細蓉記 (Closed)

平時真係好少會黎太和商場，原來太和商場已經裝修，仲有幾間餐廳，我地整完野，等老婆期間，搵下邊到醫下肚先，最後選擇左細蓉記，餐廳好大，好多卡位，唔會坐到好逼，下午茶時段唔算多人。細蓉記即刻聯想到食雲吞麵，除左雲吞麵，原來仲有三文治、通粉，點心，咖哩飯，好豐富好多野食，但我都係想最食雲吞河，河粉份量都多，唔會煮到散晒，但湯底比較油，而且冇咩味，最好味係雲吞，有5粒，一粒肉一粒蝦，但好細粒~~~~~~~

糯米雞味道都可以,款式太少,如果點心多d選擇就好啦,希望可以有多些點心,最好晚市有多些即炒菜式,可惜我食下午茶,如果有得叫侍應沖壺茶,送點心是最好啲,呢方面要多多改進...

為左寫呢個食評我特登開個account, 係因為唔想再有其他人中伏！第一次試新嘢，早上返到太和見到港鐵站有張”細蓉記”既海報，就係因為碗雲吞麵所以我決定去試，點知一坐低，個姐姐話11:30分前無水餃雲吞，咁我都坐低左唯有改叫早餐沙爹牛肉腸仔通粉。係我等緊既時候，隔離個婆婆食完飯，同個店員講，你地沖呢杯都唔係我飲開既阿華田，淡而無味，同水一樣。個店員一於懶理笑笑口話，阿華田係咁架，之後行開左，果時我都不以為意。到碗粉黎到，我見到啲牛肉咁厚，心諗已經中伏，好在有兩條廚師腸搭救我都算，最多下次唔黎。係呢個時候，有個男士坐我隔離點左碗沙爹牛肉麵，凍檸茶，唔夠兩分鐘個店員同佢講，暫時無凍檸茶因為無檸檬，飲凍奶茶好唔好？果位男士好無奈但諗左一陣，最終都話是但啦好啦，最精彩既部分，係2分鐘後開始。以下係對話內容：👨🏻：唔該，頭先杯凍奶茶想改豆漿得唔得架？店員：得，不過加左$3蚊就無得退。👨🏻：咁豆漿係唔駛加錢？店員：你改豆漿都會照收你$3蚊，因為打左單無得改。👨🏻：咁即係本身飲豆漿係唔需要加錢啦？店員：落左單就無得改架喇，你要飲豆漿可以，但係$3蚊無得退。👨🏻係呢個時間仍然想問個明白，咁豆漿唔駛加錢

第一次試呢間細蓉記，評分係差劣！一粒星都唔值！！當中叫左炸兩，一碗細蓉！但黎到碟炸兩，入面既油炸鬼係超淋 !!!淋既程度，係一個冇牙或冇牙力咬既人都可以食到未試過食炸兩係淋向侍應反映情況，佢既回答話：係咁架！完全係冇諗過幫客人去了解番炸兩$22 同佢標榜所整的點心，係即叫即蒸碟炸兩只係屬於微暖！如即叫即蒸，點會只是微暖呢？而細蓉一碗$29 ，入面細雲吞3粒，但味道係冇味道，湯底冇味只可以講話唔會有下次！！食物差！侍應差！

食物0k，但同意啲service好唔好咯！咖啡都可以一试。next time will be back but just for food only. Price is ok, residential price, that’s why quite a number of old folks eat in

黎食個下午茶⋯⋯叫左下茶特價雲吞麵⋯⋯咸水角，凰爪，燒賣，豬排包。等我逐一評價先！雲吞麵，麵彈，蝦爽。＄20蚊的，有三粒雲吞。咸水角是即炸的！好脆！好味！燒賣，有點肥了少少，吃得出一粒粒的肥豬肉。凰爪⋯⋯好吃。豬扒包⋯⋯包是脆的，但豬扒好似無醃製過一樣，有重雪味。 大概整點心同雲吞麵才是他們的專長吧！整體來說，是滿意的！我會再來！

今早行經見到想食個雲吞麵,落單先知11點半後先有,咁就叫咗個鳳爪排骨飯做早餐,食第一口就知出事,飯與肉質感似一pat泥,真係食之無味棄之可惜,已經唔想講落去,咁浪費咗我三十幾蚊。

星期六朝早唸住唔使等位又有點心食就過來試下，服務態度勁差，個阿姐明明自己落錯單仲要賴人，話係因為我手指住其它圖先落錯，咁係咪我指住張一千蚊妳就卑返一千蚊我呀？！最過份係叫左份叉燒包裡面d麵粉都未熟！

我買外賣飲品一杯，等了很久，我見遲過我的號碼還快過我可以取，我便問當時做收銀的職員，為甚麼後過我的號碼已取，我還未有？我說我只是一杯飲品,她態度很差叫我不要急，之後杯飲品來了，我就說一杯飲品要等多久？職員竟然大聲回敬我一句痴線！服務真的很差。

本想打去佢公司投訴但搵唔到電話，前排係太和同同事想去試下，下午去到坐低，叫侍應黎執台，態度已唔係太好，跟住點左兩個$38下午茶，細雲吞面加炸量，我同同事各一份，面一齊黎，跟住黎得一份炸量，我讓左比同事先，點知越等越唔對路，隔離遲過我地黎都有炸量，我果份仲未有，於是叫左個高瘦男侍應黎問，點知佢回應就係，我只能夠盡量幫你問下，點知佢一路都無問過，只係同d女職員係廚房前面個收銀處吹水，到我個面都食晒，我終於發火大叫我個炸量幾時有，先有個短頭髮阿姐黎問我差咩，我話等你個炸量等左差唔多半個鐘，我同事都食晒，我都未黎，隔離台遲過我落單，點解我都未有，問你d同事又話盡量崔下廚房，點知又係吹水多過做野，個阿姐黑晒面咁掉頭去廚房，仲要待登大聲同廚房講話個客噪緊啦，你仲唔比碟炸量我，好似比說話我聽咁，我於是咪大聲咁講，係啊，個客噪緊啦，你仲唔拿拿聲羅比我，點知唔駛半分鐘，碟炸量擺係我面前，我食完因要煲煙所以走先，點知我同事話我知，我走左之後，佢d侍應過去我同事將台度，問都唔問就收走佢台面d野，好似趕佢走咁，真係以後都唔會再幫親，講野食又唔係特別好食，服務態度真係衰到冠絕全球！

八個人坐低叫左8分下午茶, 落單後變成9分。跟侍應講寫多左分餐,侍應二話不說 “我冇錯”,試問38蚊一碗細碗+炸兩服務點可以咁樣? 再說細蓉雲吞一般, 如果店舖個名叫細蓉, 細蓉唔係應該耍家一點嗎?

地點方便 環境好 坐位寬 時常幫襯食點心 點心種類多 即叫即蒸 👍🏻👍🏻點心好味 又唔使酒樓等餐懞 仲有兩粒一籠的啱晒二人世界 不過只得白開水供應 失色 希望會有中國茶配點心 茶包也好呢 那就會更加好了

今晚細容記食勁多位，佢都叫我答抬，就連我坐低左都叫我轉，我：你哋好多客咩，佢：唔系，之后個阿姐見我舉手落單，好嬲走左。剛開業時，服務態度及嘢食不錯，越來越差，真心希望改善

今日又再次來太和的PLAYSCOPE玩，未開始遊玩前，先吃個簡單午飯。本想去吃元氣的，但我家寶貝反對，表示要吃對面的細蓉記，結果伏已中。裝修算是骨子，但是整潔度只是一般，我剛入座時對面食客不小心打翻熱水，但侍應的反應有點慢。這裡除了有麵食、粥品，也有一些點心供應，價錢算是中等。侍應態度真的極一般。叫了一客叉燒包、一客蝦餃、一客燒賣、一碟蝦腸和一碗糯米飯，因初一至初九有加一規定，埋單約一百元。所見即所得。叉燒包我沒吃，無從評論。蝦腸：蝦肉大是夠大，但淡而無味，腸粉皮質感又厚又黏，感覺不佳。蝦餃：相對之前蝦腸淡而無味的蝦，這個已是比較正常，不過饀的份量偏少及疑似加了味精燒賣：只有豬肉饀，味道極一般腊味糯米飯：充其量只是用電飯煲煲得極軟身的糯米飯，腊味切得極細，覺察其味而不見其真身。總結，並不好吃，一次就夠了。

試新嘢！呢個位以前好似係好好粥麵。既然叫「細蓉記」，就叫細蓉吧！有3粒不大不小云吞，蝦一般，麵有嚼勁，湯也不錯，也有「九黃」。整體是對路的，雖然不夠麥x記那些「名店」好吃，但價格只是一别人一半(28元)，所以是可以收貨了。可惜醋的質素不好，應該是溝了水（？），好淡，不香，只有顏色。另叫了鮮蝦腸粉(28元)，中伏了。腸粉好厚，像一堆綿被！很黏，黏著筷子，但不un,也沒有米香米味，不滑，甚至有點「鞋」。如閉上眼睛，應該不知道是在吃蝦，沒有蝦味沒有鮮味但很鹹。我未飽，但我吃不完。油菜（20元）-- 是啡黃色的西生菜。念在細蓉還算ok，否則是劣評了。