四季餐廳

Open Now

Now Closed

最近疫情關係都係食外賣多。其實呢間外賣都食過好多次，但水準真係好參差。餐廳連擺個外賣盒都差過人，將湯同野飲放底，上面放圓形外賣盒。最後上面個飯盒愈黎愈傾斜，仲壓穿左下面碗湯既膠蓋，漏左一半湯出黎搞到成個袋都濕哂。🤷🏻‍♀️中間加塊紙皮應該都解決到問題掛？飯盒入面既飯又乾又硬，明明係丼飯，d醬汁得好少。塊吉列魚柳好簿又硬，所以又乾又無肉，好似食緊炸粉咁🤦🏻‍♀️唯一最好既係杯野飲，無穿無漏味道正常。不過下次都唔會想再食。

周末不想食住家飯，去四季餐廳一試，食物種類繁多，價錢尚算可以，60至70元左右一道小菜連白飯，同屋企人叫左4個餐，差啲食唔曬，真係好食及份量足!其中一個菜式係粉絲雜菜煲，份量十足，粉絲菜種繁多下次一定會再光顧

父親節晚上，黎四季餐廳食左個晚飯，人流唔算多！選左A餐$66，價錢一般，飽肚有滿足感。但可能太晏黎，平時的常餐晚市會送例湯，今次無差dd。中國人食完個飯好似要飲埋碗湯先覺得完美！食到一半，聽到廚房大大聲同侍應講：A餐賣晒喇！侍應隨即將白板上畫左一畫，心諗可能都幾好賣！講番個餸牛肉d汁比京蔥吸左，其實味道一齊好夾。牛肉口感又滑溜軟，熟鬆軟 送飯都好適合！但成件事可能加多幾條菜，感覺會健康d同埋色彩豐富d。

外賣午餐沒套餐，要單點，份量足，價錢請參考餐牌。瑞士汁乾炒牛河-色澤均勻，每一條河粉都染上瑞士汁，牛肉嫩咖哩薯仔牛腩煲-可能因為單點，好大盒，味道有少少辣，牛腩有少少咬口，尚有進步空間，薯仔有炸過，內裡粉粉的，又入味，推介

落樓下食晚餐叫左個乾炒牛河個牛河，完全冇味可能係廚房忙中有漏冇落鹽同餐廳職員反映個牛河完全冇味道可唔可以幫我跟進下職員表示不如俾支豉油我自己加而唔係拎返入去廚房幫我加返少少味道完全接受不到的態度和問題處理方式十分失望希望餐廳能加強員工培訓

這裏的鮮茄蛋牛肉飯值得推薦，汁酸甜適中， 飯量夠大碗，美中不足的是蕃茄太生， 熟茄會比較好食。 有少量蔥點綴，色香味俱全， 牛肉薄片非常之滑，一啲都唔鞋。 連隔離搭枱嗰個人落單嘅時候見到我食都話要點呢個飯。 侍應服務態度良好， 會考慮到一啲冷氣機有風位建議你坐啲比較舒服嘅位。仲有幾部電視開住幾個唔同頻道嘅台,滿足唔同客人嘅需要。我好奇問下幾時休息， 侍應竟然答全年無休包括新年年初一年初二都係照開工照做。 員工忙碌之餘都願意同客人交流傾計，人情味加分！

雞髀外脆內滑， 配沙律為一個套餐好夾！ 沙律醬入面有青瓜，菠蘿，薯仔，紅蘿蔔，粟米混入。口感細滑清新！食完感覺冇咁邪惡又健康！ 唯一美中不足嘅係個人比較鍾意食沙律醬，想要求多啲沙律醬，但侍應話已經本身d醬撈好晒所以冇得加。 等候時間十分鐘內到， 環境乾淨企理，入場限制人數，防疫措施做得尚算足夠， 有膠片作分隔。但人多時候都需要搭枱。 檯面有免費紙提供。 每日選擇指定飯餐會有優惠送湯及免費熱飲，凍飲加3蚊。 比起其他茶餐廳的價錢和質素尚算性價比高。

叫個外賣食，個主管全程黑面，取餐時膠袋打斜，汁全部流出膠袋外，叫佢換個膠袋就黑晒面，結果當然係唔換膠袋淨係抺個發泡膠啦！俾我既時候都係打斜漏汁。態度咁差都唔個點帶領下屬。

最近新年去咗朋友屋企拜年拜年前就去咗佢屋企樓下一間餐廳叫做四季餐廳當時跟你下午茶啦咁由於我明知道上到佢屋企都有一啲嘢食可以食㗎所以我就叫咗個包就係依一個鹹牛肉蛋潛艇咁佢個熱狗包好鬆軟鹹牛肉都放得多嘅絕對唔會出現呢餡料非常不足夠而包非常大件嘅呢回事另外我仲叫咗一件酥皮蛋撻可惜我就冇影到相但係蛋撻都有質素嘅雖然只不過係一間屋村餐廳但如果大家住附近都可以黎試吓下午茶

經過行過見到間開咗無耐嘅餐廳🤩，光掹嘅門面，但係中午時間竟然係無乜人。餐牌嚟睇種類繁多，但係點解又無乜人食呢？🤔————我叫左個4004 滑蛋蒲燒鰻魚飯($78)+$3配凍檸茶，未講食物之前，呢間野係個屋邨商場入面嘅1樓，近1樓天橋嗰度，見到餐廳出面個張大大張海報推介，於是我就試吓啦⋯⋯滑蛋蒲燒鰻魚飯($78)，價錢偏貴，比起附近嘅餐廳貴，亦係呢間餐廳數一數二貴。賣相一般啦，一條鰻魚放係滑蛋上面，就係咁⋯⋯滑蛋一般啦，有啲煮過龍嘅問題，鰻魚薄切而且無乜汁，乾得滯，又無燒過⋯⋯————可能受到之前食開嘅鰻魚飯郁好好味😋，依間不了，出奇地中午時間好少人，可能其他嘢都係咁呱，不推薦大家去食依間，不如行遠少少去大窩口/荃灣或者葵興/葵芳⋯⋯

嗰日同阿媽去食叫咗三个小菜 椒鹽魷魚 紅燒豆腐斑腩煲同蒜香蜜餞牛仔骨 上菜速度非常之快 但系三樣餸都伏伏地最伏嗰個魷魚係咸到我就來腎虧 最終撕皮食都係咸 飲咗三杯水都解唔到 D皮又佔左大部份比例 魷魚得個丁der 但係層皮的確酥脆嘅 紅燒豆腐斑腩煲呢 啲豆腐就幾好食嘅 索晒啲汁 但係啲D魚都係果句麵粉唔使錢 厚到乜咁 一度懷疑自己食緊炸麵團 不過都算有啲肉食 數量唔算少 但其實個汁個人認為麻麻哋 毫不出彩 亦都唔會想再食蒜香蜜餞牛仔骨 起初我冇估到係會好似呢隻 仲以為系好多蜜汁燒得好香個隻 點知出嚟浸味好似同斑腩煲嗰隻汁差唔多……其次啲肉太少啦 真正咬到肉嘅得個三四舊 其他唔係脂肪就係骨 總體來講性價比唔高 味道又… 之後都唔會再想試佢啲中式小菜了

今日見不想煮飯就落樓下吃晚餐，沒想到今日會有那麼多人等位，入到去見到餐牌已寫好每天有的晚餐，我們二人最後叫了一個餸再加一個晚餐，針雲耳蒸雞六十二元再配了一個晚餐西蘭花牛肉加白飯配熱檸檬茶，例湯就送完了。不用幾分鐘西蘭花就來到，份量好少而且仲要是凍的，味道淡，牛肉沒有牛肉味，白飯都大碗口感不錯。飲品熱檸檬茶味都幾好飲，茶味足又夠酸。蒸雞等了差不多半小時，我只問待應何時會來到蒸雞，待應講話要時間，講餐廳滿座，叫我不好咁燥，但我覺得如果要等半小時應該要和客人溝通，而不是客人等了半小時才講要等。因白飯都等了半小時多先再食已經不好吃，雞終於來到但味道勁淡，雞肉口感都可以，但因等太耐已經不想食，不用幾分鐘食完已走了。

下牛茶時間叫咗個迷你和風牛肉丼加三隻餃子，飲熱奶茶$39叫完唔夠兩分鐘個飯就到，仲快過杯熱奶茶， 好開心諗住食飯， 點知啲餸凍嘅， 唔緊要食飯啦諗住啲飯熱， 成個飯都係唔熱㗎， 食咗兩啖杯熱奶茶到， 諗住算啦飲熱奶茶， 我第一時間飲杯嘢都係唔係熱㗎， 即係你一啖飲曬成杯熱奶茶都唔覺得佢熱囉， 但杯熱奶茶都熱過個飯嘅， 大佬話我自己攤凍佢好地地， 上枱已經係唔熱！ 感覺自己食緊冷飯菜汁， 其實今次係第三次食 ，前兩次都已經係不愉快， 諗住開咗咁耐都會有好轉， 我唔會食第四次

夜晚7:30去食飯既時候，門外都已經好多人等緊，不過等左幾分鐘就好快入得，叫左個咖哩焗豬扒飯飯，點鬼知佢15分鐘之後上左個蕃茄焗豬，仲要好大浸窿未，即刻同佢講話上錯左，佢幫我整過之後我等多20分鐘先上，由落單個下到真係食飯個下足足等左35分鐘，等到就快餓死既時候，終於上左個窿味濃既咖哩豬，明明之前都唔會咁，問d職員點解咁窿，佢就答話本身就係咁，叫我整走就算，仲要唔知點解之前既都有芝士係上面，但今次完全係冇lol間嘢去親都要搭檯，真係唔係太鍾意。

中午時間食午餐, 今次去間近近地食個快lunch啦！四季有啲似椰林閣, 午餐都係大份同抵食呢度日日都有唔同吧lunch menu不過我就叫左太陽蛋雞扒薑蔥撈丁配奶油豬同火腿炒蛋奶油豬都仲暖, 所以唔會硬左, 但就唔好expect會好鬆軟, 火腿同炒蛋都係一般茶餐廳質素, 唔會特別好食個撈丁就咁睇會以為好細份, 點知都幾大份！因為麵太多, 個蔥油就有啲少, 撈得唔係好平均再整爛個蛋黃一齊撈, 個感覺好正！不過食落又無咩特別咁, 普通一個撈麵雞扒煎得幾香, 皮都好脆不過就比較多肥膏 呢個lunch麵唔洗$50仲要包野飲同湯真係好抵呀！而且地點都算方便, 係附近返工都可以去試下！不過次次食飯同事同我都覺得成身都好勁油煙味, 但食野個陣又唔覺架喎！