西記粥店

Open Now

Now Closed

上星期又來吃晚餐, 今次我要了一個套餐, 包括一碗皮蛋碎牛粥和一碟炒面, 都只係$17元咋!比起出名的粥店, 這裡真的平得多, 其他粥店的一碗粥, 閒閒地都唔止17元啦。 味道方面, 這裡都不會比下去, 粥底都很綿, 亦很足料, 唔算差。炒面都可以保持到溫度, 不會冷冰冰的, 都可以接受。套餐就平上加平啦。所以行過這條街, 我都會來幫襯的。 因為夠抵囉!

個日我同mum行完街~唸緊明天食咩早餐好個時~我突然想食秶飯~但係因為mummy係唔會整得切而且又會好麻煩故此我地係咩都有既MK找找找戚朗豪坊開始搵都無~一路行行行行去去旺角街市對面個個街~終於見到了~就急不及待買了~都幾貴8蚊隻~買個時好熱下但因為H7地明早先食~就放左係雪櫃1晚啦~第2日已經係用蒸既方法整熱佢一食~唔知佢用咩燸米飯~硬都算仲要有d up up地既味道而且個氣油柞鬼係好d pat粉咁~!好難食~最衰就係咩肉鬆炸菜都無~佢唔知抹左層咩鬼野上去~我食左2啖就無食~呢8蚊真係勁搵笨~行過都要兜路走~=.=

平時食粥多數會幫襯海皇, 但海皇的價錢加得很快, 一碗粥都要成20元, 真係幾貴。 星期六路經西記, 諗住食粥做晚餐, 這裡有多個套餐選擇, 價錢都係十幾二十幾元, 就包括了粥、一碟食物(腸粉,炒米粉之類)和一杯豆漿。而我選擇了的套餐是一碗艇仔皮蛋豬紅粥、一個咸肉糭加一杯豆漿, 都只收$23元, 真係好平!而味道方面, 糭最好食, 而粥和豆漿就普普通通啦, 總之比起其他粥店係抵食好多。

尋晚去食飯,真係食到一肚氣!叫個阿姐落order,分別要左咸肉、叉燒腸粉、自選湯粉、汽水。先講自選湯粉,個餐牌寫「麵或米粉二肉一菜$22」，然後下面分開肉一欄菜一欄，係肉果度寫「任選一款」，係菜果欄又係寫「任選一款」，咁咪即係一肉一菜？由於係咁，我問阿姐，係選一個肉定兩個肉，佢竟然用好差既態度答我：「寫到明兩肉一菜架嘛！梗係呢度兩個，呢度一個啦！」明明係佢自己寫得唔清唔楚，仲要走黎話我，而且個態度差到好似話緊我唔岩咁！其次，叫飲品時，問阿姐，有無健怡可樂，佢唔知，要走去問廚房，結果係無；再問有無無糖可樂，唔知，又問，又無；咁都合理。於是我地話要忌廉，因為餐牌有一項係忌廉，同可樂分開既，咁即係肯定有啦，但個阿姐竟然答：「唔知有無，問下先！」結果當然係有啦！但係叫個汽水搞咁耐，又乜都唔知，點做落單呢？更甚者，講咸肉、叉燒腸粉、汽水，我地見到餐牌上個價錢分別係$8、$8、$5，點知佢落單時寫$9、$9、$7，我地出聲，個阿姐唔知頭唔知路，問一個廚房阿哥，個阿哥竟然話：「果個有英文既餐牌唔係架！中文果個先係真！」下？咁都得？跟住我地對比兩個餐牌，真係發現價錢唔同！然後個阿姐又好手快咁搶走左個有

下午兩點多,見胃納尙有quota,不妨試試這裡.裏面全部圓枱,摺櫈,可幸尙算清潔.叫了碎牛粥,炸兩.很快有得食.葱和十數粒花生用匙更裝著,不吃的可以倒掉,不似其他店,要人客逐粒搜尋來丟掉.醬料放在枱上任用,牛肉粥是一點肉味也沒有,粥底也沒有味道,可幸味精也不多.炸兩也好不了多少,裏面的油條是淋的,包著的腸粉皮很少,不能包好油條,吃得很狼狽.一定不會再來了,事實上令人吃得滿意的傳統粥店已經絶無僅有了.

夜麻麻突然想食油條路過見仲有得賣貪吃既我見到仲有一個煎堆又跟手要埋咁都只係6蚊抵到爛兩樣都仲係暖暖地油條幾脆但煎堆太厚身有d韌可以啦

打完拳落左去呢間試下啲野確係平食左個蘿蔔糕同牛腸蘿蔔糕唔錯，但係腸粉就麻麻地

上星期有晚因為家事搞到好煩到朋友仔收工時專登買碗粥同腸粉同我消夜牛肉豬腸粥～粥底幾綿唔會食到尾一層水,但牛肉用左太多鬆肉粉醃,無晒口感同牛味;豬腸較好,無臭味又夠粉,朋友仔鍾意叉燒腸～幾滑但厚身,叉燒份量唔少,但豉油太少唔夠點,路過可一試

朋友仔收工後一早買黎餈飯俾我做早餐一拎上手仲係暖笠笠但食落就有d失望喇油炸鬼唔脆中間既榨菜同肉鬆都少加上糯米無味要點豉油食至得加番d感情分先值3分咋都係自家整好味得多

雖然用左暖爐keep住d油器溫度價錢係平但味道麻麻牛脷蘇大大件但無乜味連少少甜味都唔多夠勝在唔太油

太子到處人頭湧湧,行左個大運都搵唔到間想坐低既餐廳,經過呢間粥店人少少又有冷氣,拿拿聲走左入去抖抖。本來想食炸兩,但見到豬潤腸粉係即蒸,梗係要呢款啦,起碼新鮮嘛!!等左一陣.豬潤腸粉新鮮熱辣送到,腸粉頗軟滑,豬潤切得頗細緻,而且蒸得夠時間唔會未熟透,豬潤好爽,唔錯!只可惜豉油唔夠而且師傅重,行左一個街口已經好想飲水!!呢點要扣分。地方比太子道西店光猛好多,坐係度都舒服d。

蒸蘿蔔糕無乜蘿蔔...似係食蒸麵粉多D...魚片碎牛粥好味!

吃了一個熱辣辣的碎牛魚片粥$12不算貴,都算多料牛肉腸$8比較少料...但都算可以

自稱新裝修完成,但其實之前都未幫襯過.叫左皮蛋瘦肉粥,炒米粉同埋牛蘇.皮蛋瘦肉粥材料較小,皮蛋得三四舊細細舊,瘦肉都好小o下,而且好碎,粥底ok,幾綿o下,而且味精唔多.炒米粉千祈唔好叫,油膩,只有芽菜,而且D粉炒到老晒,腍pat pat咁.牛蘇幾好,雖然都係凍左,但都算新鮮.早餐尼講都係十零蚊,ok.