薩莉亞意式餐廳 (中染新城) (Closed)

咁難得有咁多日公眾假期，咁當然要同女朋友出去食下野啦，咁我哋去咗荃灣行街，連續行咗一田激安，之後去咗睇宜家傢俬，諗住喺宜家傢俬食嘢點知爆曬棚，咁啱見到薩莉亞唔算好多人排隊就試吓啦，反正都好耐冇試過，等左大約半小時左右可以入得去座，價錢真係好平我哋叫咗個焗飯，中華沙律，忌廉湯，仲有鐵板芝士雞扒，餐廳本身可以加錢任飲但係我見到出邊飲品唔算太吸引，所以放棄左，最後仲怕唔夠食叫咗個pizza嘢食好快就嚟總結一下先，忌廉湯中華沙律pizza都好正，雞扒就不過不失但係都唔錯啊，超級推介忌廉湯一定要試，最後兩個人埋單$120好抵食

每次食薩莉亞都有一種食自助餐嘅感覺因為佢平到可以咪埋眼咁嗌想食野唔洗睇價錢 絕對可以黎呢度🤣正因為平每次都要等位但係最近可能疫症關係黎到就有位 唔洗等仲任坐今次先黎個前菜海鮮湯加蒜蓉包個湯好多硯肉 忌廉味都好濃厚蒜蓉包好軟身 蒜蓉同牛油味都好夠個包好近鮮卡邦尼溫泉蛋意粉好多好多芝士 配埋個煙肉再撈埋個蛋黃 好正肉醬芝士焗飯超級多芝士 肉醬亦都夠晒味 黎多個芝士漢堡扒都好大件 同樣都好多芝士呢餐真係肥仔過肥仔 抵食又滿足呀

雖然近日加左價，但黎親呢度食野，都唔駛睇價錢，爽呀！以下三款係必點嘅：肉醬多莉亞飯，面頭鋪滿曬芝士蕃茄豬肉，d索滿曬個飯入面，甜甜地好味。粟米沙律pizza: 呢個和風式pizza好正，沙律醬同市粟米比例好多，唔錯。

其實我地成家人都好喜歡來食野的，因為款式多價錢抵，加上比左一杯野飲錢就可以任飲呢一點真係好吸引的，但可惜越食份量就越少，感覺越來越求奇囉。每次一order 完食物，基本上都好快速咁上菜，但每次來排隊都係浪費好多時間。今次家人又係order 呢幾樣心水食物。墨汁海鮮飯~越來越少海鮮，只係得個汁好味 ，炸蝦超普通唔好食。家人必叫的香蒜包配粟米湯，麵包焗得好香口，忍唔住叫多一客。而辣味雞翼就依舊好味好辣 ，魷魚相比以前真係細了很多。羊架，燒得剛好，但多肥肉。芝士pizza好多芝士，墨汁意粉都係咁好食最後肉醬多利亞 都好味。

每次唔知食咩好嘅時候，都會諗到去呢度，原因好簡單，因為款式較多，而且價錢又大眾化，坐得都舒服，所以今晚又來左啦首先周打魚海鮮湯，濃郁的忌廉味，配埋蒜蓉包食十分好味，湯入邊仲有啲海鮮粒粒。蒜蓉包係我每次嚟到都要嗌嘅，全部塗滿蒜蓉醬加埋烘到脆面既包包，正啊之後仲帶咗四隻辣味雞翼。我哋今次帶咗一個鐵板魚，之前從未試過，估唔到熱辣辣嘅鐵板青魚加芝士又幾好味喎另外呢個鹽燒蜆都幾好食呀，無沙，每一隻都有肉，而且都算鮮甜，呢個質素好好㗎啦

今日同朋友去開宜家家居行街，行完後想食西餐，就選擇左附近中染大廈既薩莉亞意式餐廳，這間餐廳特點就是比出面價錢平，而且分量好足，十分抵食辣味雞翼(4隻)用左烤焗關係，保留左肉汁香味煙肉菠蘿配辣腸雙享薄餅這款雙享薄餅，可以一次過食到2種唔同口味，菠蘿多汁，清甜，煙肉香口，餅底香脆甜蝦粗管麵出面比較少食到粗管麵，像長通粉一樣，蝦好彈牙，加上芝士有拉絲感覺，配搭很好天使蛋糕脆餅配上冰凍的雪糕，加上碎朱古力，咬落去有一冷一熱感覺，層次感分明

今日夜晚有野做，所以係公司食d野打底，番到荃灣西IKEA 果個廣場，930，難得呢個時間，梗係要去食下薩莉亞，窮人恩物。之前食個一間，衛生環境勁差，有昆蟲都夠膽，搞度對呢間野吾會有太高嘅expectation，不過，好彩呢間係商場，係乾淨好多。價錢都以往一樣，都係平，平同平。真心吾明點解做到甘平都頂到甘耐。嗌左辣味雞翼，黑椒炒蜆，夏威夷風光pizza, 同肉醬闊通粉，兩個人，四碟野都食吾哂，埋單一百有找，抵到震！！

白汁菠菜是沒有飯的，我大概9pm去食，菜還是冷的，感覺上是沒弄熱好，有點失望但肚餓就算了，但味道還可以。焗蛋還可以，但一個不會夠飽的!!薯是薯角，有點栗米。。。

接完放學，人又攰唔想買餸煮飯，但又要趕返屋企同小朋友溫考試， 毫不懷疑 就腳就去咗附近商場"薩莉亞"食意粉，今日係平日所以唔使等位，一坐低每人叫一碟意粉(咁平，唔使諗自行選擇啦😂)，加8隻雞翼，唔知點解今次好細碟，我地4個人食完各自一碟要再叫多兩碟! 雖然份量唔夠但係味道其實都唔差20幾30蚊店有咁嘅水準已經抵返晒!!

上星期同朋友行完宜家家私，可能過左dinner時間，見到薩利亞無咩人排去，就去食。開左咁多年，重修之後就未去過，野食價錢都加左，正常既，食物質素就真係麻麻地，落左單後等左好耐都未有野食，carbonara黎到都凍左，蛋黃仲要一舊舊而無味，都叫做有點失望。雞翼水平就正常，黎得呢種餐廳都係唔好期望獨高，醫肚就算了。

太耐無食薩利亞！真係窮人恩物！！！🤤又好食又大碟又夠平真係好癲～琴日喺唔知食咩好之際就見到薩利亞個牌 然後即刻就話要去食！入到去見到個lunch menu呆咗 因為真係好平😭可能係出面啲嘢食太貴😭飲杯珍珠奶茶都廿幾三十蚊！但喺呢到已經可以有碟意粉食..本身想叫返平時食開嘅墨魚汁意粉，但係又心思思想食下黑松露！結果都無令我失望～😆依舊好味份量多另外必點蜆肉同埋中華海草🤤 平時嘅我一定會叫埋甜蝦沙律🥗但費是食唔晒放棄咗結論係 只要一日仲有薩利亞 我都會keep住去食

上次想黎食見到無開,要維修定裝修今日經過見唔係好多人等.咁就攞張飛黎等下啦好彩又唔駛等好耐就有位但位方面,張櫈就真係唔係咁好坐喇地方都仲算乾淨既但自助飲品區就熱飲杯都無晒囉,人手不足就算落完單,都無覆單咁就走左去最終就真係有漏單既情況出現啦~~每次黎到都必定叫雞翼,辣既,但唔係太辣,同埋雞翼都比較細隻,同埋唔夠熱囉PIZZA,個邊好硬意粉彈牙,份量唔細,幾好

好耐冇食薩莉亞，有日屋企人想食就一齊去左荃灣食。有d食物既質素比我以前食戈陣就差左少少，不過羊架依然都係一流既，夠熱夠香口。但係自己就覺得尼間店既服務都差左，叫野食戈陣禁既鐘，係叫左第一次之後，戈個waiter一直冇幫我地reset，搞到以為個鐘壞左，禁極都冇人黎serve。同經理講聲又黑我地面......

尋日(2019年1月5日)特登搭車出去買外賣,叫咗四嘢嘢食: 1)肉醬多莉亞, 2)蕃茄海鮮意粉, 3)水牛芝士pizza同埋4)辣味雞翼啦點知返到屋企打開啲食物。。。嘩。。。首先已經俾肉醬多莉亞個賣相嚇親。。。之後到蕃茄海鮮意粉, 賣相ok, 不過超淡口,冇落調味辣味雞翼未焗夠火候, 未入味水牛芝士pizza,賣相ok, 不過不失結果所有嘢要自己重新再焗過意粉冇味要自己加工先入得口雞翼焗完就入晒味pizza脆番晒而肉醬多莉亞根本冇得救。。。完全見唔到肉醬。。。。驟眼睇以為芝士湯飯。。。差

以前食得就覺得好食但係而家真係差咗好多囉。。。。以前覺得薩利亞係超好食㗎。。。但經過今次之後以後都唔好想再去囉。。。我最鍾意食嘅菠菜同雞翼 今次都令我好失望呀。。。個菠菜呢係好似好核突咁， 連啲調味都未撈勻呀又一啖菜係喊到飛起呀。 雞翼就冇曬味喇得返啲辣味。。。焗薄餅呢硬度呢好似有落地就會裂開咁。。。嗰塊薄餅嗰塊底硬到我係真係一啲都唔想再咬落去今次真係超級失望呀！！！！