札幌拉麵 Miso No.1 x 辛味屋

Open Now

Now Closed

💁🏻‍♀️💁🏻💁🏻‍♂️💁🏿‍♀️💁🏿💁🏿‍♂️札幌拉麵 Miso No.1 x 辛味屋#鑽石山荷里活廣場午市套餐 $691 白豚拉面 不得了 同我響屋企煮既面有得比 傳說中家的感覺2 炸豆腐更加不得了 豆腐係滑身既 但個皮好快軟曬 可能抱住太大期望想食到好野 同埋覺得拉面應該點差都唔會差得去邊點知今餐令我大開眼介 佢成功將拉麵去到另一個層次 係下降到另一個層次 食完傷心左一日 難受3 可樂跟餐 +$8Encore?不了 謝謝

之前同家姐嚟食lunch，佢話好味又唔係好貴，仲話要帶姐嚟試吓。今次趁公眾假期，約咗家姐、姐夫帶埋個小朋友過嚟食。中午嚟到已經幾乎滿座。我叫咗每次必食嘅親子丼午市套餐，飯唔太濕、味道又唔會太甜。家姐食翻上次嗰個牛肉丼午市套餐，佢成碗飯食晒，好明顯係好味。😋姐夫叫咗鯖魚定食，其實姐夫怕魚腥，但對呢度啲鯖魚就讃口不絕，佢話啲魚新鮮肉厚，仲話下次再嚟試其他嘢食。👍🏼小朋友點咗吉列蝦同日式餃子，佢一個人食晒三隻蝦😂，六隻餃子，佢食咗三隻。呢度啲食物質素不錯，價錢又唔係太貴。不過荷里活廣場呢間就好多時都要等位。

漢堡扒奄列咖哩飯 （配粟米蛋及味噌湯）🤌🏻蛋包飯咖哩份量夠多，不過佢呢種咖喱味道喺偏甜，所以如果鍾意食辣嘅話就未必啱胃口，但我個人就覺得幾好👍🏻而蛋包方面比較薄身，唔似一般平時食充滿蛋漿蛋汁，漢堡扒雖然份量偏小但味道不錯，唔會好靭，用嚟送飯一流😎前菜就配有蛋同粟米，不過味噌湯比較重味，個人覺得偏咸，大型商場價錢正常，環境幾舒服，而且除咗蛋包飯之外仲有好多唔同拉麵選擇，下次可以試其他🤣🚩 札幌拉麵 Miso No.1 x 辛味屋 (鑽石山)鑽石山龍蟠街3號荷里活廣場3樓325號舖#addifoodie #addifoodie鑽石山#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

途經鑽石山轉車，就順便去荷里活廣場食個午飯先。餐廳裝修是以日式木系為主題，簡潔光猛。餐廳有好多野食選擇，如拉麵、定食、咖哩蛋包飯等於一身。我地好快叫咗照燒雞扒丼同燒雞扒咖哩飯。雞好嫩滑，啖啖肉，而咖哩味十分濃郁唔會好淡，份量都算OK。係商場裡面，用50幾蚊食到個日式午餐，真係抵食，唔怪得咁多人幫襯。

之前係將軍澳食過呢一間拉麵店 每次經過荷里活廣場 見到餐牌上面有好多唔同嘅SET都會好想試下🥣除咗拉麵之外 仲有日式炸物嘅飯SET同埋咖哩飯套餐🙂 平均都係60至70蚊左右 價錢都算幾吸引😆今次我叫咗個普通嘅叉燒拉麵 加炸豆腐小食 拉麵係比較幼身嘅面質 食落冇咩特別 湯底亦都冇無咩特別 不過叉燒真係比較差 咬落有根同埋好硬好鞋🙁⁉️ 至於炸豆腐 係好食嘅 內脆外軟整體感覺 就係座位比較舒服 食物普普通通 但價位算係咁以荷里活廣場黎講🤫

星期六大半日時間都八號風球🌬️， 一轉三號風球就到札幌拉麵 Miso No.1 x 辛味屋晚餐，位於鑽石山龍蟠街3號荷里活廣場3樓325號舖。自選一人套餐兩份$178 ～ 牛肉丼、 白豚拉麵、 自家製餃子和薯仔沙律。 ▫️牛肉丼🍛 ～ 牛肉丼味道普通， 牛肉偏硬。 ▫️白豚拉麵🍜 ～ 湯底味道好淡， 豚肉口感硬身， 整體味道一般。 ▫️自家製餃子🥟 ～ 餃子味道正常。 ▫️薯仔沙律🥔🥗 ～ 薯仔沙律酸酸地，都幾開胃。 整體味道好一般， 勝在價錢親民。

中午時分，商場都會有人龍，所以今日索性早去，一開門就入到去午餐餐牌好多選擇，有拉麵，有定食，有咖喱系列我選好了白豚拉麵白豚拉麵，湯底奶白色，好香既豬骨湯底，嗅到好香豬骨香，濃濃既湯底，入口好鮮好甜，不會有油既感覺麵條比平時吃的幼一點，也會入口更滑嫩，有豬骨湯底伴著，麵條入味，口感剛好，不會太硬又不會太軟，好恰當豚叉燒好鮮味，不會太乾，鮮嫩多汁，如果加隻溏心蛋，不過木耳絲已經好入味，味道十足，食完唔夠喉，還有小食加埋，份量十足

麵豉湯偏鹹，飯亦唔係珍珠米，不過以下午茶餐黎講分量唔算小，豬扒都大大塊，加上價錢合理，餐廳裝修以簡約木系風格為主，座位寬敞又舒適，都唔好要求咁多勒柚子蜜都好足料，不過就甜左D但奶茶反而一D甜味都冇，鐘意走甜既人一定歡喜Curry 帶甜冇辣味，而且好似溝左好多水，好稀！係好一般既咖喱汁，味覺冇咩衝擊，不過雞件煎到好香口，浸住個咖哩汁都感覺到佢外皮脆卜卜Cut 開舊豆腐，裡面熱辣辣，應該係岩岩炸起，特別好食

假日出黎睇梳化就順便出外午餐鑽石山餐廳都好多人排隊揀左間人少少吾洗等太耐的3個人叫左2個set一個小吃海老拉麵+自家製餃子拉麵湯底有點咸餃子媽媽覺得太多肉我講笑話無計依家買菜貴過肉饅魚丼燒饅魚汁吾夠饅魚吾夠熱飯又吾係日本餐廳做個種黏性強的飯麵豉湯太咸明係將貨就價燒牛舌太薄身燒到乾晒

今日來到鑽石山食呢間連鎖式拉麵店，等左5-10分鐘就有得入座了！餐牌除左拉麵還有咖哩飯、日式小食等等。仲有自選一人套餐/二人套餐，一個價錢可以試多幾款嘢食！最後揀左自選二人套餐！包兩款主食加三款小食！吉列豬排奄列咖哩飯我們點了吉列豬排奄列咖哩飯，份量多多！咖哩微辣，吉列豬排炸得香脆可口，蛋包飯，蛋好滑溜。招牌牛油拉麵另外點了呢個招牌牛油拉麵，牛油味浸落拉麵湯底好入味，麵條係幼身曲麵，配上薄切叉燒片。自家製餃子煎餃子皮薄餡靚，餡料入面包著椰菜豬肉，十分足料。燒雞翼及雞軟骨鹽燒雞翼和雞軟骨好味！一次過試曬兩款，鍾意串燒既朋友仔必點！北海道南瓜薯餅最後一款小食點了北海道南瓜薯餅，外脆內軟，好鍾意入面超甜超綿滑南瓜蓉，外層炸物咬下去嗦嗦聲，十分推薦。下次黎呢間食建議一定要點二人套餐，價錢相宜又試到咁多款食物。

響鑽石山睇完戲..想食下日本野..咁岩經過呢度見到有拉麵又有咖喱飯等..仲見到有個二人套餐食..咁就二話不說入去試下先😋自選二人套餐 HKD$228可以選擇2款拉麵/飯 再加3款小食小食種類選擇仲好多..好多款都好想食😂小食 - 炒魷魚鬚用牛油炒..夠哂香..但味道有小小偏咸.自家製餃子雖然係跟餐嘅小食..但係數量都非常多..竟然係有六隻餡料有韭菜連埋豬肉..煎得香脆食落唔油..燒雞軟骨及雞翼串燒得香脆…而且調味啱啱好。加埋小小檸檬吊味..正👍🏽吉列豬扒奄列咖哩飯 🐖 日式咖哩帶甘甜…好好送飯。豬扒Size好大塊..炸得香脆👍🏽炸雞塊奄列咖喱飯🍛大大塊厚切炸雞..有成3塊咁多..外脆內軟..有肉汁Juicy👍🏽二人餐連埋3個小食絕對夠哂飽

荷里活廣場搵到呢間餐廳，起碼唔駛等好耐位就入到去。食辛味屋嘅飯，咖喱漢堡扒蛋包飯。好食程度不似預期，漢堡扒冇乜咬口，好冧，同出面啲手打牛肉漢堡扒有啲差距，不過哩個價錢尚算可以接受。麵豉湯好鹹。

前幾日約左一位住鑽石山嘅朋友食飯，佢呢排要溫習考試，比較忙碌，所以我地就喺佢屋企附近食個quick lunch。佢帶左我黎呢間日本餐廳，啲lunch set價錢都真係幾抵。豬肉丼$55係定食黎嘅，所以會有埋一啲前菜同埋湯。豬肉片嘅份量都幾多，配埋鹹鹹地甜甜地嘅汁，同埋洋蔥，撈埋啲珍珠米一齊食都唔錯，幾惹味。親子丼(滑蛋雞肉飯) $55呢個係朋友食嘅，滑蛋滿佈喺白飯上面，雞肉就鋪喺滑蛋上面，仲有一啲紫菜絲同埋洋蔥咁，都幾吸引。朋友就話佢呢款相對我嗰碗會比較清淡少少。炒魷魚鬚$45魷魚幾爽口彈牙，味道唔會太鹹，有種住家菜嘅感覺。份量幾多，$45黎講都幾抵食。可口可樂zero $8熱柚子蜜$5

「荷里活廣場」三樓裡面的日本菜餐廳「札幌Miso No.1 & 辛味屋」屬於我由五年前，就已經開始光顧享用晚餐的食店。不過我當時的我口味還未偏好「牛腩飯」，所以我即使對食店的薄切牛肉「咖喱牛肉飯」一樣受落。我對「札幌Niso No.1 & 辛味屋」裡面，味道有點鹹的「北海道」「札幌」風格「味噌牛油拉麵」不算非常喜歡，所以享用了一次「味噌牛油拉麵」之後，就沒有再選擇享用了。今次我再次光顧「札幌Miso No.1 & 辛味屋」，抱着享用晚餐裡面的「雞肉飯」食品，但是我之前曾經在「札幌Miso No.1 & 辛味屋」享用過「親子蓋飯」和「咖喱雞扒飯」，所以我改為享用其他「雞肉飯」食品。今次我選擇享用「照燒雞扒丼套餐」，包括一碗日式丼飯食品「照燒雞扒丼」，一碗「味噌湯」、餐前小食「滷水蛋」、「牛油粟米」，還有罐裝汽水。始料不及現在餐廳餐前小食，由「馬鈴薯蓉」變成了「滷水蛋」。「滷水蛋」的口感稍嫌有點硬有點乾，味道也偏淡，所以我對「滷水蛋」的整體觀感只是一般而已。至於「牛油粟米」味道算是很甜，還有甜味「牛油」汁留在碟底浸着「粟米」粒，令「粟米」變得兼備爽脆口感跟甜味。至於「照燒雞扒丼」本身的甜味

鑽石山荷里活廣場呢間餐廳，午餐時段，座無虛席，一睇就知道受歡迎👏🏻睇嚟個個都係識途老馬，一於就揀呢間😎餐牌印製美輪美奐，選擇頗多，而且價錢經濟實惠，唔怪得咁多人幫襯😊我都馬上Order返個午市拉麵🍜套餐！呢個白豚拉麵🍜，湯底好正，新鮮淆製，豚肉夠味又夠淋，正👍🏻而且麵底都唔錯，掛湯效果完美，好味又健康，食完都唔會口渴😋蟹肉棒拉麵，賣相又靚又好味😋，我最鍾意食佢個蟹棒，流心蛋又夠香🥰配埋其他小食，仲有飲品，買單都唔使二百元，招呼又好，上菜速度又快，咁嘅價錢，真係超值👍🏻