三不賣野葛菜水

Open Now

Now Closed

我個人非常喜歡飲野葛菜水，邊度有我就會飲返碗，因為野葛菜水對於我呢d成日夜訓，又食熱氣嘢的人士，有很好嘅清熱潤肺降火作用。👍本來我係灣仔葉香留嘅忠實粉絲，不過唔係成日都過灣仔嘅關係，冇得成日飲，點知嗰日比我響油麻地搵到呢間三不賣，真係飲完一秒變忠粉！點解個名叫三不賣咁特別?睇返介紹原來佢係非常有原則就係：材料不足不賣，火候不够不賣和地方不乾淨不賣！見到佢係舊式老店， 仍然堅持三大原則真係好難得！佢一碗賣11一蚊，味道係我飲過咁多間野葛菜水中最濃嘅👍👍，佢當中除咗野葛菜，應該加咗羅漢果，蜜棗，龍利葉，有啲似菜乾湯嘅味，我覺得幾好飲！不溫不火，如果想去火仲可以加啲鹽，飲落去好舒服😌重點係幾有效，飲完之後覺得眼冇咁澀，同埋冇咁上火！👍正😍😝😝😝仲要好近我家，以後我可以得閒去飲返碗先!______________________________店名：三不賣野葛菜水 環境🏝：6/10服務💁🏼‍♀️：6/10 價錢💰：8/10食物質素🍝：8.5/10 整體🙆🏻‍♂️：7.5/10 地址:旺角花園街18號華園閣地下#吃貨玩樂在油麻地#吃貨玩樂#三不賣

夏日炎炎，經過三不賣野葛菜水。由於口腔內耐生了飛滋，希望透過喝涼茶來舒緩一下痛症。點了碗暖野葛菜水。客人可因應個人喜好添加鹽。入口後感覺飛滋得到明顯的舒緩，十分有效

三不賣，賣的時野葛菜水，他們的理念係不夠材料不賣、不夠火候不賣、地方不夠乾淨不賣係，所以改名為三不賣佢的店只賣一種涼茶，但佢地能夠係中環和旺角都生存到，就證明佢地係幾禁勁啦不過個人推介要落多啲鹽，因為一落鹽就會產生出微妙的變化，頓時將一支涼菜變成一支湯，而係十分美味的，有機會大家行過就去試下試，真係一支非一般的涼茶（湯）野葛菜水$29

三不賣 其實我之前見到個名都諗緊 點解會咁叫既呢？唔通係亂改引人註意？原來係有意思既 火候不夠不賣 材料不足不賣 地方不乾淨不賣獨沽一味 就係港式涼茶因為佢不熱不寒 我先敢飲佢 野葛菜水 佢入面有好多材料 好似羅漢果 蜜棗 龍利葉呀咁 都係可以去濕滋潤 下火活肝等對於成日要應酬或者加班既香港人 絕對係有益無害既 當然唔好話飲咁密啦始終咩好野 成日吸收太多都唔一定好10蚊碗 幾年黎都無乜加價 用心制作 如果可以飲時加少少鹽 仲可以帶出佢多啲甜味竟然有唔同層次 重要係鹽可以下火去濕架

說起來，光顧灣仔的三不賣都超過20年，從毫不喜愛，到今天每次經過都來一碗，變化真大。而旺角的分店出現初期，總是覺得味道較淡，比不上老店的濃郁。曾經問過店主，但店主說不論用料、份量及熬煮的時間都是一樣，或者是心想作用吧。由$6飲到$10，味道始終如一，入口一陣甘甜，葛菜、羅漢果及甘草的香氣直透入心，在喉乾舌燥的日子，就更加想來一碗，如果嫌味道單調，亦可下少許鹽巴來吊味，包保閣下清心潤肺。

每次到旺角嘅指定動作就係黎呢度買野葛菜水，由佢 $17 一支買到而家 $27 一支。加咗鹽佢飲落似滾菜湯，平時唔飲涼茶嘅老公都肯飲。佢唔算太涼，我飲咗唔會見頭暈，真心推介。

香港人湯水小之又小,天時暑熱,飲開老店味道,即管入去試試.野葛菜水:清香味重似菜乾味,羅漢果味欠奉,味道與老店比淡好多,溝水太多,真令人失望.還是覺得老店好!

平時放工有時會係灣仔飲下野葛菜水,次次去都係人山人海,次次去都覺得佢保持到水準假期路過旺角,搵緊野食的時間見到三不賣開左間分店係旺角,所以即刻試下雖然格局同灣仔總店類似,價錢同灣仔一樣,不過人流明顯較灣仔少,唔知係咪無咁就腳呢?然而,味道一樣同灣仔總店一樣咁好飲. 由於人流較少,可以舒舒服服地慢慢飲,值得推介!

兒時在銅鑼灣區長大, 家人偶爾也會帶我到灣仔國泰戲院看電影, 亦會刻意帶我到三不賣喝一碗野葛菜水。還記得第一次喝這碗東西的感覺, 不甜又不鹹, 味道怪怪的, 喝了一口便皺起眉頭來, 還即時退還及家人。長大後, 不知何時開始愛上了跟夏枯草為伴, 有友人得知後, 竟大力推介野葛菜水這個以前令我有不太好印象的飲品。後來將兩者作了一些比較和研究, 看來友人對了 (或是我我已對夏枯草出現了抗體?), 野葛菜水似乎對下火﹑清熱﹑解毒﹑預防痱滋等症狀甚有功效, 加上這家「老字號」一直以來只賣野葛菜水一味, 卻數十年來屹立不倒, 人流亦有增無減, 令我相信這家「三不賣」應該有其看家本領, 奈何卻只有灣仔這一家店, 直到數年前才在尖沙咀開設分店, 對搬了到旺角/何文田區居住的我來說, 實在很難與野葛菜水建立一個穩定的關係。期間當然有一些如二不賣﹑冇骨氣等混水摸魚的品牌出現過, 但比較過便知龍與鳳, 於是, 夏枯草仍然是我的最愛。直到 2011 年 (對, 要以年來計算啊!), 途經旺角好景一帶, 竟然給我發現了這個熟悉的舖面格局, 再細心看看和研究一下, 便確認這裡是真正的三不賣分店, 實在值得高興。位