滿粥 (Closed)

話說有日經過荃灣，見到間新既粥鋪，小弟最鐘意就係食粥，緊係要入去試一試啦，叫左碗豬潤粥，蝦腸同炒米粉先講講碗粥，粥底香厚，滑滑綿綿，最鐘意就係食呢種粥，個人覺得拍得住港島某間米之蓮推介既粥店！再講蝦腸，皮薄，唔似某連鎖粥店咁厚到阿媽都唔認得，至終d蝦，睇相就知，大大隻！好鮮甜，忍唔住問問老細，原來係用新鮮蝦，即叫即整，難怪咁好食！最後叫左個炒米粉，大大碟，炒得幾香，又唔會太油總結，食物質素高，食左咁多野賣單都唔洗$60，地方環境舒服企理，值得推介！

今天中午去荃灣辦事路經沙咀道見到新開的粥店, 然後選擇入去試試.  點了一碗鯪魚球粥和叉燒腸, 粥底夠滑和夠綿, 腸粉是即叫即拉, 好滑及厚度適中. 味道不錯, 是一個不錯選擇, 值得一試.

       小弟是第一次寫食評，請多多包涵。這間粥店已開業約一個月，不知何故此店直至本星期才開始在這裡出現 ，一見有此店資料便在此發表食評。      之前已兩度在此享受早餐，整體感覺不俗，今天早上帶有少許期望之下去光顧，結果沒有失望 。今天小弟點了魚片皮蛋粥及牛肉腸，第一次光顧當天小弟是吃魚片皮蛋粥，結果是比預期好，今天再吃同樣覺得美味，粥夠滑及夠綿，魚片及皮蛋的份量頗多，兩者都夠入味，加上蔥花、薑絲及芫茜，更覺出色 。牛肉腸也好味，腸粉厚度適中，不會容易散開，同樣值得一讚 。      此外，店員的服務態度頗佳，環境整潔，這兩方面小弟都滿意 。雖然價錢不算很便宜，但是物有所值的。