Sense Cafe (Moved) New Location

九龍區我很怕約人在旺角/ 尖沙咀, 本地人跟遊客多得水洩不通....我個人比較怕擠迫的環境, 這間 cafe 是我其中一間心頭好環境清幽, 食材大份又衛生! 午市或是晚市的性價比又高今天見客, 約了客人在這裡傾公事, 仲有不限時的 free wifi , 也不明人們為什麼幫襯 Starbucks 焦糖爆谷Latte賣相很特別, 如果不怕肥, 可以叫這杯打卡, 香脆的爆谷跟 cream 在面, 比杯的部份更高更大latte 的咖啡豆很香, 看得出老闆是咖啡同好, 有點要求

黃氏力場今日嚟到佐敦搵嘢食，估唔到廟街有好嘢食，這間店舖叫做sense，即係話你有感應的話你就會來呢間店舖幫襯啦，我真係估唔到我被感應了！廢話少講啦，我介紹下我哋食咗咩午餐啦，我哋兩個人都叫咗$58嘅香茅燒春雞，一個配薯菜一個配白飯，我們一致認為這個價錢超值，香茅味非常突出下邊仲有一些姜，中西合璧，又有少少泰國風味。另外我哋有叫咗羊架配白飯，羊煮得啱啱好，一啲酥味都冇，只需80幾蚊，一邊仲要配埋有薄荷汁，即刻高級晒！午餐可以用呢個價錢有這樣的享受，唔係唔推薦你地去食返餐啦嘛！本人誠意推薦希望大家鍾意。

返工果可以食一個優質的午餐，可以令到工作更加順利又有力量，今日朋友介紹左呢一間食好西的午餐給我們，於是入去試一次，果然沒有介紹錯！我們order了也是較為便宜的兩個午餐，每當午餐都包括了例湯及飲料。呢個南瓜湯味道啱啱好，，未到唔會鹹！南瓜的味道香濃，帶有少許清新！我朋友點了香茅燒春雞配薯菜，燒春雞調味料調得很不錯，香茅味，而且有用香草檸檬味非常配合，最適合夏天食，在場我都見到大部份人叫這個餐。另一個係厚切豬扒配薯菜，呢個價錢相對很便宜，因為他的價錢在外面已經很貴了，口豬扒有成寸厚，配合薯條食，非常好味，薯條剛剛 炸好，食完都已經很飽了，他們做的醬汁洋蔥味10分濃厚！我叫咗咖啡作餐飲，咖啡是即磨的，口感香濃細滑，aftertaste 在口腔內留了下來，又不用加錢，我精神為之一振！

難得的週末，懶洋洋的睡到正午時分，再慢慢享受一個早午餐，這是我原本得打算。本想光顧隔離的咖啡店，但那間餐廳已滿座，又不想等待，所以便試了這間。誰知這個決定，竟會破壞了我一個上午的心情！ 個人是非常喜歡食Egg Benedict, 亦覺得它很難會不好吃，但這一份，真的是令我十分失望。首先，它的醬汁過分地濃綢，味道又不出眾。 其次，三文魚帶有腥臭味，而且質地像橡膠，最終吃不下去。 最後，英式鬆餅有股"油溢味", 質地比外面現成的麵包更差，非常乾。 整份食物，都很難食。這個漢堡賣相尚可，但價錢與質素不成正比。索價$105, 但漢堡扒的肉，一看就知是便宜貨（我忘了影相）。薯條分量多，但不脆，有油溢味，整個餐點，像是$4x 質素。

相約好耐冇見嘅女仔朋友，梗係要搵間坐得舒服而且好食嘅cafe啦~其實好少嚟佐敦，不過都唔難搵，一出地鐵行5分鐘就到~一坐低已經俾dessert menu吸引，不過都要先食主食嘅😛😛3個女孩子，先點了一份2人餐，甜品之後再慢慢諗!其實2人餐真係好大份!!絕對夠3個人食!! 首先係2碗磨菇湯，應該係鮮磨菇打出嚟，因為食得出粒粒磨菇粒，唔係好creamy好滑果種，不過幾有咬口同有磨菇香，唔錯~跟住係跟餐的沙律，揀咗煙三文魚沙律~上菜時真係嚇親，仲以為係餐湯碗嘅份量，冇諗過係大portion!! 無論醬汁定沙律菜嘅份量都冇欺場!! 而且係用我最鍾意的日式胡麻汁，好食!😋2款小食，揀咗白酒青口同炸洋蔥圈~青口個碟口太細，完全撈唔勻啲汁，結果食到底先發現有白酒煮嘅汁，如果用返大口嘅兜會好啲Main course~揀了安格斯牛扒~5成熟，剛剛好!肉質軟熟但唔太稔，值得一讚嘅係薯茸都係新鮮薯茸打成，好有薯味～黑松露risotto亦都唔錯，黑松露嘅香氣撲鼻，不過入口就覺得松露味原來有點單薄，飯質剛好，粒粒分明但唔會唔熟其實仲有2杯餐飲，食完真係好飽，不過我哋都係忍唔住點了2個甜品share!首先係Bai

I went to Sense cafe for lunch. I initially ordered the asparagus linguine with cream sauce and onion. However, I was told there was no cream sauce (although the dish I ended up having was full of cream).The waiter suggested I order the crab linguine, which is the closest to what I originally wanted. It is also 20 HKD more expensive than the one I wanted!!!Then, the soup arrived. It was good, the classic pumpkin soup every western style restaurant serves in HK. Then, the pasta... little did I kn

我第一次去Sense Cafe 是吃下午茶，之後去過晚飯，今天是吃午餐。3次都是非常滿意，今天吃的是紅酒牛尾飯，牛尾份量真的不少，餐湯是蘑菇湯也絕不欺場，並非罐頭湯值得一讚！午餐一般由$5x到$11x 不等，豐儉由人

佐敦嘅橫街充滿神秘感。唔知係咪因爲租金平啲，好多咖啡甜品小店開立。我同朋友仔食飽飽，就入左呢間野飲下野談下心蜜柑沙冰蜜柑清香，淡淡的甜梳乎厘配紅桑子雪芭一冷一熱⋯ 紅桑子雪芭果汁味濃烈，梳乎厘香味四溢，但味道不濃，兩果一齊食出其好味

為左彌補第一餐既缺失同被傷害到支離破碎既胃仔，去左食同一晚既第二餐，終於都 Happy Friday 。好味排名根據相片次序： 1. 德國咸豬手，皮脆肉嫩不會過咸，有酸菜芥辣醬汁沾來食。2. 心太軟，夠流心唔會太甜，honey comb 雪糕好少見都有得配，非常好食。3. 芝士蟹肉菇，底有薯蓉，唔會膩有蟹味，菇新鮮，誠意之作。4. 熱情果茶，解滯必點。5. 意粉口感 Al dente ，出乎意料，普通 cafe通常做唔出 。6. 雞翼正常，但唔係佢講既水牛雞翼。7. 磨菇湯有粒粒口感磨菇。8. 正常凱撒沙律。另外服務好好，廁所乾淨。......#hkfood #hkfoodblogger #hkfoodreview #hkig #foodie #foodstagram #eatstagram #like #food #meal #foodblog #foodig #instafoodie #delicious #foodporn #foodreview #foodhunt  #travelhk #eatlife #life #먹방 #맛집 #맛 #홍콩  #hkcafe

無嚟幾個月，有新嘅午餐 menu。日式蓋飯退場，新加入了燒春雞、豬扒等肉食menu，啱晒我呢排嘅低醣飲食。午餐大約$68至$88不等，包含🍲餐湯、🍖主菜及☕️咖啡/茶，客觀條件上自係抵食啦，加上食物quality好，就變成係好抵食喇。🎃南瓜湯香甜幼滑🐽 厚切豬扒軟熟可口 (連埋側邊圍住有啲肥膏(香)，半肥瘦夾住食，正❣️☕️ 跟餐嘅咖啡都好香濃，加上cream (唔知係咩cream) 好滑流~

之前同朋友黎過食晚餐all day breakfast 味道ㄧ般但環境好適合聚舊。仲有手工啤酒供應呢間餐廳有好食亦有唔好既dishes今次tea time我點了 greentea brownie strawberry milkshake, 友人點了tea set 蕉糖香蕉格仔餅tea set 叫特飲可享半價milkshake: brownie 好食, 但milkshake 中有很多大顆冰粒, 比想像中淡不會再order milkshake格仔餅: 值得ㄧ贊, 格仔餅脆, cream 好好多, 再混入了朱古力脆脆, 有朱古力醬混和真係好好食

好耐之前，就係元朗食開sense的甜品🍮，自從元朗分店冇做之後，都好耐冇食過啦！ 今次係佐敦店第一次食埋熟食，都幾驚喜地賣相不錯同好味同朋友慶祝生日，下晝book位都有位，到達時都幾空，星期六晚上都意外地少人，不過到左九點幾甜點時間就開始多滿座！呢個意粉個汁做得好香滑，不過個水波蛋太熟個燒春雞係驚喜嘅，估唔到甜品專門都有呢種熟食，可惜我覺得辣食唔到多否則泰味雞加埋佢個香茅味薯泥，係正嘅！！個雞味道好好但得雞腿位係好滑，其他位還好朋友生日預早訂定寫生日字，整得靚呢個布甸太”漏”，可能食完心太軟又係朱古力，不過我本身已經係勁鐘意食朱古力同甜食嘅🙈

入咗座先知每位最低消費要叫一份甜品或者飲品，而且平均每份甜品都要＄70，價格比一般甜品鋪貴。喺尖沙咀佐敦附近食完飯，大概夜晚九點幾嚟到呢間甜品鋪。間鋪睇落都幾受歡迎，門口都有人等緊位。好彩呢間餐廳都幾大幾多座位，雖然要等兩三張枱先到我哋，但都係15分鐘左右就有枱啦，輪候時間都算快。宇治抹茶心太軟（因為朋友生日，叫餐廳順手寫生日字, 有寫朋名，不過我blur左張相）都係朱古力味好味啲Apple crumble 普普通通黑芝麻梳乎厘+椰子味雪糕新口味嘗試，幾特別，但唔係話好好味，反而椰子雪糕幾好味 另外其實本身仲想試份pancake嘅，點知竟然賣晒喎。如果多朋友一齊食甜品，其實都幾難揀夠一人份甜品，或者晚餐要食少啲。可能因為價錢稍高，所以差唔多到份份甜品都有配一球雪糕，好易食到飽。雖然價錢有啲貴，但係呢間甜品舖座位都比較闊落，唔介意俾多少少錢，坐得舒服啲，同朋友傾計開心啲嘅話都可以試吓呢間嘅。

早排去咗佐敦行街，順便係附近開餐，就去咗廟街呢間cafe ，餐牌提供不同種類食物，我就點咗dinner set，已包括餐湯，沙律同主菜連飲料，唔駛諗夠方便先來係廚師精選沙律，入口蔬菜新鮮夠清爽，再來有龍蝦濃湯，先飲一啖湯底香濃味道鮮甜，真係夠晒鮮味再來係主菜點咗龍蝦潛艇配薯條及黑松露醬，龍蝦份量十足，先食件龍蝦肉入口鮮甜又彈牙，而且大隻口感十足，美味食物何止龍蝦肉，薯條亦炸得非常脆囗，仲有美味嘅黑松露醬，真係相當豐富食完一輪美味食物，最後到飲品升級轉咗奶昔入口香甜又夠滑，簡簡單單又食完一餐精美套餐

近來經常出入醫院，所以成日要去佐敦搵食。在醫院等候時上開飯網搵到一餐廳好似不錯，但今日撞正午飯時間去到要等幾張檯。咁再行前少少就發現這裡。看見環境同餐牌同價錢都不錯，試試佢！點了鮮蟹肉忌廉菠菜扁意粉，餐湯係南瓜湯。湯是好味的，足料，食到有洋蔥碎同南瓜碎。意粉其實不錯，唔知係咪自己病病地淡口了，要自己加些鹽，味道就差唔多了～意粉軟度適中，啱我。但敗筆在不夠熱辣辣（今日廿幾度應該唔關天氣事吧）餐茶，看餐牌佢應該係主打熱情果茶，但因為病，只點了熱檸茶。唔知係佢啲杯載開果茶吖～還是佢地用茶特別～還是杯洗唔乾淨..？檸茶的茶不是傳統紅茶味，係帶一點點果茶味...？咁又唔係難飲嘅～起碼佢嘅檸檬新鮮，真係唔係間間餐廳做到。（本人可算是檸茶怪所以有叮叮叮叮研究）人流方面，1點的時間都只見三四組人續組來等位。其實唔係難食又唔算貴，都算少人。不過對我hea底人來說就係好事，唔使怕阻住人食飯急住食想讓位。