薩莉亞意式餐廳 (淘大商場2期) (Closed)

好耐無去食呢間 近近地行去淘大醫肚叫完野 等到煮蜆黎到 見個汁冇滾緊 心入面估到佢唔熱Hi佢 一換塊鐵板係暖既一碟半碟 算了 點知第二碟黎既魷魚都係咁我以為可能人多拎唔切我見隔離枱碟腸上枱果下咋咋聲 已無言

平價之選除咗快餐外當然有薩利亞啦！每次去都等好耐，今次排成60個籌等左一個鐘！淘大呢間分店新裝修，都坐得好舒服。 每次就算叫好多樣嘢都勁抵食，隨便叫冇負擔，今次叫咗雞翼同埋牛排，係$65算餐廳嘅中高價，但味道普通，同出面無得比，所以其實呢我都係食意粉同飯算啦，雖然牛排好大件，但係肉煎得有少少老，唔多汁少少硬，肉味唔濃，佢呢個價錢算係不過不失啦！雞翼外皮香脆，稍嫌有太辣，但係入邊軟嫩多汁，值得encore！除此之外仲叫咗雞肉多利亞，10分好食，雖然白汁則佔好大部份，但都令到雞肉入味，雞肉烤到表皮有少少脆，雖然都有少少肥膩，但係算係唔錯！最後叫嘅係墨魚汁意大利麵，我好鍾意意粉煮得比較硬身，同用墨魚汁另有風味，雖然墨魚分量唔算多。雖然食物質素唔算非常高質，但係勝在性價比高！永遠都有encore !

抵食，西餐咁既價錢香港去邊度搵，質素仲要唔差，尋晚去左淘大商場果家食，去到拎79號飛，果陣先去到50，唯有行下先啦，值得等既，仲試埋新出栗米焗蛋，必點巴馬火腿Pizza，雞翼，平民既美食

作為一個長期糧尾既打工仔，每個月都岩岩好洗哂d錢，好彩仲有張八達通，其實人工真係唔夠洗，奈何公司小人太多，遲遲都未到我上位，不過上位又唔代表加好多人工wo，頂盡又得幾百一千。好彩我發現左呢間係公司附近既薩利亞，呢間堪稱性價比最高，最貼地既意大利餐廳，唔好睇佢定價咁低，就以為係垃圾，其實佢真係好好味！芝士焗薯，係我每次黎都會叫既，即叫即焗架呢個，要預反15-20分鐘咁，我仲會加大量芝士粉，一啖芝士一啖煙肉。

今日係淘大商場行完街就去左新開果間薩莉亞意大利餐廳度食晚餐，等左幾個number就入得去。座位幾多，坐得舒服。呢間餐廳主打平價食物，但質素亦唔錯，所以經常黎食。雞翼香辣野味，芝士雞肉薄餅熱辣辣，份量都算多。而焦糖布丁最出色，值得再試！

番香港約朋友食飯又唔想食咁貴，好彩總有間薩莉亞係附近！淘大呢間分店好似唔係開左好耐，我以前都係去開得寶果間。黎到估唔到有咁多人等緊，排左超過20分鐘。今日我叫左個燒魷魚同肉醬多利亞，朋友叫左個唔知咩意粉同忌廉湯，再叫多個甜蝦沙律share。燒魷魚基本上一如以往咁好食，不過我都係唔太鐘意個汁。肉醬多利亞我都好耐冇食過，好食，個飯唔會太大個，所以食哂都唔會話好膩。甜蝦沙律都成日食，大大碟都係20幾蚊，好味！

因為知道每逢午夜、晚市薩莉亞就一定大排長龍我地就決定3點左右先去食所以就完全唔洗等位~直入!薩莉亞其實都成日食架喇!一如既往既上菜速度好快~而食左咁多次我特別鍾情佢既墨汁意大利粉之前試過叫佢既墨汁意大利飯但飯既話 佢會煮得唔夠杰身會有d汁淨低 撈唔晒落d飯而意粉就會比較夾!!濃濃既墨汁味係口腔徘徊食呢個一定要有紙巾先得會食到成口都係xd另外 雞翼同埋蜆都係必點item!又抵又好食!薩莉亞既甜品大部份都唔錯平時會食開焦糖布丁但咁岩見佢新出左個芝士蛋糕就諗住試下呢個蛋糕都幾淡味下唔係好食到d芝士味..真係一般可以唔洗再試

今日放假同朋友喺淘大諗住嚟個short lunch!大家都糧尾😂就決定嚟𠵱間餐廳，貪佢價錢抵，之前喺坑口食直頭覺得價廉而味美😆但可惜淘大𠵱間真係一般般...不過成餐都只不過$112，仲要已經食到好多嘢係真！平日佢做緊set lunch，價錢同餐牌散叫一樣，唯一唔同係加同一價錢，佢有多一個沙律咁解！咁我哋就叫左一個煙肉菠蘿pizza，肉醬多莉亞，加咗一個飲品吧加田園沙律，蒜蓉法包同8隻辣雞翼！先講田園沙律，2個字難食🤦🏼‍♀️我都唔知點形容，但係個味怪怪哋，我哋食咗幾啖真係頂唔順就放低咗...辣味雞翼，我覺得唔辣，但唔難食，不過唔太熱就真..蒜蓉法包，好濃蒜蓉味，係香脆嘅，但好咸🤥煙肉菠蘿pizza::我覺得茄汁酸咗啲，餅底乾而硬...成餐最好食可以話係肉醬多莉亞，味道適中，唔會太溜，飯亦唔太硬唔太軟，我覺得保持到我喺坑口食嘅水準！不過服務有待改善，等咗勁耐，啲員工先施施然行過嚟落單，冇一句唔好意思...講嘢又lur埋一嚿，聽得好辛苦...

颱風過後，就近選擇平民食肆就算。呢間薩利亞嘅水準暫時係我食過嘅分店之中最好～【蒜汁燒魷魚】：$28魷魚唔會好韌，好易切，蒜汁無咩味【蕃茄海鮮意大利粉】：$32料幾足，有魷魚、蕃茄、兩青巧，蕃茄味唔會太濃岩岩好，意粉煮嘅時間幾適中【野菌忌廉意大利飯】：$29呢個值得一讚，高質，奶同芝士好香！飯黏黏地，同兩種味道好夾。🌿🌿🌿🌿🌿🌿🌿🌿🌿🌿食物：高質⭐️⭐️⭐️⭐️環境：舒適，大玻璃充足陽光⭐️⭐️⭐️⭐️衛生：正常⭐️⭐️⭐️服務：禁鐘後好快過黎⭐️⭐️⭐️抵食：薩利亞一向都抵⭐️⭐️⭐️⭐️

今日再食薩莉亞，但係呢間九龍灣分店系第一次食，夜晚7點幾黎到, 排左25分鐘左右。呢間分店都幾隱蔽，但都幾多客人，人手唔係好夠。每次黎都叫差唔多既野。每次2個人黎到都叫一大堆野食，一黎平,二黎仲要唔洗加一,三黎係d野食黎得好快。黑椒蜆肉鐵板煮 $19佢個蜆好似隻隻都有落D椒鹽上去，真係好入味, 隻隻都有蜆肉，唔會話得個殼。周打海鮮湯 $ 12佢好足料入面，又入味。香蒜野菌西蘭花 $19西蘭花呢碟野比較淡味D黑椒雞肉薄餅$35芝士滿滿,材料豐富黑椒汁漢堡$32野菌忌廉意粉 $29睇落好似乜都無，但期實好夠汁，唔乾意粉硬左少少. 磨菇比較少，但其實味道唔錯

其實呢間野啲員工真係好有問題，噤鐘，睇住佢見到我噤鐘，無反應；望住個枱號燈，有反應呀！佢噤熄左個燈👍👍👍（但無人過嚟架）----呢個真係一個好簡單直接嘅解決方法！end up都係要揮手先嚟……（我/我的家人都留意到好多次了…）落單時，員工對食物非常之不熟悉，要指住個menu，但係，都係落錯架。。。👍👍👍👍👍👍👍👍落錯，你俾番個啱嘅我都算啦，但係。。佢似乎係就咁撩起左錯嗰碟意粉d西蘭花，再加番d芝士同忌廉晌面（可能有拎去淥多次洗走d辣汁）再俾番我。。（因為明顯d意粉水淋過平時&發漲左。。）然後佢唔知咩心態，將我本身叫、賣相正常嘅忌廉意粉上多兩次俾我，我忍唔住問佢，其實到底你想點？？？🙄🙄🙄題外話～上次話完佢唔做外賣但又擺個外賣menu出黎之後。。佢手寫咗張紙講明話唔做外賣👍👍👍👍要食外賣請去得寶分店……其實得寶分店知唔知被加重左工作量嘅呢？😂😂

員工服務態度言語上好有問題！我兩個大人一個細路仔系到等，等到終於有人帶我地入去，點知系張兩人檯黎，得兩張櫈，仲有一個人坐邊？坐地下阿？見五見到我仲有個細路系到？盲既？我已經系抱住行，無理由見五到阿可？我話仲有個細路仔喎，員工就話甘您繼續等，系五耐煩既態度。首先，我有㩒飛架喎。第二有檯帶我地入去坐，我見到隔離有張卡位啲人岩岩走，我有問員工我可五可以轉過黎坐卡位，因為有個細路仔，員工即刻出去帶其他客人入黎話以家有人五得喎。全程一句五好意思刀無！完全五覺得自己服務態度上有問題！我系消費者，貼錢買難受！垃圾雖則五系高級野，但刀五系甘既服務態度咯！位員工短頭髮，矮，女，睇落似tb

前晚行過未食晚飯, 馬上行入這間新開的餐廳試味, 叫左雞亦, pizza 及 煙三文魚意粉。雞亦細不在話下, 碟意粉份量完全不可接受, 比我在其它店吃的份量差很遠。煙三文魚只有3片如手指公第一節大小般的大, 意粉完全是1/4碟那樣多, 我心裏一想, 騙人的餐廳不要來。意粉水汪汪幸好pizza味道ok

一講起薩莉亞大家都知周圍都有好多分店，今次我就嚟咗一間位於牛頭角新開嘅分店。新環境果然又大又乾淨，地方好闊落，約埋三五知己 食飯非常方便又舒適。最重要係呢度平靚正，大件夾抵食！黑松露野菌忌廉意大利粉 平時食開嘅都係野菌忌廉意大利粉，今次加埋黑松露，梗係要試下新嘢啦！加埋黑松露味道濃郁咗，的確係好食咗呀。蒜蓉焗田螺 keep到一向嘅水準，蒜蓉味非常香，夾埋田螺食好好味。羊鞍焗爐燒 羊鞍一啲都唔騷，厚切大大舊，好有口感！香焗白汁雞肉菠菜 芝士好多味道好濃，菠菜亦都夠淋。

屋企附近本來已有得寶分店，工作關係放工都經常去買外賣～月前開咗淘大分店，地理上淘大係比較近，但好可惜～淘大店delay左開張依然唔休做，去親一係答外賣已經截咗單（9點半都未夠已經截單，外賣menu照放出黎）～一係好似今晚咁，去到問先講今晚唔做外賣。真係忍唔住問咗佢：我次次行到黎你係用唔同理由唔做外賣～不如你講低你邊日會做外賣啦？？佢又答唔到～well～之前堂食過…你啲野食又亂咁黎。。。係咪特許經營店嚟？？啲質素差成咁……