Schnurrbart German Pub and Restaurant (Closed)

Mr Jefrey遠道而來, 卻說要吃西餐, 奇怪, 來香港不吃點地道的東西, 卻到蘭桂坊吃西餐...=_="anyway!因為Mr J要東逛西逛....結果要10點才有時間吃晚餐...餓得我...死死下...2人點了Pork loin及炸豬手餐...pork loin肉質好像"梅"...不過芝士sauce很不錯!炸豬手好乾呀! 炸得像石頭一樣.....吃完後胃痛了一整晚!Mr J說跟餐的德國酸菜不夠酸...(我未吃過, 不知道) 另外有幾粒小小cabbage...很甜, 不過煮得過熟...其實來這裡志在喝酒而已...對食物不必要求太高...下次應該早點吃晚餐!

上星期六，到了老蘭的啤酒節，特色攤位欠奉，攤位供應的啤酒也不是嘉士伯便是生力，極為無癮，於是入了這間德國吧，啤一啤。剛好是happy hour 的關係，可以以近半價的價錢，要了一杯holsten 和Konig；前著好味啲，後者較淡，適合女孩子多一點，跟著在店門前的攤檔買了一條巨大香腸，唔知乜名，但超好食，尤其是mustard，下次要認真地試下個腸拼盤，滿足一下。

外國人多多聲，餐室內熱熱地，點上菜拿拿聲，鹹豬手好好味，德國腸熱辣辣，炸豬扒卟卟脆，朋友們哈哈笑。

14-2-2007Pork knuckle: 外皮非常脆, 肥肉煙un, 廋肉部份亦不(鞋), 佐酒一流。Nuern sausage : 熱辣辣好好味!Konig draft: 飲得過。Appollinaris: 無味bubble water一支

平安夜黎左呢度同老婆慶祝,因為有人推介呢度的豬手都幾好食.意外地我響平安夜兩三日前訂都仲有位.兩個人叫左豬手,香腸拼盤同四杯啤酒.我地都覺得個香腸拼盤好好食丫!有一種好粗,味道好似扎肉咁的非常好味.至於豬手整得好脆,不過好似有少少乾.啤酒我地唔識叫,咁就叫waiter介紹一下.試左兩款,感覺豬手同啤酒都係King Ludwig好味d.

今天去試上次沒飲的冰酒, 三個人叫了豬手, 什腸,及炸牛仔肉, ok,叫了2杯啤酒及1杯白酒,8杯冰酒(2apple ,1Wild Berries,1Peach, 1sour apple, 1 blood orange, 2chcolate) 最好味apple, Wild Berries.

朋友介紹, 說很好味.叫了豬手, 腸, 西洋菜cream soup & apple 批. 因happy hour 叫了一beer, and red wines(幾好) $35/each.後來看到one little wines cup,問侍者什麼價錢, $18(happy hour) 叫了apple 味, 很香, 不過很重酒精. 很易醉, 而且很多種味. 如果去一定要叫這種酒.

今日原本想去食牛扒, 行行下到老蘭, 女友又話想食德國咸豬手, 於是便走進呢間德國吧試試.由於對德國菜較陌生, 所以由頭到尾都係叫侍應介紹, 菜式如下;腸仔拼薯仔沙律–腸仔係豬肉做的, 腸衣很薄, 很爽口, 味道冇特別, 好似小红腸既味道. 薯仔沙律都係一般, 只係用的沙律醬撈埋的薯仔.德國咸豬手-外皮炸得脆, 但有部份炸得比較韌, 好彩豬肉冇炸得太乾, 都幾好食. 伴碟既薯容做得好滑唔係開粉既, 的酸菜酸得剛好唔會好似Delicatessen Corner 咁酸到苦既.但如果要同King Ludwig Beerhall既德國咸豬手比較, 我就覺得King好味的, 雖然King的豬手肉比較乾身但做得較為正宗係用焗既方法做既.啤酒叫了KonigPilsener 和Veltins. KonigPilsene 味道較濃, 有點苦味, 泡沫都幾滑. Veltins味道較淡, 女友比較喜歡. 但如食豬手既就梗係配隻濃味的才好吃.埋單二百七十元. 可以一試.

早前朋友聽辣椒女說起，這裡的德國炸咸豬手好得，我們便一行六人再來食。今次每人也飲了兩杯，我便飲了Konig 及Vetins，Konig 比較上淡，但d泡沫真係好滑；Vetins 比較濃，我也比較喜歡。自從<牛油果>介紹過之後，已經來過幾次，每次也會叫德國炸咸豬手和香腸仔，而咸豬手也是我們的至愛。但今次就有d失望了，因炸得太乾，外皮比較上韌，令口感差了很多，希望下次會好d啦！而伴碟的炒薯仔，味道真係幾好，每次也必定食完。香腸仔，說真的沒有什麼特別，只是因為沒有什麼食物好選才選的。甜品叫了Apple Strudel ，味道清新，口感一流，但我自已個人不是太喜歡食，所以只覺得一般。和朋友開開心心的又說了一晚，真係人生何求呢！

朋友話想飲啤酒, 於是乎提議嚟 依度, 前後各點了二款啤酒, 泡沫依然是軟滑細緻, 酒味濃淡適中. 佐酒小食則叫咗 德國炸咸豬手及一款香腸, 名稱忘記了, 是Boil 的, 這是侍應姐姐的推介(因有太多不同選擇), 炸咸豬手仍然係好香口好好味, 香腸都幾好味(只得一條). 原本想再要埋Apple Strudel, 因太飽而作罷!

昨晚同一班網友來這裡Happy Hour, 本身對於啤酒的認識並不多, 但都飲得出是水準之作. 當中印象最深的要數它的"泡沫", 從未飲過這麼細緻軟滑的泡沫, 滑到好似食緊Cream咁, 正!!!試了三隻不同的啤酒: Warsteiner, Konig 及Vetins. 個人最喜歡Vetins(濃淡度適中), 至於Warsteiner則較淡, 而Konig就太濃.佐酒小食叫咗德國炸咸豬手(Knuckle of Pork $119) 及Sausage and Potato Salad $48. 雖說是小食, 然份量亦不少, 豬手炸得極香口, 但又不會太肥膩, 同意KC意見味道可以再咸些少.伴碟的炒薯仔及酸棷菜同樣出色, 尤其是酸棷菜好得, 是我暫時食過最好的! Sausage and Potato Salad 就較為一般.甜品叫了牛油果極之推介的Apple Strudel $40. 批餡清甜完全唔漏, 外皮香脆, 是另一佳作.

幾位Openrice的食友相約在此happy hour，有時間當然要到一到。話說在呢頭飲左咁多年，隔離左右幾間都幫襯過，唯獨是呢度就未來過，大家還說笑謂可能跟店名難讀難記有關。星期四，都坐到滿，到後來去了Soho那邊飲，始終沒有蘭桂坊呢邊咁熱鬧。大家都選了生啤，有三種可以揀，就要了Warsteiner，後來才知是三款中比較淡的。因為生啤，所以都要等左一陣才有得飲。啤酒面有層幼滑的泡，係幾香同幾得意，不過喜飲啤酒的，也不是個個鍾意啤酒泡的；酒如無物，熟客牛油果說其他兩款味道會比較強，也好，因為之後也有局，不能飲得太多太勁。這裡不是純pub，沒有零食下酒，要另叫。要了燒豬手、德國腸等，又是因為今晚另有局，只嚐了一口炸豬手。豬手夠大隻，切開都幾多肉，但如送啤酒的話，略縑味道不夠鹹，因為飲了啤酒後，味覺會比較遲鈍，可以接受鹹一點又濃一點的食物，如整個南乳炸豬手就剛好。大家飲飲傾傾，好快又有call到，要爬去另一間飲了，下次再飲過！又happy hour由5至8，比平時的pub是短了一點。

今晚和幾個openrice的食友到這裡小聚,她介紹了幾隻酒(如Vetins,Konig及Warsteiner).個人覺得Vetins比較好飲,不會太淡或太濃.小食叫了德國炸鹽豬手(Knuckle of Pork)及香脹薯仔(這個普普通通);德國炸鹽豬手真的很好吃,站時吃過最好的.甜品是蘋果批(Apple Stoudel),也幾好.只是的我對蘋果批,沒有多大喜歡.那裡也幾嘈,如喜歡靜的話,就不要去了.

首次在Schnurrbart食午餐，店內店外都很有外國特色，播著柔和的音樂，感覺不錯．不過，來進膳的人不多，除了我和朋友外，就只有兩人，有點冷清．食物方面，套餐可從3個courses中選2個或全選，價錢分別為$88(2 courses)及約$98(3 courses)，包飲品一杯，免收加一．1 course : 湯或沙律(我選擇了沙律)2 course : 有兩個選擇(我選擇了燒春雞配薯條)3 course : 甜品不喜歡套餐的可散叫，有小食，闊麵及三文治(飯類欠奉)，唯種類不多．味道方面無特別驚喜，分量適中，不過不失．特別注意的是，落單至上菜的時間頗長，趕時間的並非好選擇．