三多麵食

Open Now

Now Closed

周圍都有得食雲吞麵 但係呢一間喺中環嘅三多麵食嘅菜肉雲吞就真係超級抵食！每一隻雲吞都勁大粒 皮薄到見到餡咁 入面包住勁多肉有菜 味道都唔錯 就算唔食麵 就咁食幾粒雲吞都已經夠飽😂

好耐都冇食，今日返中環，心血來潮想食雲吞，食完晏專登行十五分鐘去三多，最終買咗一打菜肉鮮蝦雲吞mix，再買埋啲生面同菜心，係有啲貴但真係值回票價！放工拿拿淋返去出水煮面

行過路過中環唔好錯過 三多麵食😋啲料多過麵 厚切豬潤 超大粒雲吞 配料出色 不過湯底就冇乜味 所以嚟到三多都係食餸為主如果你叫豬潤嘅話 碗麵會跟蔥薑額外仲會比一碗辣椒豉油你 我會將啲蔥薑放落碗豉油 再同啲豬潤一齊食 正😋另外推介鯪魚球 又係大大粒唔腥仲有果皮味完。#飲食係一種享受唔淨係為左生存#無論平定貴都一定要花費得明明白白#eat_withbina #eat_noodle_withbina#eat_中環_withbina

🦢鮮鵝腸拼菜肉雲吞河 $56（4.5/5）雲吞真係超大粒‼️粒粒都皮薄餡靚，白菜&豬肉好鮮甜，比例均勻，調味都啱啱好😋💯每一啖都食到有餡，好滿足🥰 必食❗️鵝腸食落爽口而且唔會有好多肥膏，處理得好乾淨😼 嗌鵝腸會配個辣鼓油，雖然唔係好辣，但點落去食會鮮味啲！不過略嫌個清湯淡左少少🤏🏼加啲辣椒油會再香啲好食啲✨Btw, 聽講佢啲豬潤都好好食，下次去開中環一定會encore食多次個雲吞同埋試埋個豬潤麵!! 🤤

中環粉麵店🍜好受上班族歡迎 次次lunch time都要排一陣隊 價位喺粉麵舖嚟講偏高少少🤏🏻但喺中環嚟講價錢又算親民😂食物質素係好嘅～🔸鮮鵝腸拼菜肉雲吞河 $56好少見有鵝腸嘅粉麵店😆好鍾意鵝腸爽脆嘅口感 配甜甜哋嘅辣椒豉油 味道啱啱好！馳名嘅菜肉雲吞大大粒 啖啖肉😙湯底偏清淡 好在個辣椒油都ok香～．🔸墨丸撈米 $52墨丸大粒彈牙 粉感唔重 食到墨魚粒粒🦑．🔸酥炸魚皮 $30又薄又脆 唔會太鹹 就咁食/浸湯都好食！

🇭🇰三多麵食·呢間我男朋友講過幾次好好味架啦 難得個日我去中環搵佢食lunch就終於有機會食佢😎😎·菜肉雲吞麵 l 墨丸麵 $42佢個菜肉雲吞真係超級大粒 大粒到好似網球咁超誇張 食落好滿足😍佢個皮都幾薄 而且佢個肉餡調味唔錯 食落好有口感 就咁食4粒其實都已經飽飽地🤣之後佢個墨丸都唔錯 墨魚味好香 唔會淨係得粉🦑不過我自己就覺得佢個湯底一般般 就算落左辣椒油個米粉食落都無咩味 可能嗌翻生麵會好啲🤭🤭😂·#rbyeat#rby港式#rby中環·📍中環砵典乍街30號地下(石板街)

三多已經開左好多年 依然屹立不倒 咁當然有佢嘅優勝之處 成日lunch都忍唔住去食 鵝腸,牛百葉 鯪魚球 水餃都係必試必食嘅輕輕介紹幾樣 首先講講牛肉,牛肉純粹係個人喜好 特別喜歡食牛 呢度嘅牛肉係勁滑勁嫩❤️鯪魚球 好大粒 大過乒乓波 好有鯪魚味 但唔會腥 因為每啖都有少少陳皮嘅香味水餃 好似拳頭👊🏻咁大 食兩個已經好飽 但非常足料 有蝦有竹筍 好爽口 鵝腸 超級爽口 🤤🤤總嘅黎講 每樣都好足料好大件 仲要好味 性價比都幾高嘅麵檔 值得推介

每次去開中環仲係忍唔住嚟三多嘆番碗豬膶雲吞米，加腩汁，多薑蔥🤩因為佢哋嘅薑蔥都係每日新鮮切，配埋豬膶同埋佢哋秘製嘅辣椒豉油，係特別鮮味！香港雖然有好多地方都有豬膶麵食，但係試過咁多間，我覺得中環三多嘅豬膶真係冇得輸！爽口、鮮甜、大大件、厚切！係食得出嘅新鮮嫩滑😍再加上佢哋招牌嘅鮮蝦雲吞好似乒乓波咁大粒!裏面充滿咗彈牙嘅鮮蝦肉同豬肉！介紹過咁多朋友去每個都食過返尋味，十分之推薦呀！

三多麵食屹立於龍爭虎鬥嘅中環都有一段長時間，而且每逢中午lunch time 都有好多人排隊，就足以證明呢間賣粉麵嘅餐廳咁多年嚟都keep到個水準👍🏻豬膶鵝腸米粉($53)：豬膶新鮮，口感外脆内軟，食落仲有一絲絲嘅酒香甜味添🤤最特別係佢冇一般豬膶嘅臊味。呢度啲鵝腸同樣爽口，而且仲唔係太肥，所以對健康來講應該唔會有太大問題😂鵝腸菜肉雲吞米粉($53)：上面講咗鵝腸，呢度就唔再講啦。菜肉雲吞味道唔錯，足料，大過粒乒乓波😂蜆介鯪魚球($44)：熱辣辣，食落有陳皮香，而且鯪魚肉無乜細骨，加少少蜆介更可以提鮮，冬天食一流👍🏻白灼豬膶($90)：如果上面個豬膶叫好正嘅話，咁呢個白灼豬膶可以話係完美！自問除咗生記嘅豬膶外，我哋都未見過有成寸厚豬膶，而且仲咁爽口，一啲都唔老！

中環依間三多麵食逢lunch Time 都必定大排長龍，但又咁講，佢地清枱都相當快，適合我依啲快食人士😌 咁多年屹立不倒當然係味道好，雖然是一碗粉麵，但個湯底和餸料就係靈魂😍😍🔹鵝腸菜肉雲吞麵 $53 出名鵝腸係爽脆，沒有內臟味，好正，而菜肉雲吞就大大粒，好足料，所以很多人點❤️❤️🔹冬菇菜肉雲吞河 $49 除了菜肉雲吞必點，冬菇也不是不錯選擇，冬菇大大隻，好入味亦帶甜味，好淋好厚肉，真心好正，其實湯底都帶冬菇湯味，所以非常襯😋😋😋

窮遊香港-中環傳統雲吞老麵店 呢間係中環區都幾出名 又講下平民嘢食 簡單記錄一下啦.⭐️菜肉雲吞米$39望圖可能覺得碗麵 細細碗似細蓉😱但其實 雲吞好似乒乓波咁大粒 👍🏻飽滿👍🏻4粒已經放滿左個碗面👌🏻湯底 清湯 加左腩汁.除此之外 ⭐️豬潤米$43 都好多人鍾意👍🏻豬潤厚切大塊 係暫時食過最爽滑 高排名嘅.整體食物高質 環境普通老店feel 絕對係中環返工人士嘅糧尾欣物. #三多麵食 (中環)地址：中環砵典乍街30號地下(石板街).⭐️評分：味道：4.5/5 真心高分環境：3/5服務：3/5抵食：4/5

雲吞係ok既，足料，但d麵真係苦到呀媽都唔認得，應該係鹼水太勁，以為一次係咁，點知第二次食都係，咁應該真係本身個味就係苦的，應該都唔會再食佢d鹼水麵，食河粉或者會好d

從小到大都是鳳城水餃的忠實愛好者，經過不同的麵店，總會叫一碗來試一下，比較比較。現在百物騰貴，很多麵店的水餃都已經偷工減料，越買越細隻不止，一碗淨水餃上桌，隨時得三、四隻，吃來吃去，總覺得不夠過癮。十年前已在萬宜大廈上班，一星期總要光顧三多一兩次，如果沒在附近工作，剛巧今天經過，進去點一碗淨水餃，水準如一，十分難得。雖然一碗得四隻，但水餃足料，保持水準，十年如一。當然價錢跟10年前相比，不知貴了多少 😆下一次打邊爐的時候，要過來買一打生水餃回家再吃！

黎到中環, 想食個輕食, 三多幫倒你. 堂食要等齊人先可以入座既, 不過店員好好, 見出面天口熱, 知道同伴就快到, 都比你入去坐先, 真窩心.三多最出名就係豬潤, 不過只係我食過第二好食既, 咁當然都唔差啦.凡叫豬潤, 都會附帶碟醬油, 因為豬潤係無乜味既, 有少許豬潤味, 而唔會好似一般豬潤咁重味或者腥味. 厚切得黎又爽口, 但外表就有少少韌, 再加上薑蔥辟腥味, 不過我就唔太喜歡咬到薑絲喇. 雲吞都係好多蝦, 爽口彈牙, 仲偏大粒添, 係抵食既.同伴叫左碗淨水餃, 交換左一粒, 雖然冇雲吞咁好味, 但都好爽口, 入面仲有筍絲增加口感, 皮亦好薄, 收口條邊唔會有多餘既粉皮.

今次同我媽媽喺中環食lunch呢間係我媽媽極力推薦嘅因為佢知道我鍾意食鵝腸而呢間嘅鵝腸係非常之出色鵝腸柏葉河 $51其實呢個價錢唔係平㗎不過食完都覺得值得首先鵝腸嘅份量好多而且入邊唔會有肥膏有啲餐廳嘅鵝腸會食到成口油嘅呢度絕對唔會，仲唔會有臭味添瘦得黎，有鵝腸嘅甘香推介大家點埋佢嘅辣椒豉油鵝腸嘅油香味更加出而鮮柏葉係冇經染色，感覺比白色嘅牛柏葉更加天然食落爽口，真係食到索索聲架媽媽俾咗一個水餃我試水餃嘅size好大粒，脹卜卜入邊亦都非常足料，仲有水餃之選，木耳不過嗰度嘅小食炸雲吞就麻麻哋俾我就會慳返嗰舊錢來做三拼我自己就唔食豬潤嘅不過呢度嘅豬潤亦都非常出名，大家嚟到可以試吓