しゃぶしゃぶ四季 (Closed)

上次一連經過見到仍未開，最近看著幾間餐廳一齊開咗，就在門口已有菜單，看到有下午茶就入去試試。每樣東西也十分清潔，擺放也齊整。選了美國特選去骨肩胛牛小排讚岐烏冬，送上來的蔬菜及菇也非常新鮮，但牛肉只得三片。番茄湯底到時內裏已放了烏冬，開著爐等到湯滾時要快手把烏冬取出。 如果餐廳可以改為自己放烏冬會好D，因為烏冬也不耐煮，而且令人有趕快吃感覺。見到內裏裝修高級，但汽水也只是原罐出。內有個長櫃頂好整齊放火鍋器皿，也有幾tray 已裝水水杯，不過可惜不會主動俾客人，要客人係要問才給水。

馬鞍山呢個位置一連開左幾間新店，有cafe有拉麵有台式飲品同呢間火鍋店，火鍋店長期有店員企係門口歡迎你，店員服務都不錯。以為冇乜人食，點知原來入面位置都幾大，都幾多人食。馬鞍山冇乜火鍋店，有既都係任食既多，難得有D單叫既高質火鍋店，當然要一試啦。套餐介乎百幾蚊至二百幾蚊，有野菜盛合，包白飯/烏冬，野飲跟餐叫既話+10蚊，罐裝飲品。烏冬唔錯，冇乜特別。野菜盛合，生菜非常甜，菇全部都好新鮮。叫左一個牛小排鍋套餐($138)，一個海鮮鍋套餐($188)，另外單叫一份極上牛舌($48)，一份大滿足五品盛合($158)，一份唐揚八爪魚($48)。唐揚八爪魚係熱辣辣，唔係好多粉，八爪魚都幾大條，幾彈牙，唔係好油，唔錯。湯底一個蕃茄一個鰹魚，湯底就麻麻地，唔夠濃味。極上牛舌睇幅圖大約估計係8塊，但尼到應該有12塊，都幾抵。牛舌非常有牛味，而且好彈牙，唔會煮到淋晒，好有口感又好好味。48蚊有12塊都好抵食。牛小排非常有牛肉味，好香，亦都彈牙，唔會鞋。海鮮有帶子、蜆、蠔、蝦、北寄貝。北寄貝有少少un，帶子都唔細粒，好甜，蜆都十分鮮甜，冇沙。蝦睇落麻麻，但食落都好蝦味，D肉都唔霉，仲有好多蝦膏。蠔個人尼講