘿包有少少温度的，連溫暖都算不上。之前仲擔心緊係咪買少咗，呢一刻好慶幸自己只係買咗一個菠蘿包同一個葡撻。葡撻更加連少少的溫度都冇，係凍㗎！懷着保護環境，不浪費食物的心情，我堅強的食晒了他們兩個。不論是$3或者$12.1個菠蘿包，我若果一早知道他的質量如是，絕對不會是，哪怕是免費試食也不會。西貢最失望的一次嘗試，沒有之一。如果你哋都想試，是之前請三思😭😭😭

我一直都係呢間菠蘿油嘅fans，仲好記得第一次食時仲有驚為天人嘅感覺貴，但值不過我今次真係好失望點嘅三款野食都係凍冰冰，唔係話難食，但就係普通到不能再普通只得蛋糕覺得唔錯，蛋香味夠如果我下次再幫襯，一定會睇下係咪剛岀爐🥲凍奶茶點咗少甜，但都超級無敵甜🙃🙃🙃熱奶茶就還好，起碼自己沖😂😂

真係吾明點解啲人會話好食，野食吾難食，但本人覺得稱不上好食，服務態度差、好差！今日同屋企人經過，佢地話出名，想試下，我巳經勸告無乜特別，又賣得貴，完全吾值得賣呢個價錢，最後陪佢地去，本身諗緊堂吾堂食，諗緊嘅時候巳經比個職員不停催，我媽話諗緊，佢再催: 點樣，堂吾堂食？其實完全無客，無人排緊隊，點解要不停催？態度又差！最後想買菠蘿油，個態度差嘅職員話堂食就要跟餐，結果原本吾值$18嘅菠蘿油要加$22跟埋杯普通過茶餐廳嘅凍檸茶，佢拎到黎，見我地四個人，要我地加多杯飲品，其實成間鋪無客，有無需要呢？不過吾緊要，我地吾食嘅就吾坐，坐去對面啲公園櫈，最後問番我屋企人好吾好食？佢地最後加埋個葡撻，都係認為好一般！仲要食到一肚氣咁走，以後吾會再食，都吾會推薦朋友！

今日經過西貢🌊，就去食吓都幾出名嘅麵包店，叫Sai Kung Cafe & Bakery🍞。依間店出名菠蘿包、菠蘿油同葡撻。店家好貼心💛，會有免費自取嘅搓手液提供比客人。注意⚠️: 堂食需要買飲品！-🍴菠蘿包(早餐)($28) - 只係需要同店員講想要咩包，店員會幫手夾。雖然係堂食，但係個菠蘿包係凍嘅🥲。不過仍然好好食😋！面層脆度好夠，唔係淋嘅，好香口，而且個包好大個！食完都好滿足😆。-🍴凍咖啡(凍飲+$3) - 一啲都唔細杯，而且用膠杯裝，方便客人飲唔完拎走👍🏻！另外，甜度啱啱好，每一啖都飲到咖啡小小嘅澀味，同事有強烈嘅咖啡香味🤩！唔知係咪因為坐喺度chill吓，咖啡會特別香呢😚？

經過見到大排長龍好奇心之下又跟住一齊排雖然已經好飽 但都買左一個葡撻捧下場一拎上手熱辣辣然後就成手油🤣食落去唔太甜 個酥皮都幾好食 算係一個好食既葡撻 難怪咁多人排隊總結而言 經過順路可以食下但冇乜必要專登走入黎食

諗住咁多人排隊就買左佢個菠蘿油同埋葡撻試下啦，唔難食，但又唔係好食，好普通，同普通麵包鋪出品無分別，菠蘿包十分空氣，牛油都係用最普通個隻安佳，葡撻皮太硬，太甜，只係叫做新鮮出爐掛，價錢出奇地貴，成$18個，我諗有10蚊係拎黎交智商稅，之後先發現原來付近仲有另麵包鋪唔記得好似叫文化烘焙都有賣一樣既野價錢係佢一半都無，又買黎試下，我覺得仲好食過佢，相對麵包無咁空氣，而且葡撻比較酥亦都無咁甜，連服務態度都好好多😂

同朋友去工玩水上活動，出發之前諗住再食少少野，見到好多人排隊，又啱啱出爐🤣🤣咁就叫咗一個蛋撻、奶茶同埋菠蘿油！菠蘿油超級厚牛油🧈，超邪惡大滿足🤣 同埋因為啱啱出爐，所以包熱辣辣好正，麵包唔會太空氣，都實在，個皮夠脆，奶茶就不過不失偏甜，整體經過可以encore

西貢必食 新鮮出爐葡撻🥧▫️上次介紹完西貢嘅burger小店，今次就介紹一下黎到西貢必食嘅一間餅店。呢間係西貢好出名嘅咖啡餅店，每次嚟到都大排長龍好快就會賣晒，菠蘿包同葡撻係必食嘅！▫️葡撻($15)真係新鮮出爐！夠晒熱辣辣！係見到好多層，好酥脆，葡撻餡又唔會好甜，而且重痛好香嘅焦糖香味，勁好食，而且放涼左食個葡撻會變得酥脆得來有少少硬，幾鍾意呢個口感😋估唔到真係咁好味，難怪有咁多人排隊黎買食！😍▫️西貢咖啡餅店Sai Kung Cafe & Bakery地址：西貢海傍廣場2號金寶閣6-7號舖地下。▫️為食指數:9（10分為最多)抵食指數: 8▫️

🇭🇰西貢咖啡餅店排長龍的麵包店🍞🍞店外仲有少量露天茶座比大家坐住食假日冇位唯有買完拎走食🏜黃昏時段再去已經賣哂了😫😫-🍍菠蘿油(💰$17）外皮好酥脆 較薄身皮唔過太甜 甜度適中🍍菠蘿飽同牛油🧈加埋真係好邪惡包包🍞係較鬆軟的唔會結實 所以好快就食哂🤤🤤-🥧葡撻(💰$14) ‼️必食大小比一般市面買到的要大酥皮勁酥脆 有層次蛋漿滑身 多但唔會膩😍蛋奶味都幾出 唔會比澳門食到的差-🍰黑森林蛋糕切件(💰~$37)蛋糕冇咩特別 價錢貴少少但都比較大件味道唔算話好出色🤣🤣

上次試過一次菠蘿包同鬆餅覺得好味！今日入開西貢就諗住坐底嘆杯咖啡食個 cake！點知叫嘢食收銀好似喺老闆娘態度奇差！呼呼喝喝咁！先好食都一定冇下次😒😒😒😒

行完山好肚餓🤪🤪，又見咁長龍心唸一定係美食，山長水遠都試下啦！點知都要排左10分鐘。多數外賣都叫菠蘿包$ 12，菠蘿油 $18，萄撻$ 15， 有少量位置堂食，但要叫飲品先可以。我們買左1個菠蘿包，1個菠蘿油，2個葡撻， 樣樣新鮮出爐，熱辣辣梗係又香又正😍😍😍，脆菠蘿皮，加上軟綿綿在實在嘅麵包，夾埋塊半溶牛油肥2磅都願，葡撻蛋味充足，酥皮夠鬆，都好好味😋😋😋4樣嘢$60，我覺得貴左d, 食一次就夠了。

難得今日入嚟西貢行山，專登中午搵呢間舖頭食葡撻同埋菠蘿包因為都出名左一段時間一直都想朝聖！可能期望太大，好失望！雖然今日星期日，好彩唔多人排隊，仲有位坐添！ 等咗大約10分鐘就有嘢食！首先講個菠蘿包係唔錯嘅，攞上手微暖應該出爐冇幾耐，面層仲係好脆口，但又唔會一咬就跌到啲碎周圍都係👍🏻👍🏻 夾件牛油系中間無得輸啦🤭🤭大大個都對得住個價錢嘅!但係個葡撻就出爐咗好耐嘅感覺，攞上手已經係凍哂，酥皮個餅皮硬到不得了，唔好話比較kf嘟，直頭係唔好食…😢中間蛋香味都夠嘅叫做補返少少分。不過就真係冇下次😖😖因為堂食所以一定要叫飲品，杯凍檸茶勁淡，似係溝咗好多水。反而今次店員嘅態度幾好，幾有禮貌👍🏻

西貢最出名嘅美食喺咩？我諗其中一樣一定係西貢咖啡餅店嘅菠蘿包，因為每次週末經過都必定大排長龍🚶🏻‍♀️🚶🚶🏼‍♂️難得今次閒日入西貢行山見到無人排隊，即刻買翻個菠蘿包先😙呢間嘅菠蘿包相比起其他麵包舖，味道係無咁甜，口感亦好扎實，唔會有個種空氣感。不過佢嘅價錢都非常進取，如果係普通嘅麵包舖，應該可以買到兩個🤣偶然經過都可以買黎食，但係要排隊 就不了🤭

呢間有好多網上推介嘅餅店，可以話喺我食過最貴但唔值嘅店，不但價錢離晒地，服務態度差，食物質素只是一般😕😕1️⃣菠蘿油（$18）的確以酥脆啲菠蘿皮同一大舊厚厚的牛油，食落係較酥脆，但老實講，佢係比自己買個菠蘿包加牛油好食，味道上稍為領先其他餐廳嘅菠蘿油，佢嘅牛油較厚、新鮮熱辣出爐加上放置室温嘅牛油，但整體味道都只係一般😢考慮到性價比，$18嚟講佢又未去到值呢個價錢😕2️⃣葡撻（$15）賣相睇好好，食落都有酥皮嘅層次，但底部太厚皮變相少左蛋漿，蛋漿方面冇咁甜，香濃，而且太油，味道一般，不如他人說的驚艷😰不如連鎖快餐店賣嘅葡撻。同樣，性價比真係一般，除非好想食否則不建議買😢

前排難得入到西貢，當然一定要去覓食啦🤪！西貢最出名既掃街美食非「菠蘿🍍油」莫屬！係西貢碼頭⛵ 小巴站附近，你就會見到有一條長長人龍。無錯！大家都係度排緊呢一個菠蘿油，大約都要等十分鐘！我覺得菠蘿油味道都唔錯！排隊時候已經聞到麵包香味，令人垂涎三尺🤤。菠蘿包外層酥脆、麵包鬆軟。一咬落去，真係要小心頂層酥皮會周圍飛😂，果然新鮮出爐嘅麵包🥯特別吸引！暖暖既麵包配上一大塊牛油🧈，除左口感變得冰火交融外，味道變得更香濃🥰。雖然比較油膩同邪惡，不過我相信呢一樣正正就係港式美食吸引之處。坦白講，我覺得$18有少少貴，不過好彩味道係唔錯，所以都算合理👍🏻。經過西貢嘅朋友，不妨買一個試試！