木糠甜品屋 (Closed)

同老公探完熊貓, 因為食唔到焦糖布甸, 令我總覺得欠缺了點什麼, 於是嚷著要去食甜品, 本想去灣仔食木糠蛋糕的, 點知經過呢間木糠甜品屋, 跓足望了一陣, 再經老公講我要去的那間店還要行好遠的一段路, 所以決定俾機會呢間甜品屋, 入去店內完全無人, 但坐底下, 陸續來了幾枱人, 坐低下叫了個原味的木糠布甸($22), 老公話頭先食到太飽巳食唔到, 那不勉強他了, 等了一陣木糖布甸就巳上枱, 店員巳好細心的切好六小件, 一個真係幾大, 放一件落口, 口感似食緊雪糕, 食了二件, 唔知係佢漏還是剛才食飽了, 好彩老公都俾面幫我食了二件, 其它的唯有自己食埋佢.如果特登去試就不用了, 經過食碗糖水或食件甜品還不錯的

試左呢度0既木糠布甸布甸上台時個樣 - 面頭d餅碎係爛0既...雖然甩模會出現呢個情況, 但澳門果d絕唔係咁賣相真係差左d !做甜品最基本係賣相吸引!味道一般, 同澳門仲有一段距離尤其木糠布甸咁易整老實講自己整都可以整到呢個水準!佢招牌係木糠, 唔應該只得呢個水準, 廿幾蚊咁0既貨仔真係貴囉~

平時木糠都係我家人消夜的選擇'今次同老公泥下午茶'可能時候尚早'成間店得我地2個'我例牌叫左雜果西米露+珍珠'都幾大碗但就貴過明記'唔知係咪偏心明記'硬係覺得佢D西米太熟'珍珠又少'而無涼粉不歡的老公就要左涼粉大菜糕'但因為有花奶我冇試'佢話好好'最後我地一致認同明記最好*

榴槤pancake-一長氣形,會cut開4份,入面榴槤勁大件朱古力香蕉pancake-個皮係朱古力(個味奇奇怪怪),入面有少少香蕉楊枝金露-一定要mix..如果唔係食到底會好椰汁雜果涼粉-涼粉好大粒,生果有好多芒果

朱古力木糠-個testure好好,應硬的硬,應軟的軟!好creamy.d餅層亦好出色,但係無咩朱古力味榴槤木糠-as above,但係呢個有榴槤味!

幫襯過：一次去食：木糠布甸(原味/朱古力)服務態度：一般環境：幾好坐，但煩忙時間可能要等，因為都係只得十張table（因為我係夜晚九時去）。上菜速度：即叫即來份量：差不多同一個mc donald飽咁大同厚，唔係好大餅，以約$20 的價錢來講稍貴食物質素：首先，木糠布甸並不是布甸或餅，其實係類似雪糕餅，但用忌廉做。試過澳門沙度娜的木糠布甸，兩者覺得差不多，差在你偏向喜歡少/重忌廉味。原味必推薦，朱古力都唔錯，好似食重忌廉味的cookies 'n cream 雪糕。

尋晚我地一行四人0係銅鑼灣諗緊去邊度食甜品, 突然醒起成日行過呢間鋪都見到人食木糠布甸, 就一心去試下啦. 我地叫咗香蕉朱古力班戟, 朱古力士多啤梨糯米滋同原味木糠布甸. Comment: 一個字, 差!!!香蕉朱古力班戟: 完全唔係想像中0既樣, 又冇朱古力味, 又雪到硬晒朱古力士多啤梨糯米滋: 朱古力糯米包住半粒士多啤梨, 唔講以為雪凍0左d 玩完chocolate fountain 0既士多啤梨tim原味木糠布甸: 同澳門0個d 差好好好遠, 完全唔係0個回事, 勁重奶油味而冇餅乾碎!! 如果有人食過澳門0個d 覺得好食跟住0黎幫襯以為差0多就一定大失所望我以後都唔會考慮再去呢間野食甜品

木糠布甸果然係好好味, 而且好廷身, 同出面食嘅好唔同, 仲叫左個薑汁味試吓, 啲布甸都有薑味, 唔係1個好嘅配搭, 原味係最好味!

一月廿日(星期日)同老公食完米線,行左陣都係決定試埋木糠布甸喇!因為太多野試喇,不過老公仔,唔係一定要食咁多,我只係講下ga ja~~其實同您食咩,都咁開心,就算唔好食,難食都好,有您o係身邊將所有既食物都變得好鮮味,好好食~~呢度都唔係咁就腳~~...o係富豪酒店後面!去到都唔多人!我地叫左:芝麻木糠布甸同埋朱古力木糠布甸!芝麻木糠布甸:都ok既不過唔似木糠布甸,似雪糕多d!!硬左d!而朱古力木糠布甸即oreo...呢個好食d,不過仍然似雪糕多d,唔似上次o係松記食o個仲布甸質地!同埋唔驚"續"親!!!!

周未，接近午夜時來到，店內還座無虛席，不過坐了一會，已經是包場咁滯。兩個招牌的木糠布甸，皆要原味。店員已交帶要「等一等」才好吃，已經等了好一陣，布甸還是十分之結實，幾花氣力也只是在面頭劃了一條痕。再等一等，可以挖來吃了，但還是如冰一樣的實。吃至中段，連膠杯也「練」爆了。布甸的味道是可以的，但吃東西就最怕要跟食物「搏鬥」，如果食物是好有特色，味道很好的話還可以，但一定不是木糠布甸。店方不能想出一個給客人易吃一點的方法嗎？不行的話，這個「喊面」也抵比吧！

話說我同我屋企人去銅鑼灣食甜品,到處都full晒,有D要等十幾張枱先到,於是再找找,最後就去咗呢間野食.佢客人唔多,有位唔使等,咁就入去食啦. (1)佢哋啲所謂特制甜品---木糠布甸, 我食唔出佢係布甸囉,如果叫雪糕都好啲, 有D俾人誤導嘅感覺, 再講, 佢啲味道的確麻麻, 我覺得好似食緊超市買果啲雪糕蛋糕咁...真係靠gimmick嘅野好食有限......(2)叫咗碗喳喳食, 好難食, 喳喳唔似喳喳, 好似好豆沙加加花奶再加幾粒大豆...味道一般,好似酒樓晚飯送啲糖水咁囉.唔底食....(3)叫咗個芝麻湯圓食,D薑真夠薑,辣到唔知想點, 我都係想食甜品啫,要食辣野我唔好去食四川菜....湯圓就一定唔係自制啦, 又係超市淘X點心貨色...最後就係我哋一家人都就食完時, 突然又叫我地坐迫啲,有客要搭枱...我心諗,要客人多等1-2分鐘, 比起8個人迫一張6人枱不是更好嗎? 奇怪的做生意態度....總括來說,我唔建議朋友去食囉, 除非喜歡試新野嘅人...(食物評分還食物評分, 我冇把服務態度計在內的...)

如果有食過澳門的某店的木槺布甸，你去到此店便不會有驚喜及興奮，因級數差太遠了。但環境不錯，可以坐好耐。服務態度不錯,有屋企FEEL。那天只食了木糠布甸及飲了杯甘露咩咩(唔記得咩名)。不過好大杯,好抵飲!樣樣好大份,可以SHARE食!咁樣食多D其他野。

地點果然真係好隠敝，搵咗好一陣子先搵到，問問店主有什麼好介紹，木糠便是怹們的甜品推介１）榴槤木糠布甸～不好榴槤的我嗅到都抗拒，好榴槤的朋友則叫好２）芝麻木糠布甸～好好味，真的沒介紹錯，凍食硬硬的像雪糕，溶了點有另一口感

今次來的目的只有一個, 就是這裏的木糠布甸! 因我想留肚食"宜家"熱狗, 所以只點了一個朱古力木糠布甸, 另加雞翼芝士腸叮麵(小二的).布甸份量比我預期的稍大. 食落質感似雪糕, 不像平時吃開般軟軟身的, 可以以叉叉起來咬, 有別於以匙去, 幾得意! 配搭朱古力(即oreo碎), 味道是不會差的.叮麵的雞翼幾好味, 滷水味香濃但不過咸, 麵亦沒有煮得過腍, 是正牌叮麵!雖然這裏推出了不少味道的布甸, 但又不至於讓我心思思的想翻吃. 反而想試的, 是這裏的晚餐, 睇鄰檯的小菜, 賣相不差, 更可配紅米飯, 價錢也只是廿二蚊呢~

而家公司叫下午茶, 已經由叫開既「合發」轉左做呢間「木糠甜品屋」, 因為合發貴到離晒大譜!我最愛既甜品之一「咖啡木糠布甸」,就係黎自呢間糖水店, 大部份野食都ok 架! 叫個"三文治(飛碟/麥包) + 甜品/飲品餐" ,都唔駛三十蚊, 係銅鑼灣區嚟講超抵食!另外散叫甜品大約都係十幾至三十幾蚊一個甜品, 仲大大碗/大杯。