海景粥店茶餐廳 (Closed)

姑勿論佢係唔係老翻, 總括黎講, 佢既粥, 飯真係唔係幾好,但佢既油器係真得一讚既, 唔貴得黎亦比其他粥店新鮮..

都不知為什麼冒"海皇粥店"的"海景粥店"仲未執,仲好似越開越多,認真要認清假冒. <br> <br>

行行下街，好口喝想飲糖水，叫左個腐竹糖水，哇！！一啖之后已經再飲唔落！

有晚開OT，收工之後同friends去左呢間食宵夜，大約凌晨1點鐘鬆!食野就緊係要諗諗先落order，但係個位阿姐就驚死你走佬咁樣，死釘住你!~雖則話係粥店，但係粥就重味精到死，食完真係夠晒保腦(老餅說法)!~煎蘿蔔糕只得兩件削削地、散散地唔知似乜既糕!~腸粉就算ok，炸兩仲要幾好味喎!不過個度既衛生環境同態度認真麻麻，要叫「靚姐」先至有人睬你!

我講o既海景係旺角間海景粥店。o個日晨咁早去呢度食早餐，點知當大家正想食之際，駭然發現---- 小強響其中一碗粥上面！當然立即叫個阿嬸啦，佢一聲不響面露不悅咁幫我地換o左，但係粥喎..實係成煲滾..食o左點得至得o架？ 不過我地太眼訓，本著大菌食細菌o既心理食啦，但係就咁算實唔得o架嘛，於是咪猛咁叫果位阿嬸起碼都送番的o野俾我地，又或者唔計果碗o既錢呀，但係佢死都唔肯應我地，真係cheap，咪找數o個陣同個收錢講囉，我地要求佢計少一碗o既錢都唔算過份呀，但係佢當我地講o既o野係耳邊風，一於照計，好彩我地講得幾講佢都計少o個碗，但係由始至終都係覺得o個位態度咁差o既嬸嬸好唔掂囉...唔好以為旺角做獨市生意至得o架！