薩莉亞意式餐廳 (逸峰廣場)

Open Now

Now Closed

好耐都冇食過薩莉亞，今日同朋友特登嚟到呢度食飯。估唔到而家都仲係咁多人食， 6:30嚟到已經要等超過10張飛。不過好彩都唔算等左好耐，半個鐘到已經有得入。咁耐冇細都好似淨係加咗少少價，但都仲係好平，每樣嘢都係$30到，同幾個朋友食就更加抵。第一次食雞絲沙律，原來都唔錯，雞絲份量好多，汁又唔會太酸雞翼就次次黎到都必嗌8隻，因為真係太好食。佢雖然話係辣嘅，其實完全唔辣，雞肉又好滑Pizza最好一嚟到就即刻食，如果唔係個餅皮就會硬。我哋等左一陣先食，個皮已經有少少硬，不過啲芝士同雞肉都仲係好正，推介

睌餐想是但搵間平靚正又吾需要等好耐。薩莉亞，快餐嚟講係個不二之選，每次都會因為平而點多🤣🤣係時候講下野食。雞翼係必點，辣得嚟容易入口，骨肉易分離，吾覺吾覺會食好多落肚呢個要趁熱食，如果吾係會硬晒好似食餅咁，聯和墟呢間幾好，佢岩岩整熱即刻送出嚟，可以拉到c。西蘭花小食，emmmmm 我覺得民個配合香港人口味，辣得嚟係爽，自從試過每次都會叫。香蒜包配湯真係好正，包焗得剛好，遇上海鮮湯，外脆內軟，口感不錯。多利亞平日都多人叫，岀咗流心蛋之後我覺得係令一番風味，我個人中意食流心蛋，同肉醬撈埋一齊，流心蛋個味吾會好岀，但就可以望到佢會ki d。羊，就吾知點講，今次食係幾好味，主要就羊甦味夠重，因為每隻羊嘅本身都吾同，就算同一個煮法都好難去評論，不過大體上我覺得不錯。

依間餐廳永遠都係任何時候都好多人排隊，冇計，因為實在真係好便宜， 2019年佢嘅菜單上面基本上大部份嘅Pizza，意粉，飯類，小食等都係30蚊以下左右，係鐵板類貴d, 咁嘅價錢真係唔知邊度搵到。今次就冇加任飲，因為$13基本上凍飲得汽水，叫咗個黑松露雜菌意粉，雞肉pizza，中華沙律，水牛芝士，辣香腸配薯角，仲加咗個提拉米蘇，芝士餅。黑松露雜菌意粉好香，意粉軟硬度適中。雞肉pizza芝士係唔少，焗得啱啱好。最驚喜其實係嗰兩個甜品， 10幾蚊個質素非常之好，非常之有口感，都夠濃味。其他食物正正常常。裝修雖然已經開始有少少殘舊，但係因為基本上都好多卡位，所以都算坐得舒服。叫咁多嘢埋單都係$150左右，其實喺香港真係唔知點樣搵到，所以依間連鎖餐廳真係前無古人後無來者暫時都係。

星期六再到粉嶺逸峰睇戲，睇完後當然要搵好西醫下肚，先算得上係身心滿足。下午4點3，友人見薩莉亞唔駛等位(佢話平日好多人等架)，就入去食野啦！呢間薩莉亞環境唔錯，大多數係卡位而且光猛舒服。4個人，點了3碗湯，3款小食，2款主食，1杯紅酒，1件甜品，份量和種類切豐富。先上枱的係3碗湯，湯的份量較少(飯碗8分左右)，幾款湯的味道都可以的，不會罐頭湯般重味，但只有菜湯較熱，其餘2款就只是暖而不夠熱。意粉和薄餅份量OK 不過配料較少，意粉的三文魚只有3片，薄餅的芝士也不算多，幸好餅底不過厚又脆。3款炸焗物小食是即做的，非常熱辣辣，其中的雞塊是原塊雞肉，炸得剛好，外脆內嫩滑，食味很不錯。紅酒倒得頗滿，味道也大眾化。甜品似雪糕蛋糕，有些特別，但有些過甜。這次所點的食物多數也新鮮熱辣，10款食物埋單也不用200元，是一頓不錯的下午茶。當然，如果可以加快執碗碟的速度就更加好了，不境枱面不是很大，多點幾款食物，用餐的位置會比較迫。

唔使多講，相信好多人都知 "薩莉亞意式餐廳" 差唔多可以算係全港最平嘅連鎖式 "日式意大利餐廳"。可能有一段時間冇去過薩莉亞所以連個餐牌改咗都唔知。水牛芝士配蕃茄 $17，係好傳統嘅意大利食品，喺好多 意大利 餐廳閒閒地耍幾十蚊，呢個價錢食到咁嘅質素，真係正。黑椒蜆肉鐵板煮 $19，蜆有蜆味，加埋啲黑椒，味道都係鹹鹹地，放喺熱辣辣嘅鐵板度真係好味。蒜蓉焗田螺 $28，田螺嘅質地淋淋地，味道鹹鹹地，加埋啲墊底嘅洋蔥超級惹味。 ，野菌忌廉意大利飯 $29，碟飯都算大碟， risotto 做得 85%熟，質地啱啱好，個忌廉 sauce 好 creamy, 味道好柔和，真係都幾好食，但係磨菇就少咗啲。 不過算數啦 29蚊 一碟飯，真係仲平過去 M記 食個包呀。性價比超級高！平靚正！一流！

薩利亞不嬲都係又平又好食，屋企樓下新開嘅呢間分店十分方便！不過真係好多人等位，晚市最旺嘅時段要預等起碼半個鐘以上。自助吧d杯有少少烏糟，衛生情況有待改善。總括嚟講水準都ok，粉嶺之友又多咗個好選擇。

星期六的下午，睡到自然醒起床，起來就三點下午茶時段，約朋友快快去樓下想試很久的薩利亞吃個brunch。這個時段去，店舖內很多位置，位置寬躺闊落，不用等位真接walkin，而且有卡位。點了幾樣 周打海鮮湯$10、三文魚沙律$24、黑椒蜆肉鐵板煮$19、辣味雞翼（4隻）$17、墨汁意大利粉$32、意式菠菜伴煙肉$19。周打海鮮湯香滑濃郁，有真蜆肉，今次因為太飽，並沒有點蒜香法包，下次加上應該更好食。三文魚沙律的煙三文魚好香，但太多沙律醬，令人覺很口味太重。其餘都不過不失，唔到餸一個湯，二人買單$120有找，真抵!

點左七款包括:沙律，主食，小食，菜，甜品，指定任飲飲品，全單只係$191價錢親民三文魚沙律$24三文魚有2大塊(鲜味)芝士法包$12好大塊(滿滿芝士)烤得香脆辣雞翼$32size 细隻(但辣味十足)外表煎得香脆墨汁意大利飯汁太多(令意大利飯失口感)汁好香口蒜辣西蘭花$19蒜辣味令無乜味的西蘭花(變得惹味香口)白汁芝士好香滑魚肉(鮮嫩)但有细魚骨(以為無骨添)棒子脆餅冰雪雪糕口感似雪糕(好香捧子味，一粒粒棒子增加口感，餅底好香脆加$13(每人)可自由飲汽水或熱飲(奶茶，朱古力，咖啡)

今日中午時間黎到，好多人，排左半小時有多。 去到卡位，發現台面冇清潔，仲有上一手淨底的意粉，叫左好耐先有侍應整理。 今次叫左個溫泉蛋卡邦拿意粉同埋雞肉多利亞。 卡邦拿意粉個溫泉蛋過熟，沒流心效果，但整體意粉好食。

相信好多人都食過薩利亞，不過今日就同老公試咗兩款新菜式。就係明太子忌廉意粉同埋芝士煙肉焗蛋先講講個意粉，明太子個醬都唔錯，幾入味，我幾鐘意呀，而且份量都OK，咁嘅價錢食到明太子算係好好㗎啦至於個蛋，都幾新鮮，但係有種唔知食咗啲咩嘅感覺，哈哈

好耐以前，有朋友話請我食意大利野，心諗意大利野好貴架喎，佢咁好死請我食？原來有間叫做薩莉亞意大利餐廳，入面既野真係好平....一個pizza $3X, 一個肉醬飯$3X, 湯$1X真係好誇張！自此之後就成日黎呢間薩利亞食野😂😂今次黎就叫左個周打海鮮湯，雞肉野菌雙享薄餅，肉醬多利亞，焗白汁雞肉菠菜。個菠菜真係好好食，不過係細碟左d，d汁同雞肉菠菜咁拼法真係好好食，每次其實我都叫2碟😂😂肉醬多利亞即係肉醬焗飯，都好好食個薄餅都好好食，不過無得好似P記咁加芝心批，如果有就好啦個湯都好飲👍🏻👍🏻👍🏻可一可再👍🏻👍🏻👍🏻👍🏻

同屋企人成日黎食，價錢又平抵食，食物味道又唔差😋所以經常黎食，不過最唔好既一樣就系長期要等位⋯⋯好多人等位次次拎完飛都要等好耐坐位其實唔算少，有埋入面位置，不過大部分時間都唔開放應該唔夠人手想唔需要等位，大約6點3前好黎，因為計算過平日只要6點3後，開始人流比較多黎到薩利亞，最鐘意叫水牛芝士pizza，辣味雞翼，同埋周打海鮮湯，蒜香法包所有野都係即叫即整，等餐時間又唔耐加多12一位，仲可以無限享用餐飲就算叫到成枱都係嘢食，埋單四個人都唔需要$300

今日平食意大利午餐，別以為平就沒有什麼好吃，食物是來自自己的心情，每次來到這裡都充滿著年輕人的氣氛，食得開心平食都可以好滿足！🇮🇹周打海鮮湯$12 這個是我每次來必叫的，滑滑的忌廉口感豐潤😋😋，湯料都十足架，別小看只是一碗仔湯都可令我無窮滿足！蒜蓉包 $10我的至愛口氣之作，熱辣辣超脆口👍👍甜蝦沙律 $24清新爽口開胃前菜，加了車厘茄更加醒胃！😋辣味雞翼四隻 $17非常惹味👍，嫩滑滋味香辣恰好。雞肉粗管麵 $29 勁爆芝士，管麵吸盡芝士香氣，麵條彈牙有嚼勁👍，不過雞肉就乾身了！平食意大利午餐二人同行每位 $46

個個都話呢間連鎖店抵食，今晚自己一個去，睇吓幾錢埋單先！忌廉周打魚湯(HKD12) -個湯好滑又夠味，杰身唔會稀！無將貨就價喎！肉醬多利亞（HKD27)-如果以份量嚟講，睇落佢並唔夠多，見到只係薄薄嘅一層飯，但食落原來都好飽，因為芝士係比較多，反而再多啲飯就會食唔落，而家份量剛剛好！而肉醬方面，同芝士夾到就梗㗎喇！雖然無咩驚喜，但都十分滿意！2個item夾埋都係 HKD39,食到咁滿足，果然名不虛傳！*提提大家！佢唔收加一㗎！以一間有服務嘅餐廳嚟講！真係有點意外喔！

想平平地食下意大利野，呢度係首選。水牛芝士伴蕃茄水牛芝士本身無乜味，主要係食個口感。唔識形容呢種口感，有興趣嘅自己試下😆黃金粟米薄餅（加芝士）味道唔錯，好多好多芝士，朋友話呢6蚊好抵加😝。黑松露野菌忌廉意大利粉一上枱就好大陣黑松露味，一面食，一面都係聞到好大陣黑松露味😂😂夠多汁，唔會乾，味道都唔錯。辣味雞翼每次必點item，一如既往的好味道，辣辣地好惹味。香蒜辣汁野菌西蘭花🥦呢個就比較失望，睇個名以為好惹味，但原來西蘭花係白烚再放落去，淡而無味。最正反而係蒜頭，入口即溶又夠惹味