薩莉亞意式餐廳 (新都城大廈) (Closed)

More than other pseudo Italian restaurant. Which kind of surprise. Good quality of food and amazing price. Yes deserve to be called Italian restaurant even in part is fusion. Let start with caprese. Buffalo mozzarella original Italian with cherry tomato. Outstanding. Main course rigatoni with chicken. Very good, and they use Italian good quality pasta. Taste cheesy and rigatoni not overcook. Spinach with chicken. Smooth taste fresh spinach very good cheese. Chicken with bacon potatoes. Very nice

薩莉亞我相信大部份香港人都知係乜嚟，評價就好壞參半，我自己就食過幾次，覺得正正常常啦，以咁嘅價錢，其實都幾好味。就算一條友食，叫多幾樣食物一啲都唔貴。北角呢間分店好似係港島區唯一一間分店，位置剛好，食完可以坐巴士回家。前菜我要咗一碟煙三文魚，其實應該同超市買到嘅無分別，但價錢不比自己買貴，抵食又好食。另外，我自己叫咗份牛扒食，好似都要成$8x定$9x，喺薩莉亞嚟講都算貴，哈哈。但其實咁大塊肉都唔使成百蚊，抵食啦。味道中上啦，未至於雪到無味，另外仲有薯角粟米，夠哂飽！

由細到大不嬲好鐘意食薩利亞，由中學到出黎做野都會耐唔耐食下，雖然自己一個人食選擇少了，但都要食下。今次就剩叫左肉醬多利亞($27)，同雞翼($17)，雞翼就感覺味道差左，同埋都唔算好香口，當然招牌肉醬多利亞都係好食，多汁，士味香，一定食呀

食物評分 (最高為5⭐️):🥇🏆冠軍: 明太子魷魚蝦仁意大利粉 $34 ⭐️⭐️⭐️⭐️⭐️🥈亞軍: 香草牛油焗田螺 $32 ⭐️⭐️⭐️⭐️⭐️🥉雙季軍: 墨魚汁意大利粉$32 ⭐️⭐️⭐️⭐️🥇🏆甜品冠軍: 榛子脆脆餅冰雪蛋糕$18 ⭐️⭐️⭐️⭐️⭐️午餐水牛芝士pizza $30 ⭐️⭐️⭐️⭐️原味雞翼八隻 $32 ⭐️⭐️⭐️午餐粟米湯加沙律 $13 ⭐️⭐️⭐️香濃朱古力冰雪蛋糕 $18 ⭐️⭐️⭐️⭐️⭐️入座一看到午餐餐牌，$29, $30, $34, 心想有無睇錯？不是下午茶喎！再看散叫的餐牌，都是$30零蚊，變得好好奇，就算細碟些，這個價錢都是好平。結果呢？結果3個人，叫了7樣嘢，再加兩個餐湯同兩個沙律。總數都係$222，成11碟嘢，真係無得頂，仲要食物質素味道超乎預料，尤其這個價錢！好味😋😋喜出望外！值得幫襯👍👍抵食好味😋😋又免加一。每張枱有個鐘，食客只需按鈴，便有侍應到來，不用伸手叫人。餐牌有午餐餐牌，最平$27，旪貴$34，可加$13便又沙律和湯，不要湯可要飲品，飲品是無限添飲👍👍 另有不同小吃可特價加叫。散叫的餐牌，有好多選擇，加上印製精美，好易變選擇困難症。有沙律、Pizza、意粉、意大利飽、扒類、甜品。而每個類別都還

2020年新年第二日，相約朋友到北角薩莉亞食飯，已經成年無嚟呢度食嘢，唔知食物質素而家点？呢度地方寬敞，環境不錯，坐得舒服坐落先嚟個熱湯飲下，原先我哋点周打鱼海鮮湯，但侍應話賣哂無货，唯有点意大利莱湯同蒜蓉包個湯同蒜蓉包好快就送嚟，睇落個湯幾油同食落重好鹹熱蒜蓉包幾好食但又係油咗啲跟住，我哋再叫個水牛芝士薄餅同黑松露野菌炒意粉又喺好快送到水牛芝士薄餅要趁熱食，攤凍咗食唔脆意粉好细碟同無黑松露祇有野菌，味道可以飯後甜品梗唔少得，兩個人叫咗兩款甜品朱古力冰雪蛋糕雪到好硬實，要咬嚟食，裏面有濃郁朱古力醬，底部加咗可可脆餅，增加口感，朋友非常喜歡而我偏愛芝士蛋糕忌廉芝士加鲜忌廉的芝士蛋糕，口感軟滑，芝士味不俗整體嚟講呢度嘅食物，除咗甜品保持水準，其他感覺比以前遜色，雖然價錢經濟但味道烹調比較油膩和濃郁，始終唔係健康嘅選擇

其實薩莉亞一向唔乾淨, 特別係呢間分店。D杯裡面不但有漬, 連紙巾, 牙簽都有。梳化、地下勁多垃圾, 著紅jacket 的 staff 就一路傳菜, 一路講粗口。上菜賣相嘔心, 又唔熱, 要求更換就黑晒面。我有比$$, 唔應該有甘既 食物。呢間係我食過最差既 一間, 以後都唔黎!!!!!

經常性唔知點解又到糧尾，我地又去左幫襯「窮人恩物」既依間餐廳了❤️🧡💚今次叫左羊架、蒜蓉包、雞翼同墨汁意粉～話說蒜蓉包10蚊兩舊係十分高質，一黎多蒜，二黎夠脆，三黎夠平（不過平依一點就所有餐廳既優點黎😀）另外墨汁意粉係出面食係好貴的，但依到食只係30幾蚊，如果唔怕食到個嘴黑d牙都黑，都值得一食啊！而羊呢，就一般般，雖然朋友覺得69蚊三隻羊係抵食，而且無咩調味係食到個肉汁，但我都係中意有蒜蓉汁或其他醬汁架🤘🏻

薩莉亞學生哥最愛，但長期糧尾既我同樣也愛，鍾意佢價錢優惠、味道不錯，可飽肚亦可滿足味蕾。不過等位時間較長，所以我會外賣自取。芝士焗薯角 $17忌廉芝士包住香口既薯角，好邪惡辣味雞翼 $32/8隻辣味雞翼辣得好惹味，每次都要叫8隻先可以大滿足雞肉粗管麵 $29第一次食的雞肉粗管麵，粗管麵及雞肉掛滿香濃忌廉芝士， 雖然如此，但我都不覺得膩。 明太子魷魚蝦仁意大利粉 $34意粉煙韌彈牙，加入明太子後，令口感豐富起來。

剛剛黎食午餐，打算裝野飲就見到轉灑不繡鋼杯，發現超級污糟，超級污糟，超級污糟！重要的事要重複三次！唔係有污垢，就d不明物係到未清洗乾淨。找左十幾隻都係咁，就回到座位。之後見佢剛剛上左幾盤剛洗完ge杯，就打算找新洗完ge杯去裝野飲，一見到圖片咁樣，直接放棄打算。餐具時有污糟就算，最多囉多隻望落乾淨ge，再囉多隻杯裝熱水浸下佢，但依家連杯都污糟到咁。。。杯之前都有d係唔乾淨，但最重要係新轉左不鏽鋼冇耐，可以污糟到咁可想清潔幾有問題。

記。初嘗薩莉亞一役之。不能一一盡錄喪。嗌唔blink eyes喂。呢張只係start嘻。有下次嘅話我要叫多幾輪嗯。三輪真係唔太夠哈。我媽生咗隻大食蛙哦。要講最好食啊。Chocolate Semifreddo Cake啦。唔好睇佢細細舊呵。勁冰凍勁濃烈勁rich咳。想ENCOREEEE多幾件嗚。下次下次多謝朋友們帶領❤

我叫一個午餐套餐等了50分鐘套餐都沒有完全送上，見到其他人的套餐完全送上並另叫的外賣都完整送上系米因爲我得一個人所以我系你們的透明客，因為我只有俾$50蚊，所以不是你們重要客人...$50蚊唔係錢？咁你們連$50蚊都唔好收一個人系透明客，一個人系透明客，一個人系透明客........因為好重要所以講三次請大家去要三思而行，加上侍應少，廚師煮的食物變差！差差差

不論老、中、青都被價錢平既薩莉亞吸引，免加一選擇亦多， 總有一款岩你口味。🥢明太子魷魚蝦仁意大利粉 $34近期最愛， 鍾意佢每啖都食到明太子，食落一粒粒既感覺， 令口感提升，而且意粉亦煮得好煙韌彈牙。🥢辣味雞翼 （8隻) $32香辣惹味， 食到舔舔脷，每次都必點的。 🥢黑椒雞肉Pizza $35Pizza 係老公愛食， 對我來說， 我覺得普通， 如果可以俾我揀轉薄批較好。 🥢黑椒蜆肉鐵板 $19黑椒香口惹味， 提升蜆既味道。

由讀中學開始 就好鍾意同同學去薩莉亞食野 無論係完左運動會 定係平時一大班朋友食飯 甚至係lunch冒住遲到嘅風險 係筲箕灣衝過去北角食 薩莉亞真係好適合一大班朋友一齊食飯 唔想太貴又唔想太頹就啱曬啦😙.果日同男朋友食 嗌左中華沙律 芝士法包 雞球 芝士焗薯角同8隻辣味雞翼都係差唔多$100 每人$50就可以食到好多野 果日我地本身飽飽地 所以冇嗌飯食 但係其實佢哋嘅雞肉多莉亞都係我嘅最愛😍😍😍.另外仲嗌左兩位飲品吧 一位$12 無限添飲🤩有凍飲又有熱飲任你揀 冬天最鍾意飲美祿 夏天飲芬達😛.而且佢地每張檯都有一個鐘 㩒鐘就會有人過黎 唔洗驚舉手舉到攰都冇人見到你啦😝

相信會冇人唔識得薩莉亞！😂😂之前食開坑口嗰間，但係已經執咗啦😢😢😢😢😢依日行過北角，發現原來依度都有一間！平日已經好多人等位啦，可想言之揀餐廳嘅受歡迎程度係咁高😂😂😂❤️❤️❤️每次必去點嘅甜蝦沙律！煙肉炒菠菜，本人就覺得比較鹹啦！男朋友最愛嘅蒜蓉包，食完一條一條，今次仲唔肥仔😂😂😂😂辣味雞翼！又係每一次必定要叫嘅！新出嘅茶西蘭花！本人覺得可以下次唔使再叫，因為帶少少酸味，覺得有啲怪😯最後最後必定要提嘅，明太子意粉啦！之前喺日本薩莉亞食過，而家香港有得食啦！太正啊❤️❤️❤️❤️❤️

今晚放工突然想食pizza 、同焗飯，於事就走左去薩利亞，一去到門口就見到有少量人在等緊位，如果係假期的日子，應該會人山人海，有排等，今晚全場枱都坐滿客人，員工吾多，個個都好忙，但見佢地做野都算快手。今期我選擇了外賣自取返屋企，與家人邊睇電視邊享受美食，辣味雞翼、🍕pizza、多利亞（焗飯）都係我每次必食之選👍👍😋。今次等外賣等左10分鐘，比預期中快。不過這餐廳只有一種的付款方式（只收現金）。