sensory ZERO (馬哥孛羅香港酒店)

Open Now

Now Closed

作為Chocoholic, 見到呢杯咁痴_線既朱古力，梗係急不及待試試佢啦🤗難得tea time 時間經過walk in 直入，叫左杯signature 痴_線朱古力同埋 tiramisu🤗見到呢杯痴_線朱古力上面既朱古力塊同朱古力碎係半溶狀態，再爆瀉出杯邊，心情實在興奮😳 飲第一啖，覺得唔夠熱同埋偏甜，朱古力味可以再濃郁d! 呢杯貌相爆分既朱古力一試無妨，飲完仲充滿罪惡感🙈同場加映tiramisu 一杯，普通水準，同友人tea time 差好電再血拼😌 下次再見🖐🏻👋🏻

呢間係可以再訪嘅cafe 價錢偏貴但野食係保證唔難食🤣 最鍾意佢嘅痴_線朱古力🍫 好好飲😎非常濃郁每次都會叫廚師幫你諗好意粉 當你唔知叫咩嘅時候就可以叫～每次都唔會太失望嘅cafe

同男朋友仔去尖沙咀想食下午茶😊 係尖沙咀碼頭行到去海港城右邊嘅 Marco Polo 酒店地下見到有間型格 cafe!! 環境唔錯，約朋友傾偈飲杯 coffee 係幾正🤩 同埋令我最吸引嘅係一堆浮世繪嘅產品 🌊 😍😍Crazy chocolate (跟餐加$15）嘩 😍😍😍 好多朱古力呀 😎😎 !! 邪惡之選 😈😈 賣相好靚，好有藝術感，杯面有 3 種朱古力，仲有一塊招牌朱古力仔係中間；飲一啖成口都係滿滿朱古力香味!! 初吻 First kiss 😘(跟餐加$10）上面有一層焦糖，原來係黑糖嚟, 少少甜味, 再飲埋咖啡, 呢杯對我嚟講幾好飲, 似 latte 感覺 😉大滿足早餐 - All day Pork Chop $163 (貓多士 / 炒蛋) <轉加牛角包🥐 $15 / 熟蛋>呢間嘅 All day breakfast 有 3 款可選。好豐富!!! 有炒蛋，茄汁豆，蕃茄仔，沙律菜，薯餅、乳酪麥片同埋豬扒!! 仲有一個比較特別嘅係焦糖香蕉，甜甜地，好好食!! 🌟驚喜果醬🌟除此之外，最驚喜嘅就係佢地嘅果醬!! 有3 款揀：士多啤梨+玫瑰果醬；無花果+有機伯爵

星期六同閨蜜去海港城食午餐，去左間係連卡佛入邊嘅Cafe。真心有點難搵，我哋從2樓嘅化妝部行到最入，再經過電梯落到去地下個層，再問連卡佛嘅職員，被佢地指了出商場，行咗入酒店。要再問酒店嘅職員先發覺Cafe呢就喺門口嘅位置😆🤣🤣😆Cafe座位不多,一大張長枱設計，大家兩個兩個隔住膠板坐。要用電話落單，同閨蜜一同都睇中咗個澳洲M5 和牛溫泉蛋飯，咁就叫咗一人一個飯。和牛非常嫩口，好有牛味, 日本飯啊撈埋隻蛋啦同埋啲紫菜，成碗飯食晒呀！絕對推介！另外加錢每人叫了兩隻日式芝手羽先，即是炸雞翼🤣🤣🤣 外皮炸到脆卜卜，不太油，唔錯唔錯。不過最精彩莫過於兩杯嘢飲，分別叫了黐_線朱古力同黐_線朱古力咖啡。一嚟到就俾佢個外表嚇親，打卡一流。因為我怕朱古力太甜，所以叫咗朱古力咖啡，飲落去甜味啱啱好嘅。我哋各自食咗一個飯同埋飲咗一杯朱古力成為$529，雖然真係好好味，又好飽，但lunch價錢有點高😆

同大家一樣, 睇到張痴線朱古力既相都有興趣嚐一嚐呢間野, 於是上星期6就去踩一踩台, 講返地點先, 如果大家係海港城入面係唔知間野係邊既, 因為佢直頭係尖沙咀碼頭海港城入口未上枎手電梯既右手面地下入, 一般果個位都係大眾所忽略(姐係我都係), 咁入到去咁岩唔使點等位, 果日目測都唔多人, 所以直入。坐底唔使諗直接叫哂Signature 既野, 先係個All day breakfast (和牛套餐)+$55有4隻雞翼, 之後再黎杯痴線朱古力+多杯Senzory 既自制罐裝Expresso Tonic$38。首先講講價錢先, 係小貴但性價比係OK, All day breakfast (和牛套餐)-->$228+$55雞翼, 杯熱朱力都要$55杯 (為左唔想甜到尾, 我就叫左咖啡底, 變左Mocha), 咁樣share 兩個人食已經夠架啦(除非你比較大食啦)。黎到個賣相唔差既, 所有野對板既, 地方都坐得舒服既, 但係無咩打卡位既。講下食物質素, All day breakfast 無咩好講架啦, 呢個all day breakfast 有比火箭菜你, 又比和牛你食, 都算係有D誠

在網上見到d食物照好吸引，就專程去試下啦🤩餐廳環境好舒服，開陽。雲石枱~望落好高級有好多鰻魚嘅菜式🍴我就點左鰻魚滑蛋飯 $143價錢都幾貴 而且分量好少 好細碗😥鰻魚好香 好厚身 配上滑蛋 幾啖就食曬啦下午茶可以食 想食正餐就唔推薦叫呢個🙅🏻飲品都好精緻同好多選擇 個名都幾改得幾得意點左杯🥤 走肥黑牛 唔錯

同妹去尖沙咀行下散下心，行到攰攰地想揾地方坐下食啲野，醒起呢間既crazy chocolate ，即刻帶妹黎試下叫左一份all day breakfast + crazy chocolatecrazy chocolate ，真係好crazy ，入口好濃厚，朱古力迷要試下沒有甚麼是一杯Crazy Chocolate 解決不了如果有，就請多喝一杯☕️

今日黎到sensory cafe 試吓佢哋啲signature Menu叫咗個all day breakfast ，揀咗最普通嘅香腸，你都估唔到呢個Allday都幾健康喎，有秋葵，沙律菜好新鮮，爽脆，秋葵都唔錯，啱啱好熟，唔會太林，炒蛋、薯仔同腸仔都正常，其實最期待係貓貓多事，見到佢咁得意，就想試吓，點知食落都係麵包一塊，本來以為都有重牛油味，又唔覺，值得一題係佢果醬有得揀，我今日就揀咗玫瑰無花果，佢呢度自家製嘅果醬係好食嘅，唔會死甜，仲有無花果淡淡的甜味，好食至於飲品，就梗係揀邪惡朱古力，佢有幾種朱古力，如果鍾意朱古力嘅朋友，一定要來試吓，香濃可口，唔錯

今日經過海港城，想食少少嘢，就諗起呢間Cafe啦。叫咗痴線朱古力（ crazy Chocolate ），呢杯係佢哋嘅招牌，我覺得第一次要試吓，朱古力有唔同嘅層次，中間要仲有塊朱古力，飲落有豐富嘅質感，攪勻之後滿滿嘅朱古力味反而杯痴線mocha,就太甜，所以要試嘅話，都係飲返痴線朱古力啦叫咗個牛角包，牛角包嘅牛油味好重，配合埋佢好Queenie嘅炒蛋，味道真係唔錯呢度環境好舒服，可以悠閒咁楚，侍應都好有禮貌，一定會再起

之前就為咗杯朱古力就過咗嚟食。。今次我就為咗去呢一個肉碎飯再嚟試過😏😏佢呢個肉碎飯係用新豬肉去整嘅。。食落去個人都覺得環保同健康啲😂🤣當然今次我都有嗌佢嘅朱古力啦。。但今次就冇影相啦就影返我想食嘅嘢啦😁😁..🍚I'ᗰ ᑎOT TᕼᗩI ᑭOᑕK ᖇIᑕE..📍 sensory ZERO尖沙咀廣東道3號海港城馬哥孛羅香港酒店G樓連卡佛..=•=•=•=•=•=•=•=•=•=•=•=•=•=•=•=•=•=•=•=•=•=•#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hkstyle#hongkong#hongkongcafe#hongkongfoodshare#japanesefood#wayyubeed#onsenegg#sensoryzer

嚟到呢一間Cafe☕️所以一定要影佢哋最出名crazy chocolate🍫打卡真係一流 熱朱古力上面鋪滿三種朱古力碎🤩原本仲以為會好甜 但係飲落朱古力味超級濃郁 而且仲好濃苦 好正💕💕💕

這間餐廳在Marco Polo hotel隔離，就在天星碼頭海運大廈Lane Crawford 底層，的確很方便。人氣食物是蒲燒鰻魚滑蛋飯和痴_線朱古力，還叫了一個all day breakfast, 兩份都是選了加$40就有沙律，湯，熱飲和雪糕，值得一提的是這個是純素雪糕（低卡）的👐🏼。食物質素方面也是高質好味的😋，all day breakfast裡的士多啤梨玫瑰果醬是自家制，還有其他味記選擇，我最欣賞是這杯邪惡朱古力，上面舖滿朱古力碎，可可粉，白朱古力碎，飲落口很濃的朱古力味，好正🤭

閒日下午茶時段，人流唔多，輕鬆嘆tea小食好舒服，個朱古力真係好邪惡好吸引，濃濃朱古力味。痴_線朱古力賣相超正超crazy，堅係滿滿朱古力，仲要滿到漏哂出黎，濃郁香滑唔太甜，配咸食就無咁膩。滑蛋牛油果醬牛角包個雞好嫩滑，有奶香，牛油果醬加芥末，中和膩感，牛角包有牛油香，味道好正。痴_線朱古力咖啡都係濃濃朱古力味，但多份咖啡香，有堅果味，唔酸，個咖啡好好飲。炸雞翼即炸超香脆，肉質唔乾好入味，惹味香口小食。

員工態度非常好 好有禮貌，好到好似係酒店既服務態度👍🏻👍🏻食物好好食😋叫咗兩個素食 一個意大利飯 一個意粉🍝 個汁好食 熱辣辣朱古力好濃 超正 下次要試埋個甜品🥰🥰🥰

Sensory zero 既分店灣仔銅鑼灣沙田每次經過都會去，早餐食下佢既鬆餅或者牛角包🥐😍加杯crazy mocha ☕️ 提提神，仲有滿滿朱古力响面💕朱古力控點可以錯過🫢佢地既超邪惡朱古力同咖啡都係一試難忘💕仲有小食，雞翼好脆夠味得來剛剛好不會太咸🥰蕃薯薯條、餃子🥟😍😍😍恰到好處😍重點下午茶推薦肉鬆牛角包🥐位置在連卡佛入面可能唔覺眼，平日中午去可以享受一個清靜既午餐，大家去開行街唔好錯過💕