SHAKE SHACK (太古廣場)

Open Now

Now Closed

今日經過金鐘突然之間好想食漢堡包，於是就嚟咗Shake Shack。人手櫃檯同枱頭自助機都揀唔到set，但喺佢嘅下單網頁就會搵set。今次叫咗Smoke Shack 嘅set ，配咗份芝士薯條，香港限定嘅Mango Bubble，同有杯雪糕緊。其中一個欣賞佢嘅地方就係佢有濕紙巾派，淨係呢張紙巾都可以值返$1蚊。怕佢溶，一嚟就緊係食雪糕先。雲呢拿味，質感唔錯，跟set 買先有得平架。SmokeShack, 為免太飽叫咗單層算，個包唔算細，煙肉相當脆口，包入面塊牛扒煎至皮脆，牛味濃郁。芝士薯條芝士濃厚，食完有啲飽飽滯滯。不可不試嘅係呢個香港先有嘅Mango Bubble, 香甜芒果味，但兩啖就飲晒。

一講burger，就諗起Shake Shack😆好好味的burger配上milk shake簡直一大享受我的舌尖已經比佢哋仲壞晒啦🤣🤣黎Shake Shack 點可以唔食Shack Burger 🍔100%全天然安格斯牛肉漢堡🐮絕無添加激素和抗生素咬落去啖啖濃烈嘅牛牛味加入番茄🍅生菜🥬 醃青瓜🥒 再淋上自家Shack Sauce🥣 更帶出的肉肉香味超juicy，勁滿足🤤🤤 配上今個香港秋天限定奶昔「楊珠甘露」(Mango Bubble Shake) 🍋🥛 Perfect ❤️將家傳戶曉香港地道糖水楊枝甘露加入奶昔內估唔到咁夾😋😋以Shake Shack 的自家製雲呢享雪糕結合芒果蓉和椰漿加埋新鮮柚子肉，芒果百香果爆珠細細一杯，內含多層次享受😌更展現出香港的飲食文化👏🏻👏🏻Mango Bubble Shake 已於10月24日起登陸香港全線 Shake Shack大家一齊嚟試吓啦😉😉

Shake Shack對我來說 就是一家這樣的店選擇如此之少 還每隔一兩個月就得encore每次猶豫半天 卻總會做一模一樣的選擇ouble shakeburgerBacon cheese fries而唯一會變的就是飲料這次來了個易拉罐新款 fifty fifty也是刷新飲料難喝的下限 讓我想起了小時候的黑暗回憶 黑松沙士

【中西區】【Shake Shack】好耐之前已經食過呢間美心集團管理嘅美式漢堡店，不過當時都幾耐之前，已經唔記得係食咗啲乜，只係記得係喺沙田嗰間食。今次喺金鐘太古廣場呢啲高級少少嘅地方，我就嘗試重溫，睇吓記唔記得返同嗰時係咪差唔多。叫咗 $58 嘅「Shack Burger」，即係芝士漢堡配生菜、蕃茄同埋特製醬汁，我覺得都可以，只係好似冇乜特別咁。叫埋 $43 嘅「Bacon Cheese Fries」，薯條上面加咗特製芝士醬同蘋果木薰嘅煙肉粒，呢個幾邪惡，係唔錯。飲品方面，我叫咗個 $45 嘅「Milk Tea Shake」，即係奶茶奶昔，話係香港店限定，我就叫杯飲吓，茶味都有，但反而冇咗奶昔感，感覺似溶咗啲嘅奶茶雪糕咁。然後我仲叫埋甜品，叫咗 $42 嘅「Shack Attack」嚟食吓。個描述就講到佢好複雜，但食落感覺就係朱古力雪糕加啲餅乾、軟糖醬和黑朱古力塊，上面再灑啲可可粉咁，我食嗰陣已經有啲融咗，之後屙到我癡筋，哎。埋單價係 $188，冇計，佢每樣嘢都係散叫冇套餐嘅，叫叫吓就咁喇。。。（地址：金鐘金鐘道88號太古廣場L1樓105A號舖）#1amfoodie #foodie

去完香港公園，諗住去Shake Shack試開心果奶昔，原來已經無咗，不過唔緊要啦，反正好耐無食就懷緬一下，點知水準好似有啲落差。🥢Shack Burger $58 ⭐️⭐️單層牛肉漢堡，醬汁好味，材料新鮮，可惜塊牛太乾，一啲肉汁都無。🥢Shack Stack $90 ⭐️⭐️⭐️係Shack Burger個餡，只係多咗塊有流心芝士嘅大啡菇，菇咬落juicy又爆芝士，好味又邪惡，但同樣係牛太乾問題。🥢Cheese Fries $37 ⭐️⭐️⭐️波浪薯條係必叫嘅，芝士控不會錯過嘅兩重芝士- 車打芝士+美國芝士醬，好味到啜手指。🥢Chicken Bites $39 ⭐️⭐️⭐️⭐️絕對好食過M記麥樂雞，雞塊夠熱又juicy，兩款醬都惹味各有千秋，鍾意食辣就試蜜糖芥末醬。🥢Milk Tea Shake $45 ⭐️⭐️⭐️⭐️香港限定奶茶奶昔，夠香夠濃夠滑，特別味一定要試，前排有開心果味，可惜錯過咗。二人共消費: $269

今晚忽然想吃burger, 便到了shack shack 試－下。其實它們除了menu 上的餐點外，還有secret menu, 今晚我試下bunless 無麵包的protein style.Shack burger這漢堡比麥記好得多，麵包軟熟，加上微焦的漢堡牛肉，幾有肉味，配上半溶芝士、清爽蕃茄和生菜，簡單而基本的口味，用料是唔錯的，味道亦不錯，份量剛剛好。Protein style 這bunless shack burger 正好為我們吃low carb 的人仕著想，用兩片生菜代替麵包！吃起來，味道更加清爽，漢堡牛肉juicy , 加上芝士、蕃茄和啖啖生菜平𧗾咗牛肉的肥膩感，多多菜，啖啖肉，也少－點邪惡感。Pink lemonade 這lemonade 比平日版多－陣柚子味，不但有檸檬酸爽感覺，又有柚子風味，冰涼清爽，Fries這薯條真可口！粗身的薯條更有口感，既脆香，炸得不油膩，又有薯味，沾上茄汁，好吃。

今日喺太古廣場呢一邊睇完戲就決定同朋友喺附近搵啲嘢食，呢一間餐廳喺太古廣場戲院下邊，我哋行過去真係1分鐘都唔使，我哋之前都食過其他分店，所以就決定試吓！我哋叫咗一個牛肉漢堡，同埋一個炸雞漢堡，我就食牛肉漢堡，我覺得佢嘅漢堡扒都幾juicy, 煎得都幾香，食落亦都唔會有太肥膩嘅口感，再加埋生菜蕃茄同埋佢本身嘅醬汁，食落去都唔錯 朋友都大贊佢炸雞漢堡，都話幾好，而且炸雞非常大塊，又唔會太乾，唯一美中不足係牛肉漢堡包有少少濕，不過overall都OK

見到Shake Shack最近推出咗期間限定的「開心果奶昔」🤩🤩作為開心果控的我當然要嚟支持下🙌🏻🙌🏻📍Shack Burger選用100%全天然安格斯牛肉🐮，絕無添加激素同抗生素～～麵包口感鬆軟，配上香濃芝士、番茄、生菜同自家出品Shack Sauce，啖啖滿足❤️❤️📍Fries嚟到一定要試埋佢地的招牌波浪薯條😋😋薯條拎上手時熱辣辣，炸得外脆內軟、好香口～邪惡之選🔥！！📍Pistachio Shake採用意大利開心果、鹽味蜜糖同自家製雲呢拿雪糕製成～～入口香濃幼滑，鹹中帶甜又帶堅果香！面層仲有滿滿的鮮忌廉、開心果碎同薄脆片，口感好豐富🤤🤤

去Times Square 搵嘢食😊見到shake shack 推出限定開心果奶昔～❣️Pistachi-yoo🥤意大利開心果及加入海鹽調味嘅全天然澳洲蜜糖，混入 Shake Shack 經典自家製雲呢拿雪糕中，味道帶點咸香且堅果味滿滿；再加上一層鮮忌廉，最後灑滿薄脆片同埋日本開心果碎，口感超豐富😊😋❣️Cheese Fries~呢度香脆招牌波浪薯條🍟配埋芝士醬或者dip奶昔食超正夠哂滋味😋❣️Shack burger & Smoke Shack ~漢堡煎得焦脆好juicy 😊

有時連鎖快餐食得多都會悶, 間唔是時要試下唔同既新口味🥹想食薯條漢堡選擇真係好多。係times Square行完搵見餓餓地就行左入去試下, 而且下午茶時段冇咩人。Shack Burger 第一眼已經俾大量溶化左既芝士吸引🧀配料有安格斯漢堡扒、芝士、生菜🥬蕃茄🍅係基本漢堡包配搭🍔越簡單越傳統越好味。麵包係屬於鬆軟果款, 漢堡扒牛肉味香濃有肉汁, 而新鮮既生菜同蕃茄可以中和其他配料的膩感。芝士波浪薯條 薯條炸得金黃香脆🍟波浪形薯條使薯條更脆口, 加上灑上辣粉既芝士醬, 口味濃郁亦有帶點香辣。 香脆雞粒 (蜜糖芥末)雞粒外層炸得香脆, 肉汁依然保持多汁😋雞粒大約有10件, 一口一件好方便。

Participated in the burger day and try the buffalo chicken burgers for buy 1 get 1 free The buffalo sauce was thick and VERY SALTY despite that, the chicken is good on its own with a crunchy outer layer We also tried the cheesy fries The cheese sauce is pretty standard but the fries were great: crinkled and crispy Next time can get just the plain fries!

這間來自美國紐約人氣漢堡品牌，分店遍及港九新界，不時推陳出新新產品，這次將深受港人喜愛的紐約美食—「水牛城辣雞風味系列」，帶到香港。水牛城辣雞堡 - $63鬆軟的招牌薯仔麵包夾著大大塊酥脆可口的雞扒，可自選雞腿或雞胸肉，雞腿會較滑嫩有彈性，而較大塊的雞胸則脂肪較少，同樣保持豐富肉汁，染上惹味的水牛城辣汁，帶微微酸甜香辣，再加上秘製牧場醬、醃青瓜和生菜平衡膩感。水牛城辣芝士薯條 - $43招牌波浪紋薯條金黃酥脆，外脆內軟，均勻撒滿香辣的自家製水牛城辣粉，淋滿濃郁芝士醬，可再蘸上牧場醬。水牛城脆辣雞粒 - $43/6粒每粒一口大小的雞粒外酥內嫩，雪白的雞胸肉好飽滿，毫不乾柴，沾滿著香辣的水牛城辣汁好惹味，同樣可蘸上牧場醬。Lemonade - $27自家製美式檸檬水酸甜適中，陣陣檸檬味冰凍清新。

Shake Shack 又有新產品，今次推岀嘅Burger同Fries係期間限定，配上Buffalo 水牛城辣汁，味道夠哂開胃，中意呢個口味嘅朋友絕對唔好錯過！.🍔 水牛城辣雞堡 Buffalo Chicken Sandwich $63: 雞腿肉炸至外皮酥脆，肉質嫩滑，裹上惹味水牛城辣汁，酸酸辣辣，帶獨特煙燻香氣，淋上秘製ranch sauce，配上生菜、醃青瓜，到個漢堡唔會太膩，帶點清新～🍟 水牛城辣芝士薯條 Buffalo Spiced Cheese Fries $43: 香脆波浪紋薯條，加上熱溶芝士，再灑上自家製水牛城辣粉，帶微辣又有拉絲效果，配上ranch sauce，好邪惡～🍗 水牛城脆辣雞粒 Buffalo Chicken Bites (6pcs) $43: 香脆雞粒配上惹味水牛城辣汁，再灑上自家製水牛城辣粉，雙倍刺激～🍋 自家製芒果熱情果美式檸檬水 Mango Passion Lemonade $27: 食咗漢堡同薯條叫杯lemonade，加入芒果同熱情果，酸酸甜甜夠refreshing～

Tea time at shake shack PP! I love this time of the day as the restaurant is not busy! We ordered three burgers. Two Shack Single cheese burgers and a Shroom burger, a side of crinkle fries, a chocolate shake and the mango and the passion fruit drink! The shack burgers were freshly made, the beef patties were juicy and and cheese were nice and melted! The shroom burger was a bit greasy because the mushroom was deep fried. Overall the burgers were great and chocolate shake was smooth and creamy!

每次想食 🍔 就會諗起Shake Shack😋🍔Shack Burger $54芝士漢堡配生菜、番茄、自家秘製ShackSauce，漢堡扒好raw好juicy，係我鍾意嘅口感，外層麵包好軟熟又就充滿牛油香，每次必叫之選好正😋甜辣脆雞堡 $61原塊脆雞胸大大塊十分厚身，炸到外層酥脆，但裡面依然保持多汁嫩滑特調嘅甜辣醬香辣惹味，帶點泰式風味幾特別同脆雞幾match 🙌🏼Chicken Bites $52 (10pcs)脆炸雞塊可配BBQ或蜜糖芥末醬，一樣滋味十足，雞肉保留到肉汁之餘，炸粉皮唔會厚炸得好香脆！非常適合鍾意啖啖肉嘅朋友😈Lemonade 自家製美式檸檬水 $25入口酸酸地唔會太甜，開胃解膩Black & White Classic Shakes $42雲呢拿朱古力經典奶昔，食burger飲milkshake 至高享受😎將雪糕打成milkshake🥤香滑又creamy，鍾意甜食嘅朋友一定好鍾意💯@shakeshackhongkong #shakeshackhongkong #shakeshackhk #hothoneychickenseries #shackburger